ສື່ມວນຊົນອິນໂດເນເຊຍຊົມເຊີຍເອຊຽນເກມກວາງໂຈວ
(GMT+08:00) 2010-11-26 18:38:30 cri
ຕາມຂ່າວCRI: ວັນທີ26ພະຈິກນີ້, ໜັງສືພິມ《ເມດານເດລີ》ຂອງອິນໂດເນເຊຍເຜີຍແຜ່ບົດຄວາມທີ່ໃສ່ຫົວຂໍ້ວ່າເອຊຽນເກມກວາງໂຈວແມ່ນຂົວມິດຕະພາບຂອງໂລກ.
ບົດຄວາມຂຽນວ່າ, ເອຊຽນເກມກວາງໂຈວຄັ້ງນີ້ແມ່ນງານມະຫະກຳອີກຄັ້ງໜຶ່ງຕໍ່ຈາກໂອລິມປິກປັກກິ່ງແລະງານເອັສໂປຊຽງໄຮ, ພິທີເປີດງານມີສີສັນລັກສະ ນະພິເສດຂອງພາກໃຕ້ຈີນ, ເອຊຽນເກມຄັ້ງນີ້ເອກກະລັກຂອງກວາງໂຈວຫຼາຍແລະມີລັກສະນະພິເສດຫຼາຍ.
ບົດຄວາມຊີ້ອອກວ່າ, ໃນເວລານະຄອນຫຼວງຈາກາດາຂອງອິນໂດເນເຊຍຈັດເອຊຽນເກມໃນປີ1962, ມີພຽງແຕ່17ຄະນະນັກກິລາເຂົ້າຮ່ວມ ແຕ່ເອຊຽນເກມ ກວາງໂຈວຄັ້ງນີ້ມີຄະນະນັກກິລາເຖິງ45ຄະນະເຂົ້າຮ່ວມ , ເຊິ່ງສະແດງໃຫ້ເຫັນວ່າເອຊຽນເກມມີຄວາມຄືບໜ້າຫຼາຍ, ຄວາມຄືບໜ້າຂອງເອຊຽນເກມແມ່ນໄດ້ຮັບຜົນປະໂຫຍດຈາກຄວາມສາມັກຄີໄມຕີຈິດມິດຕະພາບ, ການຮ່ວມມືທີ່ຕ່າງຝ່າຍຕ່າງໄດ້ຜົນປະໂຫຍດ,ແລະການພັດທະນາສັນຕິພາບລະຫວ່າງບັນດາປະເທດອາຊີ.
ບົດຄວາມຍັງຂຽນວ່າ, ການເຂົ້າຮ່ວມເອຊຽນເກມ, ເຮັດໃຫ້ເຂົ້າໃຈແລະຮັບຮູ້ເຖິງ ຄວາມສາມາດຂອງແຂວງກວາງຕຸ້ງຂອງຈີນໃນການຈັດເອຊຽນເກມວ່າ, ມີຄວາມພ້ອມເທົ່າໃດ, ທັງເຫັນໄດ້ໂສມໜ້າໃໝ່ໃນການປະຕິຮູບການພັດທະນາຂອງກວາງໂຈ່ວ ກໍ່ຄືການປະຕິຮູບຂອງຈີນ, ເພາະວ່າເມືອງກວາງໂຈວແມ່ນແບບຢ່າງດ້ານການປະຕິຮູບຂອງຈີນ.