ວັນທີ4 ພະຈິກນີ້,ຢູ່ພະນົມເປັນ,ທ່ານອູປ່າງກົວ ປະທານສະພາປະຊາຊົນແຫ່ງຊາດຈີນທີ່ພວມດຳເນີນການຢ້ຽມຢາມສັນຖະວະໄມຕີຢ່າງເປັນທາງການຢູ່ກຳປູເຈຍກ່າວວ່າ,ການພົວພັນລະຫວ່າງຈີນກັບກຳປູເຈຍໄດ້ຜ່ານການທົດສອບຂອງການປ່ຽນແປງຂອງສະຖານະການສາກົນ,ແມ່ນຕົວຢ່າງຂອງການຮ່ວມມືຢ່າງຈິງໃຈລະຫວ່າງປະເທດກັບປະເທດ.
ທ່ານອູປ່າງກົວແມ່ນໃຫ້ທັດສະນະດັ່ງກ່າວໃນເວລາເຈລະຈາກັບທ່ານເຮັງສຳຣິນ, ປະທານສະພາແຫ່ງຊາດກຳປູເຈຍ.ເພື່ອຊຸກຍູ້ການພົວພັນຄູ່ຮ່ວມມືຮອບດ້ານລະຫວ່າງຈີນກັບກຳປູເຈຍຂະຫຍາຍຕົວຢ່າງລົງເລິກ,ທ່ານອູປ່າງກົວໄດ້ສະໜີ3ຂໍ້ຄື:ສອງຝ່າຍຄວນຮັກສາການແລກປ່ຽນລະດັບສູງນຳກັນ,ເພີ່ມທະວີການຮ່ວມມືດ້ານເສດຖະກິດການຄ້າຕື່ມອີກແລະເພີ່ມທະວີການປະສານງານແລະສົມທົບໃນວຽກງານສາກົນແລະພາກພື້ນ.
ທ່ານເຮັງສຳຣິມເຫັນດີນຳຂໍ້ສະເໜີຂອງທ່ານອູປ່າງກົວກ່ຽວກັບການຂະຫຍາຍການພົວພັນລະຫວ່າງສອງປະເທດແລະເພີ່ມທະວີການຮ່ວມມືລະຫວ່າງສະພາຂອງສອງປະເທດ.ທ່ານກ່າວວ່າ,ຝ່າຍກຳປູເຈຍປະຕິບັດນະໂຍບາຍໄມຕີຈິດມິດຕະພາບຕໍ່ຈີນຢ່າງສະເໝີຕົ້ນສະໝີປາຍ,ສະພາແຫ່ງຊາດກຳປູເຈຍຍິນດີຮັກສາການແລກປ່ຽນສະໜິດແໜ້ນລະດັບຕ່າງໆກັບສະພາປະຊາຊົນແຫ່ງຊາດຈີນ,ປະກອບສ່ວນຢ່າງຕັ້ງໜ້າເຂົ້າໃນການຂະຫຍາຍຕົວຢ່າງຮອບດ້ານຂອງການພົວພັນລະຫວ່າງສອງປະເທດ.
