ຈີນຊົມເຊີຍນາງຈູເລຍ ຈິລາດທີ່ໄດ້ຮັບຕຳແໜ່ງນາຍົກອົສຕຼາລີ
(GMT+08:00) 2010-06-24 17:43:48 cri
ຕາມຂ່າວCRI: ວັນທີ24ມິຖຸນານີ້, ຢູ່ປັກກິ່ງ, ທ່ານສິນກ່າງ, ໂຄສົກກະຊວງການຕ່າງປະເທດຈີນກ່າວວ່າ, ຈີນຊົມເຊີຍນາງຈູເລຍ ຈິລາດທີ່ໄດ້ຮັບຕຳແໜ່ງນາຍົກລັດຖະມົນຕີຜູ້ໃໝ່ຂອງອົສຕຼາລີ.
ວັນທີ24ມິຖຸນານີ້ຕາມເວລາທ້ອງຖິ່ນ, ພັກແຮງງານ ເຊິ່ງເປັນພັກກຳອຳນາດອົສຕຼາລີໄດ້ຈັດການເລືອກຕັ້ງພາຍໃນພັກ, ນາງຈູເລຍ ຈິລາດໄດ້ຮັບການເລືອກຕັ້ງເປັນຫົວໜ້າພັກແຮງງານ. ມື້ດຽວກັນ, ຢູ່ແຄັມເບີຣາ, ນາງຈິລາດໄດ້ສາບານຕົວຂຶ້ນຮັບຕຳແໜ່ງນາຍົກລັດຖະມົນຕີຜູ້ໃໝ່ຂອງອົສຕຼາລີ.
ທ່ານສິນກ່າງກ່າວວ່າ, ປະຈຸບັນ, ການພົວພັນຈີນອົສຕຼາລີມີທ່ວງທ່ຽງທີ່ຂະຫຍາຍເປັນຢ່າງດີ, ຈີນຍິນດີສືບຕໍ່ຮ່ວມກັບລັດຖະບານແລະວົງການຕ່າງໆຂອງອົສຕຼາລີທຳຄວາມພະຍາຍາມ ເພື່ອຊຸກຍູ້ການພົວພັນຄູ່ຮ່ວມມືຢ່າງຮອບດ້ານຈີນອົສຕຼາລີຂະຫຍາຍໄປໜ້າຢ່າງບໍ່ຢຸດຢັ້ງ, ສ້າງຄວາມສຸກໃຫ້ແກ່ປະຊາຊົນທັງສອງປະເທດ.
ພ້ອມກັນນັ້ນ, ທ່ານສິນກ່າງຍັງໄດ້ສະແດງຄວາມຊົມເຊີຍຕໍ່ທ່ານເຄວິນ ໂຣດທີ່ໄດ້ອອກແຮງຂະຫຍາຍການພົວພັນຄູ່ຮ່ວມມືມິດຕະພາບກັບຈີນໃນໄລຍະດຳລົງຕຳແໜ່ງນາຍົກລັດຖະມົນຕີອົສຕຼາລີ.
