ທົ່ວປະເທດຈີນໄວ້ອາໄລຜູ້ເສຍຊີວິດໃນໄພດິນຕົມເຈື່ອນຢູ່ເມືອງໂຈ່ວສີແຂວງກ່ານຊູ້
(GMT+08:00) 2010-08-15 18:06:49 cri
ມາຮອດ16ໂມງວັນທີ14ສິງຫານີ້,ໄພດິນຕົມເຈື່ອນທີ່ຮ້າຍແຮງພິລຶກທີ່ເກີດຂຶ້ນຢູ່ເມືອງໂຈ່ວສີແຂວງກ່ານຊູ້ຈີນໃນຕອນຂ້ອນແຈ້ງວັນທີ8ສິງຫາ,ໄດ້ເຮັດໃຫ້1239ຄົນເສຍຊີວິດ,505ຄົນຫາຍສາບສູນ.ຫຼັງຈາກເກີດໄພໜຶ່ງອາທິດແລ້ວ,ເພື່ອສະແດງຄວາມໄວ້ອາໄລອັນເລິກເຊິ່ງຂອງປະຊາຊົນເຜົ່າຕ່າງໆທົ່ວປະເທດຕໍ່ພີ່ນ້ອງຮ່ວມຊາດຜູ້ເສຍຊີວິດ,ວັນທີ15,ຈີນຈັດກິດຈະກຳໄວ້ອາໄລໃນທົ່ວປະເທດ.ແຫ່ງຕ່າງໆຂອງຈີນ,ສະຖານທູດແລະສະຖານກົງສຸນຂອງຈີນປະຈຳຕ່າງປະເທດຊັກທຸງຊາດລົງເຄິ່ງເສົາ,ແລະຢຸດເຊົາການບັນເທີງລື່ນເລີງທຸກຢ່າງ.ນີ້ແມ່ນກິດຈະກຳທົ່ວປະເທດຈີນເພື່ອໄວ້ອາໄລຜູ້ເສຍຊີວິດໃນໄພທຳມະຊາດຄັ້ງທີ3ຫຼັງຈາກແຜ່ນດິນໄຫວເວີ້ນຊວນປີ2008ແລະແຜ່ນດິນໄຫວອີ້ຊູ້ແຂວງຊິງໄຫປີ2010.
ເວລາ5ໂມງ25ນາທີວັນທີ15,ຢູ່ສະໜາມຫຼວງທ່ຽນອ່ານເມີນປັກກິ່ງໄດ້ຊັກທຸງຊາດລົງເຄິ່ງເສົາ,ເພື່ອໄວ້ອາໄລຜູ້ເສຍຊີວິດໃນໄພດິນຕົມເຈື່ອນໂຈ່ວສີ,ຢູ່ທີ່ນີ້ໄດ້ເຕົ້າໂຮມປະຊາຊົນໝື່ນຄົນຢ່າງເປັນເຈົ້າການ.ຕອນເຊົ້າມື້ດຽວກັນ,ຜູ້ນຳຈີນເຊັ່ນທ່ານຫູຈິນທາວ,ທ່ານຈ່ຽງເຈີມິນ,ທ່ານອູປາງໂກ,ທ່ານເວີນເຈຍປາວແລະທ່ານອື່ນໆຮ່ວມກັບປະຊາຊົນທົ່ວປະເທດໄວ້ອາໄລຜູ້ເສຍຊີວິດ.
ເວລາ10ໂມງເຊົ້າ,ກິດຈະກຳໄວ້ອາໄລຈັດຂຶ້ນຢູ່ບ່ອນເກີດໄພດິນຕົມເຈື່ອນບ້ານຕົ່ງເຈ່ຕາແສງເສີງກວນເມືອງໂຈ່ວສີແຂວງກ່ານຊູ້.ນັກຂ່າວCRIໄດ້ລາຍງານຂ່າວວ່າ:
"ຫາກໍ່ໄດ້ຖາກຖາງບ່ອນເປົ່າຫວ່າງຈາກຊາກເຮືອນທີ່ຖືກດິນຕົມເຈື່ອນ,ກິດຈະກຳໄວ້ອາໄລພວມຈັດຂຶ້ນຢູ່ແຫ່ງນີ້.ຢູ່ເທີງເຮືອນແລະຈັກຂຸດດິນຢູ່ອ້ອມຂ້າງໄດ້ແຂວນຜ້າສີດຳທີ່ຂຽນຄຳຂວັນວ່າ"ໄວ້ອາໄລຢ່າງສຸດຊື້ງຕໍ່ຜູ້ເສຍຊີ ວິດໃນໄພດິນຕົມເຈື່ອມອັນໜັກໜ່ວງຢູ່ເມືອງໂຈ່ວສີ","ນາຍແລະພົນທະຫານກັບປະຊາຊົນເຂດປະສົບໄພເປັນຈິດໜຶ່ງໃຈດຽວກັນ","ໂຈ່ວສີບໍ່ອ່ອນຍອມ,ໂຈ່ວສີມີຊີວິດໃໝ່".ຢູ່ບ່ອນໄວ້ອາໄລມີ4ພັນກວ່າຄົນ.ເມື່ອກີ້ນີ້ຂ້ອຍໄດ້ສຳພາດມວນຊົນຫຼາຍຄົນ,ມີນັກສຶກສາຜູ້ໜຶ່ງ,ລາວມີພີ່ນ້ອງ3ຄົນເສຍຊີວິດ.ລາວເວົ້າວ່າ,ເຖິງວ່າໂຈ່ວສີຢູ່ບ່ອນສອກຫຼີກກວງໄກກໍ່ຕາມ,ແຕ່ພາຍຫຼັງເກີດໄພແລ້ວ,ປະຊາຊົນທົ່ວປະເທດໄດ້ໄປຊ່ວຍເຫຼືອຢ່າງທັນການ.ລາວຮູ້ສຶກວ່າໂຈ່ວສີບໍ່ໄກ,ໂຈ່ວສີກັບທົ່ວປະເທດແມ່ນຮ່ວມສາຍເລືອດດຽວກັນແລະຫາຍໃຈຮ່ວມກັນ.
ເວລາ10ໂມງວັນທີ15,ເມືອງລານໂຈ່ວເທດສະບານແຂວງກ່ານຊູ້ກໍຈັດກິດຈະ ກຳໄວ້ອາໄລ.ປະຊາຊົນວົງການຕ່າງໆໜຶ່ງໝື່ນຄົນເຕົ້າໂຮມກັນຢູ່ສະໜາມຕົ່ງຟັ່ງຫົງ,ຜ່ານຈາກຈໍໃຫຍ່ທີ່ຕັ້ງຢູ່ສະໜາມຫຼວງ,ສາມາດເບິ່ງເຫັນສະພາບພິທີໄວ້ອາໄລຢູ່ເມືອງໂຈ່ວສີ,ຄົນທົງຫຼາຍສີໜ້າໂສກເສົ້າ,ນ້ຳຕາໄຫຼຄໍໃນເບົ້າ,ຢືນຢ່າງມິດໆ,ໄວ້ອາໄລພີ່ນ້ອງຮ່ວມຊາດຜູ້ເສຍຊີວິດໃນໄພພິບັດຄັ້ງນີ້.
ວັນທີ15ສິງຫານີ້, ໜັງສືພິມຢູ່ແຫ່ງຕ່າງໆຂອງຈີນໄດ້ປ່ຽນຕົວໜັງສືເປັນສີດຳ, ແຕ່ຕອນຄ່ຳວັນທີ14ສິງຫານີ້ເປັນຕົ້ນມາ, ເວັບໄຊສຳຄັນຕ່າງໆຂອງວຈີນກໍ່ໄດ້ປ່ຽນເປັນສີຂາວດຳ. ຊາວເນັດພາກັນໃຊ້ຮູບການບຼອກ, ຝາກຄວາມຮູ້ສຶກ, ມອບດອກໄມ້ທາງອິນເຕີເນັດ, ເພື່ອສະແດງຄວາມໄວ້ອາໄລຕໍ່ພີ່ນ້ອງຮ່ວມຊາດທີ່ເສຍຊີວິດໃນໄພພິບັດເທື່ອນີ້, ແລະຂໍໃຫ້ປະຊາຊົນຢູ່ເຂດປະສົບໄພຈົ່ງສ້າງສາບ້ານເກີດຄືນໃໝ່.
ໃນມື້ດຽວກັນທີ່ຈັດກິດຈະກຳໄວ້ອາໄລທົ່ວປະເທດ, ຢູ່ເຂດງານວາງສະແດງໂລກຊຽງໄຮ, ກໍ່ໄດ້ຢຸດເຊົາກິດຈະກຳບັນເທີງທັງໝົດ, ຢຸດການເປີດດົນຕີເປີດສວນແລະດົນຕີປະກອບໃນສວນວາງສະແດງ, ແລະຊັກທຸງຊາດລົງເຄິ່ງເສົາເພື່ອສະແດງຄວາມໄວ້ອາໄລ. ນັກຂ່າວCRIໄດ້ລາຍງານຈາກງານວາງສະແດງໂລກຊຽງໄຮວ່າ,
ວັນທີ15ສິງຫານີ້, ໄດ້ຊັກທຸງຊາດສາທາລະນະລັດປະຊາຊົນຈີນ, ທຸງອົງການວາງສະແດງສາກົນ, ທຸງປະຈຳງານວາງສະແດງໂລກຊຽງໄຮລົງເຄິ່ງເສົາເພື່ອສະແດງຄວາມໄວ້ອາໄລ. ການສະແດງສິລະປະວັດທະນະທຳ100ກວ່າເທື່ອຢູ່32ບ່ອນຂອງງານວາງສະແດງຈະຢຸດເຊົາທັງໝົດ. ເວລາ10ໂມງມື້ດຽວກັນ, ຫໍແຂວງກ່ານຊູ້ໃນງານວາງສະແດງໂລກໄດ້ຈັດກິດຈະກຳໄວ້ອາໄລຢ່າງເຄັ່ງຂຶມ.
ວັນທີ15ສິງຫານີ້, ອົງການປົກຄອງ, ສິ່ງກໍ່ສ້າງທີ່ສຳຄັນ, ໂຮງຮຽນທັງໝົດຂອງຮົງກົງແລະມາກາວລ້ວນແຕ່ໄດ້ຊັກທຸງຊາດລົງເຄິ່ງເສົາ. ຕອນເຊົ້າມື້ດຽວກັນ, ຢູ່ສະໜາມຫຼວງຈິ່ນຈືຈິ່ງຮົງກົງ, ຊາວເມືອງຮົງກົງທີ່ມາເບິ່ງພິທີຊັກທຸງຊາດໄດ້ກົ້ມຫົວຢູ່ຕໍ່ໜ້າທຸງຊາດແລະທຸງປະຈຳເຂດບໍລິຫານພິເສດຮົງກົງ, ເພື່ອສະແດງຄວາມໄວ້ອາໄລຕໍ່ພີ່ນ້ອງຮ່ວມຊາດທີ່ເສຍຊີວິດໃນໄພດິນຕົມເຈື່ອນຂອງເມືອງໂຈ່ວສີແຂວງກ່ານຊູ້. ມີປະຊາຊົນກ່າວວ່າ, ລັດຖະບານຈັດພິທີໄວ້ອາໄລທົ່ວປະເທດຢ່າງເຄັ່ງຂຶມ, ສະແດງຄວາມໄວ້ອາໄລຕໍ່ພີ່ນ້ອງຮ່ວມຊາດທີ່ປະສົບເຄາະຮ້າຍ, ສະແດງຄວາມເຫັນໃຈຢ່າງເລິກເຊິ່ງຕໍ່ປະຊາຊົນຢູ່ເຂດປະສົບໄພ, ໄດ້ສະແດງໃຫ້ເຫັນທັດສະນະຂອງລັດຖະບານທີ່ເຄົາລົບຊີວິດ, ຖືປະຊາຊົນເປັນພື້ນຖານຢ່າງຈະແຈ້ງ. ສະຖານທູດແລະສະຖານກົງສູນຈີນປະຈຳຕ່າງປະເທດກໍ່ໄດ້ຈັດກິດຈະກຳໄວ້ອາໄລ. ພະນັກງານທັງໝົດຂອງສະຖານກົງສູນໃຫຍ່ຈີນປະຈຳຊິດນີແລະຜູ້ຕາງໜ້າອົງການບໍລິສັດຈີນ80ກວ່າຄົນໄດ້ເຂົ້າຮ່ວມກິດຈະກຳໄວ້ອາໄລ. ທ່ານຫູສ່ານ, ກົງສູນໃຫຍ່ຈີນປະຈຳຊິດນີກ່າວວ່າ, ເຖິງວ່າປະຈຳຢູ່ຕ່າງປະເທດກໍ່ຕາມ, ແຕ່ເອົາໃຈໃສ່ນຳປະເທດຊາດໃນທຸກເວລາ, ເອົາໃຈໃສ່ປະຊາຊົນຢູ່ເຂດປະສົບໄພ. ທ່ານຫູສ່ານກ່າວວ່າ,
ໄພແຜ່ນດິນໄຫວຢູ່ເມືອງເວິ້ນຊ່ວນບໍ່ໄດ້ທຳລາຍຈິດໃຈອັນໜຽວແໜ້ນຂອງພວກເຮົາທີ່ສະແຫວງຫາຊີວິດການເປັນຢູ່ທີ່ດີງາມ, ໄພແຜ່ນດິນໄຫວອີ້ຊູ້ເຮັດໃຫ້ພວກເຮົາເຂັ້ມແຂງກວ່າເກົ່າ, ໄພດິນຕົມເຈື່ອນໜັກໜ່ວງຢູ່ເມືອງໂຈ່ວສີກໍ່ຈະພິສູດກຳລັງອັນໝັ້ນແກ່ນຂອງປະຊາຊາດຈີນທີ່ສາມັກຄີເປັນຈິດໜຶ່ງໃຈດຽວ, ເອົາຊະນະໄພທຳມະຊາດ. ນະທີ່ນີ້ພວກເຮົາຂໍສະແດງຄວາມໄວ້ອາໄລຕໍ່ພີ່ນ້ອງຮ່ວມຊາດທີ່ເສຍຊີວິດໃນໄພພິບັດ, ສະແດງຄວາມເຄົາລົບຕໍ່ວິລະຊົນທີ່ເຮັດວຽກຢ່າງຫ້າວຫັນໃນແນວໜ້າການກູ້ໄພ, ປະຊາຊົນໂຈ່ວສີຈະບໍ່ອ່ອນຍອມຕໍ່ໄພທຳມະຊາດ, ປະຊາຊົນທົ່ວປະເທດກໍຮ່ວມໄມ້ຮ່ວມມືກັນເພື່ອຮັບມືກັບຄວາມຫຍຸ້ງຍາກ.
