ວັນທີ29ຕຸລານີ້, ຢູ່ນະຄອນຫຼວງຮ່າໂນ້ຍຂອງຫວຽດນາມ, ຜູ້ນຳຂອງຈີນແລະອາຊຽນໄດ້ອອກຖະແຫຼງການຮ່ວມກ່ຽວກັບການພັດທະນາແບບຍືນຍົງແລະແຜນດຳເນີນງານ5ປີເທື່ອທີ2ຂອງການຮ່ວມມືລະຫວ່າງຈີນກັບອາຊຽນ. ໃນເວລາໃຫ້ສຳພາດຕໍ່ນັກຂ່າວ, ທ່ານຊູ່ຮ້າວ, ສາດສະດາຈານຂອງສະຖາບັນການຕ່າງປະເທດຈີນກ່າວວ່າ, ຜົດປະໂຫຍດຮ່ວມລະຫວ່າງຈີນກັບອາຊຽນຫຼາຍກວ່າຄວາມຂັດແຍ່ງ. ທະແນມແຕ່ການຮ່ວມມືໄດ້ຮັບການຊຸກຍູ້ຢ່າງແທ້ຈິງແລ້ວ, ການພົວພັນມິດຕະພາບຈີນອາ-ຊຽນກໍຈະມີອະນາຄົດອັນສະວ່າງແຈ້ງ.
ໃນກອງປະຊຸມສຸດຍອດຈີນ-ອາຊຽນຄັ້ງທີ13, ກ່ຽວກັບການພົວພັນລະຫວ່າງຈີນກັບອາຊຽນ, ທ່ານເວີ່ນເຈ່ຍປາວ, ນາຍົກລັດຖະມົນຕີຈີນໄດ້ກ່າວເນັ້ນວ່າ, ຈີນຍິນດີເປັນ "ເພື່ອນບ້ານໃກ້ຄຽງທີ່ດີ, ເພື່ອນມິດທີ່ດີ, ໝູ່ຄູ່ທີ່ດີ"ຂອງປະເທດອາຊຽນຈົນເທົ້າໃດໆ, ແລະຍ້ອງຍໍການຮ່ວມມືລະຫວ່າງຈີນກັບອາຊຽນແມ່ນ "ຕິດແທ້ຕົວຈິງທີ່ສຸດ, ອຸດົມສົມບຸນທີ່ສຸດ, ມີປະສິດທິຜົນທີ່ສຸດ."
ຊ່ຽວຊານຫຼາຍທ່ານເຄີຍກ່າວວ່າ, ຜົນສະທ້ອນຕໍ່ສະຖານະພາບຂອງການເມືອງ ເສດຖະກິດຍ້ອນປະເທດໃຫຍ່ຂອງນອກພາກພື້ນມາເຂົ້າຮ່ວມແລະທ່າທີຂອງຈີນແມ່ນຈຸດສຸມຂອງກອງປະຊຸມເທື່ອນີ້. ທີ່ເປັນໝາກຜົນຂອງກອງປະຊຸມສຸດຍອດ ຂອງຈີນແລະອາຊຽນ, ໄດ້ຊີ້ອອກຢ່າງຈະແຈ້ງວ່າ, ຈີນສະໜັບສະໜູນອາຊຽນສ້າງ ປະຊາຄົມອາຊຽນເຊິ່ງລວມທັງປະຊາຄົມຄວາມໝັ້ນຄົງດ້ານການເມືອງ, ປະຊາຄົມເສດຖະກິດແລະປະຊາຄົມວັດທະນະທຳສັງຄົມໃຫ້ສຳເລັດພາຍໃນປີ2015. ທ່ານຊູ່ຮ້າວ, ສາດສະດາຈານຂອງສະຖາບານການຕ່າງປະເທດຈີນເຫັນວ່າ, ນີ້ແມ່ນການສະໜັບສະໜູນຢ່າງຈະແຈ້ງຂອງຈີນຕໍ່ອາຊຽນໃນການເພີ່ມທະວີຄວາມສາມະຄີຂອງຕົນ.
"ຄວາມເຊື່ອມໂຍງຂອງອາຊຽນ,ກໍ່ມີຜົນດີຕໍ່ຄວາມເຊື່ອມໂຍງຂອງທົ່ວພາກພື້ນອາຊີຕາເວັນອອກ,ຈະລົງເລິກການຮ່ວມມືລະຫວ່າງຈີນກັບອາຊຽນ,ນອກນັ້ນ,ເມື່ອສັງເກດການຮ່ວມມືດັ່ງກ່າວຈາກດ້ານຍຸດທະສາດແລ້ວເຫັນວ່າ,ຈີນແລະອາຊຽນມີຜົນປະໂຫຍດຮ່ວມທີ່ສຳຄັນທີ່ສຸດ."
ການຮ່ວມມືດ້ານເສດຖະກິດການຄ້າແມ່ນຂົງເຂດຈຸດໜັກຂອງການຮ່ວມມືລະຫວ່າງຈີນກັບອາຊຽນ.ນັບແຕ່ເຂດການຄ້າເສລີຈີນ-ອາຊຽນໄດ້ສ້າງສຳເລັດໃນວັນທີ 1 ມັງກອນປີນີ້ເປັນຕົ້ນມາ,ແຕ່ໄຕມາດທີ 1 ຫາໄຕມາດທີ 3 ປີນີ້,ມູນຄ່າການຄ້າລະຫວ່າງສອງຝ່າຍບັນລຸ 211 ຕື້ 300 ລ້ານໂດລາ,ເພີ່ມຂຶ້ນ 44% ເມື່ອທຽບໃສ່ໄລຍະດຽວກັນຂອງປີກາຍ,ຈີນໄດ້ກາຍເປັນຄູ່ການຄ້າອັນດັບທີ 1 ຂອງອາຊຽນ,ອາຊຽນເປັນຄູ່ການຄ້າອັນດັບທີ 4 ຂອງຈີນ,ການລົງທຶນເຊິ່ງກັນແລະກັນກໍ່ເພີ່ມຂຶ້ນຢ່າງບໍ່ຢຸດຢັ້ງ.
ໃນກອງປະຊຸມສຸດຍອດເທື່ອນີ້,ທ່ານເວີ່ນເຈ່ຍປາວ,ນາຍົກລັດຖະມົນຕີຈີນໄດ້ສະເໜີເປົ້າໝາຍໃໝ່ວ່າ,ພະຍາຍາມເຮັດໃຫ້ມູນຄ່າການຄ້າລະຫວ່າງສອງຝ່າຍບັນລຸ 500 ຕື້ໂດລາໃນປີ 2015,ຈີນກໍ່ຍິນດີສ້າງເຂດຮ່ວມມືເສດຖະກິດການຄ້າກັບແຕ່ລະປະເທດສະມາຊິກອາຊຽນພາຍໃນ 5 ປີ.ທ່ານຊູ່ຮ້າວເຫັນວ່າ,ຂໍ້ສະເໜີດັ່ງກ່າວບໍ່ພຽງແຕ່ມີຫົວຄິດປະດິດສ້າງເທົ່ານັ້ນ,ຍັງມີຄວາມອາດເປັນໄປໄດ້.
"ລະດັບການພັດທະນາຂອງ 10 ປະເທດອາຊຽນແມ່ນຕ່າງກັນ,ມີອົງກອນເສດຖະກິດທີ່ອ່າວພັດທະນາແລະໄດ້ຫັນເປັນອຸດສາຫະກຳໂດຍພື້ນຖານແລ້ວ,ຍັງມີປະເທດທີ່ພວມຫັນເປັນອຸດສາຫະກຳ,ຍັງມີປະເທດທີ່ດ້ອຍພັດທະນາ.ທີ່ຈິງແລ້ວ,ໂຄງປະກອບເສດຖະກິດຂອງຈີນກໍ່ແມ່ນໂຄງປະກອບເສດຖະກິດທີ່ມີຫຼາຍລະດັບ,ສາມາດຊອກໄດ້ຂົງເຂດການຮ່ວມມືເສດຖະກິດກັບທຸກປະເທດສະມາຊິກອາຊຽນທີ່ມີລະດັບການພັດທະນາເສດຖະກິດຕ່າງກັນ.ທ່າແຮງນີ້ປະເທດໃຫຍ່ອື່ນໆບໍ່ມີ."
ແນ່ນອນແລ້ວວ່າ,ລະຫວ່າງຈີນກັບບາງປະເທດອາຊຽນກໍ່ມີຄວາມຂັດແຍ່ງກັນບາງຢ່າງ,ຕົວຢ່າງຄືບັນຫາທະເລຈີນໃຕ້.ກ່ຽວກັບບັນຫານີ້,ທ່ານຊູ່ຮ້າວກ່າວວ່າ,ຈີນກັບອາຊຽນໄດ້ມີຫຼັກໝັ້ນພື້ນຖານຄືສະຫງວນຄວາມເຫັນທີ່ຂັດແຍ່ງກັນແລະພັດທະນາຮ່ວມກັນ,ຍັງໄດ້ເຊັນຖະແຫຼງການກ່ຽວກັບການກະທຳຢູ່ທະເລຈີນໃຕ້,ໄດ້ມີຄວາມຮັບຮູ້ທີ່ເປັນເອກະສັນກັນເພື່ອປົກປັກຮັກສາສັນຕິພາບແລະສະຖຽນລະພາບຂອງທະເລຈີນໃຕ້.ເຖິງວ່າໃນໄລຍະມໍ່ໆມານີ້,ໄດ້ມີຄວາມຂັດແຍ່ງກັນບາງຢ່າງ,ແຕ່ມັນຈະບໍ່ກະທົບເຖິງພາກສ່ວນໃຫຍ່ຂອງການພົວພັນລະຫວ່າງຈີນກັບອາຊຽນ.
