ວັນທີ26ທັນວານີ້,ທ່ານເວີ່ນເຈ່ຍປາວ,ນາຍົກລັດຖະມົນຕີຈີນໄດ້ເຂົ້າຮ່ວມລາຍ ການສົດທີ່ມີຊື່ວ່າ"ສຽງຈາກປະເທດຈີນ"ຂອງສະຖານີວິທະຍຸປະຊາຊົນແຫ່ງຊາດຈີນ,ເພື່ອແລກປ່ຽນຄວາມເຫັນກັບຜູ່ຟັງທົ່ວປະເທດທາງວິທະຍຸເປັນຄັ້ງທຳອິດ. ໃນເວລາເວົ້າລົມໃນລາຍການສົດເທື່ອນີ້,ທ່ານນາຍົກເວີ່ນເຈ່ຍປາວກ່າວວ່າ,ຈີນມີຄວາມສາມາດຄວບຄຸມລະດັບລາຄາສິນຄ້າໂດຍລວມ . ແຕ່ທ່ານຍັງກ່າວວ່າ,ເມື່ອໄດ້ເລັ່ງລັດການກໍ່ສ້າງເຮືອນຢູ່ແບບຮັບປະກັນໃຫ້ໄວຂຶ້ນແລະສະກັດກັ້ນບໍ່ໃຫ້ມີການກະທຳເກນກຳໄລດ້ານອະສັງຫາລິມະຊັບແລ້ວ ,ເຮັດໃຫ້ລາຄາເຮືອນຢູ່ຂອງຈີນຈະຫຼຸດລາຄາລົງຢ່າງເຫມາະສົມ. ຂໍ້ມູນທີ່ກົມສະຖິຕິແຫ່ງຊາດຈີນເຜີຍແຜ່ໃນຫວ່າງມໍ່ໆມານີ້ສະແດງໃຫ້ເຫັນວ່າ,ເດືອນພະຈິກແລ້ວນີ້,ດັດສະນີລາຄາຜູ່ຊົມໃຊ້ຫຼືCPIຂອງໄດ້ເພີ່ມຂຶ້ນ5,1% ,ເປັນສະຖິຕິສູງສຸດພາຍໃນປີນີ້.ນີ້ກໍ່ແມ່ນສະຖິຕິສູງສຸດຂອງ CPIຂອງຈີນໃນຮອບ28 ເດືອນ ຫຼັງຈາກເພີ່ມຂຶ້ນ6,3%ໃນເດືອນກໍລະກົດ2008ມານີ້. ສ່ວນປຶ້ມປົກສີຟ້າກ່ຽວກັບເສດ ຖະກິດ 2011 ທີ່ສະພາບັນດິດວິທະຍາສາດສັງຄົມຈີນເຜີຍແຜ່ໃນຫວ່າງມໍ່ໆມານີ້ ຄາດວ່າ,ປີຫນ້າ,ລາຄາສິນຄ້າຂອງຈີນຈະສູງຂຶ້ນ 3,3%. ນອກນີ້,ພາຍໃຕ້ສະພາບທີ່ອົງກອນເສດຖະກິດທີ່ພັດທະນາແລ້ວເຊັ່ນ:ອາເມລິກາແລະອີລົບໄດ້ເພີ່ມການພິມເງິນຕາໃຫ້ຫຼາຍກວ່າເກົ່າເພື່ອຍູ້ໄພເງິນເຟິ້ໄປສູ່ປະເທດອື່ນ, ປະຈຸບັນ,ຈີນມີຄວາມກົດດັນຫຼາຍແທ້ເພື່ອຮັບມືກັບລາຄາສິນຄ້າທີ່ແພງຂຶ້ນແລະໄຟເງິນເຟິ້. ໃນເວລາທ່ານນາຍົກເວີ່ນເຈ່ຍປາວລົມກັບຜູ່ຟັງທາງວິທະຍຸ,ທ່ານກ່າວວ່າ,ຍ້ອນໃຊ້ມາດຕະການຮັບມືທີ່ເຫມາະສົມ,ຈີນສາມາດບັນລຸເປົ້າຫມາຍທີ່ຄວບຄຸມລະດັບລາຄາສິນຄ້າໂດຍລວມ.ທ່ານກ່າວວ່າ:
"ທີ່ຈິງແລ້ວ,ລາຄາສິນຄ້າຂອງທົ່ວປະເທດໄດ້ສູງຂຶ້ນໃນໄລຍະຫນຶ່ງມໍ່ໆມານີ້,ຊີວິດການເປັນຢູ່ຂອງຜູ່ທີ່ມີລາຍໄດ້ປານກາງແລະຕ່ຳຍິ່ງມີຄວາມຫຍຸ້ງ ຍາກຍ້ອນລາຄາສິນຄ້າສູງຂຶ້ນ. ພາຍໃຕ້ສະພາບດັ່ງກ່າວ,ລັດຖະບານກໍ່ໄດ້ໃຊ້ມາດຕະການ 16 ຂໍ້,
ເມື່ອເບິ່ງຈາກສະພາບປະຈຸບັນແລ້ວເຫັນວ່າ, ພວກເຮົາມີຄວາມສາມາດຄວບຄຸມລະດັບລາຄາສິນຄ້າໄດ້ໂດຍລວມ.ຄົນທົ່ວໄປລ້ວນແຕ່ຮູ້ປະໂຫຍກຫນຶ່ງທີ່ວ່າ:"ການຄາດຄະເນເງິນເຟິ້ໄວ້ລ່ວງຫນ້າ ຍິ່ງເປັນຕາຢ້ານກົວກວ່າໄພເງິນເຟິ້ທີ່ເກີດຂຶ້ນແທ້," ສະນັ້ນ,ໃນເວລາເກີດໄພ ເງິນເຟິ້,ພວກເຮົາຕ້ອງສ້າງຄວາມຫມັ້ນໃຈຢ່າງຫນັກແຫນັ້ນ, ຮັບຮູ້ເງື່ອນໄຂທີ່ດີຂອງພວກເຮົາຢ່າງເຕັມສ່ວນ,ແລະໃຊ້ມາດຕະການທີ່ແຂງແຮງແລະເຂັ້ມງວດຢ່າງທັນການ ເພື່ອລະງັບລາຄາສິນຄ້າ. "
ທ່ານນາຍົກເວີ່ນເຈ່ຍປາວຍັງກ່າວວ່າ,ປະຈຸບັນ,ຈີນຍັງໄດ້ສະສົມທັນຍາຫານເກືອບ200ລ້ານໂຕນເຊິ່ງສະສົມເຂົ້າເບຼ, ເຂົ້າແລະສາລີຢ່າງພຽງພໍ,ສະນັ້ນ,ຈີມມີພື້ນຖານວັດຖຸເພື່ອລະງັບລາຄາສິນຄ້າໄດ້.
ໃນເວລາແລກປ່ຽນຄວາມເຫັນກັບຜູ່ໃຊ້ອິນເຕີເນັດແລະຜູ່ຟັງວິທະ ຍຸ,ທ່ານເວີ່ນເຈ່ຍປາວຍັງໄດ້ຕອບຄຳຖາມຂອງຜູ່ໃຊ້ອິນເຕີເນັດກ່ຽວກັບບັນຫາລາຄາເຮືອນຢູ່ທີ່ປະຊາຊົນສົນໃຈຮ່ວມກັນ.ທ່ານນາຍົກເວີ່ນເຈ່ຍປາວກ່າວວ່າ,ໃນອະນາຄົດຈະສືບຕໍ່ສຸມກຳລັງເຂົ້າໃນການເຮັດໃຫ້ລາຄາເຮືອນຢູ່ຮັກສາຢູ່ໃນລະດັບທີ່ເຫມາະຜົນ.ທ່ານກ່າວວ່າ:
"ປີນີ້,ພວກເຮົາໄດ້ໃຊ້ມາດຕະການ 10 ຂໍ້ແລະ 5 ຂໍ້,ປະຈຸບັນເມື່ອສັງເກດສະພາບດັ່ງກ່າວນີ້ແລ້ວເຫັນວ່າ, ຈັດຕັ້ງປະຕິບັດມາດຕະການຢ່າງບໍ່ດີປານໃດ,ພວກເຮົາຈະສືບຕໍ່ເລັ່ງລັດໃນສອງດ້ານຄື:ດ້ານທີຫນຶ່ງ ກໍ່ແມ່ນເພີ່ມການກໍ່ສ້າງເຮືອນຢູ່ແບບຮັບປະກັນໃຫ້ຫຼາຍຂຶ້ນ,ນີ້ກໍ່ຫມາຍຄວາມວ່າ ,ເຮືອນຢູ່ແບບຮັບປະກັນທີ່ພວກເຮົາເລີ່ມກໍ່ສ້າງໃນປີນີ້ ຈະມີເຖິງປະມານ 5 ລ້ານ 8 ແສນຊຸດ,ໄດ້ສ້າງສຳເລັດ 3 ລ້ານ 7 ແສນຊຸດ,ເຮືອນຢູ່ແບບຮັບປະກັນທີ່ຈະເລີ່ມກໍ່ສ້າງໃນປີຫນ້າຈະມີເຖິງ 10 ລ້ານຊຸດ, ນີ້ກໍ່ລວມມີເຮືອນເຊົ່າສາທາລະນະ,ເຮືອນເຊົ່າລາຄາຖືກແລະເຮືອນຢູ່ທີ່ດັດແປງຈາກເຂດເຮືອນທີ່ບໍ່ຖາວອນ. ຄວາມພະຍາຍາມໃນດ້ານທີ່ສອງກໍ່ແມ່ນຄວນລະງັບການເກນກຳໄລ,ນີ້ຕົ້ນຕໍແມ່ນເພື່ອນຳໃຊ້ຊ່ອງທາງເງິນກູ້ສິນເຊື່ອ ແລະເພີ່ມທະວີການຄຸ້ມຄອງທີ່ດິນ, ທີ່ດິນຕ້ອງໃຫ້ຮັບປະກັນເຮືອນຢູ່ແບບການຮັບປະກັນກ່ອນ,ພວກເຮົາຕ້ອງຄຸ້ມຄອງຢ່າງເຂັ້ມງວດຕື່ມອີກສຳລັບທີ່ດິນທີ່ເກນກຳໄລ,ຂ້າພະເຈົ້າເຊື່ອຫມັ້ນວ່າ,ເມື່ອພວກເຮົາໄດ້ທຳຄວາມພະຍາຍາມໃນໄລຍະຫນຶ່ງອີກ,ລາຄາເຮືອນຢູ່ກໍ່ຈະຫຼຸດລົງຮອດລະດັບທີ່ເຫມາະສົມ,ຂ້າພະເຈົ້າມີຄວາມມຫມັ້ນໃຈຢ່າງເຕັມປ່ຽມຕໍ່ເລື່ອງນີ້."
