ກອງປະຊຸມຄັ້ງທຳອິດຂອງ"ລັດພາຄີສົນທິສັນຍາວ່າດ້ວຍການເກືອດຫ້າມລະເບີດລູກຫວ່ານຫຼືເອີ້ນວ່າສົນທິສັນຍາໂອດສະໂລ" ໄດ້ຈັດຂຶ້ນຢູ່ນະຄອນຫຼວງວຽງຈັນຂອງລາວແຕ່ວັນທີ 9 -12 ພະຈິກນີ້. ຄະນະຜູ່ແທນຈາກ 120 ກວ່າປະເທດໃນໂລກ,ສະຫະປະຊາຊາດແລະສະພາກາງແດງສາກົນ ອົງການຈັດຕັ້ງທີ່ບໍ່ແມ່ນລັດຖະບານຫຼື NGO ທີ່ມາຈາກແຫ່ງຕ່າງໆໃນໂລກຫຼາຍກວ່າ 1000 ຄົນໄດ້ເຂົ້າຮ່ວມກອງປະຊຸມເທື່ອນີ້. ຈຸດປະສົງຕົ້ນຕໍ່ຂອງກອງປະຊຸມ ເທື່ອນີ້ແມ່ນເພື່ອວາງທິດທາງ,ມາດຕະການແລະແຜນປະຕິບັດງານລະອຽດ,ເພື່ອຈັດຕັ້ງປະຕິບັດໃຫ້ບັນລຸເປົ້າຫມາຍຕ່າງໆເຊັ່ນ: ການເກືອດຫ້າມການຜະລິດແລະການນຳໃຊ້ລະເບີດລູກຫວ່ານ, ແກ້ໄຂຜົນກະທົບຈາກລະເບີດບໍ່ທັນແຕກ,ຊ່ອຍເຫຼືອປະຊາຊົນຜູ່ໄດ້ຮັບເຄາະຮ້າຍແລະອື່ນ.
ປີ1964,ອາເມລິກາໄດ້ກໍ່ສົງຄາມຫວຽດນາມ,ລາວແລະກຳປູເຈຍທີ່ໃກ້ກັບຫວຽດ ນາມ ກໍ່ໄດ້ກາຍເປັນສະຖານທີ່ທີ່ຍົນສູ້ຮົບຂອງອາເມລິກາຖິ້ມລະເບີດໃສ່ຢ່າງຫນັກຫນ່ວງ. ລະເບີດໃຫຍ່ຫຼັງຈາກຖິ້ມລົງຈາກຍົນລະເບີດ, ຍັງມີລູກລະເບີດນ້ອຍຫຼືບົມບີ 30% ຍັງບໍ່ແຕກ, ແລະກາຍເປັນລະເບີດບໍ່ທັນແຕກທີ່ຕົກຄ້າງ,ເຊິ່ງເປັນໄພຂົ່ມຂູ່ຕໍ່ປະຊາຊົນຢູ່ບໍລິເວນດັ່ງກ່າວຢ່າງຫຼວງຫຼາຍ. ເຖິງວ່າສົງຄາມຫວຽດນາມສິ້ນສຸດລົງມາໄດ້ 30 ປີແລ້ວ, ແຕ່ຢູ່ພາກເຫນືອຂອງລາວຍັງມີລະເບີດບໍ່ທັນແຕກຕົກຄ້າງຢູ່ຢ່າງຫຼວງຫຼາຍ, ຫຼັງຈາກສົງຄາມສິ້ນສຸດລົງແລ້ວ,ປະຊາຊົນທີ່ບໍ່ມີຄວາມຜິດຫຍັງຫຼາຍກວ່າ 5 ຫມື່ນຄົນຍັງໄດ້ເສຍຊີວິດ,ຮັບບາດເຈັບແລະກາຍເປັນຄົນພິການດ້ວຍລະເບີດເຫຼົ່ານີ້, ປະຊາຊົນຜູ່ທີ່ໄດ້ຮັບເຄາະຮ້າຍສະເລ່ຍແລ້ວມີ 300 ຄົນຕໍ່ປີ. ຮອດປະຈຸບັນປະເທດລາວຍັງມີເນື້ອທີ່ 37% ທີ່ມີລະເບີດບໍ່ທັນແຕກ,ເຮັດໃຫ້ການຜະລິດແລະຊີວິດການເປັນຢູ່ຂອງປະຊາຊົນຕົກຢູ່ໃນສະພາບອັນຕະລາຍທຸກເວລາ, ແລະກໍ່ເຮັດໃຫ້ເນື້ອທີ່ດິນຈຳນວນຫຼວງຫຼາຍບໍ່ໄດ້ຮັບການພັດທະນາ,ເປັນອຸປະສັກແກ່ການພັດທະນາເສດຖະກິດສັງຄົມແລະຄວາມພະຍາຍາມດ້ານການຫຼຸດຜ່ອນຄວາມທຸກຍາກຂອງປະຊາຊົນ ກອງປະຊຸມຄັ້ງທຳອິດຂອງ"ລັດພາຄີສົນທິສັນຍາໂອດສະໂລ"ໄດ້ເລືອດຈັດຂຶ້ນຢູ່ລາວເຊິ່ງເປັນປະເທດທີ່ໄດ້ຮັບຜົນກະທົບຫຼາຍທີ່ສຸດໃນໂລກຈາກລະເບີດບົມບີ, ວັນທີ 9 ພະຈິກນີ້,ທ່ານຈູມມາລີ ໄຊຍະສອນ,ປະທານປະເທດລາວໄດ້ເຂົ້າຮ່ວມແລະກ່າວຄຳປາໄສໃນພິທີໄຂປະຊຸມຢູ່ຫໍວັດທະນະທຳແຫ່ງຊາດນະຄອນຫຼວງວຽງຈັນ , ທ່ານກ່າວວ່າ:
ກອງປະຊຸມຄັ້ງທຳອິດຂອງລັດພາຄີ"ສົນທິສັນຍາໂອສະໂລ" ຄັ້ງນີ້ແມ່ນມີຄວາມໝາຍສຳຄັນທາງດ້ານປະຫວັດສາດຂອງປະຊາຄົມໂລກ, ເພາະຜູ່ແທນທີ່ເຂົ້າຮ່ວມຈະໄດ້ພ້ອມກັນປຶກສາຫາລືທິດທາງແລະມາດຕະການໃນການຈັດຕັ້ງປະຕິບັດພັນທະໃນສົນທິສັນຍາໂອດສະໂລພ້ອມທັງການສ້າງກົນໄກ, ການຕິດຕາມເພື່ອຮັບປະກັນໃຫ້ສົນທິສັນຍາດັ່ງກ່າວຖືກຈັດຕັ້ງປະຕິບັດຢ່າງເຕັມສ່ວນ, ແລະມີປະສິດທິຜົນ, ແນໃສ່ເຮັດໃຫ້ໂລກຂອງພວກເຮົາຫຼຸດພົ້ນແລະກ້າວໄປເຖິງການກຳຈັດລະເບີດຊະນິດນີ້, ບໍ່ໃຫ້ສືບຕໍ່ເຂັ່ນຂ້າຊີວິດປະຊາຊົນພົນລະເມືອງຕະຫຼອດເຖິງເດັກນ້ອຍ, ແມ່ຍິງອີກຕໍ່ໄປ."
ທ່ານຈູມມະລີຍັງຮຽກຮ້ອງໃຫ້ປະຊາຄົມໂລກສືບຕໍ່ສະໜັບສະໜູນແຜນການຍາວນານຂອງລາວກ່ຽວກັບການເກັບກູ້ລະເບີດທີ່ຍັງບໍ່ທັນແຕກ, ແລະເຫັນວ່າການຊ່ອຍເຫຼືອສາກົນບໍ່ພຽງແຕ່ສາມາດຊ່ອຍເຫຼືອໃຫ້ປະຊາຊົນລາວໃຫ້ດຳລົງຊີວິດໂດຍບໍ່ມີຄວາມຢ້ານກົວ, ຕ່ຍັງສະແດງໃຫ້ເຫັນຄວາມປາດຖະໜາຮ່ວມກັນຂອງປະຊາຄົມໂລກທີ່ປະຕິບັດໜ້າທີ່ເພື່ອມະນຸດສະທຳ.
ທ່ານນາງມິຈິໂຣ ອາຊາໂຣເຊ, ຮອງເລຂາທິການໃຫຍ່ສະຫະປະຊາຊາດກ່າວວ່າ, ຫວັງວ່າສົນທິສັນຍາໂອສະໂລຈະສະໜອງການຊ່ອຍເຫຼືອຢ່າງແທ້ຈິງໃຫ້ແກ່ປະເທດທີ່ໄດ້ຮັບຜົນກະທົບໜັກເຊັ່ນລາວເປັນຕົ້ນ. "ສົນທິສັນຍາຮຽກຮ້ອງໃຫ້ປະເທດທີ່ລົງນາມໃນສັນຍາທັງໝົດສະໜອງການຊ່ອຍເຫຼືອໃຫ້ແກ່ຜູ້ປະສົບເຄາະຮ້າຍ, ກຳຈັດລະເບີດທີ່ຍັງບໍ່ທັນແຕກແລະດຳເນີນການເຜີຍແຜ່ຄວາມຮູ້ກ່ຽວກັບຄວາມອັນຕະລາຍຂອງລະເບີດທີ່ຍັງບໍ່ທັນແຕກ. ພວກເຮົາຄວນຮັບປະກັນໃຫ້ປະເທດທີ່ໄດ້ຮັບຜົນກະທົບໜັກເຊັ່ນປະເທດລາວເປັນຕົ້ນໄດ້ຮັບການຊ່ອຍເຫຼືອຢ່າງເໝາະສົມ. ສົນທິສັນຍານີ້ຍັງຄວນສະໜອງການຊ່ອຍເຫຼືອໃຫ້ປະເທດເຫຼົ່ານີ້ໃຫ້ໄດ້ຮັບການພັດທະນາດ້ານເສດຖະກິດສັງຄົມ. ສະຫະປະຊາຊາດໃນຖານະທີ່ເປັນສະມາຊິກຜູ້ໜຶ່ງຂອງສົນທິສັນຍາດ່ງກ່າວ, ຈະຢືນຢູ່ຄຽງຂ້າງກັບປະຊົນລາວແລະປະເທດອື່ນໆທີ່ຊີວິດແລະຄວາມສຸກຂອງເຂົາເຈົ້າພວມຖືກຂົ່ມຂູ່ຍ້ອນລະເບີດທີ່ຍັງບໍ່ທັນແຕກ
