ຕາມຂ່າວ cri:ເມື່ອ 10 ປີກ່ອນ, ລັດຖະບານຈີນໄດ້ພິຈາລະນາເຖິງສະພາບຕົວຈິງແຫ່ງຊາດ, ແລ້ວໄດ້ທຳການຕົກລົງດ້ານຍຸດທະສາດທີ່ສຳຄັນຄື:ສຸມໃສ່ພັດທະນາພາກຕາເວັນຕົກຢ່າງຂະຫນາດໃຫຍ່.ຫລັງຈາກນັ້ນ, ພາກຕາເວັນຕົກຂອງຈີນໄດ້ຫັນປ່ຽນສະພາບເສດຖະກິດເຕີບໂຕຊັກຊ້າ,ແລ້ວໄດ້ບັນລຸການເຕີບໂຕສູງເຖິງ 11,9% ຕໍ່ປີ, ໃນໄລຍະ 10 ປີມານີ້,ຕົວເລກຄາດຫມາຍເສດຖະກິດມະຫາພາທີ່ກສຳຄັນຕ່າງໆໄດ້ເພີ່ມຂຶ້ນຫນຶ່ງເທົ່າກວ່າ.ການພັດທະນາພາກຕາເວັນຕົກຢ່າງຂະຫນາດໃຫຍ່ເຮັດໃຫ້ແຫ່ງຕ່າງໆຂອງພາກຕາເວັນຕົກຂອງຈີນພັດທະນາຢ່າງວ່ອງໄວ,ໃນ10 ປີດັ່ງກ່າວໄດ້ກາຍເປັນ 10 ປີທີ່ເສດຖະກິດສັງຄົມຂອງພາກຕາເວັນຕົກພັດທະນາໄວທີ່ສຸດ, ຕົວເມືອງແລະຊົນນະບົດມີການປ່ຽນແປງຫລາຍທີ່ສຸດ,ປະຊາຊົນໄດ້ຮັບຜົນປະໂຫຍດຫລາຍທີ່ສຸດ.
ເພື່ອບັນລຸການຫລຸດຊ່ອງຫວ່າງຂອງການພັດທະນາລະຫວ່າງເຂດແຄວ້ນ, ປີ 1999, ລັດຖະບານຈີນໄດ້ຕົກລົງປະຕິບັດຍຸດທະສາດພັດທະນາພາກຕາເວັນຕົກຢ່າງຂະຫນາດໃຫຍ່, ໂດຍໃຊ້ວິທີຕ່າງໆເຊັ່ນ:ຊີ້ນຳການວາງແຜນ, ລັດຖະບານໃຫ້ການຊ່ວຍເຫລືອ,ເພີ່ມງົບປະມານແລະອື່ນໆສຸມກຳລັງພັດທະນາພາກຕາເວັນຕົກ.
ທ່ານຕູ້ອິ່ງ, ຮອງຫົວຫນ້າຄະນະກຳມະການພັດທະນາແລະປະຕິຮູບແຫ່ງລັດຈີນກ່າວວ່າ:
ໃນ 10 ປີມານີ້, ການເງິນສູນກາງໄດ້ໃຊ້ງົບປະມານເຂົ້າໃຈພາກຕາເວັນຕົກທັງຫມົດ 4 ພັນຕື້ກວ່າຢວນ,ງົບປະມານການກໍ່ສ້າງພື້ນຖານໂຄງລ່າງທີ່ຢູ່ໃນແຜນການຂອງສູນກາງນັ້ນໄດ້ໄປຈັດສ້າງປະຕິບັດຢູ່ພາກຕາເວັນຕົກບັນລຸ 890 ຕື້ຢວນ.
ເຂດປົກຄອງຕົນເອງເຜົ່າອູຍເກີຊິນຈ່ຽງຕັ້ງຢູ່ພາກຕາເວັນຕົກສຽງເຫນືອຂອງຈີນ, ຕັ້ງແຕ່ໄດ້ດຳເນີນການພັດທະນາພາກຕາເວັນຕົກຢ່າງຂະຫນາດໃຫຍ່ເປັນຕົ້ນມາ,ໃນ 10 ປີ, ລັດຖະບານຈີນໄດ້ໃຊ້ງົບປະມານ ກໍ່ສ້າງພື້ນຖານໂຄງລ່າງແບບອຸດຫນູນທັງຫມົດ 110 ຕື້ກວ່າຢວນ, ໄດ້ສະຫນັບສະຫນູນການກໍ່ສ້າງໂຄງການ 2 ຫມື່ນ 5 ພັນກວ່າໂຄງການ, ເຊິ່ງກ່ຽວພັນເຖິງຫມົດທຸກຂົງເຂດຄື:ການສ້າງສາເສດຖະກິດ, ການສຶກສາ, ວິທະຍາສາດເຕັກນິກ,ສາທາລະນະສຸກແລະອື່ນໆ,ໄດ້ສ້າງໂຄງການສຳຄັນຈຳນວນຫນຶ່ງເພື່ອເຮັດໃຫ້ເສດຖະກິດສັງຄົມຊິ່ນຈ່ຽງພັດທະນາຢ່າງຍາວນານ.
ປີກາຍນີ້,ຍອດມູນຄ່າຜະລິດຕະພັນພາຍໃນຂອງເຂດຊິນຈ່ຽງໄດ້ບັນລຸເກືອບ 430 ຕື້ຢວນ,ແມ່ນ 1,6 ເທົ່າເມື່ອທຽບກັບປີ 1999, ທ່ານນູຣ ເບຄຼີ, ປະທນເຂດປົກຄອງຕົນເອງເຜົ່າອູຍເກີຊິນຈ່ຽງກ່າວວ່າ:
ໃນ 10 ປີມານີ້, ກຳລັງແຮງຕົວຈິງຂອງຊິນຈ່ຽງໄດ້ຮັບການເພີ່ມທະວີຂຶ້ນຢ່າງຫລວງຫລາຍ, ໂດຍສະເພາະແມ່ນ GDP ຂອງພວກເຮົາໄດ້ຈາກ 100 ຕື້ຢວນເພີ່ມຂຶ້ນເປັນ 200 ຕື້ຢວນໃຊ້ເວລາ 7 ປີ, ຈາກ 200 ຕື້ຢວມເພີ່ມຂຶ້ນຮອດ 300 ຕື້ຢວນ,ແລະຈາກ 300 ຕື້ຢວນເພີ່ມຂຶ້ນເປັນ 400 ຕື້ຢ້ວນກໍ່ລ້ວນແຕ່ໃຊ້ເວລາພຽງສອງປີເທົ່ານັ້ນ,ນີ້ສະແດງໃຫ້ເຫັນວ່າການພັດທະນາຂອງພາກຕາເວັນຕົກປະສົບຜົນສຳເລັດສູງຫລາຍ,ພິສູດວ່ານະໂຍບາຍພັດທະນາພາກຕາເວັນຕົກແມ່ນຖືກຕ້ອງທັງຫມົດ, ໄດ້ເພີ່ມຄວາມມີຊີວິດຊີວາອັນແຂງແຮງໄປໃຫ້ການພັດທະນາຂອງເຂດຊິນຈ່ຽງ.
ແຂວງເສຊວນແມ່ນແຂວງໃຫຍ່ຢູ່ພາກຕາເວັນຕົກຂອງຈີນ, ປັດຈຸບັນ, ໃນດ້ານການກໍ່ສ້າງລະບົບຄົມມະນາຄົມ, ແຂວງເສຊວນໄດ້ສ້າງທາງຍາວ 2 ແສນ 3 ຫມື່ນກິໂລແມັດ, ເພີ່ມຂຶ້ນຫລາຍກວ່າ 10 ປີກ່ອນ 1 ແສນ 3 ຫມື່ນກິໂລແມັດ,ຍອດບໍລິມາດຜະລິດໄຟຟ້າບັນລຸ 39 ລ້ານກິໂລວັດ,ເພີ່ມຂຶ້ນຫລາຍກວ່າ 10 ປີກ່ອນ 23 ລ້ານກິໂລວັດ.
ຄຽງຄູ່ກັບເສດຖະກິດຂອງພາກຕາເວັນຕົກພັດທະນາຢ່າງວ່ອງໄວ, ລະດັບຊີວິດການເປັນຢູ່ຂອງປະຊາຊົນຢູ່ພາກຕາເວັນຕົກກໍ່ດີຂຶ້ນຢ່າງຈະແຈ້ງ. ຕາມຂໍ້ມູນຫຼ້າສຸດ, ປະຊາຊົນທີ່ທຸກຍາກຂອງພາກຕາເວັນຕົກໄດ້ຫຼຸດຈາກ 57 ລ້ານຄົນເຫຼືອແຕ່ 23 ລ້ານ 7 ແສນຄົນ. ຫຼຸດລົງປະມານ 60%; ລາຍໄດ້ຂອງປະຊາຊົນຢູ່ຕົວເມືອງແລະຊົນນະບົດ ແມ່ນເພີ່ມຂຶ້ນ2,7ເທົ່າແລະ2,3ເທົ່າເມື່ອທຽບກັບ 10 ປີກ່ອນນີ້.
ຕາມແຜນການຂອງລັດຖະບານຈີນ, ຈະພະຍາຍາມເຮັດໃຫ້ກຳລັງແຮງດ້ານເສດຖະກິດຂອງພາກຕາເວັນຕົກກ້າວຂຶ້ນສູ່ລະດັບໃໝ່, ຕາມແຜນການເບື້ອງຕົ້ນຮອດປີ 2015, :GDPຂອງພາກຕາເວັນຕົກຂອງຈີນຈະເພີ່ມຂຶ້ນໜຶ່ງເທົ່າທຽບກັບປີ 2008, ໃນຫຼາຍປີຕໍ່ໜ້າ, ຄວາມໄວໃນການເຕີບໂຕໃນແຕ່ລະປີຂອງພາກຕາເວັນຕົກຈະຫຼາຍກວ່າ 10%. ລັດຖະບານຈີນຈະເພີ່ມທະວີການສະໜັບສະໜູນທາງງົບປະມານຕໍ່ພາກຕາເວັນຕົກຕື່ມອີກ, ເພື່ອສ້າງລະບົບບໍລິການສາທາລະນະທີ່ປົກຄຸມຕົວເມືອງແລະຊົນນະບົດ, ເຮັດໃຫ້ຜົນສຳເລັດຂອງການພັດທະນາເສດຖະກິດສົ່ງຜົນປະໂຫຍດໃຫ້ແກ່ປະຊາຊົນຫຼາຍກວ່າເກົ່າ.