ຕາມຂ່າວສານຊິນຮວາ: ວັນທີ 16 ກໍລະກົດນີ້, ໂຄສົກຄະນະກຳມະການສະໜັບສະໜູນສັນຕິພາບແຫ່ງຊາດສ.ປ.ປ.ເກົາຫຼີໄດ້ກ່າວປະນາມຕໍ່ການຊ້ອມຮົບຮ່ວມທີ່ຈະຈັດຂຶ້ນທີ່ສ.ເກົາຫຼີ ກັບ ອາເມລິກາຖືເຫດການກຳປັ່ນ"ຊົນນານ"ຫຼົ້ມເປັນຂໍ້ອ້າງນັ້ນຢ່າງຮຸນແຮງ, ເຫັນວ່າ ນີ້ແມ່ນການກະທຳອັນຕະລາຍທີ່ສຸດທີ່ທຳລາຍສັນຕິພາບ ແລະ ສະຖຽນລະພາບຂອງແຫຼມເກົາຫຼີ ແລະ ເຂດອາຊີຕາເວັນອອກສຽງເໜືອ,ເພິ່ມທະວີຄວາມດຸເດືອດຂອງສະຖານະການອັນເຄັ່ງຕຶງ.
ມື້ດຽວກັນ, ສຳນັກຂ່າວຢົນຮັບຂອງສ.ປ.ປ.ເກົາຫຼີໄດ້ອ້າງຕາມຄຳເວົ້າຂອງໂຄສົກຜູ່ນີ້ ໂດຍກ່າວວ່າ, ການຊ້ອມຮົບຮ່ວມເທິງທະເລຂະໜາດໃຫຍ່ທີ່ສ.ເກົາຫຼີ ກັບ ອາເມລິກາຈະຈັດຂຶ້ນບໍ່ພຽງແຕ່ແມ່ນ"ການທ້າທາຍເກາະຜິດທາງທະຫານອັນຮ້າຍແຮງ"ຕໍ່ສ.ປ.ປ.ເກົາຫຼີເທົ່ານັ້ນ,ກໍ່ແມ່ນ"ສິ່ງທ້າທາຍຕາມລຳພັງໃຈ"ຕໍ່ປະຊາຄົມໂລກທີ່ຮຽກຮ້ອງໃຫ້ປ້ອງກັນການປະທະກັນທາງທະຫານຢູ່ແຫຼມເກົາຫຼີ, ແລະຜ່ານຈາກການສົນທະນາມາແກ້ໄຂບັນຫາທັງໝົດໂດຍສັນຕິ. ຖ້າວ່າສ.ເກົາຫຼີ ກັບ ອາເມລິກາຈັດການຊ້ອມຮົບຕາມລຳພັງໃຈ, ສ.ປ.ປ.ເກົາຫຼີຈະຖືມັນເປັນການກະທຳທີ່ລະເມີດສິດເປັນເຈົ້າຕົນເອງ,ແລະຈະໃຊ້ມາດຕະການແຂງກະດ້າງຕໍ່ເລື່ອງນີ້.
