ຫນັງສືພິມປະ ຊາຊົນລາຍວັນຂອງຈີນລາຍງານວ່າ, ວັນທີ18 ຕຸລານີ້, ສູງກາງຂອງພັກຄອມມູນິດຈີນເຊິ່ງເປັນພັກກຳອຳນາດຂອງຈີນໄດ້ພິຈາລະຈາແລະຜ່ານຂໍ້ສະເຫນີກ່ຽວກັບການວາງອອກແຜນການພັດທະນາເສດຖະກິດສັງຄົມແຫ່ງຊາດ 5 ປີຄັ້ງທີ 12 . ຫາງສຽງສາກົນໂດຍທົ່ວໄປເຫັນ ວ່າ,ແຜນການດັ່ງກ່າວມີຄວາມຫມາຍສຳຄັນ. ຈຸດປະສົງທີ່ວາງອອກແຜນການ 5 ປີອອກມາແມ່ນເພື່ອກຳນົດເປົ້າຫມາຍແລະທິດທາງຂອງການພັດທະນາເສດຖະກິດແຫ່ງຊາດຈີນ.ນັບແຕ່ເລີ່ມປະຕິບັດ"ແຜນ ການ 5 ປີຄັ້ງທຳອິດ"ໃນປີ 1953 ເປັນຕົ້ນມາ,ຈີນໄດ້ປະຕິບັດແຜນການ 5 ປີ 11 ຄັ້ງແລ້ວ. ປີນີ້ແມ່ນປີສຸດທ້າຍທີ່ປະຕິບັດ"ແຜນການ 5 ປີຄັ້ງທີ 11." ໃນຖານະທີ່ເປັນພັກກຳອຳນາດຂອງຈີນ,ການທີ່ພັກຄອມມູນິດຈີນໄດ້ມີຂໍ້ສະເຫນີຕໍ່ການວາງແຜນ ການ 5 ປີ ນັ້ນແມ່ນໄດ້ເຮັດມາດົນແລະເປັນປົກກະຕິແລ້ວ. ຫນັງສືພິມແຮງງານ,ຫນັງສືພິມຊາວຫນຸ່ມຂອງຫວຽດນາມແລະອື່ນໆໄດ້ຕິດຕາມລາຍງານຂ່າວຕໍ່ກອງປະຊຸມຄົບຄະນະເທື່ອນີ້.
ບົດລາຍງານຂຽນວ່າ, ກອງປະຊຸມຄົບຄະນະຄັ້ງທີ 5 ຂອງສູນກາງພັກຄອມມູນິດຈີນສະໄໝທີ 17ໄດ້ວິຈານສະຖານະການຂອງພາຍໃນປະເທດແລະຕ່າງປະເທດ,ເພື່ອກຳນົດເສັ້ນທາງ,ເປົ້າຫມາຍແລະຫນ້າທີ່ແຫ່ງການພັດທະນາໃນອະນາຄົດຢ່າງຈະແຈ້ງ.ໄລຍະ"ແຜນການ5ປີຄັ້ງທີ 12"ແມ່ນໄລຍະຂໍກະແຈຂອງຈີນທີ່ຊຸກຍູ້ໃຫ້ສ້າງສັງຄົມທີ່ກົມກຽວກັນ,ເລັ່ງລັດປ່ຽນແປງຮູບການເສດຖະກິດ. ໃນຫວ່າງມໍ່ໆມານີ້,ສື່ມວນຊົນຂອງໄທໄດ້ລົງພິມບົດຄວາມເພື່ອລາຍງານຂ່າວກ່ຽວກັບກອງປະຊຸມເທື່ອນີ້ເລື້ອຍໆ. ຫນັງສືພິມມະຕິຊົນ, ໄທລັດ, ເດລີນິວສ໌, ຜູ່ຈັດການ, ບາງກອກພົສແລະອື່ນໆລ້ວນແຕ່ໄດ້ວິຈານແລະລາຍງານຂ່າວກ່ຽວກັບແຜນການ 5 ປີຄັ້ງທີ 12.
ເວັບໄຊຂອງ"ຫນັງສືພິມລຽນເຮີຈາວປ້າວ"ສິງກະໂປແລະເວັບໄຊທົ່ວໂລກຂອງເກາະສິງກະໂປໄດ້ພິມບົດຄວາມໂດຍຊີ້ອອກວ່າ,ກອງປະຊຸມຄົບຄະນະໄດ້ຄົ້ນຄວ້າພິຈາລະ ນາແລະວາງຂໍ້ສະເຫນີຂອງ"ແຜນການ 5 ປີຄັ້ງທີ 12 "ຂອງຈີນເປັນວາລະປະຊຸມຕົ້ນຕໍ, ຈະເປັນທິດທາງແຜນການພັດທະນາໃນດ້ານຕ່າງໆ ເຊັ່ນ: ເສດຖະກິດ, ສັງຄົມແລະປັບປຸງຊີວິດການເປັນຢູ່ຂອງປະຊາຊົນໃນ 5 ປີຕໍ່ຫນ້າ . ຂ່າວສານPTIຂອງອິນເດຍ ເຫັນວ່າ, ກອງປະຊຸມຄົບຄະນະຄັ້ງທີ 5 ຂອງສູນກາງພັກຄອມມູນິດຈີນສະໄໝທີ 17ທີ່ຈະຈັດຂຶ້ນ ໄດ້ສະແດງໃຫ້ເຫັນວ່າຈີນຈະລົງເລິກປະຕິຮູບແລະເປີດປະຕູຕໍ່ພາຍນອກຕື່ມອີກ,ເລັ່ງລັດປ່ຽນແປງຮູບການພັດທະນາເສດ ຖະກິດ,ກອງປະຊຸມເທື່ອນີ້ກໍ່ຈະຊີ້ທິດຕົ້ນຕໍແຫ່ງການພັດທະນາຂອງຈີນໃນຫຼາຍປີຕໍ່ຫນ້າ. ການລາຍງານຂ່າວຂອງສື່ມວນຊົນຝຣັ່ງຊີ້ອອກວ່າ,ເສດຖະກິດຈີນໄດ້ພັດທະນາແບບ
ກ້າວກະໂດດພາຍໃຕ້ທັດສະນະວິທະຍາສາດແລະສັງຄົມທີ່ກົມກຽວກັນ,ຄວາມຫມາຍພິເສດຂອງກອງປະຊຸມເທື່ອນີ້ກໍ່ແມ່ນເພື່ອຕົກລົງຈະວາງແຜນການ 5 ປີຕໍ່ໄປ. ນີ້ໄດ້ເປັນການຮັບປະກັນແກ່ການປັບປຸງໂຄງປະກອບເສດຖະກິດແລະປ່ຽນແປງຮູບການພັດທະນາເສດຖະກິດພ້ອມດ້ວຍການແກ້ໄຂບັນຫາທີ່ສັງຄົມມີຍຸດຕິທຳ.
ສື່ມວນຊົນຣັດເຊຍເຫັນວ່າ, "ແຜນການ 5 ປີ" ຄັ້ງນີ້ຂອງຈີນຈະເປັນຂໍກະແຈທີ່ຈີນຈະບັນລຸເປົ້າຫມາຍທີ່ສ້າງສັງຄົມນິຍົມທີ່ອີ່ມຫນຳສຳລານຢ່າງຮອບດ້ານ,ການຍຶດຫມັ້ນການນຳພາຂອງພັກຄອມມູນິດຈີນແມ່ນການຮັບປະກັນໂດຍພື້ນຖານໃນການພັດທະນາເສດຖະກິດສັງຄົມຂອງຈີນໃນ 5 ປີຕໍ່ຫນ້າ.
ທ່ານຫຼີທາຍແຮນ, ຫົວຫນ້ານັກຄົ້ນຄວ້າຂອງສະຖາບັນທີ່ເປັນດອກເຕີດ້ານການເມືອງວິທະຍາຂອງສາທາລະນະລັດເກົາຫຼີກ່າວວ່າ,ໃນໄລຍະ＂ແຜນການ5 ປີ ຄັ້ງທີ 11＂,ເສດຖະກິດຈີນໄດ້ເຕີບໂຕຢ່າງວ່ອງໄວ, ບົດບາດອິດທິພົນສາກົນໄດ້ເພີ່ມຂຶ້ນຢ່າງບໍ່ຢຸດຢັ້ງ, ແຕ່ວ່າ ການເຕີບໂຕຂອງເສດຖະກິດຕົ້ນຕໍພຽງແຕ່ສົນໃຈນຳຕະຫຼາດສາກົນເທົ່ານັ້ນ, ໃນຕໍ່ຫນ້າ,ຈີນຈະເນັ້ນຫນັກເຖິງການເປີດກວ້າງຕະຫຼາດຂອງພາຍໃນປະເທດຫຼາຍກວ່າເກົ່າ,ຖ້າແຜນການດັ່ງກ່າວສາມາດບັນລຸຜົນເປັນຈິງ,ບົດບາດອິດທິພົນຂອງຈີນທີ່ມີຕໍ່ເສດຖະ ກິດໂລກຈະເພີ່ມຂຶ້ນຕື່ມອີກ.
ທ່ານອີເອີນ ຈາມົສ໌,ນັກເຄື່ອນໄຫວກິດຈະກຳສັງຄົມຂອງອົສຕຼາລີກ່າວວ່າ, ຄຽງຄູ່ກັບຈີນປະຕິບັດ＂ແຜນການ5 ປີ ຄັ້ງທີ 12＂,ການປະກອບສ່ວນຂອງຈີນທີ່ມີຕໍ່ການພັດທະນາຂອງເສດຖະກິດໂລກຈະໃຫຍ່ຫຼວງກວ່າເກົ່າ. ທ່ານຜູ່ຟັງທີ່ໂຄລົບ,ທ່ານຟັງມານັ້ນແມ່ນCRI ເຈາະຂ່າວທີ່ພາດຫົວເລື່ອງວ່າ: ປະຊາຄົມໂລກສົນໃຈນຳກອງປະຊຸມຄົບຄະນະຄັ້ງທີ 5 ຂອງສູນກາງພັກຄອມມູນິດຈີນສະໄໝທີ 17,ສະເຫນີໂດຍແກ້ວມະນີ.
