ກຳປັ່ນບັນທຸກຍົນສູ້ຮົບທີ່ມີຊື່ວ່າ:"ໂລນານ ເຣແກນ" ຂອງອາເມລິກາເດີນທາງເຖິງເຂດມະຫາສະຫມຸດປາຊີຟິກຕາເວັນຕົກ
(GMT+08:00) 2010-12-29 18:08:45 cri
ວັນທີ 28 ທັນວານີ້,ກຳປັ່ນບັນທຸກຍົນສູ້ຮົບພະລັງນິວເຄຼຍທີ່ມີຊື່ວ່າ:"ໂລນານ ເຣແກນ"ຂອງອາເມລິກາໄດ້ເດີນທາງໄປຮອດເຂດມະຫາສະຫມຸດປາຊີຟິກຕາເວັນຕົກ,ນີ້ແມ່ນກ່ຳປັ່ນບັນທຸກຍົນສູ້ຮົບລຳທີສອງທີ່ໄປເຕົ້າໂຮມກັນ ຫຼັງຈາກທີ່ ອາເມລິກາໄດ້ສົ່ງກຳປັ່ນບັນທຸກຍົນສູ້ຮົບທີ່ມີຊື່ວ່າ "ຄານ ວິນເຊີນ"ໄປປະຈຳຢູ່ເຂດອາຊີປາຊີຟິກ, ບວກກັບກ່ຳປັ່ນບັນທຸກຍົນສູ້ຮົບທີ່ມີຊື່ວ່າ:"ຈອນ ວໍຊິງຕັນ" ຍັງລາດຕະເວນຢູ່ໃກ້ກັບທະເລຍີ່ປຸ່ນແລະແຫຼມເກົາຫຼີໃນກ່ອນຫນ້ານີ້,ເຂດທະເລອາຊີປາຊີຟິກອາດຈະມີສະພາບທີ່ກຳປັ່ນບັນທຸກຍົນສູ້ຮົບສາມລຳ ຂອງອາເມລິກາເຕົ້າໂຮມກັນຢູ່ແຫ່ງດຽວກັນ. ການກະທຳດັ່ງກ່າວຂອງອາເມລິກາຈະເຮັດໃຫ້ປະຊາຄົມໂລກເປັນຫ່ວງນຳຫຼາຍຕໍ່ພາກພື້ນນີ້ ໂດຍສະເພາະແມ່ນສະຖານະການຂອງແຫຼມເກົາຫຼີທີ່ນັບມື້ນັບເຄັ່ງຕຶງຂຶ້ນ.
ສື່ມວນຊົນບາງແຫ່ງວິຈານວ່າ,ການກະທຳດັ່ງກ່າວຂອງອາເມລິກາອາດຈະແນໃສ່ຈີນ.ກ່ຽວກັບເລື່ອງນີ້,ທ່ານສາດສະ ດາຈານຈິ່ນຊ້ານຢົງ,ຮອງຫົວຫນ້າສະຖາບັນການພົວພັນລະຫວ່າງຊາດຂອງມະຫາວິທະຍາໄລປະຊາຊົນຈີນກ່າວວ່າ, ການທີ່ກ່ຳປັ່ນບັນທຸກຍົນສູ້ຮົບຂອງອາເມລິກາສາມລຳເຕົ້າໂຮມກັນຢູ່ພາກພື້ນອາຊີປາຊີຟິກໃນເວລາດຽວກັນ ພຽງແຕ່ເປັນການສັບປ່ຽນກັນຕາມປົກກະຕິເທົ່ານັ້ນ,ບໍ່ກ່ຽວຂ້ອງກັບຈີນ.ທ່ານກ່າວວ່າ
"ການກະທຳນີ້ຍັງແມ່ນການສັບປ່ຽນກັນຕາມປົກກະຕິ,ເພາະວ່າ ກ່ຳປັ່ນບັນທຸກຍົນສູ້ຮົບທີ່ຊື່ວ່າ"ຈອນ ວໍຊິງຕັນ"ໄດ້ດຳເນີນການຊ້ອມຮົບທາງການທະຫານ ຕ່າງໆໃນໄລຍະມໍ່ໆມານີ້,ຊຶ່ງຕ້ອງໃຫ້ພັກຜ່ອນປັບປຸງໃນໄລຍະຫນຶ່ງ.ສະນັ້ນ, ຈຸດປະສົງຕົ້ນຕໍທີ່ກ່ຳປັ່ນບັນທຸກຍົນສູ້ຮົບທີ່ຊື່ວ່າ"ຄານ ວິນເຊິນ"ມາຢູ່ແຫ່ງນີ້ນັ້ນແມ່ນເພື່ອມາເຂົ້າແທນກ່ຳປັ່ນບັນທຸກຍົນສູ້ລົບທີ່ຊື່ວ່າ"ຈອນວໍຊິງຕັນ". ສ່ວນທ່າກ່ຳປັ່ນບັນທຸກຍົນສູ້ຮົບທີ່ຊື່ວ່າ "ໂຣນານ ເຣແກນ"ຢູ່ນະຄອນຊັງຕີອາໂກຂອງແອສປາຍ,ກ່ຳປັ່ນລຳນີ້ກໍ່ໄດ້ລາດຕະເວນຢູ່ເຂດຕາເວັນອອກກາງມາໄດ້ດົນສົມຄວນແລ້ວ, ແລະກໍ່ຕ້ອງພັກຜ່ອນປັບປຸງເຊັ່ນກັນ. ນີ້ແມ່ນການສັບປ່ຽນກັນຕາມປົກກະຕິ. ແຕ່ຖ້າຢາກເວົ້າວ່າກ່ຳປັ່ນລຳນີ້ມີລັກສະນະແນໃສ່ໃດຫນຶ່ງແລ້ວ,ຂ້າພະເຈົ້າກໍ່ຄິດວ່າ ແມ່ນແນໃສ່ ສ.ປ.ປເກົາຫຼີຫຼາຍກວ່າ." ບາງສື່ມວນຊົນຕາເວັນຕົກລາຍງານວ່າ,ອີງຕາມປະສົບການແລະຂໍ້ມູນຂອງສົງຄາມທີ່ເກີດຂຶ້ນຢູ່ພາກພື້ນໃນເມື່ອກ່ອນ, ຖ້າມີກ່ຳປັ່ນບັນທຸກຍົນສູ້ຮົບສາມລຳເຕົ້າໂຮມກັນຢູ່ແຫ່ງດຽວກັນເປັນເຄື່ອງຫມາຍສະແດງໃຫ້ເຫັນວ່າພາກພື້ນນີ້ອາດຈະເກີດສົງຄາມ.ດ້ວຍເຫດນີ້,ບັນຫາທີ່ແຫຼມເກົາຫຼີຈະເກີດສົງຄາມຫຼືບໍ່ນັ້ນ ໄດ້ກາຍເປັນຈຸດສຸມທີ່ສື່ມວນຊົນຕາເວັນຕົກເປັນຫ່ວງນຳຫຼາຍ.ກ່ຽວກັບເລື່ອງນີ້,ທ່ານສາດສະດາຈານຈິ່ນຊ້ານຢົງເຫັນວ່າ:
"ຕາມປົກກະຕິແລ້ວເຫັນວ່າ ການເກີດສົງຄາມຍັງມີຄວາມອາດເປັນໄປໄດ້ຫນ້ອຍທີ່ສຸດ,ເມື່ອສັງເກດຈາກຜົນປະໂຫຍດຂອງຝ່າຍຕ່າງໆແລ້ວເຫັນວ່າ,ຝ່າຍໃດກໍ່ບໍ່ຫວັງຢາກໃຫ້ເກີດສົງຄາມ.ແຕ່ວ່າ,ການເກີດສົງຄາມກໍ່ແມ່ນເລື່ອງທີ່ຂາດຄວາມຢັ້ງຄິດ. ສະນັ້ນ,ກ່ຳປັ່ນບັນທຸກຍົນສູ້ຮົບຂອງອາເມລິກາທີ່ໄປຮອດຢູ່ພາກພື້ນນີ້ໃນປະຈຸບັນ ຈະເປັນການໄພຂົ່ມຂູ່ຕໍ່ສ.ປ.ປເກົາຫຼີໃນລະດັບໃດຫນຶ່ງໃນດ້ານນອກຕົວ,ຊຶ່ງຈະຫຼຸດຜ່ອນຄວາມອາດເປັນໄປໄດ້ທີ່ຈະເກີດການປະທະກັນຢູ່ແຫຼມເກົາຫຼີໃນລະດັບໃດຫນຶ່ງ. ສະຫຼຸບແລ້ວ,ເມື່ອເບິ່ງຈາກເບື້ອງຂອງອາເມລິກາ,ປະເທດນີ້ບໍ່ຫວັງຢາກໃຫ້ເກີດສົງຄາມຢູ່ແຫຼມເກົາຫຼີ,ແຕ່ວ່າໃນຖານະທີ່ເປັນປະເທດມະຫາອຳນາດອັນດັບທີຫນຶ່ງໃນໂລກທີ່ອາເມລິກາຄິດເອງແລະເປັນກຳລັງນຳຫນ້າຂອງພາກພື້ນ,ອາເມລິກາຕ້ອງຂົ່ມຂູ່ກ່ອນ,ນີ້ແມ່ນມາດຕະ ການທີ່ຄວບຄຸມສົງຄາມ."ໃນໄລຍະມໍ່ໆມານີ້, ສະຖານະການແຫຼມເກົາຫລີສັບສົນຫລາຍ. ແຕ່ສາສະດາຈານຈິ່ນຊ້ານຢົງເຫັນວ່າ, ການກະທຳຂອງທຸກຝ່າຍໃນປັດຈຸບັນນີ້ອາດຈະບໍ່ເຮັດໃຫ້ເກີດການປະທະກັນຂະຫນາດໃຫຍ່. ທ່ານກ່າວວ່າ:"ດຽວນີ້, ຂ້າພະເຈົ້າຄິດວ່າສະຖານະການທີ່ສັບສົນແບບນີ້, ຈະມີແຕ່ໄລຍະໃດຫນຶ່ງເທົ່ານັ້ນ. ເຖິງແມ່ນວ່າ, ປະຊາຊົນສ.ເກົາຫລີຮູ້ສຶກຄຽດແຄ້ນຫລາຍຕໍ່ເຫດການເກາະຢຽງພຽງແລະຕໍ່ສປປ.ເກົາຫລີ. ລັດຖະບານລີມິງບັກກໍຢາກສວຍໃຊ້ອາລົມຄຽດແຄ້ນນີ້ເພື່ອຜົນປະໂຫຍດດ້ານອື່ນ, ສະນັ້ນ, ສະຖານະການອາດຈະເຄັ່ງຕຶງຊົ່ວຄາວເທົ່ານັ້ນ. ຍ້ອນວ່າສປປ.ເກົາຫລີໃຈເຢັນສົມຄວນ,ຄວາມເຄັ່ງຕຶງກໍຈະຄ່ອຍໆຫາຍໄປ. ຂໍແຕ່ວ່າຈີນແລະອາເມລິກາຕັດສິນໃຈບໍ່ເຂົ້າຮ່ວມສົງຄາມ, ຂ້າພະເຈົ້າເຫັນວ່າ, ບໍ່ມີຄວາມອາດເປັນໄປໄດ້ທີ່ຈະກາຍເປັນສົງຄາມຮອບດ້ານໃນພາກພື້ນນັ້ນ."
