ແຫ່ງຕ່າງໆທົ່ວປະເທດຈີນມີບັນຍາກາດອັນມ່ວນຊື່ນໃນຍາມພັກວັນຊາດ
(GMT+08:00) 2010-10-04 15:49:09 cri
ບຸນໄຫວ້າພະຈັນທີ່ເປັນບຸນປະເພນີຂອງຈີນຫາກໍ່ຜ່ານພົ້ນໄປ, ປະຊາຊົນຈີນກໍ່ໄດ້ຕ້ອນຮັບວັນຊາດຈີນຢ່າງມ່ວນຊື່ນ, ໃນການພັກວັນຊາດ 7 ວັນ, ປະຊາຊົນຢູ່ແຫ່ງຕ່າງໆຂອງທົ່ວປະເທດຈີນພວມສະຫລອງວັນບຸນດ້ວຍຮູບການຕ່າງໆ.
ຢູ່ບ່ອນທ່ອງທ່ຽວແລະສວນສາທາລະນະຂອງນະຄອນຕ້າລຽນແຂວງຫລຽວນິງ,ໄດ້ປະດັບປະດາດ້ວຍດອກໄມ້ນາໆສີ,ຕ້ອນຮັບຊາວເມືອງແລະນັກທ່ອງທ່ຽວທີ່ມາຈາກຕ່າງຖີ່ນຢ່າງຫລວງຫລາຍ. ວັນຊາດຈີນພໍດີໃນແມ່ນຍາມຫາກໍ່ເຂົ້າສູ່ລະດູໃບໄມ້ຫລົ່ນ,ອາກາດສົດໃສ,ໃນງານວາງສະແດງດອກເກັກຮ່ວຍທີ່ຈັດຂຶ້ນຢູ່ສວນສາທາລະນະຫລາວຕົ້ງຂອງນະຄອນຕ້າລຽນ, ຜູ່ຊົມຈະໄດ້ຊົມດອກເກັກຮ່ວຍເກືອບຫມື່ນໂຖທີ່ສວຍງາມ, ແລະສຳຜັດກັບທຳມະຊາດ.ນັກທ່ອງທ່ຽວຜູ່ຫນຶ່ງບອກວ່າ:
ຍາມທຳມະດາ, ເດັກນ້ອຍຮຽນເມື່ອຍຫລາຍ,ເມື່ອຮອດວັນພັກກໍ່ໃຫ້ລູກໄປຫລິ້ນໄປທ່ຽວ,ເພື່ອພັກຜ່ອນຢ່ອນອາລົມ,ທາງນອກອາກາດກໍ່ດີ,ໃຫ້ເດັກນ້ອຍໄດ້ຫລິ້ນຢ່າງເບີກບານມ່ວນຊື່ນ.
ໃນຍາມບຸນວັນຊາດ,ຢູ່ໃນສວນສາທາລະນະບໍ່ພຽງແຕ່ມີທິວທັດອັນສວຍງາມທໍ່ນັ້ນ, ຍັງມີການສະແດງລາຍການຕ່າງໆອີກ.ໃນສວນສາ ທາລະ ນະປະຊາຊົນເມືອງຈິ່ງເຕີເຈິ້ນແຂວງຈ່ຽງຊີ, ມີຫນ່ວຍສິນລະປະສະ ຫມັກຫລິ້ນຫນ່ວຍຫນຶ່ງ.ສະມາຊິກໃນຫນ່ວຍໄປຫາສວນສາທາລະນະແຕ່ເຊົ້າ,ແລະຖືເຄື່ອງດົນຕີແລະເຄື່ອງນຸ່ງສະແດງລາຍການຕ່າງໆໄປນຳ,ແລ້ວສະແດງລາຍງນສິນລະປະທີ່ແຕ່ງເອງນັ້ນໃຫ້ປະຊາຊົນທີ່ໄປທ່ຽວສວນຊົມ,ອັນໄດ້ເພີ່ມບັນຍາກາດມ່ວນຊື່ນໃນມື້ບຸນ.ນາງຈ່ຽງຊຸນຜິງ, ຫົວຫນ້າຫນ່ວຍສິນລະປະດັ່ງກ່າວບອກວ່າ:
ດຽວນີ້,ປະຊາຊົນພວກເຮົາມີຊີວິດການເປັນຢູ່ດີຂຶ້ນແລ້ວ, ພວກເຮົາກໍ່ເປັນເຈົ້າການຈັດແຕ່ງລາຍການຕ່າງໆເຫລົ່ານີ້ຂຶ້ນ.ມື້ນີ້ແມ່ນວັນພັກບຸນວັນຊາດຈີນ,ຜ່ານຈາກການສະແດງລາຍການເຫລົ່ານີ້,ເພື່ອແບ່ງປັນຄວາມມ່ວນຊື່ນໃຫ້ແກ່ຄົນທັງຫລາຍ.
ເດືອນກັນຍາແລະເດືອນຕຸລາປີນີ້,ຢູ່ແຫ່ງຕ່າງໆຂອງຈີນໄດ້ສາຍຮູບເງົາຫລາຍໆເລື່ອງທີ່ມີດາລາຮູບເງົາສະແດງ,ໄດ້ດຶງດູດໄທເມືອງຫລາຍໆຄົນໄປເບິ່ງ.ຍ້ອນວັນພັກວັນຊາດມີເວລາພຽງພໍ,ຄົນທັງຫລາຍກໍ່ເບົາອົກເບົາໃຈ,ຊາວເມືອງບໍ່ຫນ້ອຍໄດ້ຖືການເບິ່ງຮູບເງົາເປັນການເຄື່ອນໄຫວໃນວັນບຸນ.ຢູ່ເມືອງອີ້ຫລິນເຂດກວາງຊີ,ໂຮງສາຍຮູບເງົາມີຄົນໄປເບິ່ງຮູບເງົາຢ່າງຫລວງຫລາຍຫມົດມື້,ຜູ່ຮັບຜິດຊອບຂອງໂຮງສາຍຮູບເງົາບອກວ່າ:
ຄົນທີ່ມາເບິ່ງຮູບເງົາຫລາຍກວ່າຍາມປົກກະຕິ,ເລີ່ມແຕ່ພວກເຮົາເປີດປະຕູໃນຕອນເຊົ້າ 10 ໂມງເຄິ່ງ,ກໍ່ມີຄົນມາລຽນແຖວຊື້ປີ້.ດຽວນີ້ໃນຕອນຄ່ຳມີຄົນມາເບິ່ງຫລາຍສົມຄວນ,ກາງເວັນກໍ່ຫລາຍກວ່າຍາມປົກກະຕິ.ຄືມື້ວານນີ້,ກາງເວັນພວກເຮົາໄດ້ສາຍຮູບເງົາສອງເທື່ອ,ເກືອບມີຄົນມາເບິ່ງເຕັມສູ່ເທື່ອ.
ການໄປທ່ຽວສວນສາທາລະນະ,ໄປເບິ່ງສະແດງລາຍການ,ແລະເບິ່ງຮູບເງົາ, ນອກຈາກການລຶ້ນເລິງຕ່າງໆແລ້ວ,ວັນພັກວັນຊາດກໍ່ແມ່ນໂອກາດດີສຳລັບຮ້ານຄ້ານຂາຍເຄື່ອງຫລຸດເປີເຊັນ.ຢູ່ນະຄອນກຸ້ຍຢາງແຂວງກຸ້ຍໂຈວ, ປີນີ້, ຮ້ານຄ້າຕ່າງໆມີການຫລຸດລາຄາຢ່າງໃຫຍ່, ບວກກັບລັດຖະບານໄດ້ໃຫ້ນະໂຍບາຍເອົາເຄື່ອງໄຟຟ້າເກົ່າໄປປ່ຽນເອົາເຄື່ອງໄຟຟ້າໃຫມ່ໄດ້,ຈິ່ງເຮັດໃຫ້ຮ້ານຂາຍເຄື່ອງໄຟຟ້າໃຊ້ໃນເຮືອນຂອງນະຄອນກຸ້ຍຢາງຂາຍດິບຂາຍດີ.ສ່ວນໃບໂຄສະນາຫລຸດລາຄາທີ່ແຈກຢາຍຢູ່ຕາມທຸກໆແຫ່ງຂອງຮ້ານຄ້ານັ້ນກໍ່ປະຈັກບຕາທີ່ສຸດ.
ການພັກວັນຊາດ 7 ວັນກໍ່ໄດ້ຊຸກຍູ້ຕະຫລາດທ່ອງທ່ຽວຂອງຈີນຢ່າງແຂງແຮງ.ສະຖາບັນຄົ້ນຄວ້າການທ່ອງທ່ຽວຂອງຈີນຄາດຄະເນວ່າ, ປີນີ້, ຈຳນວນນັກທ່ອງທ່ຽວໃນວັນພັກບຸນວັນຊາດຈີນ 7 ວັນນັ້ນຈະເພີ່ມຂຶ້ນຫລາຍກວ່າປີກາຍຢ່າງຫມັ້ນທ່ຽງ, ໃນນັ້ນ,ຜູ່ທີ່ໄປທ່ຽວຕ່າງປະເທດມີປະມານ 1 ລ້ານ 7 ແສນເທື່ອຄົນ, ເພີ່ມຂຶ້ນຫລາຍກວ່າໄລຍະດຽວກັນຂອງປີກາຍ 12%;ຜູ່ທີ່ທ່ຽວພາຍໃນປະເທດມີປະມານ 210 ລ້ານເທື່ອຄົນ,ເພີ່ມຂຶ້ນ 18% .
ຍ້ອນຄ່າປີ້ຍົນ,ຄ່າພັກເຊົາແລະກິນດຶ່ມຖີບສູງຂຶ້ນ, ລາຄາໄປທ່ຽວຢູ່ພາຍໃນປະເທດສ່ວນຫລາຍໄດ້ສູງຂຶ້ນ,ບາງແຫ່ງໄດ້ສູງຂຶ້ນຫລາຍກວ່າ 20%.ເຖິງວ່າເປັນແນວນີ້ກໍ່ຕາມ, ແຕ່ຊາວເມືອງຍັງນິຍົມອອກໄປທ່ຽວຢ່າງຫ້າວຫັນ.
ລາຄາແພງຂຶ້ນຫນ້ອຍຫນຶ່ງ,ກໍ່ເຂົ້າໃຈໄດ້ຢູ່.ຫລາຍມື້ມານີ້ພໍດີແມ່ນວັນພັກ,ເບີຍກຽມໄປທ່ຽວເມືອງລິ້ຈ່ຽງແຂວງຢຸນນານກັບຫມູ່ຈັກສອງສາມມື້.
