ຄວາມເຫັນປະເທດໃຫຍ່ຕ່າງໆໃນການຕ່າງປະເທດຢູ່ອາຊີປາຊິກຟິກ
(GMT+08:00) 2010-11-05 16:01:58 cri
ໃນໄລຍະມໍ່ໆມານີ້, ຜູ່ນຳຫລືເຈົ້າຫນ້າທີ່ລະດັບສູງຂອງຣັດເຊຍ, ຍີ່ປຸ່ນ, ອາເມລິກາແລະອົສຕຼາລີພາກັນໄປຢ້ຽມຢາມຫວຽດນາມ, ມາເລເຊຍ,ກຳປູເຈຍແລະປະເທດຕ່າງໆ.ນັກວິເຄາະເຫັນວ່າ, ນູໂຍບາຍການຕ່າງປະເທດປະເທດໃຫຍ່ເຫລົ່ານີ້ຕໍ່ອາຊີປາຊິກຟິກແມ່ນແຕກ່ຕ່າງກັນ.ຫາງສຽງຂອງປະເທດທີ່ຮັບການຢ້ຽມຢາມນັ້ນເຫັນວ່າ, ຣັດເຊຍແມ່ນຢາກຍົກອິດທິພົນຂອງຕົນຢູ່ເຂດນີ້ໃຫ້ສູງຂຶ້ນ, ຍີ່ປຸ່ນແມ່ນຢາກຊອກຫາການເພີ່ມຕື່ມຊັບພະຍາກອນໃຫ້ແກ່ຕົນເອງຕື່ມ,ອາເມລິກາຈະເຂົ້າຮ່ວມວຽກງານຂອງອາຊີໃຫ້ຫລາຍກວ່ເກົ່າ,ສ່ວນອົສຕຼາລີແມ່ນຍ້ອນຄວາມຕ້ອງການທາງການເມືອງພາຍໃນປະເທດ.
ພາຍຫລັງໄດ້ເຂົ້າຮ່ວມກອງປະຊຸມສຸດຍອດຣັດເຊຍກັບອາຊຽນຢູ່ທີ່ນະຄອນຫລວງຮ່າໂນຍຂອງຫວຽດນາມແລ້ວ, ທ່ານດີມິດຕຼີ ເມັດເວເດັຟ,ປະທານາທິບໍດີຣັດເຊຍໄດ້ຢ້ຽມຢາມຫວຽດນາມຢ່າງເປັນທາງການໃນວັນທີ 31 ຕຸລາແລ້ວນີ້.ທ່ານເມັດເວເດັຟກ່າວວ່າ, ຫວຽດນາມແມ່ນຄູ່ຮ່ວມມືສຳຄັນຂອງຣັດຊເຍຢູ່ເຂດອາຊີປາຊິກຟິກ.
ຣັດເຊຍກັບຫວຽດນາມໄດ້ເຊັນສັນຍາກ່ຽວກັບການຮ່ວມມືກັນສ້າງໂຮງໄຟຟ້ານິວເຄຼຍຢູ່ຫວຽດນາມ, ສັນຍາຮ່ວມມືກັນຂຸດຄົ້ນນ້ຳມັນແລະອາຍແກສ ທຳມະຊາດຢູ່ຣັດຊເຍແລະສັນຍາອື່ນໆ.ໃນນັ້ນໂຄງການສ້າງໂຮງໄຟຟ້ານິວເຄຼຍແຫ່ງທຳອິດຢູ່ຫວຽດນາມນັ້ນຈະມີການລົງທຶນຫລາຍກວ່າ 5 ຕື້ໂດລາ,ຣັດເຊຍຖືວ່າແມ່ນຜົນສຳເລັດທີ່ສຳຄັນທີຸ່ສດ,ເຊິ່ງສະແດງໃຫ້ເຫັນເຖິງການຮ່ວມມືດ້ານພະລັງງານແລະວິທະຍາສາດເຕັກນິກລະຫວ່າງສອງປະເທດໄດ້ຂຶ້ນສູ່ລະດັບໃຫມ່.
ຫາງສຽງໃນຫວຽດນາມເຫັນວ່າ, ຫວຽດນາມທີ່ມີຊັບພະຍາກອນອຸດົມສົມ ບູນແລະຣັດເຊຍທີ່ມີເຕັກນິກດ້ານອຸສາຫະກຳສູງນັ້ນຖ້າຮ່ວມມືກັນຈະສາມາດບັນລຸການໄດ້ຜົນປະໂຫຍດຮ່ວມກັນ.
ເມື່ອໄດ້ເຂົ້າຮ່ວມກອງປະຊຸມສຸດຍອດຕ່າງໆຂອງອາຊຽນແລ້ວ, ທ່ານຄານ ນາໂອໂຕະ,ນາຍົກລັດຖະມົນຕີຍີ່ປຸ່ນກໍ່ໄດ້ຢ້ຽມຢາມຫວຽດນາມຢ່າງເປັນທາງການ.ການຂຸດຄົ້ນແຮ່ທາດທີ່ຫາກຍາກແລະເພີ່ມການລົງທຶນຢູ່ຫວຽດນາມແມ່ນເນື້ອໃນຕົ້ນຕໍທີ່ທ່ານເຈລະຈາກັບຜູ່ນຳຫວຽດນາມ.ນາຍົກ ສອງປະເທດໄດ້ອອກຖະແຫລງການຮ່ວມໂດຍກ່າວວ່າ,ສອງຝ່າຍໄດ້ເຊັນສັນຍາກ່ຽວກັບຍີ່ປຸ່ນລົງທຶນຢູ່ຫວຽດນາມເພື່ອຂຸດຄົ້ນແຮ່ທາດທີ່ຫາຍາກ ,ຍີ່ປຸ່ນຈະໃຫ້ການສະຫນັບສະຫນູນແກ່ຫວຽດນາມໃນດ້ານການເງິນແລະເຕັກນິກ.ນອກນີ້, ຍີ່ປຸ່ນຍັງຈະຮ່ວມມືກັບຫວຽດນາມໃນໂຄງການສ້າງໂຮງໄຟຟ້ານິວເຄຼຍ,ເພື່ອໃຫ້ການສະຫນັບສະຫນູນດ້ານອຸປະກອນ,ເຕັກນິກແລະທຶນແກ່ການສ້າງເຄື່ອງປະຕິກອນສອງແຫ່ງຂອງໂຮງໄຟຟ້ານິວເຄຼຍແຫ່ງທີສອງຂອງຫວຽດນາມ.
ວັນທີ 29 ຕຸລາແລ້ວນີ້,ນາງຮີວລາຣີ ຄຼິນຕັນ,ລັດຖະມົນຕີວ່າການກະຊວງການຕ່າງປະເທດອາເມລິກາໄດ້ເດີນທາງໄປຫວຽດນາມ,ເລີ່ມ ຢ້ຽມຢາມປະເທດຕ່າງໃນອາຊີປາຊິຟິກເປັນເວລາສອງອາທິດ.ພາຍຫລັງໄດ້ເຂົ້າຮ່ວມກອງປະຊຸມສຸດຍອດຕ່າງໆຂອງອາຊຽນແລ້ວ,ນາງໄດ້ຢ້ຽມຢາມະເລເຊຍແລະກຳປູະເຈຍ.ໃນການຢ້ຽມຢາມມາເລເຊຍໃນວັນທີ 2 ພະຈິກນີ້,ອາເມລິກາກັບມະເລເຊຍໄດ້ເຊັນສັນຍາຮ່ວມມືແລະບົດບັນທຶກຄວາມເຂົ້າໃຈໃນຂົງເຂດການປິ່ນປົວພະຍາດ,ເຕັກນິກໃຫມ່ແລະການບິນ.ນາງຮີວລາຣີກ່າວວ່າ:"ຍິນດີຊ່ວຍນາຍົກລັດຖະມົນຕີນາຈິບພ້ອມຜູ່ນຳປະເທດອື່ນໆຊຸກຍູ້ການສົນທະນາກັນລະຫວ່າງສາສະຫນາທີ່ຕ່າງກັນ".
ຫນັງສືພິມ ຊິນໂຈວເດລີ ທີ່ເປັນຫນັງສືພິມພາສາຈີນທີ່ພິມຈຳຫນ່າຍຫລາຍທີ່ສຸດຂອງມາເລເຊຍໄດ້ລົງພິມບົດນຳກ່າວວ່າ, ການຢ້ຽມຢາມອາຊີປາຊິກຟິກຂອງນາງຮີວລາຣີກໍ່ຄືການຢ້ຽມຢາມອິນເດຍ,ອິນໂດເນເຊຍ,ສ.ເກົາຫລີແລະຍີ່ປຸ່ນຂອງທ່ານປະທານາທິບໍດີໂອບາມາໃນຕໍ່ໄປນີ້,ໄດ້ສະແດງໃຫ້ເຫັນເຖິງຄວາມຕັດສິນໃຈຂອງອາເມລິກາໃນການປັບປຸງຍຸດທະສາດ,ກັບຄືນສູ່ອາຊີ.
ວັນທີ 1 ພະຈິກນີ້,ນາງຈູເລຍ ເອວລີນ ກີນລາດ,ນາຍົກລັດຖະມົນ ຕີອົສຕຼາລີໄດ້ສິ້ນສຸດການຢ້ຽມຢາມາເລເຊຍຢ່າງເປັນທາງການເປັນເວລາ 2 ວັນ.ໃນການພົບປະ,ຜູ່ນຳອົສຕຼາລີແລະມະເລເຊຍເຫັນດີເພີ່ມທະວີການຮ່ວມມືກັນຕື່ມອີກ,ຕໍ່ຕ້ານການຄ້າມະນຸດແລະອາຊະຍາກຳຂ້າມຊາດ.
ຫນັງສືພິມນິວສເທຼດແທມສ໊ ຫນັງສືພິມພາສາອັງກິດຂອງມາເລເຊຍວິຈານວ່າ, ນາງກິນລາດເລືອກເອົາມາເລເຊຍເປັນປະເທດທຳອິດທີ່ໄປຢ້ຽມ ຢາມຕ່າງປະເທດແມ່ນຍ້ອນບັນຍາກາດການເມືອງພາຍໃນປະເທດອົສຕຼາ ລີ.ການລັກເຂົ້າເມືອງ, ການຄ້າມະມຸດແລະບັນຫາຊາວອົບພະຍົບແມ່ນເລື່ອງທີ່ພັກຝ່າຍຄ້ານອົສຕຼາລີໃຊ້ໂຈມຕີລັດຖະບານ,ສະນັ້ນ, ນາງກໍ່ຕ້ອງໄດ້ແກ້ໄຂບັນຫາເຫລົ່ານີ້ໃຫ້ຕົກຈິ່ງຈະສາມາດດຳລົງຕຳແຫນ່ງໄດ້ອີກສະໄຫມຫນຶ່ງ.
