ນາຍົກໄທຈະເຂົ້າຮ່ວມວັນຫໍແຫ່ງຊາດໄທໃນງານວາງສະແດງໂລກຊຽງໄຮ້
(GMT+08:00) 2010-09-03 15:54:30 cri
ວັນທີ 5 ກັນຍານີ້ແມ່ນວັນຫໍວາງສະແດງແຫ່ງຊາດໄທໃນງານວາງສະແດງໂລກຊຽງໄຮ້,ທ່ານອະພິສິດ ເວດຊາຊິວະ,ນາຍົກລັດຖະມົນຕີໄທຈະນຳພາຄະນະຜູ່ແທນໄປເຂົ້າຮ່ວມພິທີຢູ່ນະຄອນຊຽງໄຮ.ວັນທີ 2 ກັນຍານີ້, ຢູ່ທຳນຽບລັດຖະບານ, ທ່ານອະພິສິດໄດ້ໃຫ້ສຳພາດຕໍ່ສື່ມວນຊົນຈີນແລະສື່ມວນຊົນພາສາຈີນຢູ່ໄທ.
ທ່ານອະພິສິດແຈ້ງວ່າ, ທ່ານຈະເດີນທາງໄປນະຄອນຊຽງໄຮ້ຂອງຈີນໃນວັນທີ 4 ຫາວັນທີ 5 ກັນຍານີ້ເພື່ອຢ້ຽມຢາມ, ການເຂົ້າຮ່ວມງານວາງສະແດງໂລກຊຽງໄຮ້ແມ່ນວາລະທີ່ສຳຄັນຂອງການຢ້ຽມຢາມເທື່ນີ້,ປະຊາຊົນໄທມີຄວາມຫ້າວຫັນແລະສົນໃຈທີ່ສຸດຕໍ່ການເຂົ້າຮ່ວມກິດຈະກຳຕ່າງໆຂອງງານວາງສະແດງໂລກ,ພ້ອມກັນນັ້ນ, ທ່ານເອງກໍ່ດີໃຈຫລາຍທີ່ໄດ້ເຫັນຫໍວາງ ສະແດງຂອງໄທໄດ້ຮັບຄວາມຊົມເຊີຍຈາກຜູ່ຊົມ.ທ່າອະພິສິດກ່າວວ່າ:ວັນທີ 5 ກັນຍານີ້ແມ່ນວັນຫໍວາງສະແດງແຫ່ງຊາດຂອງໄທ, ຂ້າພະເຈົ້າຂໍຖືໂອກາດນີ້ສະແດງການສະຫນັບສະຫນູນຂອງປະຊາຊົນໄທທີ່ມີຕໍ່ງານວາງສະແດງໂລກແລະຄວາມເອົາໃຈໃສ່ຕໍ່ການພົວພັນມິດຕະພາບລະຫວ່າງສອງປະເທດ.ພວກຂ້າພະເຈົ້າຮູ້ວ່າຫົວຂໍ້ຫລັກຂອງຫໍວາງສະແດງໄທປີນີ້ແມ່ນຮູບການດຳລົງຊີວິດແບບຍືນຍົງ, ເຊິ່ງສຳຄັນແມ່ນສະແດງໃຫ້ເຫັນວິທີດຳລັງຊີວິດປະຈຳວັນຕາມຮີດຄອງປະເພນີຂອງປະຊາຊົນໄທ,ພ້ອມກັນນັ້ນ,ກໍ່ສະແດງໃຫ້ເຫັນສະພາບຂອງສັງຄົມໄທທີ່ມີເສດຖະກິດກຸ້ມຕົນເອງແລະຖືກຕ້ອງປອງດອງກັນ, ເຊື່ອວ່າ,ນີ້ກໍ່ແມ່ນຈຸດພິເສດສຳຄັນອັນຫນຶ່ງທີ່ດຶງດູດນັກທ່ອງທ່ຽວຈີນໄປຊົມ.ພ້ອມກນັນັ້ນ, ພວກຂ້າພະເຈົ້າກໍ່ຫວັງຢາກໃຫ້ຫໍວາງສະແດງຂອງໄທສະແດງໃຫ້ເຫັນມິດຕະພາບລະຫວ່າງສອງປະເທດແລະປະຊາຊົນສອງຊາດໄທກັບຈີນ.
ທ່ານອະພິສິດເປີດເຜີຍວ່າ, ປະຈຸບັນໄທພວມຕັ້ງໜ້າກະກຽມສະເໜີຂໍຈັດງານວາງສະແດງໂລກປີ 2020, ທ່ານກ່າວວ່າ: "ຂໍເປັນເຈົ້າຈັດງານວາງສະແດງໂລກ 2020 ແມ່ນເປົ້າໝາຍຂອງພວກຂ້າພະເຈົ້າ, ພວກຂ້າພະເຈົ້າຈະທຳຄວາມພະຍາຍາມຢ່າງສຸດຂີດເພື່ອເຮັດໃຫ້ໄທກາຍເປັນເຈົ້າພາບທີ່ເຮັດໃຫ້ທຸກຝ່າຍພໍໃຈໃນເວລາ 10 ປີນີ້, ພວກຂ້າພະເຈົ້າດີໃຈຫຼາຍທີ່ຈະໄດ້ໄປຢ້ຽມຢາມຈີນເຊິ່ງເປັນເຈົ້າພາບຈັດງານວາງສະແດງໂລກຊຽງໄຮໃນປີນີ້, ແລະຫວັງວ່າຈະສາມາດຖອດຖອນບົດຮຽນຈາກຈີນ."ນອກຈາກເຂົ້າຮ່ວມກິດຈະກຳງານວາງສະແດງໂລກແລ້ວ, ເປົ້າໝາຍອີກອັນໜຶ່ງຂອງທ່ານອະພິສິດທີ່ມາຢ້ຽມຢາມຈີນເທື່ອນີ້ແມ່ນເພື່ອປຶກສາຫາລືກັບຈີນກ່ຽວກັບສອງປະເທດຮ່ວມທຶນສ້າງໂຄງການທາງລົດໄຟສາຍດ່ວນ. ທີ່ລັດຖະບານໄທອະນຸມັດໃນມໍ່ໆນີ້.
ທ່ານອະພິສິດ ເວດຊາຊີວະກ່າວວ່າ, ລາຍລະອຽດທີ່ຮ່ວມກັນສ້າງລົດໄຟທີ່ສາຍດ່ວນໃນປະຈຸບັນ ພວມປຶກສາຫາລືກັນຢູ່, ແຜນການທີ່ພະຍາຍາມຢາກນຳໃຊ້ໄວທີ່ສຸດກໍ່ແມ່ນລົດໄຟທີ່ມີຄວາມໄວສູງສາຍນີ້ຈະເນັ່ງຈາກເມືອງຫນອງຄາຍທີ່ເຊື່ອມຕໍ່ໄທກັບລາວ,ຜ່ານນະຄອນຫຼວງບາງກອກ, ໄປຫາພາກໃຕ້ຄື:ຈັງຫວັດສົງຂາຂອງໄທທີ່ເຊື່ອມຕໍ່ມະເລເຊຍ, ເສັ້ນທາງລົດໄຟທັງຫມົດຈະຜ່ານໄປທົ່ວປະເທດໄທ,ແຜນການດັ່ງກ່າວຄາດວ່າຈະສຳເລັດພາຍໃນ 5 ປີ.ທ່ານອະພິສິດກ່າວວ່າ:
"ປະຈຸບັນ,ການປຶກສາຫາລືກັນທີ່ຈີນກັບໄທຮ່ວມກັນສ້າງທາງລົດໄຟທີ່ມີຄວາມໄວສູງພວມດຳເນີນຢູ່, ທາງລົດໄຟຫຼາຍສາຍທີ່ຕົກລົງກໍ່ສ້າງຈະມີບົດບາດສຳຄັນຕໍ່ການເຊື່ອມຕໍ່ໄທກັບປະເທດໃກ້ຄຽງ,ຖ້າໂຄງການນີ້ສາມາດໄດ້ຮັບການຈັດຕັ້ງປະຕິບັດ ,ສອງຝ່າຍລ້ວນແຕ່ຈະໄດ້ຮັບຜົນປະໂຫຍດ, ສະນັ້ນ ເຖິງວ່າລາຍລະອຽດກ່ຽວກັບການສ້າງທາງລົດໄຟສາຍນີ້ ຍັງຕ້ອງໃຫ້ປຶກສາຫາລືລະອຽດຕື່ມ, ພວກເຮົາສະແດງຄວາມຍິນດີຕ້ອນຮັບແລະຄອງຄອຍໂຄງການຮ່ວມມືດັ່ງກ່າວ,ແລະຫວັງໃຫ້ສອງຝ່າຍສາມາດລົງນາມໃນສັນຍາສະບັບສຸດທ້າຍໂດຍໄວ"
