ການໂຄສະນາພາບພົດຂອງຈີນຊ່ວຍປ່ຽນແປງຄວາມເຂົ້າໃຈຂອງຄົນຕ່າງປະເທດ
(GMT+08:00) 2011-01-26 16:53:32 cri
ຕາມຂ່າວCRI:ວັນທີ17ມັງກອນນີ້, ວິດີໂອໂຄສະນາພາບພົດຂອງຈີນ-ພາກທີ່ກ່ຽວກັບຄົນຈີນທີ່ຖ່າຍທຳໂດຍຫ້ອງການຖະແຫຼງຂ່າວຂອງລັດຖະບານຈີນໄດ້ເລີ່ມອອກສາຍຢູ່ເທິງຈໍໃຫຍ່ເອເລັກໂຕຼນິກທີ່ຕິດຕັ້ງຢູ່ສະໜາມຫຼວງແທັມສ໌ແຄວທີ່ນິວຢອກອາເມລິກາ.ວິດີໂອຕອນນີ້ໄດ້ແນະນຳບຸກຄົນທີ່ມີຊື່ສຽງ ຂອງຈີນ59ຄົນ,ເຊິ່ງສະແດງໃຫ້ຄົນທີ່ຍ່າງໄປມາຢູ່ສະໜາມຫຼວງແຫ່ງນີ້ໄດ້ຮູ້ໄດ້ເຫັນ.
ວິດີໂອອັນສັ້ນໆພາກນີ້ມີຫົວຂໍ້ວ່າ ພາບພົດແຫ່ງຊາດຈີນ-ພາກທີ່ກ່ຽວກັບຄົນຈີນຍາວ60ວິນາທີ,ແບ່ງເປັນຫຼາຍຕອນ,ເປັນຕົ້ນວ່າ"ປະຊາຊົນຈີນ","ຄວາມຮັ່ງມີຂອງຈີນ","ສິລະປະຂອງຈີນ"ແລະ"ນັກປາດຂອງຈີນ",ໄດ້ແນະນຳ59ຄົນທີ່ມາຈາກແຫ່ງຕ່າງໆແລະຂົງເຂດຕ່າງໆຂອງຈີນ.ໃນວິດີໂອ,ເຖິງວ່າຈະໄດ້ເຫັນແຕ່ລະຄົນພຽງແຕ່1ວິນາທີທໍ່ນັ້ນ,ແຕ່ພາບ ພົດຂອງທັງ59ຄົນນີ້ລ້ວນແຕ່ສະແດງໃຫ້ເຫັນພາກພູມໃຈຂອງຄົນຈີນໃນຍຸກປະຈຸບັນ.
ເລີ່ມແຕ່ວັນທີ18ມັງກອນນີ້ເວລານິວຢອກ,ວິດີໂອດັ່ງກ່າວກໍ່ເລີ່ມອອກສາຍແຕ່6ໂມງຫາ2ໂມງຂອງເຊົ້າມື້ໃໝ່,ສາຍມື້ລະ300ເທື່ອ,ແລະເມື່ອຮອດວັນທີ14ກຸມພາທີ່ເປັນມື້ໝົດໂຄສະນາໄດ້ສາຍທັງໝົດລວມມີ8400ເທື່ອ.ກ່ຽວກັບຜົນງານຂອງການໂຄສະນາວິດີໂອຕອນ ນີ້ເປັນແນວໃດນັ້ນ,ເຊີນຟັງລາຍລະອຽດທີ່ສົ່ງມາຈາກນິວຢອກຂອງນັກຂ່າວວິທະຍຸCRI.
ສະໜາມຫຼວງແທຼມສ໌ແຄວຖືກເອີ້ນເປັນ"ທາງສີ່ແຍກຂອງໂລກ",ແຕ່ລະມື້,ມີຄົນຈຳນວນຫຼວງຫຼາຍທີ່ມາຈາກອາເມລິກາແລະແຫ່ງຕ່າງໆຂອງໂລກໄປມາຢູ່ແຫ່ງນີ້.ໜຶ່ງອາທິດກ່ອນ,ວິດີໂອໂຄສະນາພາບພົດແຫ່ງຊາດຈີນເລີ່ມສາຍຢູ່ເທິງຈໍເອເລັກໂຕຼນິກ6ແຜ່ນທີ່ຕັ້ງ ຢູ່ໃຈກາງສະໜາມຫຼວງແຫ່ງນີ້,ໄດ້ດຶງດູດຄົນຈຳນວນຫຼວງຫຼາຍພາກັນຢືນເບິ່ງ.
ນາງຊີນວາແລະເພື່ອນສອງຄົນມາຈາກເຢຍລະມັນ,ພວກເຂົາເຈົ້າໄດ້ຖ່າຍຮູບຢູ່ສະໜາມຫຼວງແທມສ໌ແຄວເພື່ອເປັນທີ່ລະລຶກ.ເຂົາເຈົ້າລ້ວນແຕ່ກ່າວວ່າ,ມີຄວາມຮັບຮູ້ຕໍ່ຈີນໜ້ອຍທີ່ສຸດ.ນາງຊີນວາເຫັນວ່າ,ວິດີໂອຕອນນີ້ຈະຊ່ວຍປ່ຽນແປງຄວາມເຂົ້າໃຈຂອງຄົນຕ່າງປະເທດປ່ຽນແປງຄວາມປະທັບໃຈທີ່ມີຕໍ່ຈີນ.
ດີຫຼາຍ! ຍ້ອນວ່າຫຼາຍຄົນອາດເວົ້າໄດ້ວ່າບໍ່ເຂົ້າໃຈຈີນເລີຍ, ຕໍ່ຄວາມງາມຂອງຈີນຮູ້ໜ້ອຍທີ່ສຸດ, ສະນັ້ນຂ້ອຍຮູ້ສຶກວ່າສາຍວິດີໂອແບບນີ້ດີຫຼາຍ!"
ພາຍຫຼັງສາຍວິດີໂອໂຄສະນາພາບພົດແຫ່ງຊາດຈີນຢູ່ສະໜາມຫຼວງນິວຢວກທາມສ໌ແຄວແລ້ວ, ໃນຂະນະທີ່ໄດ້ຮັບການຍ້ອງຍໍຈາກຄົນທັງຫຼາຍນັ້ນ, ກໍ່ມີບາງຄົນຕຳນິວິທີຖ່າຍທຳຂອງວິດີໂອນີ້, ເຫັນວ່າການໃຊ້ບຸກຄົນທີ່ມີຊື່ສຽງມາໂຄສະນາຈີນແມ່ນຍາກທີ່ຈະໄດ້ຮັບຜົນດີ, ເພາະວ່າຄົນເຫຼົ່ານີ້ບໍ່ສາມາດຕາງໜ້າສາມັນຊົນອັນໄພສານຂອງຈີນ. ຕໍ່ຄວາມເຫັນນີ້, ນາງອັນເດຼຍຂອງລັດຈໍເຈຍອາເມລິກາມີຄວາມເຫັນທີ່ຕ່າງກັນ. ນາງເວົ້າວ່າ:
"ຂ້ອຍຄິດວ່າຄົນທີ່ມີຊື່ສຽງສາມາດເຮັດໃຫ້ຄົນທັງຫຼາຍສົນໃຈນຳຫົວຂໍ້ໃດໜຶ່ງ, ເຮັດໃຫ້ຄົນຄິດຢາກໄປບ່ອນໃດບ່ອນໜຶ່ງ. ຢູ່ແຫ່ງນີ້ຫຼືວ່າຢູ່ແຫ່ງອື່ນຈະມີກໍລະນີຄ້າຍຄືກັນ, ໃນວິດີໂອໂຄສະນາແມ່ນຖືຄົນທີ່ມີຊື່ສຽງເປັນຫຼັກ, ສະນັ້ນຂ້ອຍເຫັນວ່າໃຫ້ຄົນທີ່ມີຊື່ສຽງໄດ້ເປັນຜູ້ສະແດງໃນວິດີໂອກ່ຽວກັບພາບພົດຂອງຈີນນັ້ນບໍ່ມີຫຍັງທີ່ບໍ່ເໝາະສົມ."
ເຖິງວ່ານາງອັນເດຼຍເຊື່ອວ່າຄົນທີ່ມີຊື່ສຽງສາມາດດຶງດູດສາຍຕາຂອງຜູ້ຊົມຫຼາຍກວ່າເກົ່າກໍ່ຕາມ, ແຕ່ເວົ້າສຳລັບປະຊາຊົນອາເມລິກາແລະນັກທ່ອງທ່ຽວຂອງປະເທດອື່ນທີ່ບໍ່ມີຄວາມເຂົ້າໃຈຕໍ່ຈີນຈົນວ່າບໍ່ຮູ້ຈັກຈີນນັ້ນແລ້ວ, ຄົນທີ່ມີຊື່ສຽງຂອງຈີນເຫຼົ່ານີ້ກໍ່ເປັນພຽງແຕ່ສາມັນຊົນເທົ່ານັ້ນ.
ເຖິງວ່າວິດີໂອໂຄສະນາພາບພົດຂອງຈີນນີ້ບໍ່ສາມາດປ່ຽນແປງຄວາມຄິດທີ່ບໍ່ຖືກຕ້ອງຂອງບາງຄົນທີ່ມີຕໍ່ຈີນກໍ່ຕາມ, ແຕ່ຢ່າງໜ້ອຍກໍ່ສາມາດສ້າງພາບພົດທີ່ດີໄວ້ໃຫ້ຊາວໜຸ່ມທີ່ບໍ່ຮູ້ຈັກຈີນມາກ່ອນ, ໃຫ້ເຂົາເຈົ້າມີຄວາມຄອງຄອຍຢາກໄປທ່ຽວຈີນໄປສຳຜັດຈີນໃນອະນາຄົດ.
