ຂະໜາດຊັບພະຍາກອນມະນຸດຈີນເພີ່ມຂຶ້ນຢ່າງບໍ່ຢຸດຢັ້ງ, ຍອດຈຳນວນ ຊັບພະຍາກອນມະນຸດມີ 114 ລ້ານຄົນ
(GMT+08:00) 2010-09-10 18:22:10 cri
ຕາມຂ່າວສານຊິ່ນຮວາ: ປະຊາກອນຫຼາຍ, ຊັບພະຍາກອນແຮງງານອຸດົມສົມບູນແມ່ນສະພາບພື້ນຖານແຫ່ງຊາດຈີນ. ຫຼາຍປີມານີ້, ລັດຖະບານຈີນປະຕິບັດນະໂຍບາຍແລະມາດຕະການທີ່ຕັ້ງໜ້າແລະບັງເກີດຜົນ, ອອກແຮງພັດທະນາແລະນຳໃຊ້ຊັບພະຍາກອນມະນຸດ, ເຮັດໃຫ້ສະພາບການຊັບພະຍາກອນມະນຸດຂອງຈີນໄດ້ມີການປ່ຽນແປງຢ່າງເດັ່ນຊັດ.
ປຶ້ມປົກຂາວ "ສະພາບການຊັບພະຍາກອນມະນຸດຈີນ" ທີ່ຫ້ອງການຖະແຫຼງຂ່າວຂອງລັດຖະບານຈີນປະກາດໃນວັນທີ 10 ກັນຍານີ້ຊີ້ອອກວ່າ, ຂະໜາດຊັບພະຍາກອນມະນຸດຈີນເພີ່ມຂຶ້ນຢ່າງບໍ່ຢຸດຢັ້ງ.
ປຶ້ມປົກຂາວຂຽນວ່າ, ນັບມາຮອດທ້າຍປີ 2009, ປະຊາກອນຂອງຈີນມີເຖິງ 1 ຕື້ 334 ລ້ານ 7 ແສນ 4 ໝື່ນຄົນ(ບໍ່ລວມປະຊາກອນເຂດພິເສດຮົງກົງ, ມາກາວແລະແຂວງໄຕ້ຫວັນ), ໃນນັ້ນ, ຊັບພະຍາກອນແຮງງານ 1 ຕື້ 69 ລ້ານ 6 ແສນ 9 ໝື່ນຄົນ, ຫຼາຍກວ່າປີ 2000 112 ລ້ານ 6 ແສນ 7 ໝື່ນຄົນ, ຜູ້ປະກອບອາຊີບ 779 ລ້ານ 9 ແສນ 5 ໝື່ນຄົນ, ຫຼາຍກວ່າປີ 2000 59 ລ້ານ 1 ແສນຄົນ, ໃນນັ້ນ, ຜູ້ປະກອບອາຊີບໃນຕົວເມືອງແມ່ນ 311 ລ້ານ 2 ແສນຄົນ, ຫຼາຍກວ່າປີ 2000 79 ລ້ານ 6 ແສນ 9 ໝື່ນຄົນ.
ພ້ອມກັນນັ້ນ, ລະດັບຮັບການສຶກສາຂອງປະຊາຊົນຈີນກໍ່ໄດ້ສູງຂຶ້ນຢ່າງເດັ່ນຊັດ. ປຶ້ມປົກຂາວຂຽນວ່າ, ຈີນປະຕິບັດຍຸດທະສາດພັດທະນາທີ່ຖືການສຶກສາເປັນວຽກງານບູລິມະສິດ, ໄດ້ສ້າງລະບົບການສຶກສາປະຊາຊົນທີ່ທັນສະໄໝອ່າວສົມບູນ. ປີ 2000 ໄດ້ບັນລຸເປົ້າໝາຍເຜີຍແຜ່ການສຶກສາພາກບັງຄັບ 9 ປີໃຫ້ທົ່ວເຖິງແລະການລຶບລ້າງການກືກໜັງສືໃຫ້ຜູ້ໃຫຍ່ໂດຍພື້ນຖານ. ອັດຕາຮັບການສຶກສາມັດທະຍົມປາຍກໍ່ສູງຂຶ້ນຫຼາຍ, ການສຶກສາວິຊາຊີບກໍ່ໄດ້ເພີ່ມຂຶ້ນຢ່າງເປັນຈຸດໜັກ, ການສຶກສາລະດັບມະຫາວິທະຍາໄລກໍ່ໄດ້ເຂົ້າສູ່ໄລຍະເຜີຍແຜ່ເຖິງມະຫາຊົນ. ປີ 2009, ໃນທົ່ວປະເທດຈີນ, ໂຮງຮຽນມັດທະຍົມປາຍສາມັນມີນັກຮຽນ 24 ລ້ານ 3 ແສນ 4 ໝື່ນ 2800 ຄົນ, ໂຮງຮຽນວິຊາຊີບລະດັບກາງຕ່າງໆມີນັກຮຽນ 21 ລ້ານ 9 ແສນ 5 ໝື່ນ 1600 ຄົນ, ມະຫາວິທະຍາໄລທຳມະດາສາມັນມີນັກສຶກສາ 21 ລ້ານ 4 ແສນ 4 ໝື່ນ 6600 ຄົນ, ນັກສຶກສາລະດັບປະລິຍາທີ່ກຳລັງສຶກສາມີ 1 ລ້ານ 4 ແສນ 4900 ຄົນ.
ປຶ້ມປົກຂາວຊີ້ອອກວ່າ, ການພັດທະນາການສຶກສາຂອງຈີນ, ເຮັດໃຫ້ລະດັບການສຶກສາຂອງຜູ້ປະກອບອາຊີບສູງຂຶ້ນຢ່າງເດັ່ນຊັດ. ນັບມາຮອດທ້າຍປີ 2009, ສະເລ່ຍແລ້ວ, ປະຊາກອນທີ່ອາຍຸ 15 ປີຂຶ້ນໄປໄດ້ຮັບການສຶກສາປະມານ 8,9 ປີ, ຜູ້ອອກແຮງງານໄດ້ຮັບການສຶກສາ 9,5 ປີ, ໃນນັ້ນ, ອັດຕາທີ່ເຄີຍຮັບການສຶກສາລະດັບມະຫາວິທະຍາໄລເຖິງ 9,9%.
ປຶ້ມປົກຂາວຊີ້ອອກວ່າ, ນັບມາຮອດທ້າຍປີ 2009, ຍອດຈຳນວນຊັບພະຍາກອນມະນຸດໃນທົ່ວປະເທດຈີນມີເຖິງ 114 ລ້ານຄົນ.
