ການຊ່ວຍເຫຼືອພາກຕາເວັນຕົກໃຫ້ສາມາດສ້າງຄວາມເຂັ້ມແຂງດ້ວຍຕົນເອງແມ່ນສິ່ງສຳຄັນທີ່ສຸດຂອງການພັດທະນາພາກຕາເວັນຕົກຂອງຈີນໃນ10ປີຕໍ່ໜ້າ
(GMT+08:00) 2010-07-23 16:50:30 cri
ຕາມຂ່າວCRI:ຫວ່າງມໍ່ໆມານີ້,ກອງປະຊຸມວຽກງານພັດທະນາພາກຕາເວັນຕົກຂອງສູນກາງພັກຄອມມູດນິດຈີນແລະລັດຖະບານຈີນໄດ້ວາງເປົ້າໝາຍການພັດທະນາພາກຕາເວັນຕົກຂອງຈີນສຳລັບ10ປີຕໍ່ໜ້າ,ເຊິ່ງກ່ຽວພັນເຖິງເນື້ອໃນຫຼາຍດ້ານ,ເຊັ່ນ:ກຳລັງແຮງ ເສດຖະກິດສັງລວມຕົວຈິງ,ການກໍ່ສ້າງພື້ນຖານໂຄງລ່າງ,ລະດັບແລະຄຸນນະພາບຂອງຊີວິດການເປັນຢູ່ຂອງປະຊາຊົນ,ການອະນຸລັກທຳມະຊາດແລະອື່ນໆ.
ໃນເວລາໃຫ້ສຳ ພາດຕໍ່ນັກຂ່າວວິທະຍຸCRI,ທ່ານເຊິນຢ້າວ,ຮອງຫົວໜ້າສູນຄົ້ນຄວ້າການພັດທະນາພາກຕາເວັນຕົກຂອງສະພາບັນດິດວິທະຍາສາດສັງຄົມຈີນກ່າວວ່າ,ຖ້າຢາກບັນລຸເປົ້າໝາຍເຫຼົ່ານີ້,ສິ່ງສຳຄັນທີ່ສຸດແມ່ນການຊ່ວຍເຫຼືອພາກຕາເວັນຕົກໃຫ້ສາມາດສ້າງຄວາມເຂັ້ມແຂງດ້ວຍຕົນເອງ.ນັບແຕ່ຈີນດຳເນີນການພັດທະນາພາກຕາເວັນຕົກຢ່າງຂະໜາດໃຫຍ່10ປີມານີ້,ເຂດພາກຕາເວັນຕົກຍຶດໝັ້ນໃຊ້ການປະຕິຮູບຊຸກຍູ້ການໄຂປະຕູ,ໃຊ້ການໄຂປະຕູຊຸກຍູ້ການພັດທະນາ,ການປະຕິຮູບໃນເຂດຈຸດສຸມແລະຂົງເຂດຈຸດສຸມກ້າວໄປໜ້າຢ່າງບໍ່ຢຸດຢັ້ງ,ເຊິ່ງໄດ້ກາຍເປັນ10ປີທີ່ການຄ້າຊາຍແດນຂອງພາກຕາເວັນຕົກຈີນນັບມື້ນັບຈະເລີນຮຸ່ງເຮືອງ,ແລະເສດຖະກິດສັງຄົມໄດ້ຮັບການພັດທະນາຢ່າງຂະໜາດໃຫຍ່.ທ່ານເຊິນຢ້າວເຫັນວ່າ,ຕໍ່ໄປ,ຖ້າວ່າພາກຕາເວັນຕົກຢາກບັນລຸເປົ້າໝາຍທີ່ລັດຖະບານຈີນວາງອອກ,ຄື"ເລັ່ງລັດປັບປຸງລະບົບເສດຖະກິດແບບໄຂປະຕູໃຫ້ດີຂຶ້ນ,ເພື່ອກາຍເປັນທ່າແຮງໃໝ່ໃນການຮ່ວມມືແລະແຂ່ງຂັນດ້ານເສດຖະກິດກັບປະເທດຕ່າງໆ"ນັ້ນ,ສິ່ງສຳຄັນທີ່ສຸດແມ່ນຕ້ອງສ້າງຄວາມເຂັ້ມແຂງດ້ວຍຕົນເອງ.
"ກອງປະຊຸມວຽກງານສູນກາງເທື່ອນີ້ກໍ່ສະເຫນີໃຫ້ຄວນຖືການປະຕິຮູບແລະໄຂປະຕູສູ່ພາຍນອກເປັນຫນ້າທີ່ສຳຄັນ,ເສີມຂະຫຍາຍບົດບາດໃນສອງດ້ານຄື:ການຊຸກຍູ້ຂອງລັດຖະບານແລະການຊຸກຍູ້ຂອງຕະຫຼາດ, ຄວນສົ່ງເສີມການຄົ້ນຄວ້າຫາເສັ້ນທາງພັດທະນາຢ່າງກ້າຫານ,ເພື່ອສະຫນັບສະຫນູນໃຫ້ພາກຕາເວັນຕົກມີບາດກ້າວໃຫມ່ໃນການປະຕິຮູບແລະໄຂປະຕູສູ່ພາຍນອກ. ລັດຍັງຈະວາງວິທີການໃຫມ່ຕື່ມອີກໃນດ້ານນີ້,ໂດຍສະເພາະແມ່ນໂຄງປະກອບຂອງການເປີດປະຕູ,ອະນຸຍາດໃຫ້ເຂດເຫຼົ່ານີ້ມີນະໂຍບາຍເປີດປະຕູພິເສດບາງຢ່າງໃນຢູ່ເຂດນີ້,ນີ້ແມ່ນຈຳເປັນທີ່ສຸດຕໍ່ພາກຕາເວັນຕົກທີ່ເລັ່ງລັດບາດ ກ້າວເປີດປະຕູໃຫ້ໄວຂຶ້ນ."
ການຮັບປະກັນແລະປັບປຸງຊີວິດການເປັນຢູ່ຂອງປະຊາຊົນໃຫ້ດີຂຶ້ນແມ່ນເປົ້າຫມາຍສຳຄັນອັນດັບຫນຶ່ງໃນການປະຕິບັດຍຸດທະສາດພັດທະນາພາກຕາເວັນຕົກ ຢ່າງຂະຫນາດໃຫຍ່, ລັດຖະບານຈີນສະເຫນີວ່າ,ການຫຼຸດຊ່ອງຫວ່າງຄວາມຫຼຸດ ໂຕນກັນລະຫວ່າງພາກຕາເວັນຕົກກັບພາກຕາເວັນອອກເທື່ອລະກ້າວແລະບັນລຸການພັດ ທະນາຂອງເສດຖະກິດສັງຄົມໃນທົ່ວປະເທດຢ່າງກົມກຽວກັນໄດ້ກ່ຽວພັນເຖິງຜົນປະໂຫຍດລວມແຫ່ງການພັດທະນາຂອງປະເທດ.ທ່ານເສີ້ນຢ້າວເຫັນວ່າ:
"ຖ້າຢາກເຮັດໃຫ້ພາກພື້ນກົມກຽວກັນ,ເຮັດໃຫ້ຄວາມຫຼຸດໂຕນກັນລະຫວ່າງພາກພື້ນຕ່າງໆຫຼຸດຫນ້ອຍລົງ, ,ກ່ອນອື່ນ ຕ້ອງນຳຫນ້າເຮັດໃຫ້ການບໍລິການສາທາລະນະພື້ນຖານຢູ່ພາກຕາເວັນຕົກສະຫມ່ຳສະເຫມີກັນ. ໃນຕໍ່ຫນ້ານີ້,ຄວາມຫຼຸດໂຕນກັນລະຫວ່າງພາກຕາເວັນຕົກກັບພາກຕາເວັນອອກທີ່ພັດທະນາແລ້ວ ໂດຍສະເພາະແມ່ນໃນດ້ານຕ່າງໆເຊັ່ນ: ການສຶກສາ,ສທາລະນະນາສຸກ,ການປະກັນສັງຄົມແລະອື່ນໆຈະຫຼຸດຫນ້ອຍລົງຢ່າງຈະແຈ້ງ,ນີ້ກໍ່ສະແດງໃຫ້ເຫັນພາລະບົດບາດຂອງລັດຖະ ບານພາຍໃຕ້ເງື່ອນໄຂເສດຖະກິດຕະຫຼາດ.
ໃນ 10 ປີຕໍ່ໜ້າ, ພາກຕາເວັນຕົກຕ້ອງສ້າງລະບົບອຸດສາຫະກຳທັນສະໄໝໃນຂັ້ນພື້ນຖານ, ແລະສ້າງແຫຼ່ງພະລັງງານ, ແຫຼ່ງປຸງແຕ່ງຊັບພະຍາກອນແບບລົງເລິກ, ແຫຼ່ງຜະລິດເຄື່ອງປະກອບແລະແຫຼ່ງອຸດສາຫະກຳໃໝ່ຍຸດທະສາດສຳຄັນຂອງຈີນ. ແຕ່ພ້ອມກັນນັ້ນທ່ານເສີນຢ້າວຊີ້ອອກວ່າ, ຢາກບັນລຸເປົ້າໝາຍເຫຼົ່ານີ້, ເຂດພາກຕາເວັນຕົກຂອງຈີນຍັງຕ້ອງຮັບມືກັບການທ້າທາຍຕ່າງໆເຊັ່ນເງື່ອນໄຂພື້ນຖານບໍ່ສົມບູນແລະຍັງຂາດນັກວິຊາການທີ່ເກັ່ງ."ອັນທີໜຶ່ງແມ່ນທຽບກັບເຂດແຄມທະເລພາກຕາເວັນອອກ, ເງື່ອນໄຂພື້ນຖານຂອງພາກຕາເວັນຕົກຍັງບໍ່ສົມບູນ, ໂດຍສະເພາະແມ່ນສິ່ງແວດລ້ອມພື້ນຖານໂຄງລ່າງຍັງບໍ່ດີພໍ. ເຮັດແນວໃດເພື່ອຈະຮັກສານັກວິຊາການທີ່ມີຄວາມຮູ້ຄວາມສາມາດ,ທັງດຶງດູດຜູ້ມີຄວາມຮູ້ຄວາມສາມາດຢ່າງຫຼວງຫຼາຍທີ່ເໝາະກັບການພັດທະນາພາກຕາເວັນຕົກເຂົ້າໄປ, ຍັງຕ້ອງທຳຄວາມພະຍາຍາມຫຼາຍຢ່າງ,ສູນກາງຄວນຊຸກຍູ້ສົ່ງເສີມດ້ານລາຍໄດ້,ວຽກງານແລະຈິດໃຈຕໍ່ຜູ້ມີຄວາມຮູ້ຄວາມສາມາດໃຫ້ຢາກໄປພາກຕາເວັນຕົກ,ອົງການປົກຄອງທ້ອງຖິ່ນທຸກຂັ້ນແລະຫົວໜ່ວຍຕ່າງໆຄວນເຄົາລົບນັບຖືນັກວິຊາການ, ຈິ່ງຈະສາມາດສ້າງສະພາບແວດລ້ອມທີ່ດຶງໃຈ."
