ຕາມຂ່າວCRI: ພາຍຫຼັງເກີດເຫດການຮ້າຍແຮງທີ່ນັກທ່ອງທ່ຽວຮົງກົງຖືກຈັບເປັນຕົວປະກັນຢູ່ນະຄອນຫຼວງມານີລາຂອງຟີລິບປີນແລະມີຄົນເສຍຊີວິດແລະບາດເຈັບຢ່າງຫຼວງຫຼາຍໃນທ້າຍເດືອນສິງຫາແລ້ວນີ້, ລັດຖະບານຟີລິບປີນໄດ້ໃຊ້ມາດຕະການຢ່າງວ່ອງໄວ, ຕັ້ງໜ້າຊຳລະແກ້ໄຂວຽກງານທີ່ຄ້າງຄາແລະດຳເນີນການສຳຫຼວດ, ພ້ອມກັນນັ້ນກໍ່ໃຫ້ການຊ່ອຍເຫຼືອແກ່ເຈົ້າໜ້າທີ່ຮົງກົງທີ່ໄປສຳຫຼວດຢູ່ຟີລິບປີນ.
ວັນທີ 9 ກັນຍານີ້, ຄະນະກຳມະການສຳຫຼວດເຫດການຍອມຮັບເປັນຄັ້ງທຳອິດວ່າ, ອາດຈະມີຕົວປະກັນຮົງກົງບາງຄົນແມ່ນຖືກລູກປຶນຂອງຕຳຫຼວດຟີລິບປີນຍິງຕາຍ. ທ່ານເບນິກໂນ ອາກີໂນ, ປະທານາທິບໍດີຟິລິບປິນສະແດງຄວາມເສຍດາຍຢ່າງເລິກເຊິ່ງຕໍ່ເລື່ອງນີ້ໃນເວລາໃຫ້ສຳພາດຂ່າວໃນວັນທີ 9 ກັນຍານີ້.ພາຍຫຼັງເກີດເຫດການຈັບຕົວປະກັນແລ້ວ, ລັດຖະບານຟີລິບປີນໄດ້ຕັ້ງຄະນະກຳມະການສຳຫຼວດ"ເຫດການ 23 ກັນຍາ"ທີ່ປະກອບດ້ວຍຜູ້ຕາງໜ້າຂອງກະຊວງຍຸດຕິທຳ, ກະຊວງພາຍໃນ, ທຳນຽບປະທານາທິບໍດີແລະອົງການຕໍ່ຕ້ານອາຊະຍະກຳພົນລະເຮືອນຢ່າງວ່ອງໄວໂດຍມີ, ນາງເລລາ ເດີຕລິມາ, ລັດຖະມົນຕີວ່າການກະຊວງຍຸດຕິທຳເປັນປະທານ. ຄຽງຄູ່ກັບການສຳຫຼວດລົງເລິກເທື່ອລະກ້າວ, ຄວາມຜິດພາດທາງຂັ້ນຕອນຊ່ອຍເຫຼືອຕົວປະກັນຫຼາຍບ່ອນຖືກເປີດເຜີຍອອກມາ.
ໃນວັນທີ 9 ກັນຍານີ້, ນາງເດີລີມາຍອມຮັບເປັນຄັ້ງທຳອິດວ່າ, ອາດຈະມີຕົວປະກັນຮົງກົງບາງຄົນແມ່ນຖືກລູກປຶນຂອງຕຳຫຼວດຍິງເສຍຊີວິດ. ຜູ້ຊ່ຽວຊານຟີລິບປີນທີ່ເຂົ້າຮ່ວມການສຳຫຼວດເຫດການຈັບຕົວປະກັນກໍຢືນຢັນວ່າລູກປຶນຈຳນວນໜຶ່ງບໍ່ແມ່ນຍິງຈາກປຶນຂອງຄົນຮ້າຍແລະ, ຈະຂໍຮ້ອງໃຫ້ເຈົ້າໜ້າທີ່ຕຳຫຼວດຮົງກົງຊ່ອຍດຳເນີນການທົດລອງວິຖີລູກປຶນປະຈຸບັນນີ້,ຕຳຫຼວດແລະສະມາຊິກກອງຕຳຫຼວດພິເສດທີ່ເຄີຍເຂົ້າຮ່ວມການຊ່ວຍເຫຼືອຕົວປະກັນນັ້ນໄດ້ມອບປືນຂອງຕົນໃຫ້ສຳຫຼວດທາງວິທະຍາສາດແລະກວດເບິ່ງວິຖີລູກປືນ.ຫວ່າງມໍ່ໆມານີ້,ທ່ານຫຼີຊ້າວກວ່າງ,ຫົວໜ້າພະແນກປ້ອງກັນຄວາມສະຫງົບຂອງເຂດບໍລິຫານພິເສດຮົງກົງກ່າວວ່າ,ຕຳຫຼວດຮົງກົງໄດ້ສຳເລັດວຽກງານຊອກຫາຫຼັກຖານ, ກວດເບິ່ງປືນທີ່ກ່ຽວຂ້ອງແລະວຽກງານສຳຄັນອື່ນໆໃນເບື້ອງຕົ້ນ.ເມື່ອສຳເລັດການສຳຫຼວດແລ້ວ,ອົງການປົກຄອງເຂດບໍລິຫານພິເສດຮົງກົງຈະສືບສວນຫາໜ້າທີ່ຮັບຜິດຊອບເພື່ອມອບຄວາມຍຸດຕິທຳໃຫ້ແກ່ຜູ່ເສຍຊີວິດ,ຜູ່ບາດເຈັບແລະຄອບຄົວຂອງເຂົາເຈົ້າ.
ວັນທີ9ກັນຍານີ້,ໃນເວລາໃຫ້ສຳພາດຕໍ່ສະຖານນີໂທລະພາບຟິລິບປິນຢູ່ທຳນຽບປະທາ ນາທິບໍດີ,ທ່ານເບນິກໂນ ອາກີໂນ,ປະທານາທິບໍດີຟິລິບປິນກ່າວວ່າ,ທ່ານພວມລໍ ຖ້າຜົນການສຳຫຼວດສຸດທ້າຍຂອງຄະນະກຳມະການສຳຫຼວດເຫດການຈັບຕົວປະກັນ,ຫຼັງຈາກນັ້ນຈະຕັດສິນໃຈວ່າຈະສືບສວນຄວາມຮັບຜິດຊອບຂອງເຈົ້າໜ້າທີ່ທີ່ມີຄວາມບົກຜ່ອງ ໃນເຫດການນີ້.ຕາມຂ່າວແຈ້ງວ່າ,ປະຈຸບັນນີ້,ລັດຖະບານຟິລິບປິນພວມກວດກາເຄື່ອງມືປະຕິບັດໜ້າທີ່ຂອງຕຳຫຼວດ,ເພື່ອປັບປຸງປະສິດທິພາບໃນການຮັກສາຄວາມສະຫງົບຂອງຕຳຫຼວດ.
ກ່ອນຫນ້ານີ້,ວັນທີ 8 ກັນຍານີ້,ຢູ່ທີ່ທຳນຽບປະທານາທິບໍດີ,ທ່ານເບນິກໂນ ອາກີໂນທີ 3,ປະທານາທິບໍດີຟິລິບປິນໄດ້ຕ້ອນຮັບທ່ານລິວຈ້ຽນສ້າວ,ເອກອັກຄະລັດຖະທູດຈີນປະຈຳຟິລິບປີນ,ໂດຍກ່າວເນັ້ນວ່າ ຟິລິບປິນຈະສືບຕໍ່ຮ່ວມມືກັບຝ່າຍຈີນ,ເລັ່ງລັດສືບ ສວນເຫດການຈັບຕົວປະກັນ,ບໍ່ເຂົ້າຂ້າງແລະບໍ່ປິດບັງ.ທ່ານກ່າວວ່າ, ລັດຖະບານຟິລິບປິນເອົາໃຈໃສ່ນຳການພົວພັນຮ່ວມມືມິດຕະພາບກັບຈີນ,ຫວັງຢາກ ໃຫ້ສອງຝ່າຍຮ່ວມກັນພະຍາຍາມ, ແກ້ໄຂບັນຫາທີ່ກ່ຽວຂ້ອງຢ່າງເຫມາະສົມ, ເພື່ອເຮັດໃຫ້ການພົວພັນລະຫວ່າງຈີນກັບຟິລິບປິນສືບຕໍ່ກ້າວໄປຫນ້າ.ທ່ານລິວຈ້ຽນສາວກ່າວວ່າ,ຈີນໄດ້ຕີລາຄາຢ່າງຕັ້ງຫນ້າຕໍ່ຄວາມພະຍາຍາມຂອງທ່ານປະທານາທິບໍດີອາກີໂນ,ລັດຖະບານແລະປະຊາຊົນຟິລິນປິນທີ່ໄດ້ທຳ,ແລະເຊື່ອວ່າ ຈີນກັບຟິລິບປິນແກ້ໄຂເຫດການທີ່ເກີດຂຶ້ນໂດຍບັງເອີນເທື່ອນີ້ຢ່າງມີສະຕິແລະເຫມາະສົມ,ເພື່ອເຮັດໃຫ້ການພົວພັນຈີນຟິບລິບປິນສືບຕໍ່ກ້າວໄປຫນ້າຢ່າງປອດໃສແລະຫນັກແຫນັ້ນ.
ວັນທີ 23 ສິງຫາແລ້ວນີ້, ທ້າວໂລຣານໂດ ແມນໂດຊາ,ອະດີດຕຳຫຼວດຂອງຟິລິບປິນທີ່ບອກວ່າຕົນເອງໄດ້ຮັບການປະຕິບັດຕໍ່ຢ່າງບໍ່ຍຸດຕິທຳ ໄດ້ຈີ້ນັກທ່ອງທ່ຽວຊາວຮົງກົງຈີນຢູ່ນະຄອນຫຼວງມານີລາ,ຈົນເຮັດໃຫ້ມີ 8 ຄົນເສຍຊີວິດ. ຍ້ອນຕຳຫຼວດຟິລິບປິນໄດ້ມີຄວາມຜິດພາດຫຼາຍເທື່ອໃນເວລາພະຍາຍາມຊ່ອຍເຫຼືອຕົວປະກັນ,ແລະຖືກຕຳນິຢ່າງຮຸນແຮງຈາກວົງການຕ່າງໆ.ປະຈຸບັນ,ຈຸດທີ່ຫຼາຍຝ່າຍໃຫ້ຄວາມສົນໃຈນັ້ນແມ່ນຕົວປະກັນຊາວຮົງກົງເສຍຊີວິດຍ້ອນຖືກຕຳຫຼວດຟິລິບປິນສັງຫານຜິດໃນເວລາຊ່ອຍເອົາຕົວປະກັນຫຼືບໍ່. ເຖິງວ່າເຫດການເທື່ອນີ້ໄດ້ຜ່ານໄປຫຼາຍອາທິດແລ້ວກໍຕາມ,ແຕ່ຍັງມີບ່ອນທີ່ສົງໄສຈຳນວນຫນຶ່ງບໍ່ໄດ້ຮັບການແກ້ໄຂ, ນັກວິເຄາະເຫັນວ່າ,ເມື່ອສັງເກດຈາກການປະຕິບັດຫນ້າທີ່ຂອງຄະນະກຳມະການສຳຫຼວດເຫດການຈັບຕົວປະກັນຂອງຟິລິບປິນແລ້ວເຫັນວ່າ,ເວລາທີ່ເຮັດໃຫ້ເຫດການເທື່ອນີ້ຈະແຈ້ງຂຶ້ນນັ້ນບໍ່ໄກປານໃດແລ້ວ.
