ຕອນຄ່ຳວັນທີ 16 ທັນວານີ້,ພິທີອັດງານສະເຫຼີມສະຫຼອງການສ້າງສາຍພົວພັນທາງການທູດຈີນ-ອິນເດຍຄົບຮອບ 60 ປີແລະງານສິລະປະວັດທະນະທຳ ຂອງຈີນໄດ້ຈັດຂຶ້ນຢູ່ນະຄອນຫຼວງນິວແດນລີຂອງອິນເດຍ.ນາຍົກລັດຖະ ມົນຕີຈີນອິນເດຍໄດ້ຮ່ວມກັນເຂົ້າຮ່ວມພິທີດັ່ງກ່າວ. ໃນຄຳປາໄສ, ສອງທ່ານ ເນັ້ນຫນັກເຖິງຄວາມສຳຄັນຂອງວັດທະນະທຳແລະອາລິຍະທຳຂອງກັນ,ພ້ອມນີ້ຍັງກ່າວວ່າ, ສອງປະເທດຄວນປະກອບສ່ວນຫຼາຍກວ່າເກົ່າເພື່ອສ້າງໂລກທີ່ກົມກຽວກັນທີ່ມີສັນຕິພາບຢ່າງຖາວອນແລະມີຄວາມຈະເລີນຮຸ່ງເຮືອງຮ່ວມກັນ.
ປີນີ້ແມ່ນຈີນ-ອິນເດຍສ້າງສາຍພົວພັນທາງການທູດຄົບຮອບ 60 ປີ,ອີງຕາມຄວາມເຫັນທີ່ເປັນເອກະສັນກັນຂອງຜູ່ນຳສອງປະເທດໃນເວລາທ່ານຫູຈິນທາວ,ປະທານປະເທດຈີນໄປຢ້ຽມຢາມອິນເດຍໃນປີ 2006, ງານສິລະປະຈີນແລະງານສິລະປະອິນເດຍທີ່ກະຊວງວັດທະນະທຳຈີນແລະຄະນະກຳມະການການພົວພັນວັດທະນະທຳຂອງອິນເດຍເປັນເຈົ້າພາບ ຮ່ວມກັນໄດ້ຈັດຂຶ້ນຢູ່ອິນເດຍແລະຈີນຕາມລຳດັບ. ກິດຈະກກຳສິລະປະອິນເດຍໄດ້ດຳເນີນໄປເປັນເວລາ 6 ເດືອນ, 35 ແຂວງແລະກຳແພງນະຄອນຂອງຈີນໄດ້ຈັດກິດຈະກຳສິລະປະວັດທະນະທຳ 60 ເທື່ອທີ່ລວມມີການຟ້ອນລຳທຳເພງ,ການສາຍຮູບເງົາແລະງານຂາຍອາຫານເປັນຕົ້ນ, ສິລະປະຂອງອິນເດຍເຊັ່ນ:ລະບຳ,ຮູບເງົາອິນເດຍແລະອື່ນໆກໍ່ໄດ້ຮັບຄວາມນິຍົມຫຼາຍຈາກຜູ່ຊົມຈີນ. ໃນໄລຍະຈັດກິດຈະກຳສິລະປະຈີນ,ຄະນະສິລະປະຈີນໄດ້ຈັດການສະແດງທີ່ເປັນເອກະລັກຂອງຈີນແລະການ ວາງສະແດງຕ່າງໆ ເຊັ່ນ: ງານຮູບເງົາ,ຮູບແຕ້ມຈີນ, ແລະເພັດນິນຈິນດາໃນສະໄຫມບູຮານເແລະອື່ນໆຢູ່ນະຄອນຫຼວງນິວແດນລີ, ການກຸຍຕາ,ບັງກາລໍແລະແຫ່ງອື່ນໆຂອງອິນເດຍ, ເພື່ອໃຫ້ປະຊາຊົນອິນເດຍຮູ້ຈັກຈີນດີກວ່າເກົ່າ. ໃນເວລາເຂົ້າຮ່ວມພິທີອັດງານສິລະປະຈີນ,ທ່ານມານໂມຮານ ຊິງ, ນາຍົກລັດຖະມົນຕີອິນເດຍໄດ້ຮູ້ສຶກເພິ່ງພໍໃຈຕໍ່ສອງປະເທດທີ່ຈັດກິດຈະກຳປີຈີນອິນເດຍຢ່າງສຳເລັດຜົນ.ທ່ານກ່າວວ່າ
ຫລັງຈາກນັ້ນ, ຜູ້ນຳສອງປະເທດໄດ້ເຂົ້າຊົມການສະແດງສິລະປະທີ່ມີຫົວຂໍ້ວ່າ "ສັນລະເສີນມິດຕະພາບ" ທ່ານອາສິຊເມທາ, ຜູ້ຊົມທີ່ມາຈາກມູນນິທິຕາກໍໄດ້ຊົມເຊີຍການສະແດງສິລະປະຄັ້ງນີ້ຢ່າງສູງ, ເພິ່ນເຫັນວ່າ, ອິນເດຍແລະຈີນບໍ່ພຽງແຕ່ຕ້ອງແລກປ່ຽນວັດທະນາທຳນຳກັນເທົ່ານັ້ນ, ຍັງຕ້ອງພະຍາຍາມສ້າງຄວາມຄືບຫນ້າໃນຂົງເຂດອື່ນໆອີກດ້ວຍ.ເພິ່ນມີຄວາມໝັ້ນໃຈຕໍ່ອະນາຄົດຂອງສາຍພົວພັນສອງປະເທດຢ່າງເຕັມປ່ຽມ. "ຂ້າພະເຈົ້າເຊື່ອໝັ້ນວ່າມິດຕະພາບລະຫວ່າງສອງປະເທດພວກເຮົາຈະສືບຕໍ່ລົງເລິກຕື່ມອີກໃນຂົງເຂດຕ່າງໆ, ນີ້ບໍ່ພຽງແຕ່ຍ້ອນວ່າພວກເຮົາເປັນບ້ານໃກ້ເຮືອນຄຽງທີ່ດີ, ຍັງຍ້ອນວ່າພວກເຮົາມີວັດທະນາທຳທີ່ຄ້າຍຄືກັນ. ພາຍໃຕ້ຄວາມພະຍາຍາມຂອງປະຊາຊົນສອງປະເທດ, ຈີນແລະອິນເດຍຈະຈັບມືມຸ້ງຫນ້າໄປສູ່ອະນາຄົດທີ່ດີງາມກວ່າເກົ່າຢ່າງແນ່ ນອນ."
