ໄທເປັນມ້າມືດໃນການແຂ່ງຂັນດອກປີກໄກ່ເອຊຽນເກມ
(GMT+08:00) 2010-11-16 17:21:03 cri
ຕາມຂ່າວສານຊິນຮວາ,ມາຮອດວັນທີ15ພະຈິກນີ້,ທິມດອກປີກໄກ່ຂອງໄທຊິງໄດ້ຫຼຽນເງິນໜຶ່ງຫຼຽນແລະຫຼຽນທອງໜຶ່ງຫຼຽນໃນເອຊຽນເກມຄັ້ງນີ້,ເຊິ່ງລ້ວນແຕ່ແມ່ນລາຍການແຂ່ງຂັນໝູ່ຄະນະ.
ໃນການແຂ່ງຂັນຮອບຊິງຊະນະເລີດທີ່ພົບກັບຈີນໃນວັນທີ15ພະຈິກນີ້,ເມື່ອສູ້ກັບນາງວາງຊິນທີ່ເປັນນັກກິລາມືໜຶ່ງຂອງໂລກ,ທິມໄທໄດ້ປັບການຫຼິ້ນຄື,ໃຫ້ນາງອິນທະນົນ ລັດຊະນົກທີ່ອາຍຸ15ປີໄປສູ້.ຕັ້ງທຳອິດ,ນາງຊະນະດ້ວຍຄະແນນ22ຕໍ່20,ເຮັດໃຫ້ທິມຈີນກົດດັນຫຼາຍ.ຫຼັງການແຂ່ງຂັນ,ນາງອິນທະນົນລັດຊະນົກກ່າວວ່າ,ການແຂ່ງກັບນາງວາງຊິນເຮັດໃຫ້ນາງໄດ້ບົດຮຽນທີ່ປະເສີດຫຼາຍ,ນີ້ແມ່ນສຳຄັນຫຼາຍຕໍ່ການພັດທະນາໃນຕໍ່ໜ້າຂອງນາງ.
ໃນການແຂ່ງຂັນໝູ່ຄະນະເພດຊາຍ,ທິມໄທໄດ້ມ້າມືດໂດຍຊະນະທິມມະເລເຊຍທີ່ມີທ້າວລີຊົງເວ ທີ່ເປັນມືໜຶ່ງຂອງໂລກ.ຄູເຝິກທິມໄທກ່າວວ່າ,ໄທສາມາດເອົາຊະນະມະເລເຊຍທີ່ມີນັກກິລາດີເດັ່ນຊາຍດ່ຽວແລະຊາຍຄູ່ແມ່ນຍ້ອນທິມໄທຫຼິ້ນແບບສະບາຍບໍ່ກົດດັນ.
ທ່ານລີຢົງໂປ່ ຄູຝຶກຂອງທິມຈີນກ່າວວ່າ,ທິມໄທໄດ້ສະແດງໃຫ້ເຫັນຄວາມສາມາດຕົວຈິງດ້ວຍຜົນງານ.ນັກກິລາໄທລຸ້ນໃໝ່ມີຄວາມກ້າວໜ້າໄວຫຼາຍ,ຖ້າວ່າສະພາບວົງການດອກປີກໄກ່ໂລກມີການປ່ຽນແປງ,ໄທອາດຈະມີບົດບາດດີຂຶ້ນກວ່າເກົ່າ.