ການຢ້ຽມຢາມການາດາຂອງທ່ານຫູຈີນທາວໄດ້ເພີ່ມຄວາມໄວ້ເນື້ອເຊື່ອໃຈກັນ,ແລະເປີດກວ້າງການຮ່ວມມື
(GMT+08:00) 2010-06-29 14:58:42 cri
ຕາມຂ່າວ cri:ເລີ່ມແຕ່ວັນທີ 23 ຫາວັນທີ 27 ມິຖຸນານີ້, ທ່ານຫູຈີນທາວ, ປະທານປະເທດຈີນໄດ້ຢ້ຽມຢາມການາດາທາງລັດຖະກິດ ແລະໄດ້ເຂົ້າຮ່ວມກອງປະຊຸມສຸດຍອດຄັ້ງທີ 4 ຂອງກຸ່ມ 20 ປະເທດຫລື G20 ທີ່ຈັດຂຶ້ນຢູ່ໂຕຣອນໂຕ.ໃນເວລາສິ້ນສຸດການຢ້ຽມຢາມ, ທ່ານຢາງເຈຊື,ລັດຖະມົນຕີວ່າການກະຊວງການຕ່າງປະເທດຈີນທີ່ຕິດຕາມການຢ້ຽມຢາມນັ້ນເຫັນວ່າ, ການຢ້ຽມຢາມເທື່ອນີ້ໄດ້ເພີ່ມຄວາມໄວ້ເນື້ອເຊື່ອໃຈເຊິ່ງກັນແລະກັນ,ແລະໄດ້ເປີດກວ້າງການຮ່ວມມື,ການຢ້ຽມຢາມໄດ້ຮັບຫມາກຜົນຢ່າງສູງແລະ ຈົບງາມ.
ໃນໄລຍະຢູ່ການາດາ, ທ່ານຫູຈີນທາວໄດ້ເຂົ້າຮ່ວມການເຄື່ອນໄຫວຫລາຍຝ່າຍແລະສອງຝ່າຍ 30 ກວ່າເທື່ອ.ໃນເວລາຢ້ຽມຢາມການາດາທາງລັດຖະກິດ,ທ່ານຫູຈີນທາວໄດ້ເລີ່ມຈາກການຂະຫຍາຍການພົວພັນລະຫວ່າງຈີນກັບການາດາ,ກວ່າວເຖິງຈຸດປະສົງອັນສຳຄັນເພື່ອຊຸກຍູ້ຈີນແລະການາດາຮ່ວມມືກັນຢ່າງແທ້ຈິງໃນຂົງເຂດຕ່າງໆແລະຊຸກຍູ້ການພົວພັນຄູ່ຮ່ວມມືຍຸດທະສາດລະຫວ່າງສອງປະເທດໃຫ້ກ້າວໄປຫນ້າໃນສະພາບການໃຫມ່.ສອງຝ່າຍໄດ້ກ່າວຢ້ຳຈະທຸ່ມເຫື່ອເທແຮງໃນການຂະຫຍາຍການພົວພັນຄູ່ຮ່ວມມືຍຸດທະສາດ,ເພື່ອສ້າງອະນາຄົດທີ່ກວ້າງໄກໃຫ້ແກ່ການຂະຫຍາຍຕົວຂອງການພົວພັນຈີນການາດາ.ຜູ່ນຳສອງປະເທດເປັນເອກະ ສັນກັນເຫັນດີໃຫ້ຍົກມູນຄ່າການຄ້າລະຫວ່າງສອງຝ່າຍຂຶ້ນເປັນ 60 ຕື້ໂດລາພາຍໃນປີ 2015.ພາກສ່ວນລັດຖະບານແລະວິສາຫະກິດຂອງສອງປະເທດຍັງໄດ້ເຊັນເອກະສານຮ່ວມມື 10 ສະບັບທີ່ກ່ຽວພັນເຖິງຂົງເຂດເສດຖະກິດການຄ້າ, ການທ່ອງທ່ຽວ, ການກວດກາຄຸນນະພາບ,ການປະຕິບັດກົດຫມາຍ,ບໍ່ແຮ່ແລະພະລັງງານ.ນອກນີ້,ຍັງໄດ້ເຊັນສັນຍາປາຍທາງຂອງການທ່ອງ ທ່ຽວຈີນການາດາຢ່າງເປັນທາງການ,ເຊິ່ງຖືເປັນຫນ້າໃຫມ່ແຫ່ງການແລກປ່ຽນດ້ານວັດທະນະທຳລະຫວ່າງສອງປະເທດ.
ຫນ້າທີ່ສຳຄັນຂອງກອງປະຊຸມສຸດຍອດໂຕຣອນໂຕເທື່ອນີ້ແມ່ນຫາລືສະຖານະການເສດຖະກິດການເງິນຂອງໂລກ, ການເຕີບໂຕຢ່າງແຂງແຮງ, ຕໍ່ເນື່ອງແລະສະຫມ່ຳສະເຫມີ,ການປະຕິຮູບອົງການການເງິນສາກົນ, ການຕິດຕາມຄຸ້ມຄອງການເງິນສາກົນແລະບັນຫາທົ່ວໂລກທີ່ສຳຄັນ.ຝ່າຍຕ່າງໆໄດ້ໃຫ້ຄວາມສົນໃຈຢ່າງສູງແລະມີຄວາມຫວັງສູງຕໍ່ຜູ່ນຳຈີນແລະຫລັກຫມັ້ນຂອງຈີນໃນກອງປະຊຸມ.
ໃນກອງປະຊຸມສຸດຍອດ,ທ່ານຫູຈີນທາວໄດ້ກ່າວຄຳປາໄສສຳຄັນໃນຫົວຂໍ້: ຮ່ວມແຮງຮ່ວມໃຈກັນ,ສ້າງອະນາຄົດຮ່ວມກັນ,ທ່ານໄດ້ກ່າວເຖິງທັດສະນະຂອງຈີນທີ່ມີຕໍ່ສະຖານະການເສດຖະກິດໂລກປັດຈຸບັນຢ່າງຮອບດ້ານ, ແລະຮຽກຮ້ອງໃຫ້ທຸກຝ່າຍສືບຕໍ່ເສີມຂະຫຍາຍການປະ ສານງານກັນ, ຊຸກຍູ້ໃຫ້ເສດຖະກິດໂລກເຂົ້າສູ່ໄລຍະເຕີບໂຕທີ່ແຂງແຮງ,ຕໍ່ເນື່ອງແລະສະຫມ່ຳສະເຫມີໂດຍໄວ.ທ່ານຍັງໄດ້ສະເຫນີ 3 ຂໍ້ອອກ.ໂດຍແນໃສ່ແກ້ໄຂທິດຂະຫຍາຍຂອງກົນໄກກຸ່ມ 20 ປະເທດຫລັງວິກິດການການເງິນ, ທ່ານຫູຈີນທາວກ່າວເນັ້ນວ່າ,ຄວນເບີ່ງໄປໄລຍະຍາວ,ຊຸກຍູ້ກຸ່ມ 20 ປະເທດຈາກການຮ່ວມມືກັນກະຕຸ້ນເສດຖະກິດຫັນໄປສູ່ການປະສານງານກັນໃຫ້ເຕີບໂຕ, ຈາກການຮັບມືກັບສະພາວະສຸກເສີນໃນໄລຍະສັ້ນຫັນໄປສູ່ການຄຸ້ມຄອງໄລຍະຍາວ,ຈາກການແກ້ໄຂໃນທ່າຮັບຫັນເປັນການວາງແຜນຢ່າງເປັນເຈົ້າການ.ຕໍ່ບັນຫາເຮັດແນວໃດຈິ່ງຈະບັນລຸຂອບການເຕີບໂຕຢ່າງແຂງແຮງ,ຕໍ່ເນື່ອງແລະສະຫມ່ຳສະເຫມີກັນນັ້ນ, ທ່ານຫູຈີນທາວກ່າວເນັ້ນວ່າຕ້ອງໃຫ້ສາມຂໍ້ນີ້ເປັນເອກະພາບກັນຢ່າງຕິດແທດ.ສ່ວນໃນບັນຫາການເພີ່ມທະວີການຕິດຕາມຄຸ້ມຄອງການເງິນສາກົນທີ່ຝ່າຍຕ່າງໆເອົາໃຈໃສ່ໂດຍທົ່ວໄປນັ້ນ, ທ່ານຫູຈີນທາວກ່າວວ່າ, ຄວນເລັ່ງລັດສຳເລັດການປັບປຸງອັດຕາສ່ວນຂອງອົງການກອງທຶນເງິນຕາສາກົນ, ຍົກລັກສະນະຕົວແທນຂອງປະເທດທີ່ພວມພັດທະນາໃຫ້ສູງຂຶ້ນແລະເພີ່ມສິດປະກອບຄຳຄິດຄຳເຫັນຂອງເຂົາເຈົ້າໃຫ້ຫລາຍຂຶ້ນ.
ທ່ານຢາງເຈຊືກ່າວວ່າ, ຄຳປາໄສຂອງທ່ານຫູຈີນທາວໄດ້ສ່ອງແສງໃຫ້ເຫັນທັດສະນະແລະບັນຫາທີ່ຈີນສົນໃຈນຳ,ທັງສອດຄ່ອງກັບຜົນປະໂຫຍດຮ່ວມໃນໄລຍະຍາວນານຂອງປະຊາຄົມໂລກ,ໄດ້ເຮັດໃຫ້ຝ່າຍຕ່າງໆທີ່ຮ່ວມປະຊຸມ, ປະຊາຄົມໂລກແລະຫາງສຽງມີການຕອບສະຫນອງເປັນຢ່າງດີ, ເຂົາເຈົ້າເຫັນໂດຍທົ່ວໄປວ່າ,ຈີນມີບົດບາດນັບມື້ນັບສຳຄັນໃນວຽກງານການເມືອງແລະເສດຖະກິດສາກົນ.ຄວາມເຫັນແລະຈຸດຢືນຂອງທ່ານຫູຈີນທາວໄດ້ຮັບຄວາມເຫັນດີແລະຕອບສະຫນອງໂດຍທົ່ວໄປຜູ່ນຳປະເທດຕ່າງໆທີ່ຮ່ວມປະຊຸມ, ປະເທດທີ່ພວມພັດທະນາກໍ່ຍິ່ງສະຫນັບສະຫນູນຢ່າງແຂງແຮງ, ເຂົາເຈົ້າເຫັນວ່າຄຳປາໄສຂອງທ່ານຫູຈີນທາວໄດ້ນຳພາເສດຖະກິດໂລກຂະຫຍາຍໄປສູ່ທິດທີ່ຖືກຕ້ອງ.
ທ່ານຢາງເຈຊືໄດ້ສະຫລຸບວ່າ, ການຢ້ຽມຢາມຂອງທ່ານຫູຈີນທາວເທື່ອນີ້ໄດ້ບັນລຸເປົ້າຫມາຍທີ່ຍົກການພົວພັນຄູ່ຮ່ວມມືຍຸດທະສາດລະຫວ່າງຈີນກັບການາດາໃຫ້ສູງຂຶ້ນ,ແລະໄດ້ຊຸກຍູ້ໃຫ້ກຸ່ມ 20 ປະເທດຂະຫຍາຍຕົວຢ່າງປອດໃສ,ທັງຊຸກຍູ້ໃຫ້ເສດຖະກິດໂລກຟື້ນຕົວຢ່າງຮອບດ້ານ.
