 |
|
|
|||
| |
 |
|
||||||
 |
||
|
||
|
||
|
||
|
||
|
ຕາມຂ່າວCRI: ວັນທີ26ມັງກອນນີ້, ກອງປະຊຸມປະຈຳປີຄັ້ງທີ41ຂອງເວລທີ ປຶກສາ ຫາລືເສດຖະກິດໂລກໄດ້ໄຂຂຶ້ນຢູ່ເມືອງດາວົສຂອງສະວິສ, ຜູ້ນຳໃນຂົງເຂດການເມືອງແລະການຄ້າ2500ກວ່າຄົນທີ່ມາຈາກ100ກວ່າປະເທດແລະເຂດແຄ້ວນໃນໂລກໄດ້ເຕົ້າໂຮມກັນ, ຈະປຶກສາຫາລືກ່ຽວກັບຫົວຂໍ້ຫຼັກທີ່ວ່າ"ຫຼັກມາດຖານຮ່ວມພາຍໃຕ້ສະຖານະການໃໝ່"ໃນ5ມື້ຕໍ່ໜ້ານີ້.
ທ່ານຄຼາວສ ສະແວັບປະທານເວທີປຶກສາຫາລືເສດຖະກິດໂລກກ່າວໃນເວລາແນະ ນຳຫົວຂໍ້ຫຼັກຂອງກອງປະຊຸມປີນີ້ວ່າ, "ຫຼັກມາດຖານຮ່ວມໃນສະຖານະການໃໝ່"ແມ່ນບັນຫາທີ່ທົ່ວໂລກສົນໃຈຫຼາຍທີ່ສຸດໃນປະຈຸບັນນີ້. ໂລກປະຈຸບັນນີ້ໄດ້ມີການປ່ຽນແປງຢ່າງຫຼວງຫຼາຍ, ສຳຄັນທີ່ສຸດແມ່ນຈຸໜັກດ້ານການເມືອງແລະເສດຖະກິດທົ່ວໂລກໄດ້ຫັນຈາກຕາເວັນຕົກໄປສູ່ຕາເວັນອອກ, ຈາກເໜືອໄປຫາໃຕ້. ການຮັບຮູ້ຢ່າງຈະແຈ້ງຕໍ່ສະຖານະການໃໝ່ທີ່ສັບສົນໃນປະຈຸບັນນີ້, ຄົ້ນຄ້ວາຫາລືຫຼັກມາດຖານໃໝ່ທີ່ຮັບມືກັບສິ່ງທ້າທາຍທີ່ຮ່ວມກັນປະເຊີນນີ້ແມ່ນຫົວຂໍ້ສຳຄັນຂອງກອງປະຊຸມໃຫຍ່ຄັ້ງນີ້.
ໃນມື້ທຳອິດຂອງກອງປະຊຸມໃນວັນທີ26ມັງກອນນີ້, ທ່ານດີມິດຼີ ເມັດເວເດັຟປະທານາທິບໍດີຣັດເຊຍກາຍເປັນຈຸດສຸມຂອງກອງປະຊຸມຄັ້ງນີ້. ນີ້ບໍ່ພຽງແຕ່ແມ່ນຍ້ອນວ່າທ່ານດີມິດຼີເມັດເວເດັຟເດີນທາງໄປເມືອງດາວົສເປັນເທື່ອທຳອິດທໍ່ນັ້ນນັບແຕ່ທ່ານດຳລົງຕຳແໜ່ງເປັນປະທານາທິບໍດີມາ, ແຕ່ຍ້ອນວ່າເຫດການລະເບີດທີ່ເກີດຂຶ້ນຢູ່ສະໜາມບິນສາກົນໂດໂມເດໂດໂວໃນວັນທີ24ມັງກອນນີ້ໄດ້ເຮັດໃຫ້ທ່ານເປັນຫ່ວງຫຼາຍ. ທ່ານເມັດເວເດັຟໄດ້ກ່າວຄຳປາໄສດ້ວຍຄວາມເຄັ່ງຂຶມ, ແຕ່ທ່ານກໍ່ກ່າວຢ່າງເດັດຂາດວ່າ, ທ່ານໄປເຂົ້າຮ່ວມກອງປະຊຸມກໍ່ແມ່ນເປັນການຕອບໂຕ້ຄືນຕໍ່ຜູ້ກໍ່ການຮ້າຍ. ທ່ານກ່າວວ່າ, ຜູ້ກໍ່ການຮ້າຍກໍ່ການໂຈມຕີກ່ອນທ່ານຈະເດີນທາງໄປເມືອງດາວົສ, ແມ່ນເພື່ອຢາກສະກັດກັ້ນການເດີນທາງຂອງທ່ານເທື່ອນີ້. ແຕ່ຜູ້ກໍ່ການຮ້າຍບໍ່ບັນລຸເປົ້າໝາຍທີ່ຕັ້ງໄວ້, ທ່ານໄປຮອດເມືອງດາວົສສະແດງໃຫ້ເຫັນວ່າຣັດເຊຍແມ່ນປະເທດທີ່ມີຄວາມຮັບຜິດຊອບ.
ສັງເກດຈາກວາລະປະຊຸມດາວົສປີນີ້, ຄຳວາ"ຈີນ"ໄດ້ຖືກກ່າວເຖິງຫຼາຍກວ່າທຸກປີທີ່ຜ່ານມາ. ກອງປະຊຸມປີນີ້ໄດ້ຈັດເວທີປຶກສາຫາລືສຳລັບຈີນ4ແຫ່ງ, ແມ່ນຫຼາຍທີ່ສຸດໃນປະຫວັດສາດ, ເຊິ່ງມີຫົວຂໍ້ທີ່ວ່າ"ອະນາຄົດຂອງວິສາຫະກິດຈີນ", "ຄວາມເປັນຈິງໃໝ່ຂອງຈີນໃນປະຈຸບັນ"ແລະຫົວຂໍ້ອື່ນໆ.
ສັງເກດຈາກສະພາບການສະໝັກຊື່,ປີນີ້,ຈຳນວນຜູ່ແທນຈີນທີ່ເຂົ້າຮ່ວມເວທີປຶກສາຫາລືເທື່ອນີ້ໄດ້ສ້າງສະຖິຕິສູງສຸດໃນປະຫວັດສາດ,ແມ່ນ5ເທົ່າຂອງ10ປີກ່ອນ,ຜູ່ເຂົ້າຮ່ວມປະຊຸມລວມທັງເຈົ້າໜ້າທີ່ລັດຖະບານ,ຜູ່ນຳວົງການການຄ້າແລະບຸກຄົນທີ່ມີຊື່ສຽງຂອງວົງການວິຊາການຂອງຈີນ.ທ່ານກຼິນຮີວ,ເຈົ້າໜ້າທີ່ວຽກງານການຄ້າຜູ່ທຳອິດຂອງເວທີປຶກສາຫາລືເສດຖະກິດໂລກກ່າວວ່າ,ນີ້ສະແດງໃຫ້ເຫັນວ່າ,ຈີນພວມເສີມຂະຫຍາຍບົດບາດເປັນຜູ່ນຳພາໃນການປຶກສາຫາລືຂອງວົງການເສດຖະກິດແລະວິຊາການຂອງໂລກ.
ໃນການຫາລືກ່ຽວກັບ"ຄວາມເປັນຈິງອັນໃໝ່ຂອງເສດຖະກິດໂລກໃນປະຈຸບັນແມ່ນຫຍັງ" ທີ່ຈັດຂຶ້ນໃນຕອນເຊົ້າວັນທີ26ມັງກອນນີ້,ທ່ານຈູ່ໝິນ,ອະດີດຮອງຜູ່ວ່າການທະນາຄານປະຊາຊົນຈີນ,ທີ່ປຶກສາຂອງຜູ່ອຳນວຍການໃຫຍ່ອົງການກອງທຶນເງິນຕາສາກົນກ່າວວ່າ,ຜົນງານອັນພົ້ນເດັ່ນຂອງບາງປະເທດ,ຄື:ຈີນແລະອິນເດຍເຮັດໃຫ້ອົງກອນເສດຖະກິດທີ່ ຈະເລີນໃໝ່ມີຖານະບົດບາດສູງຂຶ້ນຫຼາຍໃນເສດຖະກິດໂລກ.
ເລີ່ມແຕ່ວັນທີ27ມັງກອນນີ້,ຫົວຂໍ້ຫາລືກ່ຽວກັບຈີນຈະມີຫຼາຍຕໍ່ໄປໃນເວທີປຶກສາຫາລືດາວົສ.ຕອນບ່າຍວັນທີ27ຈະຈັດເວທີປຶກສາຫາລືໃນຫຼາຍຂະແໜງການທີ່ມີຫົວຂໍ້ວ່າ"ຜົນສະ ທ້ອນຂອງຈີນທີ່ມີຕໍ່ການຄ້າແລະການເຕີບໂຕຂອງໂລກ",ຈະຫາລືກ່ຽວກັບຮູບແບບການເຕີບໂຕຂອງການຄ້າຂາອອກແລະການຄ້າຫຼາຍຝ່າຍຂອງຈີນ,ທ່ານປີເຕີ ຊູເຕີແລັນດ໌,ປະທານສະພາມົນຕີຂອງກຸ່ມບໍລິສັດໂກລມານ ຊາຈສ໌ (Goldman Sachs)ຈະເປັນປະທານ,ແລະທ່ານເສິນເຕີມໝີງ,ລັດຖະມົນຕີວ່າການກະຊວງການຄ້າຈີນ,ແລະທ່ານປັສການ ລາມີ,ຜູ່ອຳນວຍການໃຫຍ່ອົງການການຄ້າໂລກຈະເຂົ້າຮ່ວມ.ຍ້ອນວ່າປີ2011ແມ່ນປີທີ10ທີ່ຈີນໄດ້ເປັນສະມາຊິກອົງການການຄ້າໂລກ,ເວທີປຶກສາຫາລືຄັ້ງນີ້ຍັງຈະຈັດງານຫາລືສອງເທື່ອທີ່ມີຫົວຂໍ້ວ່າ"ອະນາຄົດຂອງວິສາຫະກິດຈີນ"ແລະ"ຄວາມເປັນຈິງອັນໃໝ່ຂອງຈີນໃນຍຸກປະຈຸບັນ".ຜູ່ແທນນັກທຸລະກິດແລະຜູ່ຊ່ຽວຊານຂອງຈີນຈະປຶກສາຫາລືກ່ຽວກັບບັນຫາຕ່າງໆ,ຄື:ວິສາຫະກິດຂະໜາດໃຫຍ່ຂອງຈີນຈະແຂ່ງຂັນກັນແນວໃດໃນຕະຫຼາດ ພາຍໃນປະເທດແລະຕະຫຼາດສາກົນ,ພ້ອມດ້ວຍໂລກຈະເຂົ້າໃຈຈີນຍຸກປະຈຸບັນແນວໃດ.
 |
 |
| © China Radio International.CRI. All Rights Reserved. 16A Shijingshan Road, Beijing, China. 100040 |