ຕາມຂ່າວcri:ຕອນເຊົ້າວັນທີ3 ພະຈິກນີ້,ທ່ານດາຕຸກ ອີສກັນດາ ຊາຣູດິນ ເອກອັກຄະລັດຖະທູດມາເລເຊຍປະຈຳຈີນຄົນໃໝ່ໄດ້ຢ້ຽມຢາມcri.
ໃນການພົບປະກັບທ່ານວາງຢຸນເພິງ ຮອງຫົວໜ້າວິທະຍຸcri,ທ່ານຊາຣູດິນກ່າວວ່າ,ຈະຊ່ອຍເຫຼືອcriສ້າງວິທະຍຸFMຢູ່ມາເລເຊຍ,ແລະດຳເນີນການຮ່ວມມືແລະການແລກປ່ຽນຢ່າງກວ້າງຂວາງກວ່າເກົ່າ,ຊຸກຍູ້ມິດຕະພາບລະຫວ່າງປະຊາຊົນສອງປະເທດ.
ໃນເວລາໃຫ້ສຳພາດຕໍ່ນັກຂ່າວcri,ທ່ານຊາຣູດິນກ່າວວ່າ,ປັດຈຸບັນ,ການພົວພັນລະຫວ່າງສອງຝ່າຍມາເລເຊຍກັບຈີນພວມຢູ່ໃນໄລຍະທີ່ຂະຫຍາຍຕົວຢ່າງດີງາມທີ່ສຸດພາຍຫຼັງສ້າງສາຍພົວພັນການທູດເປັນຕົ້ນມາ,ການຮ່ວມມືແລະແລກປ່ຽນລະຫວ່າງສອງຝ່າຍໃນຂົງເຂດຕ່າງໆພວມຂະຫຍາຍຕົວຢ່າງບໍ່ຢຸດຢັ້ງ.
