ຕາມຂ່າວCRI:ໃນເດືອນກໍລະກົດປີນີ້,ຈີນໄດ້ປຽບດຸນການຄ້າ28ຕື້700ລ້ານໂດລາ,ນີ້ແມ່ນລະດັບສູງສຸດນັບແຕ່ເດືອນກຸມພາປີ2009ເປັນຕົ້ນມາ.ຄຽງຄູ່ກັບມູນຄ່າການຄ້າຂາອອກຫຼາຍກວ່າຂາເຂົ້າເພີ່ມຂຶ້ນ,ມີປະເທດແລະກຸ່ມຫາກຳໄລຈຳນວນໜຶ່ງຊີ້ອອກວ່າ,ຈີນຄວນຮັບພາລະອັນທີ່ວ່າ"ໜ້າທີ່ຂອງປະເທດທີ່ໄດ້ປຽບດຸນ
ໃນເດືອນມີນາປີນີ້,ຈີນຍັງໄດ້ເກີດກໍລະນີທີ່ເສຍປຽບດຸນການຄ້າ7ຕື້ 240ລ້ານໂດລາ.ສະນັ້ນ,ກ່ຽວກັບບັນຫາທີ່ຈີນໄດ້ປຽບດຸນການຄ້າ,ຄວນວິຈານຢ່າງຮອບດ້ານແລະພາວະວິໄສ.ໃນວົງການເສດຖະສາດເຫັນໂດຍທົ່ວໄປວ່າ,ຖ້າວ່າມູນຄ່າຜິດໂຕນກັນລະຫວ່າງ ລາຍໄດ້ກັບລາຍຈ່າຍຂອງການໝູນວຽນກິດຈະການປົກກະຕິແມ່ນຢູ່ລະຫວ່າງບວກລົບ5%ຂອງGDP,ກໍ່ເວົ້າໄດ້ວ່າແມ່ນການຄ້າດຸ່ນດ່ຽງກັນໃນຂັ້ນພື້ນຖານ.ຈີນແມ່ນໄດ້ປຽບດຸນ ການຄ້າມາແຕ່ປີ1994,ແຕ່ມູນຄ່າຜິດໂຕນກັນມີແຕ່ກວມບໍ່ຮອດ3%ຂອງGDPໃນຫຼາຍປີ.ແຕ່ວ່າໃນປີ2008,ຕົວເລກນີ້ໄດ້ບັນລຸເຖິງ6,9%.ທ່ານຈ່າງອ້ຽນເຊິ່ງ,ຫົວໜ້າສະຖາບັບຄົ້ນຄວ້າເສດຖະກິດກັບຕ່າງປະເທດຂອງຄະ ນະກຳມະການພັດທະນາແລະປະຕິຮູບແຫ່ງລັດຈີນເຫັນວ່າ,ສັງເກດຈາກດ້ານລວມແລ້ວ, ການຄ້າຈີນດຸ່ນດ່ຽງກັນໃນຂັ້ນພື້ນຖານ,ແຕ່ກໍລະນີໃນປີ2008ແມ່ນມີສາເຫດພິເສດ:"ປີ2008ແມ່ນຈຸດຍອດຂອງເສດຖະກິດຟອງສະບູ່,ເກີດກໍລະນີທີ່ໄດ້ປຽບດຸນການຄ້າໃນໄລຍະນີ້,ຂ້າພະເຈົ້າເຫັນວ່າບໍ່ໝາຍຄວາມວ່າມີບັນຫາຫຍັງ.ການທະນາຄານແລະຕະ ຫຼາດອະສັງຫາລິມະຊັບຂອງອາເມລິກາມີຟອງສະບູ່ເຮັດໃຫ້ຄວາມຕ້ອງການໃນທົ່ວໂລກຈະເລີນຮຸ່ງເຮືອງຢ່າງບໍ່ສົມເຫດສົມຜົນ,ສະນັ້ນຈຶ່ງເຮັດໃຫ້ການຄ້າຂາອອກຂອງຈີນຮຸ່ງເຮືອງໄປນຳ,ແລະໄດ້ປຽບດຸນການຄ້າຫຼາຍໃນໄລຍະນີ້.ເມື່ອເສດຖະກິດຟອງສະບູ່ແຕກແລ້ວ,ມູນຄ້າທີ່ໄດ້ປຽບກໍ່ຈະໜ້ອຍລົງຢ່າງຫຼວງຫຼາຍ."
ສິ່ງທີ່ຜູ່ຮຽກຮ້ອງໃຫ້ຈີນຮັບພາລະໃນຖານະທີ່ເປັນປະເທດໄດ້ປຽບດຸນການຄ້າເບິ່ງຂ້າມນັ້ນແມ່ນ ນັກທຸລະກິດຕ່າງປະເທດຢູ່ຈີນແມ່ນໄດ້ຮັບຜົນປະໂຫຍດອັນສຳຄັນໃນການໄດ້ປຽບດຸນການຄ້າຂອງຈີນ. ຕົວເລກສະແດໃຫ້ເຫັນວ່າ, ປີ 2009, ການໄດ້ປຽບດຸນການຄ້າຂອງນັກທຸລະກິດຕ່າງປະເທດຂອງຈີນໄດ້ສູງເຖິງ 127 ຕື້ໂດລາ, ກວມມູນຄ່າໄດ້ປຽບດຸນການຄ້າຂອງຈີນໃນປີນັ້ນ 65%, ໃນນັ້ນ,ຄວາມໄດ້ປຽບດຸນການຄ້າຂອງນັກທຸລະກິດຕ່າງປະເທດໃນດ້ານການຄ້າປຸງແຕ່ງໄດ້ສູງເຖິງ 222 ຕື້ 800 ລ້ານໂດລາ, ເທົ່າກັບມູນຄ່າໄດ້ປຽບດຸນການຄ້າ1,1%. ນີ້ໄດ້ເຮັດໃຫ້ການໄດ້ປຽບດຸນການຄ້າຈຳນວນຫຼວງຫຼາຍຂອງປະເທດແລະເຂດແຄວ້ນທີ່ອ້ອມຂ້າງຂອງຈີນ ຍ້າຍໄປສູ່ຈີນ.ທ່ານຈັ່ງຢັ້ນເສີ່ງຊີ້ອອກວ່າ:
"ການຄ້າປຸງແຕ່ງແມ່ນຜົນຂອງໂລກາວິວັດ. ຕ່ອງໂສ້ມູນຄ່າຂອງຜະລິດຕະພັນຂອງບໍລິສັດຂ້າມຊາດ ຈະໄດ້ຮັບການຈັດສັນໃນທົ່ວໂລກ, ແລະຈັດສັນວຽກງານຂອງແຮງງານລາຄາຖືກຢູ່ຈີນ, ທົ່ວຕ້ອງໂສ້ມູນຄ່າ 80% ລ້ວນແຕ່ຢູ່ອາເມລິກາ,ຍີ່ປຸ່ນ, ສາທາລະນະລັດເກົາຫຼີ, ເອີລົບແລະປະເທດອື່ນໆ, ມີປະມານ 20% ຜະລິດຢູ່ຈີນ, ແຕ່ປະເທດທີ່ເປັນແຫ່ງຜະລິດ ແມ່ນຈີນ,ສະນັ້ນຈຶ່ງຖືກກໍ່ຖືກຖືວ່າ ຈີນຜະລິດ"
ຖ້າຢາກປ່ຽນແປງສະພາບການໄດ້ປຽບດຸນການຄ້າຂອງຈີນຢ່າງຫຼວງຫຼາຍກວ່າເກົ່າ, ນະໂຍບາຍຂອງຈີນກໍ່ຄວນມຸ້ງຫນ້າໄປສູ່ການຫຼຸດຄວາມໄດ້ປຽນດຸນການຄ້າປຸງແຕ່ງຂອງນັກທຸລະກິດຕ່າງປະເທດຢູ່ຈີນ. ວັນທີ 6 ເມສາປີນີ້, ລັດຖະບານຈີນໄດ້ປະກາດໃຊ້ມາດຕະການໂດຍຊີ້ອອກວ່າ, ຈະປັບປຸງໂຄງປະກອບນຳໃຊ້ທຶນຕ່າງປະເທດໃຫ້ດີຂຶ້ນ,ໂດຍສະເພາະແມ່ນສົ່ງເສີມໃຫ້ທຶນຕ່າງປະເທດໄປລົງທຶນໃນດ້ານອຸດສາຫະກຳຕ່າງໆເຊັ່ນ: ອຸດສາຫະກຳປຸງແຕ່ງທີ່ມີຜະລິດຕະພັນລາຄາແພງ,ອຸດສາຫະກຳເຕັກນິກ ສູງແລະໃຫມ່,ພະລັງງານໃຫມ່, ການປະຢັດພະລັງງານແລະອະນຸລັກສິ່ງແວດລ້ອມແລະອື່ນໆ, ຂໍ້ກຳນົດເຫຼົ່ານີ້ໄດ້ຊັກນຳໃຫ້ທຶນຕ່າງປະເທດຄ່ອຍໆຖອນອອກຈາກຂະແຫນງການປຸງແຕ່ງລະດັບຕ່ຳທີ່ໄດ້ປຽບດຸນອ່າວຫຼາຍໃນປະຈຸບັນ ,ມີຜົນດີຕໍ່ການຫຼຸດອັດຕາສ່ວນຂອງຄວາມໄດ້ປຽບດຸນການຄ້າປຸງແຕ່ງເທື່ອລະກ້າວ.
