ຕາມຂ່າວCRI:ວັນທີ5ສິງຫານີ້,ເວທີປຶກສາຫາລືການຮ່ວມມືດ້ານເສດຖະກິດການປະຊຸມແລະວາງສະແດງຂອງຈີນ-ອາຊຽນຈັດຂຶ້ນຢູ່ເມືອງເຈີ້ງໂຈ່ວ,ຕົວເມືອງພາກກາງຂອງຈີນ.ເຈົ້າໜ້າທີ່ລັດຖະບານ,ຫົວໜ້າສະພາການຄ້າແລະນັກທຸລະກິດທີ່ມາຈາກຈີນແລະ10ປະເທດອາຊຽນໄດ້ເຂົ້າຮ່ວມເພື່ອປຶກສາຫາລືວ່າພາຍໃນຂອບເຂດການຄ້າເສລີຈີນ-ອາຊຽນ,ຈະນຳໃຊ້ການຈັດກອງປະຊຸມແລະການວາງສະແດງແນວໃດເພື່ອຊຸກຍູ້ການແລກປ່ຽນຂໍ້ມູນຂ່າວສານດ້ານເສດຖະກິດການຄ້າລະຫວ່າງສອງຝ່າຍ,ແລະຊຸກຍູ້ການຄ້າເສລີໃນພາກພື້ນແຫ່ງນີ້.
ໃນເວທີປຶກສາຫາລື,ທ່ານເດວິດ ຊົວ,ເລຂາທິການສະພາມົນຕີການຄ້າມະເລເຊຍ-ຈີນຊີ້ອອກວ່າ,ໃນຂະບວນການຂະຫຍາຍຕົວຂອງເຂດການຄ້າເສລີຈີນ-ອາຊຽນ,ຂະແໜງການ ຈັດກອງປະຊຸມແລະວາງສະແດງມີບົດບາດອັນພິເສດ.ມັນບໍ່ພຽງແຕ່ສາມາດຊ່ວຍເຫຼືອໃຫ້ວິສາຫະກິດສອງຝ່າຍເປີດກວ້າງຕະຫຼາດໄດ້ເທົ່ານັ້ນ,ຍັງຈະຊັກນຳການພັດທະນາຂອງຂະແໜງການອື່ນໆຂອງພາກພື້ນແຫ່ງນີ້,ແລະສະໜອງໂອກາດປະກອບອາຊີບຫຼາຍກວ່າເກົ່າອີກດ້ວຍ.ທ່ານເດວິດ ຊົວກ່າວວ່າ:
ທ່ານກ່າວວ່າ "ໃນຖານະທີ່ເປັນຂະແຫນງການບໍລິການພິເສດ,ການພັດທະນາຂະແຫນງການຈັດກອງປະຊຸມແລະງານວາງສະແດງຕ້ອງການການສະຫນັບສະຫນູນຈາກດ້ານຕ່າງໆເຊັ່ນ:ພື້ນຖານໂຄງລ່າງ,ຂະແຫນງການໂຮງແຮມ,ການກິນດື່ມ,ການຂົນສົ່ງແລະອື່ນໆ, ນີ້ໄດ້ຊຸກຍູ້ການພັດທະນາຂອງຂະແຫນງການທີ່ກ່ຽວຂ້ອງ.ພ້ອມກັນນັ້ນ,ເມື່ອໄດ້ຜ່ານການຈັດງານໂຄສະນາເຜີຍແຜ່ການຈັດກອງປະຊຸມແລະງານວາງສະແດງ,ວິສາຫະກິດສາມາດສະເຫນີຜະລິດຕະພັນແລະຜົນສຳເລັດດ້ານວິທະຍາສາດເຕັກໂນໂລຊີໃຫມ່ຂອງຕົນຕໍ່ຜູ່ບໍລິໂພກ,ແລະພາໃຫ້ຕົນໄດ້ມີຕະຫຼາດ."
ໃນຫຼາຍປີມໍ່ໆມານີ້,ວິສາຫະກິດຂອງຈີນແລະປະເທດຕ່າງໆອາຊຽນໄດ້ທະ ຍອຍກັນພັດທະນາຢູ່ຕ່າງປະເທດ,ເພື່ອຈັດກິດຈະກຳໂຄສະນາເຜີຍແຜ່ຕ່າງໆ.ໃນຂະນະທີ່ຍົກຄວາມຊື່ສຽງຂອງຜະລິດຕະພັນຂອງຕົນເອງ,ວິສາຫະກິດຂອງປະເທດຕ່າງໆຍັງຫວັງຢາກໃຫ້ຊອກຄູ່ຮ່ວມມືໃນພາກພື້ນນີ້,ນຳໃຊ້ຄວາມສະດວກທີ່ບໍ່ເກັບພາສີຕໍ່ວັດຖຸດິບໃນເຂດການຄ້າເສລີຈີນອາຊຽນ,ຮ່ວມມືກັນໃນການຜະລິດແບ່ງງານ,ເພື່ອຫຼຸດຕົ້ນທຶນຂອງຜະລິດຕະພັນໃຫ້ຫນ້ອຍລົງ,ເພື່ອຍົກກຳລັງແຂ່ງຂັນໃນຕະຫຼາດສາກົນໃຫ້ສູງຂຶ້ນ. ເພື່ອຊ່ອຍເຫຼືອໃຫ້ວິສາຫະກິດຂອງປະເທດຕ່າງໆໃນອາຊຽນພັດທະນາຕະຫຼາດຢູ່ພາກກາງແລະພາກຕາເວັນຕົກຂອງຈີນເປັນຢ່າງດີ,ຊອກຫາຄູ່ຮ່ວມມື,ຕະຫຼາດນັດຊື້ຂາຍສິນຄ້າທົ່ວປະເທດຂອງນະຄອນເຈິ້ງໂຈ່ວຄັ້ງທີ 16ທີ່ຈະຈັດຂຶ້ນໃນເດືອນພະຈິກປີນີ້ກໍ່ຈະຕັ້ງຫໍວາງສະແດງສິນຄ້າໃຫ້ອາຊຽນເປັນພິເສດ. ສິນຄ້າທີ່ເຂົ້າຮ່ວມການວາງ ສະແດງລວມມີສິນຄ້າທີ່ມີເອກະລັກພິເສດ,ຜະລິດຕະພັນກະສິກຳ,ເຄື່ອງສິລະປະຫັດຖະກຳ,ເຄື່ອງປະດັບເພັດນິນຈິນດາພ້ອມດ້ວຍຜະລິດຕະພັນຂອງຂະແຫນງການບໍລິການ ເຊັ່ນ:ການສຶກສາ,ການບໍລິການດ້ານການທະນາຄານ,ອະສັງຫະລິມະຊັບ,ການທ່ອງທ່ຽວແລະອື່ນໆ.ໃນເວລາທ່ານເຊ່ຍຢຸນເຫວ,ຮອງເຈົ້າຄອງນະຄອນເຈິ້ງໂຈ່ວປະກອບຄຳເຫັນໃນເວທີປຶກສາຫາລື,ທ່ານກ່າວວ່າ
"ພາກກາງຂອງຈີນແລະອາຊຽນສາມາດຊ່ວຍຊູຍູ້ໜູນກັນຫຼາຍໃນດ້ານອຸດສາຫະກຳ. ອາຊຽນສາມາດເລືອກນະຄອນເຈີ້ງໂຈວເປັນເວທີທີ່ເຂົ້າສູ່ຕະຫຼາດຈີນ. ໃນໄລຍະງານຕະຫຼາດນັດເຈີ້ງໂຈ່ວທີ່ຈັດຂຶ້ນໃນປີນີ້,ພວກເຮົາຈະຕັ້ງຫໍວາງສະແດງສິນຄ້າໃຫ້ແກ່ປະເທດອາຊຽນ, ແລະຈິງໃຈຕ້ອນຮັບວິສາຫະກິດຈາກປະເທດອາຊຽນມາເຂົ້າຮ່ວມງານວາງສະແດງ,ພາກເຮົາຈະໃຫ້ບູລິມະສິດແລະການບໍລິການທີ່ດີທີ່ສຸດ ເພື່ອຊ່ອຍເຫຼືອປະເທດອາຊຽນເປີດຕະຫຼາດຈີນ."
ໃນໄລຍະຈັດເວທີປຶກສາຫາລືເທື່ອນີ້, ສະມາຄົມອຸດສາຫະກຳການຄ້າບຼູໄນແລະສະມາຄົມຊຸກຍູ້ການຄ້ານະຄອນເຈີ້ງໂຈ່ວຍັງໄດ້ເຊັ່ນສັນຍາຮ່ວມມືທີ່ມີຈຸດປະສົງເພື່ອຊຸກຍູ້ການແລກປ່ຽນຂໍ້ມູນຂ່າວສານດ້ານການຄ້າ,ການຮ່ວມທຶນສ້າງໂຮງງານ,ແລະແນະນຳການປະຊຸມແລະງານວາງສະແດງເປັນຕົ້ນ.ທ່ານຣາຈາລິ ໂຈຮາຣີ,ປະທານສະມາຄົມການຄ້າແຫ່ງຊາດບຼູໄນກ່າວວ່າ, ແຂວງເຫີນານຂອງຈີນມີຊາວມຸສລິມເກືອບ 1 ລ້ານຄົນ,ສອງຝ່າຍມີກຳລັງແຮງບົ່ມຊ້ອນໃຫ້ການຮ່ວມມືຢ່າງຫຼວງຫຼາຍໃນຂົງເຂດການປຸງແຕ່ງແລະຂາຍອາຫານມຸສລິມ.
