ວັນທີ 16 ສິງຫານີ້ແມ່ນມື້ບຸນ"ຊິຊີ"ແປວ່າເຈັດໆຂິ່ງເລກເຈັດສອງໂຕນີ້ໝາຍເຖິງເຈັດຄ່ຳເດືອນເຈັດຈັດທະຄະຕີທີ່ເປັນບຸນປະເພນີຂອງຈີນ, ເອີ້ນວ່າ"ວັນແຫ່ງຄວາມຮັກຂອງຈີນ". ລັດຖະບານຈີນກໍ່ໄດ້ຈັດເຂົ້າໃນລາຍຊື່ມໍລະດົກວັດທະ ນະທຳທີ່ບໍ່ແມ່ນວັດຖຸງວດທຳອິດໃນເດືອນພຶດສະພາປີ 2006. ຜູ້ຊ່ຽວຊານທີ່ຄົ້ນຄວ້າວັດທະນະທຳປະເພນີຂອງຈີນເຫັນວ່າ, ຊາວໜຸ່ມຈີນພວມໄດ້ເພີ່ມຄວາມເຂົ້າໃຈຕໍ່ເນື້ອໃນຂອງບຸນຊິຊີເທື່ອລະກ້າວ, ວິທີຫຼິ້ນບຸນແບບຈີນນັບມື້ນັບນິຍົມຫຼາຍຂຶ້ນ, ນີ້ໄດ້ສະແດງໃຫ້ເຫັນວ່າຄຸນຄ່າວັດທະນະທຳປະເພນີຂອງຈີນພວມກັບຄືນມາ.
ຢູ່ຈີນ, ບຸນຊິຊີແມ່ນກ່ຽວກັບເທບນິຍາຍທີ່ໜ້າສົງສານແລະງົດງາມ. ທ້າວນີວລາງໄດ້ແຕ່ງງານກັບນາງຟ້າຈື່ນູມີລູກຊາຍແລະລູກສາວສອງຄົນ, ໄດ້ດຳລົງຊີວິດຢ່າງມີຄວາມສຸກ, ແຕ່ຄວາມຮັກຂອງເຂົາເຈົ້າຖືກແບ່ງແຍກ, ນາງຟ້າຈື່ນູຖືກນຳຕົວກັບຄືນເມືອງສະຫວັນ, ສອງຄົນສາມາດພົບກັນໄດ້ຢູ່ຂົວນົກແຊວໃນມື້ຂຶ້ນ7 ຄ່ຳເດືອນ 7 ໃນທຸກປີເທົ່ານັ້ນ.ທ່ານຈ້າວຊູ່, ນັກຄົ້ນຄວ້າວັດທະນະທຳປະຫວັດສາດປັກກິ່ງ, ຜູ້ຊ່ຽວຊານປະເພນີບູຮານກ່າວວ່າ, "ບຸນຊິຊີ"ແມ່ນມີມູນເຊື້ອອັນຍາວນານຢູ່ຈີນ, ແມ່ນເກີດຂຶ້ນຈາກຄວາມເຄົາລົບຂອງຊາວບູຮານຕໍ່ດວງດາວ; ຄຽງຄູ່ກັບການເລົ່າເລື່ອງສືບຕໍ່ກັນມານແລະການປ່ຽນແປງຂອງຍຸກສະໄໝ, ບຸນດັ່ງກ່າວໄດ້ມີສີສັນວັດທະນະທຳຫຼາຍກວ່າເກົ່າ, ໄດ້ຕາງໜ້າທັດສະນະແຫ່ງຄວາມຮັກແລະທັດສະນະຄຸນຄ່າຂອງຄົນຈີນ. "ບຸນດັ່ງກ່າວສະທ້ອນໃຫ້ເຫັນຄວາມຮັກລະຫວ່າງຜົວເມຍ, ຢູ່ຮ່ວມກັນຕະຫຼອດຊີວິດ, ແລະບໍ່ມີການປ່ຽນແປງ, ສະແດງໃຫ້ເຫັນນັບແຕ່ຜົວເມຍຮູ້ຈັກກັນ, ຮັກກັນ, ແຕ່ງງານແລະເກີດລູກ; ອັນທີສອງສະແດງໃຫ້ເຫັນຄວາມເຄົາລົບນັບຖືກັນ, ສະນັ້ນໃນມື້ບຸນນີ້ຄົນທັງຫຼາຍຈື່ງຈະແຂ່ງຂັນສີມືກັນວ່າ ໃຜຈະເກັ່ງກວ່າກັນ, ນີ້ແມ່ນການສ່ອງແສງຂອງຊີວິດໃນສັງຄົມກະສິກຳ..
ມື້ບຸນ"ຊິຊີ"ຍັງຖືເອີ້ນເປັນບູນທີ່ຜູ່ຍິງຖັກແສ່ວອີກ. ໂດຍອີງຕາມປະເພນີອັນເກົ່າແກ່,ໃນມື້ນີ້,ຜູ່ຍິງຄວນຫຍິບເຄື່ອງແລະຖັກແສ່ວເພື່ອສະແດງໃຫ້ເຫັນຄວາມສາມາດການຫຍິບປັກຖັກແສ່ວກຳມະວິທີດ້ານກນຕັດຫຍິບທີ່ປານີດຂອງຕົນ,ແຕ່ປະຈຸບັນ,ການດຳລົງຊີວິດທີ່ແລ່ນນຳເວລາ ກໍ່ໄດ້ປ່ຽນແປງຄວາມຊີນເຄີຍຂອງຄົນໄປແລ້ວ,ຄວາມທັນສະໄຫມໄດ້ເຮັດໃຫ້ຄົນຈີນຊອກຫາຮູບແບບທີ່ສະແດງຄວາມໂລແມນຕິກແລະແລກປ່ຽນມິດຕະພາບຕໍ່ກັນ.
ເວັບໄຊຈຳນວນຫນຶ່ງຂອງຈີນໄດ້ເປີດຄໍລຳພິເສດ,ເຕົ້າໂຮມເລື່ອງຄວາມຮັກທີ່ເຮັດໃຫ້ປະທັບໃຈທີ່ສຸດ,ແລະເຊື້ອເຊີນບັນດາຄູ່ຮັກຮ່ວມກັນຮ້ອງເພງຄວາມຮັກ, ຜູ່ທີ່ເຂົ້າຮ່ວມການແຂ່ງຂັນເທື່ອນີ້ ຍັງຈະມີໂອກາດກິນອາຫານຄູ່ໃນຕອນຄ່ຳຄືນທີ່ເຕັມໄປດ້ວຍບັນຍາກາດໂລແມນຕິກ. ໃນຫຼາຍມື້ມໍ່ໆມານີ້,ຕົວເມືອງໃຫຍ່ຈຳນວນຫນຶ່ງກໍ່ໄດ້ຈັດງານຈັດຫາຄູ່,ເພື່ອສ້າງໂອກາໃຫ້ຄົນໂສດທີ່ຫຍູ້ງວຽກຫຼາຍໄດ້ມີໂອກາດພົບພໍ້ກັນເພື່ອຊອກຄູ່.ກິດຈະກຳທີ່ຈັດຫາຄູ່ແບບນີ້ໄດ້ຮັບຄວາມນິຍົມຫຼາຍຈາກຊາວຫນຸ່ມຫຼາຍໆຄົນ. ຖ້າບຸນ＂ຊິຊີ＂ມີແຕ່ຊື່ວ່າ "ວັນແຫ່ງຄວາມຮັກຈີນ"ເທົ່ານັ້ນ,ຈະເຮັດໃຫ້ມື້ບຸນນີ້ມີເນື້ອງ່າຍເກີດນໄປ. ທ່ານເຫັນວ່າ,ຄົນຈີນໃນຍຸກປະຈຸບັນຄວນສ້າງກິດຈະກຳທີ່ມີຈຸດພິເສດທັນສະໄຫມແລະມີແນວຄິດກ່ຽວກັບຄວາມສວຍງາມ,ເພື່ອພັດທະນາແລະສືບທອດມໍລະດົກອັນລ້ຳຄ່າທີ່ບັນພະບູລຸດສືບທອດກັນມາ. "ພວກເຮົາຄວນປະດິດສ້າງປະເພນີໃຫມ່,ເຮັດໃຫ້ປະເພນີເຫຼົ່ານີ້ມີເນື້ອໃນທີ່ຫຼາກຫຼາຍ,ເນື້ອໃນວັດທະ ນະທຳຂອງມື້ບຸນປະເພນີກໍ່ຈະໄດ້ຮັບການເສີມຂະຫຍາຍກວ່າເກົ່າ. ນີ້ຄວນປະສານກັນກັບຈິດໃຈທີ່ໂຄລົບນັບຖືວັດທະນະທຳອັນເປັນມູນເຊື້ອ.ການທີ່ນຳໃຊ້ຄວາມທັນສະໄຫມຂອງຍຸກປະຈຸບັນແລະສອດຄ່ອງກັບຈິດໃຈຂອງຄົນທັງຫຼາຍໃນຍຸກປະຈຸບັນ,ແລ້ວຈະເຮັດໃຫ້ວັດທະນະທຳອັນເປັນມູນເຊື້ອມີການພັດທະນາເປັນຢ່າງດີກວ່າເກົ່າ,ຈຸດປະສົງທີ່ພວກເຮົາສະເຫຼີມສະຫຼອງມື້ບູນກໍ່ແມ່ນເພື່ອຊົມໃຊ້ມໍລະດົກທີ່ບັນພະບູລຸດສືບທອດກັນໃຫ້ພວກເຮົາ,ສືບທອດມໍລະດົກຈະເຮັດໃຫ້ຊີວິດດີງາມກວ່າເກົ່າ,ເຮັດໃຫ້ຄູ່ທັງຫມົດໃນໂລກລ້ວນແຕ່ສ້າງຄອບຄົວ,ຄູ່ຜົວເມຍມີຄວາມຮັກຄວາມແພງ,
