ການຂົນສົ່ງຜູ້ໂດຍສານໃນຍາມບຸນກຸດຈີນໄດ້ເລີ່ມຕົ້ນໃນວັນທີ19ມັງກອນນີ້ຢ່າງເປັນທາງການແລ້ວ, ໃນ40ວັນຄືແຕ່ວັນທີ19ມັງກອນນີ້ຫາວັນທີ27ເດືອນກຸມພາໜ້າ, ຈີນຈະຂົນສົ່ງຜູ້ໂດຍສານປະມານ300ລ້ານເທື່ອຄົນຜ່ານທາງລົບໄຟ,ທາງຫລວງ,ທາງນໍ້າແລະທາງອາກາດ,ນີ້ແມ່ນບໍ່ສາມາດແຍກອອກຈາກການເພີ່ມທະວີການສ້າງສາຄວາມສາມາດດ້ານການຄົມມະນາຄົມຂົນສົ່ງຂອງລັດຖະບານຈີນໃນ5ປີຜ່ານມາ.
ໃນ5ປີທີ່ຜ່ານມາ, ຄວາມສາມາດຮັບປະກັນຂອງພື້ນຖານໂຄງລ່າງຄົມມະນາຄົມຈີນໄດ້ເພີ່ມຂຶ້ນຢ່າງເດັ່ນຊັດ,ລະດັບບໍລິການດ້ານຄົມມະນາຄົມໄດ້ຍົກສູງຂຶ້ນຢ່າງຊັດເຈນ,ນີ້ໄດ້ປະກອບສ່ວນເຂົ້າໃນການເພີ່ມທະວີກໍາລັງແຫ່ງຊາດ.ໃນເວລໃຫ້ສໍາພາດຕໍ່ນັກຂ່າວ,ທ່ານເວີ່ງເມີ້ງຢົງ, ລັດຖະມົນຕີຊ່ວຍວ່າການກະຊວງຄົມມະນາຄົມແລະຂົນສົ່ງຈີນກ່າວວ່າ, ໃນ5ປີຕໍ່ໜ້າ, ຈີນຈະສືບຕໍ່ເພີ່ມທະວີການສ້າງສາຄວາມສາມາດດ້ານຄົມມະນາຄົມຂົນສົ່ງ,ເພື່ອຮັບປະກັນເສດຖະກິດແຫ່ງຊາດຈີນພັດທະນາຢ່າງໝັ້ນທ່ຽງແລະປອດໃສ. ຕໍ່ໄປ, ເຊີນຟັງເນື້ອໃນລະອຽດ.
ຕົວເລກສະຖິຕິສະແດງໃຫ້ເຫັນວ່າ, ໃນໄລຍະປະຕິບັດ "ແຜນການພັດທະນາເສດຖະກິດສັງຄົມ5ປີຄັ້ງທີ11",ກໍ່ຄື5ປີທີ່ຜ່ານມາ,ຄວາມຍາວຂອງຕໍາໜ່າງທາງຫລວງຂອງຈີນໄດ້ເພີ່ມຂຶ້ນ6ແສນ3ໝື່ນ9ພັນກິໂລແມັດ.ທາງດ່ວນທີ່ສ້າງໃໝ່ເພີ່ມຂຶ້ນ3ໝື່ນ3ພັນກິໂລແມັດ,ທ່າກໍ່າປັ່ນແຄມທະເລໄດ້ສ້າງບ່ອນຈອດກໍ່າປັ່ນນໍ້າເລິກ661ບ່ອນ,ສະໜາມບິນພົນລະເຮືອນມີ176ແຫ່ງ,ສ້າງໃໝ່35ແຫ່ງໃນ5ປີທີ່ຜ່ານມາ.
ທ່ານເວີງເມີງຢົງ, ລັດຖະມົນຕີຊ່ວຍວ່າການກະຊວງຄົມມະນາຄົມແລະຂົນສົ່ງຂອງຈີນໃຫ້ສຳພາດຕໍ່ນັກຂ່າວວ່າ, ໃນໄລຍະ5ປີຜ່ານມາ, ປະລິມານຄົມມະນາຄົມການຂົນສົ່ງໃນທົ່ວປະເທດໄດ້ເພີ່ມຂຶ້ນຢ່າງວ່ອງໄວ, ປະສິດທິພາບການຂົນສົ່ງໄດ້ຍົກສູງຂຶ້ນຢ່າງຫຼວງຫຼາຍ, ການບໍລິການກໍ່ຍົກສູງຂຶ້ນຢ່າງເດັ່ນຊັດ.
"ໃນໄລຍະແຜນການເສດຖະກິດສັງຄົມ 5 ປີຄັ້ງທີ 11, ປະລິມານການຂົນສົ່ງຜູ້ໂດຍສານແລະສິນຄ້າຕາມທາງຫຼວງແລະປະລິມານການຂົນສົ່ງສິນຄ້າທາງນ້ຳລ້ວນແຕ່ໄດ້ເພີ່ມຂຶ້ນຫຼາຍກວ່າ 10%; ປະລິມານສິນຄ້າທີ່ສົ່ງເຂົ້າອອກທ່າກ່ຳປັ່ນເປັນອັນດັບໜຶ່ງໃນໂລກ 7 ປີລຽນຕິດ; ປະລິມານການຂົນສົ່ງສາທາລະນະໃນຕົວເມືອງໄດ້ບັນລຸ 87 ຕື້ຄົນ; ລົດເມໃນຊົນນະບົດທົ່ວປະເທດມີເຖິງ 8 ໝື່ນ 5 ພັນຖ້ຽວ; ປະລິມານການຂົນສົ່ງຜູ້ໂດຍສານແລະສິນຄ້າທາງການບິນໄດ້ເພີ່ມຂຶ້ນ 1 ເທົ່າເມື່ອທຽບກັບ 5 ປີກ່ອນ, ຍອດປະລິມານການຂົນສົ່ງເປັນທີ 2 ໃນໂລກ. ວຽກງານດ້ານໄປສະນີໄດ້ສຳເລັດ 197 ຕື້ 500 ລ້ານຢວນ, ປະລິມານການສົ່ງເມດ່ວນຫຼາຍກວ່າ 10 ລ້ານອັນຕໍ່ມື້."
ທ່ານເວີ່ງເມີ້ງຢົງກ່າວວ່າ, ໃນໄລຍະແຜນການພັດທະນາເສດຖະກິດສັງຄົມ 5 ປີຄັ້ງທີ 12, ຈີນຈະຕັ້ງໜ້າຊຸກຍູ້ການກໍ່ສ້າງລະບົບຂົນສົ່ງໂດຍລວມຕື່ມອີກ, ເລັ່ງລັດພັດທະນາຂະແໜງການຄົມມະນາຄົມຂົນສົ່ງທີ່ທັນສະໄໝ, ຮັບປະກັນໃຫ້ໂຄງການສຳຄັນທີ່ພວມສ້າງແລະຈະສືບຕໍ່ສ້າງຂອງຈີນໃຫ້ສຳເລັດຕາມແຜນການແລະສາມາດຕອບສະໜອງຄວາມຕ້ອງການພາຍໃນທີ່ເພີ່ມຂຶ້ນໃຫ້ແກ່ສັງຄົມຢ່າງມີປະສິດທິຜົນ, ປັບປຸງຕາໜ່າງພື້ນຖານໂຄງລ່າງດ້ານຄົມມະນາຄົມຂົນສົ່ງແຫ່ງຊາດໃຫ້ຄົບຖ້ວນສົມບູນ.
"ຊຸກຍູ້ການປະດິດສ້າງເຕັກນິກວິທະຍາສາດແລະການສ້າງສາຫັນເປັນຂໍ້ມູນຂ່າວສານ,ລົງເລິກປະຕິບັດຍຸດທະສາດທີ່"ເພີ່ມທະວີການສ້າງຄວາມສາມາດດ້ານການຂົນສົ່ງຄົມມະນາຄົມດ້ວຍເຕັກນິກວິທະຍາສາດ",ຮອດໄລຍະທ້າຍຂອງແຜນການພັດທະນາເສດຖະກິດສັງຄົມ5ປີຄັ້ງທີ12,ເຮັດໃຫ້ອັດຕາປະກອບສ່ວນຂອງເຕັກນິກວິທະຍາສາດເຂົ້າໃນການຄົມມະນາຄົມຂົນສົ່ງບັນລຸເຖິງ55%.ຊຸກຍູ້ໃຫ້ການບໍລິການສາທາລະນະອັນພື້ນຖານກວ້າງຂວາງອອກຢ່າງສະໝ່ຳສະເໝີ,ປະຕິບັດຍຸດທະສາດທີ່"ພັດທະນາລະບົບຂົນສົ່ງສາທາລະນະ"ກ່ອນໝູ່,ເພີ່ມທະວີການຄຸ້ມຄອງຕໍ່ຕະຫຼາດລົດແທັກຊີໃຫ້ມີລະບຽບແບບແຜນ.ເມື່ອຮອດໄລຍະທ້າຍຂອງແຜນການພັດທະນາເສດຖະກິດສັງຄົມ5ປີຄັ້ງທີ12,ຈະເຮັດໃຫ້ການເກັບຄ່າເທິງທາງດ່ວນໃນທົ່ວປະເທດໂດຍບໍ່ຕ້ອງຈອດລົດນັ້ນສະເລ່ຍແລ້ວກວມ60%,ສ້າງທາງສະເພາະໃຫ້ລົດເມແລ່ນໃນຕົວເມືອງໃຫ້ສຳເລັດ1ໝື່ນກິໂລແມັດ,ແລະຮັກສາໃຫ້ອັດຕາການບິນເປັນປົກກະຕິຂອງເຮືອບິນພົນລະເຮືອນສູງກວ່າ80%."
ທ່ານເວີ່ງເມີ້ງຢົງຍັງກ່າວວ່າ,ເມື່ອການຄົມມະນາຄົມຂົນສົ່ງຂອງຈີນໄດ້ພັດທະນາຢ່າງວ່ອງໄວເປັນເວລາ10ປີແລ້ວ,ການກໍ່ສ້າງພື້ນຖານໂຄງລ່າງດ້ານຄົມມະນາຄົມຂອງຈີນໄດ້ຮັບຜົນສຳເລັດຢ່າງໃຫຍ່ຫຼວງ,ສະພາບການຈໍລະຈອນຕິດຂັດໄດ້ຜ່ອນຄາຍລົງໂດຍລວມ,ເຊິ່ງບໍ່ໄດ້ເປັນອຸປະສັກກີດຂວາງການພັດທະນາອີກແລ້ວ.ຮອດປີ2015,ຈີນຈະສ້າງຕັ້ງລະ ບົບຄົມມະນາຄົມຂົນສົ່ງທີ່ລວມທັງທາງຫຼວງ,ທາງນ້ຳ,ການບິນພົນລະເຮືອນແລະໄປສະນີທີ່ປອດໄພ,ສະດວກແລະບໍ່ທຳລາຍສິ່ງແວດລ້ອມທຳມະຊາດ.
