ຕາມຂ່າວສານຊິນຮວາ:ວັນທີ20 ຕຸລານີ້,"ເວທີປຶກສາຫາລືສຸດຍອດກ່ຽວກັບການຮ່ວມມືແລະການພັດທະນາດ້ານການທະນາຄານ"ເຊິ່ງເປັນເວທີປຶກສາຫາລືໜຶ່ງຂອງງານວາງສະແດງສິນຄ້າຈີນອາຊຽນຄັ້ງທີ7ໄດ້ອັດລົງແລ້ວຢູ່ໜານໜິງ,ທຸກຝ່າຍທີ່ເຂົ້າຮ່ວມກອງປະຊຸມໄດ້ມີຄຳເຫັນເປັນເອກກະສັນກັນ3ຂໍ້ກ່ຽວກັບການລົງເລິກຮ່ວມມືທາງການທະນາຄານ,ຄືເສີມຂະຫຍາຍບົດບາດແກນກາງໃນການພັດທະນາເສດຖະກິດພາກພື້ນ,ສ້າງຕັ້ງລະບົບຕະຫຼາດການທະນາຄານພາກພື້ນທີ່ເປັນເອກະພາບກັນ,ສ້າງຕັ້ງກົນໄກການຮ່ວມມືດ້ານການທະນາຄານພາກພື້ນທີ່ລົງເລິກຕົວຈິງແລະມີປະສິດທິພາບສູງ.
ບັນດາຝ່າຍທີ່ເຂົ້າຮ່ວມກອງປະຊຸມເຫັນວ່າ,ຕ້ອງຊຸກຍູ້ເຮັດໃຫ້ຕະຫຼາດການທະນາຄານພາຍໃນພາກພື້ນໝັ້ນທ່ຽງ,ສ້າງກົນໄກຮ່ວມມືທີ່ມີປະສິດທິພາບຢ່າງໝັ້ນຄົງ,ສ້າງຕັ້ງລະບົບການທະນາຄານທີ່ເປັນເອກະພາບກັນພາຍໃນພາກພື້ນ,ຈິ່ງສາມາດສະໜອງກຳລັງແຮງໃຫ້ການພັດທະນາເສດຖະກິດໝົດທຸກຂະແໜງການໃນເຂດການຄ້າເສລີຈີນອາຊຽນ,ເພີ່ມທະວີຄວາມໝັ້ນທ່ຽງຂອງອົງກອນເສດຖະກິດພາຍໃນພາກພື້ນ,ຊຸກຍູ້ການພົວພັນຮ່ວມມືລົງເລິກແລະພັດທະນາ.
