ລັດຖະມົນຕີຕ່າງປະເທດໄທສະແດງຄຳເຫັນຕໍ່ການພົວພັນໄທ-ຈີນ
(GMT+08:00) 2010-07-02 17:05:08 cri
ວັນທີ 1 ກໍລະ ກົດນີ້ແມ່ນວັນລະລຶກຈີນ-ໄທສ້າງສາຍພົວພັນທາງການທູດຄົບຮອບ 35 ປີ. ວັນທີ 30 ມິຖຸນາແລ້ວນີ້,ທ່ານກະສິດ ພິລົມ,ລັດຖະມົນຕີວ່າການກະຊວງການຕ່າງປະເທດໄທທີ່ມາເຂົ້າຮ່ວມກິດຈະກຳລະລຶກທີ່ກ່ຽວຂ້ອງຢູ່ຈີນນັ້ນ ໄດ້ໃຫ້ສຳພາດສະເພາະຕໍ່ນັກຂ່າວ ຂອງວິທະຍຸສາກົນແຫ່ງປະເທດຈີນຫຼື CRI , ເພື່ອປະກອບຄວາມຄິດຄວາມເຫັນທີ່ດີກ່ຽວກັບບັນຫາຕ່າງໆເຊັ່ນ:ການພົວພັນໄທ-ຈີນ,ການຮ່ວມມືກັນລະຫວ່າງສອງຝ່າຍ ພ້ອມດ້ວຍເຂດການຄ້າເສລີຈີນ-ອາຊຽນແລະອື່ນໆ:
ທ່ານກະສິດ ພິລົມ,ລັດຖະມົນຕີວ່າການກະຊວງການຕ່າງປະເທດກ່າວວ່າ,ໄມ ຕີຈິດມິດຕະພາບລະຫວ່າງໄທກັບຈີນມີມູນເຊື້ອມາແຕ່ບູຮານນະການ,ໂດຍສະເພາະແມ່ນນັບແຕ່ສ້າງສາຍພົວພັນທາງການທູດຄົບຮອບ 35 ປີເປັນຕົ້ນມາ,ສອງປະເທດໄດ້ຮ່ວມມືກັນຢ່າງໃກ້ຊິດກວ່າເກົ່າໃນຂົງເຂດການເມືອງ,ເສດຖະກິດ,ວັດທະນະທຳແລະອື່ນໆ, ແລ້ວໄດ້ຮັບຜົນສຳເລັດສູງ, ການພົວພັນລະຫວ່າງໄທກັບຈີນຖືກຖືເປັນການພົວພັນທີ່ດີງາມ. ໃນເວລາກ່າວເຖິງສາເຫດທີ່ການພົວພັນໄທ-ຈີນໄດ້ຮັບການພັດທະນາຢ່າງຮອບດ້ານແລະວ່ອງໄວ,ທ່ານກະສິດ ພິລົມ,ລັດຖະມົນຕີວ່າການກະຊວງການຕ່າງປະເທດໄດ້ສະຫຼຸບ 2 ຈຸດ,ຄື:
"ກ່ອນອື່ນ, ການແລກປ່ຽນໄປມາຫາສູ່ກັນລະຫວ່າງປະຊາຊົນສອງຊາດໄດ້ມີປະຫວັດຍາວນານມາແຕ່ບູຮານນະການ, ພວກເຮົາແມ່ນອ້າຍນ້ອງຄອບຄົວດຽວກັນ, ຄົນຈີນຫຼາຍພັນຫຼາຍຫມື່ນໄດ້ຍົກຍ້າຍໄປຢູ່ໄທ,ພ້ອມກັນນັ້ນກໍ່ມີຄົນໄທຈຳນວນຫຼວງຫຼາຍກໍ່ດຳລົງຊີວິດຢູ່ຈີນ, ສອງຊາດມີຊີວີດແບບເຊື່ອມໂຍງກັນ.ອັນທີສອງແມ່ນຜູ່ນຳທັງສອງປະເທດໄທ-ຈີນລ້ວນແຕ່ສົນໃຈນຳການຂະ ຫຍາຍການພົວພັນລະຫວ່າງສອງຊາດ.ບໍ່ວ່າແມ່ນຜູ່ນຳທັງສອງປະເທດໄດ້ມີການປ່ຽນແປງແນວໃດ,ກໍ່ຍັງຮັກສາຄວາມຕໍ່ເນື່ອງດ້ານນະໂຍບາຍໃນການຂະຫຍາຍການພົວພັນລະຫວ່າງສອງປະເທດ,ໃນເວລາໄທຕໍ່ສູ້ກັບວິກິດການການເງິນແລະຂາດເຂີນນ້ຳມັນເຊື້ອໄຟແລະຜະລິດຜະຕະພັນເຫຼືອ,ກໍ່ແມ່ນຈີນໃຫ້ການຊ່ອຍເຫຼືອແກ່ພວກຂ້າພະເຈົ້າຜ່ານຜ່າສະພາບຫຍຸ້ງ ຍາກເທື່ອແລ້ວເທື່ອອີກ. ສິ່ງທີ່ສຳຄັນກວ່ານັ້ນແມ່ນບໍ່ວ່າໃນສະພາບໃດ,ສອງປະເທດກໍ່ລ້ວນແຕ່ຍຶດຫມັ້ນຫຼັກການທີ່ບໍ່ແຊກແຊງວຽກງານພາຍໃນຂອງປະເທດອື່ນຕະຫຼອດມາ. ເຖິງວ່າການເມືອງຂອງໄທມີການປ່ຽນແປງແລະມີລັດຖະບານໃຫມ່ ເລື້ອຍໆ ກໍ່ຕາມ,ແຕ່ລັດຖະບານຈີນຍັງປະຕິບັດຕໍ່ລັດຖະບານໄທແຕ່ລະຊຸດດ້ວຍໄມຕີຈິດມິດຕະພາບຢ່າງສະເຫມີຕົ້ນສະເຫມີປາຍ."
ທ່ານກະສິດ ພິລົມກ່າວວ່າ, ແຕ່ໄທຈີນສ້າງສາຍພົວພັນທາງການທູດມານີ້, ສອງປະເທດໄດ້ດຳເນີນການຮ່ວມມືຢ່າງກວ້າງຂວາງໃນຂົງເຂດການເມືອງ, ເສດຖະກິດ, ວັດທະນະທຳ, ການສຶກສາ, ການລົງທຶນ, ການຄ້າແລະການທ່ອງທ່ຽວເປັນຕົ້ນ, ຫວັງວ່າສອງຝ່າຍຈະເປີດກວ້າງຂົງເຂດຮ່ວມມືຕື່ມອີກບົນພື້ນຖານດັ່ງກ່າວ, ຕົວຢ່າງວ່າດຳເນີນການຮ່ວມມືໃນຂົງເຂດຄົ້ນຄວ້າວິທະຍາສາດ, ພະລັງງານໃໝ່, ເຕັກນິກການບິນອະວະກາດແລະຢາພື້ນເມືອງຈີນເປັນຕົ້ນ.ໃນເວລາເວົ້າເຖິງບົດບາດຂອງເຂດການຄ້າເສລີຈີນ-ອາຊຽນທີ່ເລີ່ມປະຕິບັດຢ່າງຮອບດ້ານໃນວັນທີ 1 ມັງກອນນີ້ຕໍ່ການຊຸກຍູ້ການຄ້າແລະການລົງທຶນລະຫວ່າງໄທກັບຈີນ, ທ່ານກະສິດກ່າວວ່າ, ເຂດການຄ້າເສລີຈີນ-ອາຊຽນໄດ້ເສີມຂະຫຍາຍບົດບາດສຳຄັນໃນດ້ານການກຳຈັດກຳແພງການຄ້າ, ຊຸກຍູ້ໃຫ້ການຄ້າແລະການລົງທຶນສະດວກກວ່າເກົ່າແລະບັນລຸຕ່າງຝ່າຍຕ່າງມີຜົນປະໂຫຍດໃນທີ່ສຸດໍ. ທ່ານກ່າວວ່າ:
"ຂ້າພະເຈົ້າເຫັນວ່າ, ຄວາມໝາຍສຳຄັນທີ່ສຸດຂອງເຂດການຄ້າເສລີຈີນ-ອາຊຽນແມ່ນກຳຈັດກຳແພງການຄ້າ, ໃນນັ້ນລວມທັງກຳແພງພາສີແລະກຳແພງເຕັກນິກ. ນອກນີ້, ເຂດການຄ້າເສລີຍັງເຮັດໃຫ້ປະຊາຊົນຂອງປະເທດຕ່າງໆໃນເຂດການຄ້າເສລີມີໂອກາດໃຊ້ຜະລິດຕະພັນທີ່ລາຄາຖືກແລະຄຸນນະພາບດີ. ອີກຢ່າງໜຶ່ງ, ສຳລັບປະເທດຕ່າງໆໃນເຂດການຄ້າເສລີ, ມີແຕ່ອີງໃສ່ທ່າແຮງແລະຈຸດອ່ອນຂອງຕົນ, ໂດຍຜ່ານການຮ່ວມມືກັນເທົ່ານັ້ນຈິ່ງຈະສາມາດຊ່ວຍຊູ້ຍູ້ໜູນກັນໄດ້."
