ຫວ່າງມໍ່ໆມານີ້, ກິດຈະກຳຜູ້ຟັງໄດ້ຮັບລາງວັນທີໜຶ່ງຂອງການແຂ່ງຂັນເສັງຄວາມຮູ້"ກ້າວເຂົ້າສູ່ເຂດຊິນຈ່ຽງ"ຂອງວິທະຍຸສາກົນແຫ່ງປະເທດຈີນຫຼືCRIໄປທ່ຽວເຂດຊິນຈ່ຽງໄດ້ສິ້ນສຸດລົງຢູ່ນະຄອນອູລູມູຊີເຂດປົກຄອງຕົນເອງເຜົ່າອຸຍເກີຊິນຈ່ຽງພາກຕາເວັນຕົກສຽງເໜືອຂອງຈີນຢ່າງງົດງາມ. ຜູ້ຟັງຕ່າງປະເທດ 8 ຄົນຂອງCRIທີ່ໄດ້ຮັບລາງວັນທີໜຶ່ງໄດ້ໄປແຫ່ງຕ່າງໆຂອງເຂດຊິນຈ່ຽງ, ທັດສະນາຈອນເຂດຊິນຈ່ຽງເປັນເວລາໜຶ່ງອາທິດ, ແລະໄດ້ຮູ້ຈັກເຂດຊິນຈ່ຽງທີ່ແທ້ຈິງ, ງົດງາມແລະກົມກຽວ. ຕໍ່ໄປເຊີນຟັງລາຍງານລະອຽດ:
ເພື່ອແນະນຳຄວາມອຸດົມຮັ່ງມີຂອງທຳມະຊາດແລະວັດທະນະທຳຂອງເຂດຊິນຈ່ຽງຕໍ່ຜູ້ຟັງຕ່າງປະເທດ, ສະເໜີສະພາບການພັດທະນາດ້ານເສດຖະກິດສັງຄົມຂອງເຂດຊິນຈ່ຽງໃນປະຈຸບັນ, CRIແລະເຂດຊິນຈ່ຽງໄດ້ຮ່ວມກັນຈັດການແຂ່ງຂັນເສັງຄວາມຮູ້"ກ້າວເຂົ້າສູ່ເຂດຊິນຈ່ຽງ"ໃນປີກາຍນີ້. ການແຂ່ງຂັນເທື່ອນີ້ໄດ້ຮັບຕອບຄຳຖາມທີ່ສົ່ງຈາກຜູ້ຟັງຕ່າງປະເທດ 2 ແສນ 8 ໝື່ນກວ່າສະບັບ, ໃນທີ່ສຸດ, ຜູ້ຟັງ 8 ຄົນທີ່ມາຈາກອາເມລິກາ, ຕວກກີ, ເອຢິບເຢຍລະມັນແລະອີກບາງປະເທດໄດ້ຣັບລາງວັນທີໜຶ່ງ, ແລະໄດ້ມີໂອກາດໄປທັດສະນາຈອນເຂດຊິນຈ່ຽງ.
ໃນໄລຍະຢູ່ເຂດຊິນຈ່ຽງ, ເຂົາເຈົ້າໄດ້ໄປຊົມສະຖາບັນສອນສາສະໜາອິສລາມ, ຕະຫຼາດໃຫຍ່ສາກົນ, ໜອງຄານັສ, ວິສາຫະກິດແລະເຂດຊຸມຊົນຂອງເຂດຊິນຈ່ຽງ, ໄດ້ຮູ້ຈັກການພັດທະນາເສດຖະກິດສັງຄົມຂອງແຫ່ງຕ່າງໆຂອງເຂດຊິນຈ່ຽງຢ່າງຮອບດ້ານ.ພາຍຫຼັງເກີດເຫດການຈະລາຈົນ"ວັນທີ 5 ກໍລະກົດ"ອູລູມກີໃນປີກາຍນີ້, ຫາງສຽງສາກົນຈຳນວນໜຶ່ງເຂົ້າໃຈຜິດວ່າ, ຊາວມຸສລິມຂອງເຂດຊິນຈ່ຽງບໍ່ມີເສລີພາບທາງການເຊື່ອຖືສາສະໜາ. ເລີ່ມແຕ່ມື້ທຳອິດຂອງກິດຈະກຳເທື່ອນີ້, ຜູ້ຟັງຕ່າງປະເທດທີ່ໄດ້ຮັບລາງວັນກໍໄດ້ໄປຊົມສະຖາບັນສອນສາສະໜາອິສລາມທີ່ຕັ້ງຢູ່ນະຄອນອູລຸມກີ. ໃນສະຖາບັນສາສະໜາອິດສະລາມທີ່ສອນດ້ວຍພາສາອຸຍເກີພຽງແຫ່ງດຽວຂອງຈີນ, ຜູ້ຟັງຕ່າງປະເທດໄດ້ຮູ້ຈັກຄວາມພະຍາຍາມອັນໃຫຍ່ຫຼວງຂອງອົງການປົກຄອງທ້ອງຖິ່ນເພື່ອຮັບປະກັນເສລິພາບຂອງການເຊື່ອຖືສາສະໜາ. ຕໍ່ເລື່ອງນີ້, ທ່ານລາຮາຣິ ເດຍດາ ອາເມັດ, ຜູ້ຟັງປາກີສະຖານກ່າວຕໍ່ນັກຂ່າວCRIວ່າ:
"ເມື່ອຜ່ານຈາກຄຳອະທິຍາຍຂອງອາຮົງທີ່ຫມາຍເຖິງຜູ່ສອນສາສະຫນາອິສຣາມແລະສິ່ງທີ່ໄດ້ຮູ້ໄດ້ເຫັນກັບຕາ,ກໍ່ຮູ້ແລ້ວວ່າ ຢູ່ເຂດຊິນຈ່ຽງ,ຊົນເຜົ່າທີ່ຕ່າງກັນລ້ວນແຕ່ຮ່ວມກັນຊົມໃຊ້ເສລີພາບໃນການເຊື່ອຖືສາສະຫນາ,ເຂົາເຈົ້າສາມາດເລືອກເອົາຄວາມເຊື່ອຖືສາສະຫນາຂອງຕົນຢ່າງເສລີ. ຄົນເຜົ່າມຸສລິມດຳລົງຊີວິດ ຢູ່ແຫ່ງນີ້ຢ່າງປິຕິຊົມຊື່ນທີ່ສຸດ,ອົງການປົກຄອງເຂດຊິນຈ່ຽງໄດ້ສ້າງເງື່ອນໄຂທີ່ດີຫຼາຍກວ່າເກົ່າແກ່ເຂົາເຈົ້າ."
ໃນໄລຍະເອົາຂ່າວຢູ່ເຂດຊິນຈ່ຽງ, ຄະນະຜູ່ແທນຂອງວິທະຍຸCRIໄດ້ໄປຢາມຫຼາຍຕົວເມືອງທີ່ມີຈຸດພິເສດຢູ່ເຂດຊິນຈ່ຽງ.ໃນໂອກາດທີ່ກິດຈະກຈະສິ້ນສຸດລົງ, ຜູ່ຟັງຕ່າງປະເທດ 8 ຄົນເຫຼົ່ານີ້ກໍ່ກ່າວວ່າ, ຈະເລົ່າສິ່ງທີ່ໄດ້ຮູ້ໄດ້ເຫັນຂອງການຢ້ຽມຢາມເທື່ອນີ້ໃຫ້ຄົນບ້ານຕົນເອງຟັງ. ທ່ານຊາລິເຣິ ຊິນານ ໂອນາສ໌,ຜູ່ຟັງຕວກກີບອກນັກຂ່າວວ່າ:
"ແຫ່ງນີ້ທີ່ມີວັດທະນະທຳປະຫວັດສາດມາເປັນເວລາດົນນານຈະມີອະນາຄົດທີ່ສະຫງ່າລາສີກວ່າເກົ່າ. ນະຄອນອູລຸມກີ,ຫຼົ້ງທູລູຝານ,ຫນອງຄານາສ໌ແລະແຫ່ງອື່ນໆລ້ວນແຕ່ແມ່ນສັນຍາລັກຂອງພູມປັນຍາອາລິຍະທຳຂອງມວນມະນຸດ,ພີ່ນ້ອງຂອງບັນດາຊົນເຜົ່າທີ່ຕ່າງກັນແລະຄົນທີ່ມີວັດທະນະທຳຕ່າງກັນລ້ວນແຕ່ສາມາດດຳລົງຊີວິດຢູ່ຮ່ວມກັນຢ່າງກົມກຽວກັນ, ນີ້ກໍ່ແມ່ນສາເຫດທີ່ເຂດຊິນຈ່ຽງສາມາດຈະເລີນຮຸ່ງເຮືອງແລະມີການພັດທະນາ.ຈີນກໍ່ບໍ່ແມ່ນປະເທດທີ່ກວງໄກສຳລັບຄົນຕ່າງປະເທດ,ຢູ່ແຫ່ງນີ້ ຂ້ອຍກໍ່ໄດ້ມີເພື່ອນສະຫນິດສະຫນົມທີ່ສຸດແລະຍາດຕິພີ່ນ້ອງ.ທ່ານອາເມຍ ອາຮາແມັດ,ຜູ່ຟັງຂອງວິທະຍຸພວກເຮົາທີ່ແມ່ນນັກຂ່າວສື່ສານຂອງອິນເດຍ.ທ່ານກ່າວວ່າ,ຫຼັງຈາກກັບຄືນປະເທດແລ້ວ,ທ່ານຈະລາຍງານຂ່າວກ່ຽວກັບເຂດຊິນເຈ່ຍທີ່ຖືກຕ້ອງຕາມຄວາມເປັນຈິງຕໍ່ຜູ່ຟັງອິນເດຍ. ທ່ານກ່າວວ່າ:
"ທິວທັດທີ່ສວຍງາມແລະອາຫານທັງຫມົດຂອງເຂດຊິນຈ່ຽງລ້ວນແຕ່ໄດ້ສ້າງຄວາມປະທັບໃຈທີ່ສຸດໃຫ້ແກ່ຄວາມ ຊົງຈຳຂອງຂ້ອຍຕະຫຼອດໄປ.ຂ້ອຍແມ່ນນັກຂ່າວຂອງຫນັງສືພິມແຫ່ງຫນຶ່ງ,ຫຼັງຈາກກັບຄືນຮອດອິນເດຍແລ້ວ,ຂ້ອຍຈະລາຍງານຂ່າວ ເຂດຊິນຈ່ຽງໃຫ້ປະຊາຊົນອິນເດຍຊາບ,ເພື່ອບອກຄວາມຈິງກ່ຽວກັບເຂດຊິນຈ່ຽງທີ່ຖືກຕ້ອງໃຫ້ເຂົາເຈົ້າຊາບ,ເພື່ອປ່ຽນແປງທັດສະນະທີ່ຜິດພາດຈຳນວນຫນຶ່ງ,ແລະສົ່ງເສີມໃຫ້ເຂົາເຈົ້າມາທ່ຽວແຫ່ງນີ້."
