ໃນຕອນແລງວັນທີ14ພະຈິກນີ້, ການແຂ່ງຂັນວູຊູລຸ້ນ60ກິໂລແລະລຸ້ນ70ກິໂລເພດຊາຍໄດ້ຈັດຂຶ້ນຢູ່ສະໜາມກິລານານຊາທີ່ນະຄອນຫຼວງກວາງໂຈ, ທ້າວວາລະສິດ ບົວພາ, ນັກກິລາລາວຊະນະທ້າວລາວລ້ວງ ສຸພະໄຊ, ນັກກິລາໄທ, ສ່ວນທ້າວໄຊຍະວົງ ສົມໝາຍນັກກິລາລາວກໍ່ຊະນະທ້າວຣາເຢັດສ໌ ອີລີອັສ, ນັກກິລາລີບັງ. ມາຮອດຂະນະນີ້, ບວກກັບທ້າວໂພໄຊ ອະໄພລາດທີ່ໄດ້ຮັບຊະນະໃນຕອນແລງມື້ວານນີ້, ນັກກິລາວູຊູເພດຊາຍລາວລ້ວນແຕ່ໄດ້ຮັບໄຊຊະນະໃນການແຂ່ງຂັນວູຊູໃນຮອບທີ1.
ການເຂົ້າຮ່ວມເອຊຽນເກມກວາງໂຈວຄັ້ງນີ້, ລາວໄດ້ສົ່ງນັກກິລາວູຊູເພດຊາຍ 3ຄົນ, ນອກຈາກທ້າວໂພໄຊ ອະໄພລາດທີ່ໄດ້ຮັບຫຼຽນເງິນໃນເອຊຽນເກມໂດຮາ, ນັກກິລາອີກ2ຄົນຫາກໍ່ເຂົ້າຮ່ວມເອຊຽນເກມເປັນເທື່ອທຳອິດ, ທ້າວໄຊຍະວົງ ສົມໝາຍທີ່ແຂ່ງໃນລຸ້ນ60ກິໂລມີອາຍຸພຽງແຕ່23ປີ, ສ່ວນທ້າວວາລະສິດ ບົວພາ, ລຸ້ນ70ກິໂລມີອາຍຸ25ປີ. ທ້າວວາລະສິດ ບົວພາເຄີຍໄດ້ຫຼຽນຄຳໃນຊີເກມທີ່ຈັດຂຶ້ນໃນນະຄອນຫຼວງວຽງຈັນລາວ.
1 2