ຫຼັກການມີຫນ້າທີ່ຮ່ວມກັນແຕ່ຮັບຜິດຊອບຕ່າງກັນແມ່ນສຳຄັນທີ່ສຸດທີ່ຈະເຮັດໃຫ້ກອງປະຊຸມຄັນຄຸນໄດ້ຮັບຜົນສຳເລັດ
(GMT+08:00) 2010-12-01 16:56:13 cri
ກອງປະຊຸມປະເທດສະມາຊິກສົນທິສັນຍາຂອບການປ່ຽນແປງຂອງດິນຟ້າອາກາດສະຫະປະຊາຊາດຄັ້ງທີ16 ແລະກອງປະຊຸມປະເທດສະມາຊິກສົນທິສັນຍາກຽວໂຕຄັ້ງທີ6ພວມດຳເນີນຢູ່ທີ່ຄັນຄຸນ,ນະຄອນແຄມທະເລຂອງແມັກຊິກ.ເຈົ້າຫນ້າທີ່, ຜູ່ຊ່ຽວຊານນັກວິຊາການພ້ອມດ້ວຍສະມາຊິກຂອງອົງການຈັດຕັ້ງທີ່ບໍ່ແມ່ນ ລັດຖະບານຫຼືNGOທີ່ມາຈາກເກືອບ 200 ປະເທດແລະເຂດແຄວ້ນເຊິ່ງ ລວມທັງຈີນ ພວມປຶກສາຫາລືກັນກ່ຽວກັບບັນຫາການປ່ຽນແປງຂອງດິນຟ້າອາ ກາດ.ນັກວິເຄາະເຫັນວ່າ, ຖ້າຢາກໃຫ້ກອງປະຊຸມຄັນຄຸນຈະໄດ້ຮັບຜົນສຳເລັດສິ່ງທີ່ສຳຄັນທີ່ສຸດນັ້ນກໍ່ແມ່ນຝ່າຍຕ່າງໆຕ້ອງຍຶດ ຫມັ້ນຫຼັກການມີຫນ້າທີ່ຮ່ວມກັນແຕ່ຮັບຜີດຊອບຕ່າງກັນ,ອີງຕາມຈິດໃຈທີ່ຕ່າງຊ່ອຍເຫຼືອກັນຜ່ານຜ່າຄວາມຫຍຸ້ງຍາກ,ເສີມຂະ ຫຍາຍບົດບາດຂອງຕົນແລະເພີ່ມທະວີການຮ່ວມມືກັນ,ເພື່ອຮ່ວມກັນຊຸກຍູ້ຂະບວນການເຈລະຈາຮັບມືກັບການປ່ຽນແປງຂອງດິນຟ້າອາກາດ. ຍ້ອນວ່າໃນປະຈຸບັນຈີນໄດ້ລື່ນກາຍອາເມລິກາ ກາຍເປັນປະເທດທີ່ລະບາຍກອກບອນຫຼາຍທີ່ສຸດໃນໂລກໃນປະຈຸບັນ,ສະນັ້ນ,ບາງປະເທດກໍ່ໄດ້ຮຽກຮ້ອງໃຫ້ຈີນມີຄວາມຮັບຜິດຊອບຫຼາຍກວ່າຄວາມສາມາດພັດທະນາໂດຍຕົນເອງໃນດ້ານຫນ້າທີ່ຫຼຸດການລະບາຍມົນລະພິດ.ຕໍ່ເລື່ອງນີ້,ທ່ານໂຈ່ອີ້,ສາດສະດາ ຈານຂອງສະຖາບັນຄົ້ນຄວ້າເສດຖະກິດສິ່ງແວດລ້ອມຂອງມະຫາວິທະຍາໄລປະຊາຊົນຈີນທີ່ເຄີຍເຂົ້າຮ່ວມການເຈລະຈາກ່ຽວກັບການປ່ຽນແປງຂອງດິນຟ້າອາກາດ10 ກວ່າເທື່ອເຫັນວ່າ:
(ປ່ອຍສຽງ1)"ທັດສະນະດັ່ງກ່າວທີ່ພຽງແຕ່ປຽບທຽບປະລິມານລະບາຍຂອງປະເທດຫນຶ່ງເທົ່ານັ້ນແມ່ນບໍ່ຮອບດ້ານແລະບໍ່ຄົບຖ້ວນ.ປະລິມານລະບາຍກາກບອນດີອັອກ ສິດຕໍ່ຫົວຄົນຂອງຈີນມີປະມານ 5 ໂຕນ, ສະຫະພາບເອີລົບຫຼືEU ແລະຍີ່ປຸ່ນມີເຖິງປະມານ 10 ໂຕນ,ສ່ວນອາເມລິກາມີເຖິງ20 ໂຕນ. ແຕ່ພວກເຮົາຍັງບໍ່ຄວນລືມຫນ້າທີ່ຮັບຜິດຊອບຂອງປະຫວັດສາດ,ຄວາມຮັບຜິດຊອບຂອງປະເທດທີ່ຫັນເປັນອຸດສາຫະກຳແລະປະເທດທີ່ພັດທະນາແລ້ວທີ່ໄດ້ລະບາຍກ່ອນແລະເຮັດໃຫ້ມີການປ່ຽນແປງຂອງດິນຟ້າອາກາດນັ້ນແມ່ນເບິ່ງຂ້າມແລະຫຼີກລຽງບໍ່ໄດ້.
ອີງຕາມມາດຕະຖານຂອງສະຫະປະຊາຊາດ, ຈີນເປັນປະເທດທີ່ກຳລັງພັດທະນາເຊິ່ງມີປະຊາກອນທຸກຍາກ100ລ້ານກວ່າຄົນ, ມີຫນ້າທີ່ພະຍາຍາມ ຫລຸດພົ້ນອອກຈາກຄວາມທຸກຍາກ, ປັບປຸງຊີວິດການເປັນຢູ່ຂອງປະຊາຊົນທີ່ເປັນພາລະອັນຫນັກຫນ່ວງ. ແຕ່ໂດຍມີນ້ຳໃຈຮັບຜິດຊອບຕໍ່ປະເທດຕົນແລະທົ່ວໂລກ, ໃນ5ປີຜ່ານມາ, ຈີນປະຕິບັດການປະຢັດພະລັງງານແລະຫລຸດຜ່ອນການລະບາຍມົນລະພິດຢ່າງເຄັ່ງຄັດ, ນອກນັ້ນ, ຍັງເຮັດໃຫ້ຄວາມໄວຂອງການພັດທະນາເສດຖະກິດຊ້າລົງ. ມາຮອດທ້າຍປີນີ້, ການໃຊ້ພະລັງງານຕໍ່ຫົວຫນ່ວຍGDPຂອງຈີນໃນ5ປີຜ່ານມາໄດ້ຫລຸດລົງປະມານ20%,ຫລຸດຜ່ອນການລະບາຍກາກບອນດີອອກສິດ1500ລ້ານໂຕນ. ທ່ານໂຈ່ຈີ້ເຫັນວ່າ, ໃນຖານະເປັນປະເທດທີ່ກຳລັງພັດທະນາ, ຈີນໄດ້ໃຊ້ສຸດຄວາມສາມາດແລ້ວໃນດ້ານນີ້. "ຈີນເຫັນວ່າອະນາຄົດ, ຄວາມສາມາດການແຂ່ງຂັນແລະຄວາມຫວັງຂອງຕົນ, ແມ່ນກ່ຽວພັນກັບການຮັກສາດິນຟ້າອາກາດ, ຄວບຄຸມອາຍພິດເຮືອນແກ້ວຢ່າງໃກ້ຊິດ. ຈີນປະກາດວ່າ, ຮອດປີ2020, ການລະບາຍກາກບອນດີອອກສິດຕໍ່ຫົວຫນ່ວຍGDPຈະຫລຸດລົງປະມານ40%-45%ເມື່ອທຽບໃສ່ປີ2005. ນອກນີ້, ໃນບາງດ້ານເຊັ່ນ: ການພັດທະນາພະລັງງານໝູນວຽນ, ການປູກຕົ້ນໄມ້, ການປະຢັດພະລັງງານແລະການຫລຸດຜ່ອນການລະບາຍມົນລະພິດ,ການອັດໂຮງງານທີ່ມີສະມັດຕະພາບຕ່ຳ,ຈີນກໍໄດ້ທຸ້ມເທຄວາມພະຍາຍາມຢ່າງເອົາຈິງເອົາຈັງ."ການເຈລະຈາການປ່ຽນແປງຂອງດິນຟ້າອາກາດກ່ຽວພັນກັບຄວາມໄວການພັດທະນາເສດຖະກິດສັງຄົມຂອງປະເທດຫນຶ່ງ, ແລະກ່ຽວພັນກັບຜົນປະໂຫຍດຕົວຈິງຂອງທຸກຝ່າຍ.
ນີ້ກໍເປັນສາຍເຫດທີ່ການເຈລະຈາການປ່ຽນແປງຂອງດິນຟ້າອາກາດມີຄວາມຄືບຫນ້າຊ້າຕະຫລອດ20ປີຜ່ານ ມາ. ປີກາຍນີ້, ທຸກຝ່າຍໄດ້ບັນລຸຄວາມເຫັນເປັນເອກະສັນກັນຢູ່ໂກເປັນຮາກ, ປະເທດທີ່ພັດທະນາແລ້ວສັນຍາວ່າຈະສະຫນອງທຶນຮອນ30ຕື້ໂດລາສຳລັບໄລຍະສັ້ນໃຫ້ແກ່ປະເທດທີ່ກຳລັງພັດທະນາກ່ອນປີ2012, ແລະສັນຍາຈະສະ ຫນອງ100ຕື້ໂດລາສຳລັບໄລຍະຍາວ. ກ່ອນຈະເປີດກອງປະຊຸມຄັ້ງນີ້, ປະເທດທີ່ກຳລັງພັດທະນາຫລາຍປະເທດກ່າວວ່າ, ຫວັງວ່າກອງປະຊຸມຄັນຄຸນຈະສາມາດເຮັດໃຫ້ທຶນຮອນແລະເຕັກນິກຊ່ວຍເຫລືອຂອງປະເທດທີ່ພັດທະ ນາແລ້ວໄດ້ຮັບການປະຕິບັດຢ່າງແທ້ຈິງ. ທ່ານໂຈ່ຈີ້ເຫັນວ່າ, ປະເທດທີ່ພັດທະນາແລ້ວຊ່ວຍເຫລືອທຶນຮອນເພື່ອຮັບມືກັບການປ່ຽນແປງຂອງດິນຟ້າອາ ກາດແລະໂອນເຕັກນິກກາກບອນຕ່ຳດ້ວຍລາຄາຕ່ຳໃຫ້ແກ່ປະເທດທີ່ກຳລັງພັດທະນາ, ເຮັດແນວນີ້ຈຶ່ງແມ່ນບັນຫາຕັດສິນທີ່ຈະຊຳລະບຳບັດການປ່ຽນແປງຂອງດິນຟ້າອາກາດໃນປັດຈຸບັນ.
