ຕາມຂ່າວCRI:ຕອນຄ່ຳວັນທີ 14 ພະຈິກນີ້,ໃນການແຂ່ງຂັນວູຊູເພດຊາຍລຸ້ນ 60 ກິໂລແລະລຸ້ນ 70 ກິໂລຂອງເອຊຽນເກມທີ່ຈັດຂຶ້ນຢູ່ສະໜາມກິລານານຊ່ານະຄອນກວາງໂຈ່,ທ້າວບົວພາ ວາລະສິດແລະທ້າວສົມໝາຍ ໄຊຍະວົງ,ນັກກິລາລາວລ້ວນແຕ່ຊະນະຄູ່ແຂ່ງຂັນໃນຮອບ 8 ຄົນສຸດທ້າຍ.ມາຮອດຂະນະນີ້,ລວມທັງທ້າວໂພໄຊ ອາໄພລາດ,ນັກກິລາລາວທີ່ເຄີຍໄດ້ຫຼຽນເງິນໃນເອຊຽນເກມໂດຮາປະເທດກາຕາທີ່ໄດ້ຊະນະໄປກ່ອນໜ້ານີ້,ຖືວ່ານັກກິລາວູຊູເພດຊາຍລາວທັງ 3 ຄົນສາມາດຜ່ານເຂົ້າໄປສູ່ຮອບ 4 ຄົນສຸດທ້າຍໄດ້ທັງໝົດ.
ລາວສົ່ງນັກກິລາເຂົ້າຮ່ວມການແຂ່ງຂັນວູຊູລຸ້ນໃຫຍ່ຂອງເອຊຽນເກມເປັນຄັ້ງທຳອິດ,ສາມາດເອົາຊະນະໃນຮອບທຳອິດໝົດ,ນີ້ສະແດງໃຫ້ເຫັນຄວາມເຂັ້ມແຂງຂອງນັກກິລາລາວໃນກິລາປະເພດວູຊູ.