ສະບາຍດີທ່ານຜູ່ຟັງທີ່ເຄົາລົບ, ເຫດການນັກທ່ອງທ່ຽວຮົງກົງຖືກຈີ້ເປັນຕົວປະກັນແລະຖືກຍິງເສຍຊີວິດໃນວັນທີ 23 ສິງຫາແລ້ວນີ້ໄດ້ຜ່ານໄປຫນຶ່ງອາທິດແລ້ວ.ວັນທີ 29 ສິງຫາແລ້ວນີ້,ປະຊາຊົນຮົງກົງ 8 ຫມື່ນຄົນໄດ້ເຂົ້າຮ່ວມຂະບວນແຫ່ເພື່ອໄວ້ອາໄລເຖິງດວງວິນຍານຂອງພີ່ນ້ອງຜູ່ເສຍຊີວິດ.ໃນຂະບວນແຫ່ທີ່ມີຄົນເຂົ້າຮ່ວມຢ່າງຫລວງຫລາຍແລະມີຄວາມສະຫງົບເທື່ອນີ້, ໄດ້ສະແດງໃຫ້ເຫັນຄວາມມີສະຕິຂອງຊາວຮົງກົງຢ່າງເຕັມທີ່.
ນັກຂ່າວວິທະຍຸ cri ປະຈຳຮົງກົງໄດ້ເລົ່າກ່ຽວກັບຄວາມສັບສົນຂອງຈິດໃຈຊາວຮົງກົງໃນຫນຶ່ງອາທິດທີ່ຜ່ານມາພາຍຫລັງເກີດເຫດການຈັບຕົວປະກັນ.ການສົນໃຈ, ຄຽດແຄ້ນ, ແລະເອົາໃຈໃສ່ຢ່າງມີສະຕິ,ອາດເວົ້າໄດ້ວ່າ, ການໂຮມຊຸມນຸມຂອງ 8 ຫມື່ນຄົນທີ່ຈັດຂຶ້ນໃນວັນທີ 29 ສິງຫາແລ້ວນີ້ແມ່ນເປັນການສະແດງໃຫ້ເຫັນຄວາມເອົາໃຈໃສ່ຢ່າງມີສະຕິຂອງປະຊາຊົນຮົງກົງ.ຊາວຮົງກົງ 8 ຫມື່ນຄົນໄດ້ແຂ່ງແດດກ້າ,ເຂົ້າຮ່ວມຂະບວນແຫ່ຢ່າງສະຫງົບ, ຮ່ວມກັນໄວ້ອາໄລເຖິງດວງວິນຍານຂອງພີ່ນ້ອງທີ່ເສຍຊີວິດໃນເຫດການຈັບຕົວປະກັນທີ່ມານີລາ.ຄົນທັງຫລາຍໄດ້ຮັກສາຄວາມສະຫງົບຕະຫລອດທາງ,ມີແຕ່ຄຳຂວັນແລະເສື້ອສີດຳຂາວໄດ້ສະແດງໃຫ້ເຫັນຄວາມໃນໃຈຂອງເຊົາເຈົ້າ,ບໍ່ມີສຽງຮ້ອງຄຳຂວັນ, ບໍ່ມີການສະແດງອາລົມຢ່າງຮຸນແຮງ, ບໍ່ມີການປະທະກັນ, ຂະບວນແຫ່ທີ່ພິເສດແນວນີ້ໄດ້ສົ່ງສັນຍານອັນແຮງກ້າທີ່ສຸດໄປຍັງລັດຖະບານຟິລິບປິນແລະທົ່ວໂລກ,ຄື:ຂໍໃຫ້ສຳຫລວດສາເຫດທີ່ແທ້ຈິງໂດຍໄວ,ເພື່ອໃຫ້ກຽດຜູ່ເສຍຊີວິດ.
ໃນຫຼາຍປີມານີ້, ຟີລິບປີນແມ່ນຈຸດໝາຍທ່ອງທ່ຽວທີ່ປະຊາຊົນຮົງກົງນິຍົມຫຼາຍ. ພາຍຫຼັງເກີດເຫດການດັ່ງກ່າວແລ້ວ, ຮົງກົງໄດ້ໃຫ້ສັນຍານເຕືອນສີດຳຕໍ່ນັກທ່ອງທ່ຽວຮົງກົງທີ່ຢາກໄປທ່ຽວຟີລິບປີນ. ໃນເວລາເວົ້າເຖິງອະນາຄົດຂອງຮົງກົງຕໍ່ການທ່ອງທ່ຽວຟີລິບປີນ, ນາງຫຼີຢວນກ່າວວ່າ: "ປະຊາຊົນຮົງກົງຈະຟື້ນຟູຄວາມໝັ້ນໃຈຕໍ່ການໄປທ່ຽວຟີລິບປີນຫຼືບໍ່, ນັ້ນກໍມີຕ້ອງແຕ່ລັດຖະບານຟີລິບປີນສຳຫຼວດເຫດການດັ່ງກ່າວຢ່າງຮອບດ້ານ, ເພີ່ມທະວີມາດຕະການປ້ອງກັນນັກທ່ອງທ່ຽວ, ຈິ່ງຈະສາມາດໄດ້ຮັບຄວາມໝັ້ນໃຈຄືນໃໝ່ຈາກນັກທ່ອງທ່ຽວ."ວັນທີ 30 ສິງຫາແລ້ວນີ້, ຜູ້ຕາງໜ້າຕຳຫຼວດຂອງຮົງກົງທີ່ໄປສຳຫຼວດເຫດການຈີ້ຕົວປະກັນທີ່ເກີດຂຶ້ນຢູ່ນະຄອນຫຼວງມະນີລາຂອງຟີລິບປີນໄດ້ຈັດກອງປະຊຸມປະສົມເພື່ອປຶກສາວຽກງານສຳຫຼວດກັບຝ່າຍຟີລິບປີນ. ໃນວັນທີ 24 ສິງຫາແລ້ວນີ້, ທີ່ແມ່ນມື້ທີ 2 ຫຼັງເຫດການ, ຕຳຫຼວດຮົງກົງກໍໄດ້ຂຶ້ນໄປລົດນຳທ່ຽວທີ່ເກີດເຫດເພື່ອສຳຫຼວດກວດກາຫາຫຼັກຖານເບື້ອງຕົ້ນ.
ຕອນຂ້ອນແຈ້ງວັນທີ 31 ສິງຫາແລ້ວນີ້,ຕຳຫຼວດຮົງກົງກໍ່ໄດ້ຂຶ້ນໄປລົດບັສ໌ນຳທ່ຽວທີ່ເກີດເຫດອີກເທື່ອຫນຶ່ງເພື່ອສຳຫຼວດເກັບກຳຫຼັກຖານ. ຕຳຫຼວດຮົງກົງກ່າວວ່າ,ວຽກງານສຳຫຼວດຫຼັກຖານຂອງຕຳຫຼວດທີ່ຢູ່ນະຄອນຫຼວງມະນີລາແມ່ນດຳເນີນໄປຕາມການຮ່ວມມື ດ້ານວຽກງານຕຳຫຼວດໃນສາກົນທີ່ເຮັດມາຢ່າງເປັນປົກກະຕິດົນແລ້ວ, ແລະໄດ້ຮັບຄວາມເຫັນດີນຳຈາກຕຳຫຼວດຟິລິບປິນກ່ອນແລະດຳເນີນໄປພາຍໃຕ້ການຈັດວາງແລະຮ່ວມມືຂອງເຂົາເຈົ້າ,ເຂົາເຈົ້າຈະສືບຕໍ່ຂໍຄວາມຊ່ອຍເຫຼືອແລະປະສານສົມທົບກັບຈາກເຈົ້າຫນ້າທີ່ທີ່ກ່ຽວຂ້ອງຂອງຟິລິບປິນ,ເພື່ອສຳເລັດວຽກງານສຳຫຼວດຫຼັກຖານ. ໃຜໆກໍ່ຮູ້ກັນວ່າ,ມີຜູ່ອອກແຮງງານທີ່ເປັນຄົນຟິລິບປິນທີ່ໄປເຮັດວຽກຢູ່ຮົງກົງໄດ້ເກືອບ 30 ປີແລ້ວ. ຫຼັງຈາກເກີດເຫດການເທື່ອນີ້ແລ້ວ,ວົງການພາຍນອກເຄີຍເປັນຫ່ວງນຳຄົນຮົງກົງ ຈະກະທຳສິ່ງທີ່ບໍ່ດີຕໍ່ຜູ່ອອກແຮງງານຄົນຟິລິບປິນ,ແຕ່ການສະແດງອອກຂອງຮົງກົງແມ່ນມີສະຕິແລະຄວາມຮັບຜີດຊອບດີ. ນາງຫຼີຢວນກ່າວວ່າ:
"ຄົນຮົງກົງຮູ້ສຶກເສຍໃຈທີ່ສຸດຕໍ່ເຫດການສັງຫານໂຫດເທື່ອນີ້,ແລະສະແດງຄວາມບໍ່ພໍໃຈຕໍ່ຕຳຫຼວດຟິລິບປິນທີ່ກອບກູ້ຊ່ອຍເຫຼືອຕົວປະກັນບໍ່ໄດ້ດີ,ແຕ່ອາລົມທີ່ໃຈຮ້າຍ ແບບນີ້ຕົ້ນຕໍ່ແມ່ນເພື່ອຫວັງໃຫ້ລັດຖະບານຟິລິບປິນສາມາດມີບົດລາຍງານທີ່ເຮັດໃຫ້ຄົນທົ່ວໄປຮູ້ສຶກເພິ່ງພໍໃຈ,ແລະໂຄລົບຜູ່ເສຍຊີວິດເຫຼົ່ານີ້,ຄວາມບໍ່ພໍໃຈຢ່າງຮຸນແຮງນີ້ບໍ່ໄດ້ໄປລະບາຍກັບຄົນຟິລິບປິນຫມົດທຸກຄົນທີ່ເຮັດວຽກຢູ່ຮົງກົງເລີຍ,ທີ່ຈິງແລ້ວ,ມີຜູ່ອອກແຮງງານຟິລິບປິນບາງຄົນກໍ່ເວົ້າວ່າ,ຫຼັງຈາກເກີດເຫດການແລ້ວ,ເຂົາເຈົ້າຮູ້ສຶກວ່ານາຍຈ້າງມີ ທ່າທີທີ່ຈືດຈາງຫນ້ອຍຫນຶ່ງ,ແຕ່ຂ້ອຍຄິດວ່າ ນີ້ພຽງແຕ່ແມ່ນການປ່ຽນແປງປົກກະຕິດ້ານອາລົມຂອງຄົນເຮົາ,ແລະບໍ່ຄວາມຫມາຍວ່າລັງກຽດແລະອາຄາດບາດຫມາງຕໍ່ຜູ່ອອກແຮງງານຟິລິບປິນ."
