ທະນາຄານກາງຈີນເພີ່ມອັດຕາດອກເບ້ຍເງິນຢວນຈີນເທື່ອທີສອງໃນປີນີ້
(GMT+08:00) 2010-12-28 17:02:45 cri
ຫວ່າງມໍ່ໆມານີ້,ທະນາຄານກາງຈີນໄດ້ປະກາດເພີ່ມອັດຕາດອກເບ້ຍພື້ນຖານຂອງເງິນຝາກທະນາຄານແລະເງິນກູ້ 0,25% ນັບແຕ່ວັນທີ 26 ທັນວານີ້ເປັນຕົ້ນໄປ.ນີ້ແມ່ນທະນາຄານກາງຈີນເພີ່ມດອກເບ້ຍເທື່ອທີສອງ ຫຼັງຈາກເຄີຍເພີ່ມໃນວັນທີ 20 ຕຸລາປີນີ້,ແລະກໍ່ແມ່ນຈີນເພີ່ມດອກເບ້ຍເທື່ອທຳອິດຫຼັງຈາກຕົກລົງໃຫ້ປະຕິບັດນະໂຍບາຍເງິນຕາທີ່ລະມັດລະວັງຮອບຄອບໃນປີ 2011.ຜູ່ຊ່ຽວຊານຈີນກ່າວວ່າ,ການເພີ່ມດອກເບ້ຍເທື່ອນີ້ຈະມີຜົນດີຕໍ່ການລະງັບ ການຄາດຄະເນໄພເງິນເຟີ້ລ່ວງຫນ້າໃນປີຫນ້າ. ໃນເວລາທ່ານບ່າຊູຊົງ,ຮອງຫົວຫນ້າສະຖາບັນການເງິນຂອງສູນຄົ້ນຄວ້າການພັດທະນາຂອງລັດຖະບານຈີນໄດ້ໃຫ້ສຳພາດຕໍ່ນັກຂ່າວ,ທ່ານກ່າວວ່າ, ການເພີ່ມດອກເບ້ຍເທື່ອນີ້ຈະມີຜົນດີຕໍ່ການຄຸ້ມຄອງການຄາດຄະເນໄພເງິນເຟີ້ລ່ວງຫນ້າໃນປີຫນ້າ. ທ່ານກ່າວວ່າ:
"ນີ້ສະແດງໃຫ້ເຫັນວ່າ,ຫຼັງຈາກກອງປະຊຸມວຽກງານເສດຖະກິດສູນກາງໄດ້ຕົກລົງໃຫ້ຫັນນະໂຍບາຍເງິນຕາທີ່ຜ່ອນຄາຍໃນລະດັບອັນເຫມາະສົມໃນລະບົບໄລຍະຮັບມືກັບວິກິດການການເງິນສາກົນເປັນນະໂຍບາຍເງິນຕາທີ່ລະມັດລະວັງຮອບຄອບຫຼາຍຂຶ້ນ,ເພື່ອລະງັບການຄາດຄະເນໄພເງິນເຟີ້ລ່ວງຫນ້າ, ແລະຫຼຸດລະດັບອັດຕາດອກເບ້ຍເພີ່ມຂຶ້ນທາງລົບໃຫ້ຕ່ຳລົງ." ກ່ອນປະກາດການເພີ່ມດອກເບ້ຍເທື່ອນີ້ມື້ຫນຶ່ງ,ທະນາຄານກາງຈີນໄດ້ອອກຖະແຫຼງການອະທິຍາຍຄວາມຈຳເປັນຂອງນະໂຍບາຍເງິນຕາທີ່ຜ່ອນຄາຍໃນລະດັບອັນເໝາະສົມມາເປັນນະໂຍ ບາຍເງິນຕາທີ່ລະມັດ ລະວັງຮອບຄອບ.ທະນາຄານກາງກ່າວວ່າ,ປີຫນ້າແມ່ນປີເລີ່ມຕົ້ນໃນການປະຕິບັດແຜນການ"5 ປີ ຄັ້ງທີ 12"ຂອງຈີນ,ຂະແຫນງການຕ່າງໆໄດ້ຮັບການພັດທະນາຢ່າງໄວຫຼາຍ,ແລະການເປີດກວ້າງການປ່ອຍເງິນສິນເຊື່ອ ກໍ່ໄດ້ມີຄວາມກົດດັນຫຼາຍສົມຄວນຊຶ່ງເລື່ອງທີ່ຕ້ອງເປັນໄປ . ການເພີ່ມດອກເບ້ຍເທື່ອທີສອງພາຍໃນປີນີ້ຈະສົ່ງສັນຍານຕໍ່ຕະຫຼາດກ່ຽວກັບທະນາຄານກາງຄວບຄຸມໄພເງິນເຟີ້,ແລະມີຜົນດີຕໍ່ການຫຼຸດຜ່ອນການຄາດຄະເນໄພເງິນເຟີ້ລ່ວງຫນ້າໃນຕະຫຼາດ.ການເພີ່ມດອກເບ້ຍເທື່ອນີ້ຈະກະທົບກະເທືອນເຖິງການຄາດຄະເນໄພເງິນເຟີ້ເປັນແນວໃດ? ທ່ານນາງຈົວຊິ້ວເຫຼ, ນັກເສດ ຖະສາດທີ່ມີຊື່ສຽງຂອງກຸ່ມບໍລິສັດຫຼັກຊັບອິນເຫີຈີນສະແດງຄວາມເຫັນ.ນາງກ່າວວ່າ
"ຈຸດປະສົງຕົ້ນຕໍຂອງນະໂຍບາຍເງິນຕາແມ່ນເພື່ອລະງັບເງິນເຟີ້, ສະນັ້ນ, ການເພີ່ມດອກເບ້ຍຄັ້ງນີ້ແນ່ນອນແມ່ນແນໃສ່ຕ້ານຄວາມກົດດັນຂອງໄພ ເງິນເຟີ້, ເພາະວ່າຄວາມກົດດັນຂອງສະພາບເງິນເຟີ້ທີ່ພວກເຮົາປະເຊີນຫນ້າຢູ່ແຮງຫລາຍ. ແຕ່ວ່າ, ນະໂຍບາຍເພີ່ມດອກເບ້ຍສາມາດແກ້ໄຂບັນຫານີ້ໄດ້ບໍ? ແຕ່ໃດມານະໂຍບາຍເງິນຕາກໍບໍ່ແມ່ນຈະໃຊ້ການໄດ້ທັນທີ, ຕ້ອງເຮັດໄປເທື່ອລະກ້າວ , ເມື່ອຮອດໄລຍະໃດຫນຶ່ງ, ຈະເກີດຜົນຢ່າງແທ້ຈິງ."
ຫລັງຈາກການເພີ່ມດອກເບ້ຍຄັ້ງນີ້, ນະໂຍບາຍເງິນຕາໄດ້ຫັນເປັນນະໂຍບາຍເງິນຕາທີ່ຮັດແຫນ້ນຢ່າງເປັນທາງການແລ້ວ, ທ່ານຫູສ້ຽວລ້ຽນ, ຮອງຫົວຫນ້າທະນາຄານກາງຈີນກ່າວໃນຫວ່າງມໍ່ໆນີ້ວ່າ, ໄລຍະຕໍ່ໄປ, ທະນາຄານກາງຈີນຈະສືບຕໍ່ນຳໃຊ້ອັດຕາດອກເບ້ຍ, ອັດຕາເງິນສົດໃນຄັງສຳຮອງແລະມາດຕະການອື່ນໆເພື່ອສົ່ງເສີມບົດບາດປັບປຸງຕະຫລາດ ຂອງມາດຕະການເຫຼົ່ານີ້. ທ່ານຫລີຕ້າວຂຸຍ, ກຳມະການໃນຄະນະກຳມະການນະໂຍບາຍເງິນຕາທະນາຄານສູນກາງຈີນກໍຄາດວ່າທະນາຄານກາງອາດຈະເພີ່ມດອກເບ້ຍອີກໃນປີຫນ້າໃນເວລາທ່ານໃຫ້ສຳພາດຕໍ່ນັກຂ່າວ.
ອັດຕາດອກເບ້ຍໃນປະຈຸບັນຍັງຕ່ຳກວ່າ 3%,ປະຊາຊົນຄິດວ່າ,ປີຫນ້າ,ເງິນເຟີ້ອາດຈະສູງກວ່າ 3%,ຄວນເວົ້າໄດ້ວ່າຍັງອາດມີປະກົດການທີ່ອັດຕາດອກເບ້ຍຈະຫຼຸດລົງເຖິງລະດັບລົບ,ດ້ວຍເຫດນີ້,ອັດຕາດອກເບ້ຍຍັງອາດຈະສາມາດຍົກສູງຂຶ້ນໄດ້.
ປະຈຸບັນ,ສະພາບເງິນຄ່ອງຂອງຈີນແລະຕ່າງປະເທດມີສູງຫຼາຍ,ການຄາດຫມາຍເງິນເຟິ້ອ່າວສູງ,ແຮງກົດດັນດ້ານນີ້ກໍ່ເພີ່ມຂຶ້ນຢ່າງບໍ່ຢຸດຢັ້ງ,ຕ້ອງໄດ້ໃຊ້ນະໂຍບາຍເງິນຕາຢ່າງລະມັດລະວັງແລະຮອບຄອບ,ລາຄາສິນຄ້າບໍ່ໃຫ້ຂຶ້ນໄວເກີນໄປ,ການເພີ່ມອັດຕາດອກເບ້ຍເທື່ອນີ້ໄດ້ສະແດງໃຫ້ເຫັນຄວາມຕັດສິນໃຈຂອງທະນາຄານກາງທີ່ເຮັດໃຫ້ລະດັບລາຄາສິນຄ້າຫມັ້ນທ່ຽງແລະຄຸ້ມຄອງເງິນເຟີ້ໄດ້.
