ຕາມຂ່າວCRI: ກຽກກິດສະຖານເກີດຄວາມວຸ້ນວາຍຮອດປະຈຸບັນໄດ້ເກືອບໜຶ່ງອາທິດແລ້ວ. ຕາມຕົວເລກຫຼ້າສຸດຂອງກະຊວງສາທາລະນະສຸກຂອງກຽກກິດສະຖານໃນວັນທີ 16 ມິຖຸນານີ້, ຈຳນວນຄົນເສຍຊີວິດໃນເຫດການຈາລະຈົນທີ່ເກີດຂຶ້ນຢູ່ພາກໃຕ້ກຽກກິດສະຖານໄດ້ເພີ່ມຂຶ້ນເປັນ 190 ຄົນແລ້ວ, ມີ 1918 ຄົນບາດເຈັບ. ລັດຖະບານຊົ່ວຄາວກຽກກິດສະຖານກ່າວວ່າ, ຜູ້ສະໜັບສະໜູນຂອງທ່ານຄູມັນເບັກ ບັກເຢັຟ, ອະດີດປະທາ ນາທິບໍດີກຽກກິດສະຖານໄດ້ຍອມຮັບວ່າໄດ້ວາງແຜນແລະເຂົ້າຮ່ວມກໍ່ຄວາມວຸ້ນວາຍຂະໜາດໃຫຍ່ທີ່ເກີດຂຶ້ນຢູ່ພາກໃຕ້.
ພ້ອມກັນນັ້ນ, ນາງໂຣຈາ ໂອທຸນເບເຢວາ, ປະທາ ນາທິບໍດີຊົ່ວຄາວກຽກກິດສະຖານຮຽກຮ້ອງໃຫ້ຈັດການຢັ່ງຫາງສຍງປະຊາຊົນຂຶ້ນຕາມເວລາກຳນົດ.ລັດຖະບານຊົ່ວຄາວກຽກກິດສະຖານປະກາດວ່າ, ເລີ່ມແຕ່ວັນທີ 16 ມິຖຸນານີ້, ທົ່ວປະເທດກຽກກິດສະຖານໄດ້ປະກາດເປັນວັນໄວ້ອາໄລ 3 ວັນ, ເພື່ອລະລຶກເຖິງຜູ້ເສຍຊີວິດໃນເຫດການຈາລະຈົນທີ່ເກີດຂຶ້ນຢູ່ພາກໃຕ້ກຽກກິດສະຖານ. ໃນ 3 ວັນດັ່ງກ່າວ, ທຸກສຳນັກງານອົງການທົ່ວປະເທດຫຼຸດທຸງລົງເຄິ່ງເສົາ, ງົດລາຍການບັນເທີງທັງໝົດຂອງສະຖານີໂທລະພາບແລະວິທະຍຸ. ວັນທີ 16 ມິຖຸນານີ້, ກະຊວງພາວະສຸກເສີນຂອງຣັດເຊຍໄດ້ສົ່ງຍົນຂົນສົ່ງ 3 ລຳໄປກຽກກິດສະຖານ, ທີ່ດ້ບັນທຸກເຄື່ອງເຊື່ອເຫຼືອມະນຸດສະທຳປະມານ 130 ໂຕນ, ໃນນັ້ນລວມທັງນ້ຳຕານ 30 ໂຕນ, ກະປ໋ອງຊີ້ນ 69 ໂຕນແລະຜ້າຫົ່ມໝື່ນກວ່າຜືນ.
ວັນທີ 16 ມິຖຸນານີ້, ທ່ານອິສມາເອວ ອີຊາຄົຟ,ລັດຖະມົນຕີວ່າການກະຊວງປ້ອງກັນປະເທດລັດຖະບານຊົ່ວຄາວກຽກກິດສະຖານກ່າວວ່າ,ລັດຖະບານຂອງກຽກກິດສະຖານສາມາດຟື້ນຟູຄວາມຫມັ້ນຄົງດຢູ່ເຂດພາກໃຕ້ດ້ວຍຕົນເອງ,ປະຈຸບັນ,ບໍ່ຕ້ອງການກອງທະຫານຮັກສາສັນຕິພາບ ສາກົນ . ທ່ານຍັງແຈ້ງຕື່ມອີກວ່າ,ນັບແຕ່ວັນທີ15 ມິຖຸນາເປັນຕົ້ນມາ,ຢູ່ເມືອງໂອສ໌ແລະເຂດຈາລາ ລາບັດ, ການຟື້ນຟູຄືນໃຫມ່ໄດ້ເລີ່ມດຳເນີນແລ້ວເປັນຕົ້ນວ່າສ້ອມແປງເສັ້ນທາງແລະສິ່ງອຳນວຍຄວາມສະດວກໃນຊີວິດປະຈຳວັນ ໂທລະຄົມແລະຮ້ານ ຄ້າຈຳນວນຫນຶ່ງກໍ່ໄດ້ເລີ່ມເປີດການບໍລິການ.
ມື້ດຽວກັນ, ນາງໂຣຈາ ໂອທູນບາເຢວາ,ປະທານາທິບໍດີ ລັດຖະບານຊົ່ວຄາວຂອງກຽດກິດສະຖານກໍ່ກ່າວວ່າ,ປະຈຸບັນ,ເມືອງໂອສ໌ ແລະແຫ່ງອື່ນໆບໍ່ຕ້ອງການໃຫ້ກອງທະຫານຮັກສາສັນຕິພາບສາກົນເຂົ້າມາຮັກສາຄວາມເປັນລະບຽບຮຽບຮ້ອຍ, ແຕ່ທ່ານນາງຍັງເຕືອນໃຫ້ກອງທັບຕ້ອງມີສະຕິລະວັງຕົວໃນການປ້ອງກັນ,ເພື່ອປ້ອງກັນບໍ່ໃຫ້ຄວາມວຸ້ນ ວາຍເທື່ອນີ້ແຜ່ລາມໄປຮອດເຂດພາກເຫນືອຂອງປະເທດ.
ວັນທີ16ມິຖຸນານີ້,ຕຳຫຼວດຂອງນະຄອນຫຼວງບິສເຄັກຂອງກຽກກິດສະ ຖານແຈ້ງວ່າ, ເຂົາເຈົ້າໄດ້ຈັບຕົວຜູ່ຖືກສົງໄສກໍ່ເຫດຈະລາຈົນ 100 ກວ່າຄົນຢູ່ເມືອງນີ້. ໃນກອງປະຊຸມຂ່າວທີ່ຈັດຂຶ້ນໃນມື້ດຽວກັນ,ເຈົ້າຫນ້າທີ່ຂອງພະແນກວຽກງານພາຍໃນບິສເຄັກກ່າວວ່າ,ປະຈຸບັນ, ມີມືທີສາມພະຍາຍາມໃຊ້ເງິນຊີ້ແຈ້ງປະຊາຊົນໃຫ້ກໍ່ເຫດ.ທ່ານກ່າວເນັ້ນວ່າ,ປະຊາຊົນກຽກກິດສະຖານແມ່ນມິຄວາມສາມັກຄີກັນ, ຕຳຫຼວດຂອງນະຄອນຫຼວງມີຄວາມສາມາດອັນພຽງພໍເພື່ອຮັບປະກັນຄວາມປອດໄພແລະຄວາມເປັນລະບຽບ ຮຽບຮອຍ. ມື້ດຽວກັນ,ເຈົ້າຫນ້າທີ່ຕຳຫຼວດຂອງລັດຈາລາ ລາບັດກ່າວວ່າ, ຜູ່ສະໜັບສະໜູນຂອງທ່ານຄຸຣມັນເບັກ ຄາຄີເອັຟ,ອະດີດປະທານາທິບໍດີທີ່ເຂົາເຈົ້າໄດ້ຈັບຕົວນັ້ນໄດ້ຍອມຮັບວ່າມີສ່ວນຮ່ວມໃນການວາງແຜນກໍ່ຄວາມວຸ້ນວາຍຂະໜາດໃຫຍ່ເທື່ອນີ້ທີ່ເກີດຂຶ້ນຢູ່ພາກໃຕ້.
ພາຍຫັຼງເກີດເຫດການຈະລາຈົນແລ້ວ,ມີນັກວິເຄາະຊີ້ອອກວ່າ,ເຫດການຈະລາຈົນເທື່ອນີ້ແມ່ນແນໃສ່ລົບກວນການຢັ່ງປະຊາມະຕິແລະການປ່ອນບັດເລືອກຕັ້ງສະພາຂອງກຽກກິດສະຖານ,ອີງຕາມແຜນການເດີມ,ການເລືອກຕັ້ງສະພາຈະຈັດຂຶ້ນໃນວັນທີ10ຕຸລາປີນີ້,ສ່ວນການຢັ່ງປະຊາມະຕິຕໍ່ລັດຖະທຳມະນູນສະບັບໃໝ່ຈະຈັດຂຶ້ນໃນວັນທີ27ມິຖຸນານີ້.ພາຍ ຫຼັງເກີດເຫດການຈະລາຈົນແລ້ວ,ມີບຸກຄົນພັກຝ່າຍການເມືອງກ່າວວ່າ,ຕ້ອງເລື່ອນເວລາຈັດ ການຢັ່ງປະຊາມະຕິຕໍ່ລັດຖະທຳມະນູນໃໝ່.ກ່ຽວກັບເລື່ອງນີ້,ໃນວັນທີ15ມິຖຸນານີ້,ນາງໂຣ ຊາ ໂອທຸນບາເອວາ,ປະທານາທິບໍດີລັດຖະບານຊົ່ວຄາວກຽກກິດສະຖານຕອບໂຕ້ຄືນວ່າ,ການຢັ່ງປະຊາມະຕິຕ້ອງດຳເນີນຕາມກຳນົດເວລາເດີມ,ຖ້າບໍ່ດັ່ງນັ້ນ,ຂະບວນການສ້າງສາປະເທດຄືນໃໝ່ທີ່ກຳລັງປະຕິບັດຢ່າງຫຍຸ້ງຍາກນັ້ນຈະຖືກກະທົບຢ່າງຮ້າຍແຮງ.
ລັດຖະບານຊົ່ວຄາວກຽກກິດສະຖານກໍກ່າວວ່າ,ການເຄື່ອນໄຫວໃດໆທີ່ເຈດຕະນາຢາກໃຊ້ກຳລັງຮຸນແຮງໂຄ່ນລົ້ມອຳນາດການປົກຄອງປະຈຸບັນນັ້ນລ້ວນແຕ່ຈະທຳລາຍປະເທດ.ການຈັດການເລືອກຕັ້ງສະພາໂດຍໄວແມ່ນຊ່ອງທາງພຽງອັນດຽວທີ່ເຮັດໃຫ້ປະເທດບັນລຸສະຖຽນລະພາບແລະຢຸດຕິການປະທະກັນດ້ວຍຄວາມຮຸນແຮງ.ວັນທີ16ມິຖຸນານີ້,ລັດຖະບານຊົ່ວຄາວກຽກກິດສະຖານສົ່ງສານໄປຍັງປະຊາຊົນໂດຍກ່າວວ່າຈະຈັດການເລືອກຕັ້ງສະພາກ່ອນເວລາກຳນົດ.ລັດຖະບານຊົ່ວຄາວກຽກກິດສະຖານກ່າວເນັ້ນວ່າ,ມີແຕ່ແກ້ໄຂບັນຫາການເມືອງໃຫ້ຕົກເທົ່ານັ້ນ,ຈຶ່ງຈະສາມາດເຮັດໃຫ້ປະເທດມີສະຖຽນລະພາບ.ລັດຖະບານຊົ່ວຄາວກຽກກິດສະຖານກຽມລົງມືຈັດການເລືອກຕັ້ງສະພາໃນທັນທີພາຍຫຼັງການຢັ່ງປະຊາມະຕິສິ້ນສຸດລົງແລ້ວ,ວັນເວລາທີ່ຈະແຈ້ງຈະແມ່ນເວລາທີ່ໄວທີ່ສຸດທີ່ບົ່ງໄວ້ໃນກົດໝາຍ.
