ທະນາຄານກາງຂອງຈີນຍົກອັດຕາດອກເບ້ຍໃຫ້ສູງຂຶ້ນ
(GMT+08:00) 2010-10-21 16:24:12 cri
ຕອນຄ່ຳວັນທີ 19 ຕຸລານີ້, ທະນາຄານປະຊາຊົນຈີນໄດ້ປະກາດວ່າ, ນັບແຕ່ວັນທີ 20 ຕຸລານີ້ເປັນຕົ້ນໄປ, ຈະຍົກອັດຕາດອກເບ້ຍມາດຕະຖານພື້ນຖານຂອງເງິນຝາກທະນາຄານແລະເງິນກູ້ຈີນຂອງສະຖາບັນການເງິນໃຫ້ສູງຂຶ້ນ; ອັດຕາດອກເບ້ຍມາດຕະຖານພື້ນຖານຂອງເງິນຝາກປະຈຳໄລຍະຫນຶ່ງປີຂອງສະຖາບັນການເງິນ ຈະຈາກ 2,25% ໃນປັດຈຸບັນ ຂຶ້ນເປັນ 2,5%; ເງິນກູ້ໄລຍະຫນຶ່ງປີ ຈະຈາກ 5,31% ຂຶ້ນເປັນ 5,56%.ສ່ວນເງິນຝາກແລະເງິນກູ້ລະດັບຕ່າງໆອື່ນກໍ່ໄດ້ປັບປຸງຢ່າງເຫມາະສົມຄືກັນ. ນັກເສດຖະສາດເຫັນວ່າ, ຄວາມສ່ຽງຂອງເສດຖະກິດທີ່ຫຼຸດຕ່ຳລົງໃນປະຈຸບັນອາດຈະຫາຍໄປໂດຍພື້ນຖານ, ສ່ວນແຮງກົດດັນທີ່ລາຄາສິນຄ້າແພງຂຶ້ນໄດ້ເພີ່ມຫຼາຍຂຶ້ນຢ່າງບໍ່ຢຸດຢັ້ງ ,ແລະໄພເງິນເຟິ້ທີ່ຄາດໄວ້ລ່ວງຫນ້າກໍ່ໄດ້ເພີ່ມຂຶ້ນໃນລະດັບໃດຫນຶ່ງ, ການຍົກອັດຕາດອກເບ້ຍໃຫ້ສູງຂຶ້ນແມ່ນການຕັດສິນໃຈທີ່ ຖືກຕ້ອງຂອງທະ ນາຄານກາງເພື່ອຮັກສາໃຫ້ເສດຖະກິດພັດທະນາຢ່າງຫມັ້ນທ່ຽງແລະໄວສົມຄວນແລະຄຸ້ມຄອງການຄາດການລ່ວງຫນ້າທີ່ມີຕໍ່ໄພເງິນເຟີ້ໃຫ້ດີຂຶ້ນຫຼັງຈາກພິຈາລະນາຢ່າງສຸຂຸມຮອບຄອບ.
ນີ້ແມ່ນທະນາຄານກາງຈີນຍົກອັດຕາດອກເບ້ຍເທື່ອທຳອິດໃນຮອບ 3 ປີ. ເທື່ອຫຼ້າທ້າຍທີ່ທະນາຄານກາງຍົກອັດຕາດອກເບ້ຍແມ່ນໃນເດືອນທັນວາ 2007, ປີ2007,ເພື່ອຮັບມືກັບການຫມູນວຽນຂອງເງິນຕາທີ່ລົ້ນເຫຼືອແລະແຮງກົດດັນຂອງໄພເງິນເຟີ້, ທະນາຄານກາງໄດ້ຍົກອັດຕາມາດຕະຖານພື້ນຖານຂອງເງິນຝາກແລະເງິນກູ້ 6ເທື່ອ. ນັບແຕ່ເດືອນກັນຍາ 2009ເປັນຕົ້ນມາ, ເພື່ອຮັບມືກັບວິກິດການການເງິນສາກົນ, ທະນາຄານກາງກໍ່ໄດ້ເລີ່ມຫຼຸດອັດຕາດອກເບ້ຍໃຫ້ຕ່ຳລົງ,ໄດ້ຫຼຸດອັດຕາດອກເບ້ຍເງິນກູ້ເທື່ອ, ແລະເງິນຝາກ 4 ເທື່ອ. ທ່ານຈ້າວຊີ່ຈຸ່ນ,ຮອງຫົວຫນ້າຂອງສະຖາບັນຄົ້ນຄວ້າການເງິນແລະຫຼັກຊັບຂອງມະຫາວິທະຍາໄລປະຊາຊົນຈີນກໍ່ໄດ້ວິເຄາະກ່ຽວກັບສາເຫດທີ່ທະນາຄານກາງຍົກອັດຕາດອກເບ້ຍໃຫ້ສູງຂຶ້ນຄື:
"ອັນທີຫນຶ່ງແມ່ນເພື່ອຮັບມືກັບແຮງກົດດັນທີ່ລາຄາສິນຄ້າແພງຂຶ້ນ. ອັນທີສອງແມ່ນສາມາດຜ່ອນຄາຍສະພາບການສະຫນອງເງິນຕາໄດ້ໄວສົມຄວນ, ເພາະວ່າອີງຕາມສະພາບໃນປະຈຸບັນ, ຈັງຫວະເຕີບໂຕຍັງໄວສົມຄວນ. ອັນທີສາມແມ່ນຄຳນຶງເຖິງການຮັບມືກັບສະພາບອັດຕາດອກເບ້ຍທາງລົບຂອງເງິນຝາກ,ອັນທີ່ວ່າອັດຕາດອກເບ້ຍທາງລົບກໍ່ຫມາຍຄວາມວ່າປະຊາຊົນຝາກເງິນໃນທະນາຄານແລ້ວ ຍັງເປັນຫ່ວງນຳເງິນຝາກຂອງຕົນເອງທີ່ຫຼຸດຫນ້ອຍລົງ,ຫຼັງຈາກຍົກອັດຕາດອກເບ້ຍໃຫ້ສູງຂຶ້ນແລ້ວ,ສາມາດປ່ຽນແປງສະພາບອັດຕາດອກເບ້ຍທາງລົບໄດ້.ອັນທີສີກໍ່ແມ່ນຈຸດປະສົງຂອງການຕັດສິນໃຈດັ່ງກ່າວທີ່ຍົກອັດຕາດອກເບ້ຍໃຫ້ສູງຂຶ້ນສ່ວນຫຼາຍແມ່ນເພື່ອສົ່ງເສີມໃຫ້ຕະຫຼາດຜ່ອນຄາຍໄພເງິນເຟິ້ທີ່ຄາດໄວ້ ກໍ່ຄືເພື່ອຄຸ້ມຄອງບົດບາດຂອງໄພເງິນເຟີ້. "
ຕາມຕົວເລກທີ່ກ່ຽວຂ້ອງສະແດງໃຫ້ເຫັນວ່າ, ຈັງຫວະການເພີ່ມຂຶ້ນຂອງອຸດສາ ຫະກຳຈີນໃນເດືອນສິງຫາປີນີ້ໄດ້ຟື້ນຕົວດີຂຶ້ນເທື່ອທຳອິດນັບແຕ່ຕົ້ນປີນີ້ມາ, ເສດຖະກິດຈີນພວມຈາກສະພາບການຫຼຸດຕ່ຳລົງຫັນໄປສູ່ການຟື້ນຟູຄືນໃຫມ່. ພ້ອມກັນນັ້ນ, ຕົວເລກດັດສະນີລາຄາສິນຄ້າຂອງຈີນກໍ່ໄດ້ຫຼາຍກວ່າລະດັບອັດຕາດອກເບ້ຍເງິນຝາກປະຈຳໄລຍະຫນຶ່ງປີ,ສອງປີແລະສາມປີ, ປະຊາຊົນກໍ່ບໍ່ໄດ້ຝາກເງິນຕົວຈິງມາເປັນເວລາ 7 ເດືອນລຽນຕິດ. ທ່ານຈ້າວຊີ່ຈຸ່ນ ກໍ່ອະທິບາຍເພີ່ມຕື່ມຕໍ່ປັດໄຈສັງຄົມ ຕົວຈິງທີ່ຍົກອັດຕາດອກເບ້ຍໃຫ້ສູງຂຶ້ນ, ທ່ານກ່າວວ່າ:
ຖ້າບໍ່ໄດ້ຍົກອັດຕາດອກເບ້ຍໃຫ້ສູງຂຶ້ນ,ກໍ່ສະແດງໃຫ້ເຫັນວ່າປະຊາຊົນນັບມື້ນັບບໍ່ມີຄວາມຫມັ້ນໃຈຈຕໍ່ສະພາບເສດຖະກິດໃນອະນາຄົດ.ດຽວນີ້ທະນາຄານກາງຈີນໄດ້ວາງມາດຕະການແລ້ວ, ເຖິງແມ່ນວ່າອັດຕາດອກເບ້ຍຍົກຂຶ້ນບໍ່ສູງຫລາຍ,ແຕ່ອັນນີ້ໄດ້ສະແດງໃຫ້ເຫັນເຖິງທ່າທີຂອງທະນາຄານກາງຈີນທີ່ຈະຮັບມືກັບການຂຶ້ນລາຄາ. ປະຊາຊົນກໍອາດຈະປ່ຽນທັດສະນະວ່າ, ໃນອະນາຄົດ, ລາຄາສິນຄ້າຈະບໍ່ຂຶ້ນ, ເພາະວ່າທະນາຄານກາງໄດ້ເລີ່ມແກ້ໄຂເງິນເຟີ້ແລ້ວ. ພາຍຫລັງວິກິດການການເງິນ,ເພື່ອຮັບມືກັບເງິນເຟີ້, ອົສຕຼາຣີ, ນັອກແວ, ອິນເດຍ, ເບຼຊິນແລະກຸ່ມເສດຖະກິດອື່ນໆລ້ວນແຕ່ໄດ້ເພີ່ມອັດຕາດອກເບ້ຍ,ແຕ່ພ້ອມດຽວກັນນີ້, ທະນາຄານກາງຂອງອາເມລິກາ, ເອີລົບ, ຍີ່ປຸ່ນແລະກຸ່ມເສດຖະກິດປະເທດຈະເລີນອື່ນໆຍັງປະຕິບັດນະໂຍບາຍດອກເບ້ຍຕ່ຳຄືເກົ່າ. ເທື່ອນີ້ເປັນເທື່ອທຳອິດທີ່ທະນາຄານກາງຂອງຈີນໄດ້ເພີ່ມອັດຕາດອກເບ້ຍໃນ3ປີຜ່ານມາ, ໄດ້ກາຍເປັນອີກປະເທດຫນຶ່ງທີ່ເພີ່ມອັດຕາດອກເບ້ຍຕໍ່ຈາກອິນເດຍແລະເບຼຊິນ, ອັນນີ້ມີຜົນດີຕໍ່ປະເທດຈີນເພື່ອລະງັບເງິນເຟີ້ທີ່ຄາດໄວ້ລ່ວງຫນ້າແລະເຮັດໃຫ້ເສດຖະກິດຂະຫຍາຍຕົວຢ່າງຫມັ້ນທ່ຽງ.
