ບໍລິເວນອ່າວເປີຍປູ້ຕັ້ງຫນ້າຊຸກຍູ້ການສ້າງສາແລວທາງເສດຖະກິດນານນິງ-ສິງກະໂປ
(GMT+08:00) 2010-08-13 18:15:30 cri
ວັນທີ 13 ສິງຫານີ້,ເວທີປຶກສາຫາລືການຮ່ວມມືເສດຖະກິດບໍລິເວນອ່າວເປີຍປູ້ຄັ້ງທີ 5ທີ່ຈຳດຳເນີນໄປເປັນເວລາ 2 ວັນໄດ້ອັດລົງຢູ່ເທດສະບານນານນິງຂອງເຂດປົກຄອງຕົນເອງເຜົ່າຈ້ວງກວາງຊີທີ່ພາກຕາເວັນຕົກສຽງໃຕ້ຂອງຈີນ.ໃນເວທີປຶກສາຫາລືເທື່ອນີ້,ເຈົ້າຫນ້າທີ່ ,ຜູ່ຊ່ຽວຊານແລະນັກວິຊາການຂອງຈີນກັບອາຊຽນໄດ້ກ້າວເຖິງຂັ້ນມີຄວາມເຫັນທີ່ເປັນເອກະສັນກັນຕ່າງໆເພື່ອເລັ່ງລັດໃຫ້ສ້າງຕັ້ງທາງຜ່ານເສດຖະກິດນານນິງ-ສິງກະໂປ .ບັນດາແຂກທີ່ເຂົ້າຮ່ວມກອງປະຊຸມເຫັນເອກະສັນກັນເຫັນວ່າ, ແລວທາງເສດຖະກິດນານນິງ-ສິງກະໂປຈະກາຍເປັນສາຍໂລຫິດໃຫຍ່ຂອງເສດຖະກິດໃນພາກພື້ນ,ຊຸກຍູ້ໃຫ້ຄົມມະນາຄົມໃນພາກພື້ນນີ້ພັດທະນາແລະສະດວກກວ່າເກົ່າ,ເພື່ອສ້າງໂອກາດໃຫ້ແກ່ການພັດທະນາຂອງປະເທດຕາມແລວທາງດັ່ງກ່າວ.
ການສ້າງສຳເລັດເຂດການຄ້າເສລີຈີນອາຊຽນກັບການສ້າງສາທາງຜ່ານນານນິງສິງກະໂປແມ່ນຫນຶ່ງໃນ 3 ຫົວຂໍ້ໃຫຍ່ຂອງເວທີປືກສາຫາລືເທື່ອນີ້. ແລວທາງເສດຖະກິດນານນິງ-ສິງກະໂປມີຊື່ຫຍໍ້ວ່າ: "ແລວທາງນານສິງ". ໂຄງຄວາມຄິດນີ້ໄດ້ເລີ່ມສະເຫນີໃນເວທີປຶກສາຫາລືການຮ່ວມມືເສດຖະກິດບໍລິເວນອ່າວເປີຍປູ້ຄັ້ງທຳອິດໃນເດືອນກໍລະກົດປີ2006. ແລວທາງນານສິງແມ່ນຖືນະຄອນນານນິງຂອງເຂດກວາງຊີເປັນຈຸດເລີ່ມຕົ້ນ,ຜ່ານຈາກນະຄອນຫຼາງຮ່າໂນ້ຍຂອງຫວຽດ ນາມ, ນະຄອນຫຼວງວຽງຈັນຂອງລາວຫຼືພະນົມເປັນຂອງກຳປູເຈຍ,ບາງກອກຂອງໄທ ,ກົວລາລຳເປີຂອງມະເລເຊຍ,ແລ້ວຮອດແລວທາງເສດຖະກິດຂອງສິງກະໂປທີ່ຢູ່ທາງໃຕ້ສຸດຂອງແຫຼມມະເລທີ່ຖືທາງລົດໄຟບໍລິເວນອ່າວເປີຍປູ້ແລະທາງດ່ວນເປັນພາຫະນະສຳຄັນ,ແລະຂະຫຍາຍໄປສູ່ມຽນມາໂດຍກົງ.
ການສ້າງສາທາງຜ່ານເສດຖະກິດນານນິງສິງກະໂປແມ່ນພາກສ່ວນປະກອບທີ່ສຳຄັນຂອງການຮ່ວມມືລະຫວ່າງພາກພື້ນຈີນກັບອາຊຽນ, ໃນເວທີປຶກສາຫາລືການຮ່ວມມືເສດຖະກິດບໍລິເວນອ່າວເປີຍປູ້ຄັ້ງທີ 5ທີ່ຈັດຂຶ້ນໃນວັນທີ 12 ສິງຫານີ້, ທ່ານຫມ້າປ່ຽວ,ປະທານເຂດປົກຄອງຕົນເອງເຜົ່າຈ້ວງກວາງຊີກ່າວຄຳປາໄສທີ່ມີຫົວຂໍ້ຫຼັກໂດຍກ່າວວ່າ, ເຂດການຄ້າເສລີຈີນອາຊຽນໄດ້ສ້າງສຳເລັດຕາມເວລາກຳນົດ,ການຮ່ວມມືດ້ານການຄ້າແລະການລົງທຶນລະຫວ່າງປະເທດຕ່າງໆຕາມທາງໄດ້ກ້າວສູ່ລວງເລິກຢ່າງບໍ່ຢຸດຢັ້ງ,ເພື່ອເພີ່ມພະລັງແຮງໃຫມ່ແລະກຳລັງແຮງອັນມະຫາສານໃຫ້ແກ່ການສ້າງສາທາງຜ່ານເສດຖະກິດນານນິງສິງກະໂປ,ທາງຜ່ານນີ້ຈະກາຍເປັນເຂດເສດຖະກິດທີ່ເຕີບໂຕໃຫມ່ລະຫວ່າງຈີນກັບອາຊຽນ,ຊຸກຍູ້ໃຫ້ເສດຖະກິດຂອງພາກພື້ນເລັ່ງລັດພັດທະນາໃຫ້ໄວຂຶ້ນ.ທ່ານຫມ້າປ່ຽວກ່າວວ່າ
"ລະບຽງເສດຖະກິດນານນິງສີງກະໂປຈະກາຍເປັນສາຍໂລຫິດໃຫຍ່ທາງເສດຖະກິດທີ່ຕິດຕໍ່ກັບພາກໃຕ້ຂອງຈີນແລະປະເທດອາຊຽນຢູ່ແຫຼມອິນໂດ-ຈີນ. ເຮັດໃຫ້ການຕິດຕໍ່ກັນທາງທະເລແລະທາງບົກລະຫວ່າງຈີນກັບອາຊຽນປະກົດຜົນເປັນຈິງ, ບໍ່ພຽງແຕ່ມີຜົນດີຕໍ່ການຍົກສູງປະສິດທິພາບການຂົນສົ່ງສິນຄ້າຊິ່ງກັນແລະກັນໃຫ້ສູງຂຶ້ນ, ຍັງຈະຊຸກຍູ້ການແລກປ່ຽນແລະຮ່ວມມືລະຫວ່າງອາຊຽນກັບຈີນຢ່າງແຂງແຮງ. ພ້ອມກັນນັ້ນ, ຍັງສາມາດເຊື່ອມຕໍ່ກັບທ່າກ່ຳປັ່ນໃຫຍ່ 10 ກວ່າແຫ່ງທີ່ຢູ່ຝັ່ງຕາເວັນຕົກຂອງອ່າວເປປູ້, ຊຸກຍູ້ໃຫ້ເສດຖະກິດຂອງພາກພື້ນນີ້ພັດທະນາໄວກວ່າເກົ່າ."ເມື່ອໄດ້ສະເໜີໂຄງຄວາມຄິດສ້າງ"ລະບຽງເສດຖະກິດນານນິງສີງກະໂປ"ແລ້ວ, ປະເທດຕ່າງໆກໍເລີ່ມລົງມືວາງແຜນແລະລົງທຶນກໍ່ສ້າງ. ເຈົ້າໜ້າທີ່ແລະນັກປາດທີ່ເຂົ້າຮ່ວມກອງປະຊຸມເຫັນວ່າ, ຝ່າຍຕ່າງໆຂອງບໍລິເວນອ່າວເປປູ້ໄດ້ກ້າວບາດກ້າວທາດແທ້ກ່ຽວກັບການສ້າງ"ລະບຽງເສດຖະກິດນານນິງສີງກະໂປແລ້ວ", ລະບຽງເສດຖະກິດດັ່ງກ່າວໄດ້ສະແດງເບື້ອງຕົ້ນແລ້ວ. ເວົ້າຈາກທາງຄົມມະນາຄົມແລ້ວ, "ລະບຽງເສດຖະກິດນານນິງສີງກະໂປ"ແມ່ນມີຢູ່ແລ້ວໃນຂັ້ນພື້ນຖານ, ເຖິງວ່າຢູ່ລາວ, ກຳປູເຈຍເປັນຕົ້ນເຊິ່ງເປັນທາງຫຼວງທີ່ລະດັບອ່າວຕ່ຳກໍຕາມ, ພຽງແຕ່ດັດສ້າງແລະເລື່ອນຂັ້ນທໍ່ນັ້ນ, ກໍສາມາດບຸໃຊ້ໄດ້ໝົດສາຍແລ້ວ.ທ່ານເລມັນຮຸງ, ລັດຖະມົນຕີຊ່ວຍວ່າການກະຊວງຄົມມະນາຄົມຫວຽດນາມກ່າວເນັ້ນວາ, ເພື່ອເຣັດໃຫ້ເຂດການຄ້າເສລີຈີນ-ອາຊຽນສາມາດນຳເອົາຜົນປະໂຫຍດມາໃຫ້ປະຊາຊົນປະເທດຕ່າງໆຢ່າງແທ້ຈິງ, ບັນດາປະເທດອາຊຽນແລະຈີນຕ້ອງການວາງແຜນການດຳເນີນງານຕ່າງໆ, ຊຸກຍູ້ພາຍໃນໃຫ້ພາກພື້ນມີການແລກປ່ຽນກັນ, ສ້າງຄວາມສະດວກໃຫ້ແກ່ການແລກປ່ຽນເສດຖະກິດແມ່ນສິ່ງສຳຄັນເປັນພິເສດ, ຕໍ່ເລື່ອງນີ້ທ່ານໄດ້ສະເໜີຂໍ້ສະເໜີ 4 ຂໍ້ຄື:"ອັນທີໜຶ່ງ, ບົນພື້ນຖານທີ່ເພີ່ມທະວີການຮ່ວມມືຢູ່ທ່າກ່ຳປັ່ນປະເທດຕ່າງໆ, ບັນດາປະເທດຄວນເພີ່ມທະວີການກໍ່ສ້າງດ້ານທາງຫຼວງແລະທາງລົດໄຟຂອງພາກພື້ນ; ອັນທີສອງ, ບັນດາປະເທດຄວນເພີ່ມທະວີທຳນຽມທີ່ກ່ຽວຂ້ອງໃຫ້ເປັນລະບຽບແບບແຜນ, ໂດຍສະເພາະແມ່ນທຳນຽມການກວດກາພະຍາດຕໍ່ພືດແລະສັດໃນເວລາຜ່ານດ່ານພາສີເປັນຕົ້ນ, ເພື່ອປະກອບສ່ວນເຂົ້າໃນການຄ້າລະຫວ່າງຊາຍແດນຂອງບໍລິເວນອ່າວເປປູ້ແລະອະນຸພາກພື້ນແມ່ນ້ຳຂອງ. ອັນທີສາມ, ປະເທດຕ່າງໆຄວນເພີ່ມທະວີການຄົ້ນຄວ້າເຮັດແນວໃດ້ເຮັດໃຫ້ການລົງທຶນພົນລະເຮືອນລົງທຶນຝ່າຍໃນໂຄງການໃຫຍ່ຕ່າງໆຂອງ"ລະບຽງເສດຖະກິດນານນິງສີງກະໂປ"ໃຫ້ດີກວ່າເກົ່າ. ອັນທີສີ່, ຍ້ອນວ່າຄວາມໄວໃນການພັດທະນາຂອງປະເທດຕ່າງໆໃນພາກພື້ນບໍ່ທໍ່ກັນ, ຄວນໃຫ້ການຊ່ອຍເຫຼືອແກ່ປະເທດທີ່ພັດທະນາອ່າວຊ້າຂອງພາກພື້ນ.
