ຍັງອີກບໍ່ຮອດ1ອາທິດ,ບຸນກຸດຈີນທີ່ເປັນບຸນປະເພນີຂອງຈີນກໍ່ຈະວຽນມາເຖິງ,ຈີນກໍ່ໄດ້ເຂົ້າສູ່ໄລຍະທີ່ມີຜູ່ໂດຍສານເດີນທາງຫຼາຍທີ່ສຸດກ່ອນມື້ບຸນ.ອີງຕາມສະຖິຕິຫຼ້າສຸດຂອງຂະແໜງການຄົມມະນາຄົມຂົນສົ່ງແລະການບິນພົນລະເຮືອນ,ນັບມຮອດວັນທີ27 ມັງກອນນີ້,ທົ່ວປະເທດຈີນໄດ້ໃຫ້ບໍລິການຂົນສົ່ງຜູ່ໂດຍສານ500ລ້ານກວ່າເທື່ອຄົນ.ຫວ່າງມໍ່ໆມານີ້,ພາກໃຕ້ຂອງຈີນມີຝົນຕົກແລະຫິມະຕົກໃນຂົງເຂດກວ້າງຂວາງອີກ,ນີ້ແມ່ນພາກໃຕ້ຂອງຈີນປະສົບສະພາບອາກາດທີ່ບໍ່ດີຄືແນວນີ້ເປັນເທື່ອທີ3ແລ້ວແຕ່ຕົ້ນປີມານີ້.ແນໃສ່ສະພາບ ດິນຟ້າອາກາດທີ່ຮ້າຍແຮງ,ຂະແໜງການຕ່າງໆຄືຄົມມະນາຄົມ,ປ້ອງກັນຄວາມສະຫງົບແລະການບິນພົນລະເຮືອນຂອງຈີນໄດ້ມີການກກຽມພ້ອມເປັນຢ່າງດີ,ເພື່ອຮັບມືກັບການປ່ຽນແປງຂອງດິນຟ້າອາກາດ,ຮັບປະກັນໃຫ້ຜູ່ໂດຍສານສາມາດກັບເມືອບ້ານຢ່າງສະດວກໃນອາກາດທີ່ບໍ່ດີຄືຫິມະຕົກແຮງຝົນຕົກລົງມາກາຍເປັນນ້ຳກ້າມແລະອື່ນໆ.ຕໍ່ໄປເຊີນຟັງລາຍລະອຽດ:
ການຂົນສົ່ງໃນໄລຍະບຸນກຸດຈີນປີນີ້ເລີ່ມແຕ່ວັນທີ19 ມັງກອນນີ້,ຈະສິ້ນສຸດລົງໃນວັນທີ27 ກຸມພາໜ້ານີ້,ຄາດວ່າຈະຂົນສົ່ງຜູ່ໂດຍສານ2ຕື້850ລ້ານຄົນ.ໃນ1ອາທິດກ່ອນວັນທີ2 ກຸມພາ ທີ່ເປັນມື້ສົ່ງທ້າຍປີເກົ່າແມ່ນໄລຍະທີ່ຈະມີຜູ່ໂດຍສານຫຼາຍທີ່ສຸດ,ແລະໃນໄລຍະນີ້ກໍ່ແມ່ນໄລຍະທີ່ມີຈີນມັກຫິມະຕົກແລະຝົນຕົກກາຍເປັນນ້ຳກ້າມເລື້ອຍໆ.ຂະແໜງການຕ່າງໆຂອງຈີນໄດ້ເພີ່ມທະວີການຈັດວາງແລະຄຸ້ມຄອງ,ປ້ອງກັນບໍ່ໃຫ້ເກີດອຸປະຕິເຫດຕາມທ້ອງຖະໝົນຍ້ອນຫິມະຕົກຄ້າງຢູ່ຖະໜົ ນຫຼວງມີນ້ຳກ້າມແລະການເບິ່ງເຫັນບໍ່ຈະແຈ້ງ,ເພື່ອຮັບປະກັນໃຫ້ການຂົນສົ່ງໃນໄລຍະບຸນກຸດຈີນມີຄວາມປອດໄພແລະສະດວກ.
ທ່ານຫວງໝິງ ລັດຖະມົນຕີຊ່ວຍວ່າການກະຊວງປ້ອງກັນຄວາມສະຫງົບຈີນກ່າວວ່າ,ກະຊວງປ້ອງກັນຄວາມສະຫງົບຈີນໄດ້ສົ່ງສັນຍານໄພ5ເທື່ອກ່ຽວກັບສະພາບທີ່ຈະກະທົບເຖິງການຄົມມະນາຄົມແລະໄດ້ຊີ້ນ້ຳໃນການຄຸ້ມຄອງຄົມມະນາຄົມໃນເວລາທີ່ບໍ່ດີແລະຕາມທາງທີ່ລົດລາຄັບຄາກັນຫຫຼາຍນັ້ນໃຫ້ແບ່ງກັນແລ່ນອອກໄປທາງອື່ນ.
ໃນຫລາຍມື້ມານີ້, ຢູ່ເຂດພາກຕາເວັນອອກແລະພາກໃຕ້ຂອງຈີນໄດ້ມີຫິມະຕົກຫລືຝົນຕົກແຮງແລະກາຍເປັນນ້ຳກ້າມຢ່າງຫນັກຫນ່ວງ,ເຮັດໃຫ້ຜູ່ໂດຍສານຢ່າງຫລວງຫລາຍຫັນໄປໃຊບໍລິການທາງລົດໄຟ.ເພື່ອແກ້ໄຂສະພາບອາກາດທີ່ບໍ່ດີແລະມີປະລິມານຜູ່ໂດຍສານເພີ່ມຫລາຍຂຶ້ນຢ່າງກະທັນຫັນ, ທ່ານຫວາງຈື້ກົວ,ລັດຖະມົນຕີຊ່ວຍວ່າການກະຊວງທາງລົດໄຟຈີນກ່າວວ່າ, ພາກສ່ວນທາງລົດໄຟໄດ້ມີແຜນການຮັບມືກັບກໍລະນີສຸກເສີນແລ້ວ,ຖ້າເກີດສະພາບທີ່ມີຫິມະຕົກແຮງຈົນປົກຫຸ້ມທາງລົດໄຟແລ້ວ,ກໍ່ຈະໃຊ້ມາດຕະການແກ້ໄຂຢ່າງທັນການ.ທ່ານເວົ້າວ່າ:
ພວກເຮົາຈະປັດກວາດຫິມະແລະນ້ຳກ້າມທີ່ປົກຫຸ້ມຢູ່ເທິງອຸປະກອນສະ ຫນອງໄຟຟ້າແລະເຄື່ອງສົ່ງສັນຍານ,ຮັບປະກັນໃຫ້ລົດໄຟແລ່ນລົດໄດ້ຢ່າງສະ ດວກແລະປອດໄພ.ຍັງຈະເພີ່ມລົດໄຟຫລາຍຂະບວນແລະເພີ່ມຕູ້ລົດໄຟໃຫ້ຫລາຍຂຶ້ນອີກ,ໃນຫລາຍມື້ມານີ້, ໄດ້ເພີ່ມລົດໄຟຂຶ້ນອີກ 680 ຂະບວນ,ເພື່ອຂົນສົ່ງຜູ່ໂດຍສານທີ່ຕິດຄ້າງຢູ່ເຂດມີຫິມະຕົກ,ຝົນຕົກແຮງແລະກາຍເປັນນ້ຳກ້າມ. ພວກເຮົາໄດ້ມີການກຽມພ້ອມເປັນຢ່າງດີຢູ່ຕາມສະຖານີລົດໄຟ,ໃນນັ້ນລວມທັງການໃຫ້ບໍລິການດ້ານນ້ຳກິນນ້ຳໃຊ້,ອາຫານແລະຢາປິ່ນປົວພະຍາດຈຳນວນຫນຶ່ງ,ເພື່ອຕອບສະຫນອງແລະຮັບປະກັນໃຫ້ຜູ່ໂດຍສານມີນ້ຳກິນນຳໃຊ້,ອາຫານການກິນແລະມີອາຍອຸ່ນຢ່າງພຽງພໍ.
ອາກາດນທີ່ບໍ່ດີໃນໄລຍະ ບຸນກຸດຈີນກໍ່ໄດ້ກະທົບເຖິງການ ບິນພົນລະເຮືອນຢ່າງຮຸນແຮງຄືກັນ.ທ່ານເຊ້ຍຊິ່ງຫວາ,ຮອງຫົວຫນ້າກົມການບິນພົນລະເຮືອນຈີນກ່າວວ່າ, ພາຍຫລັງໄດ້ເລີ່ມຕົ້ນການຂົນສົ່ງໃນຍາມບຸນກຸດຈີນແລ້ວ, ບາງເຂດແຂວງກຳແພງນະຄອນທີ່ຢູ່ພາກຕາເວັນອອກແລະພາກກາງຂອງຈີນມີຫິມະຕົກແຮງຫລາຍມື້ລຽນຕິດ,ພະນັກງານໃນຂະແຫນງການການບິນພົນລະເຮືອນ,ທາງບໍລິສັດການບິນແລະສະຫນາມບິນເຊິ່ງລວມ ທັງພາກສ່ວນທີ່ຄຸ້ມຄອງບໍລິຫານ ທາງອາກາດນັ້ນໄດ້ຮ່ວມມືກັນແກ້ໄຂບັນຫາທີ່ເກີດຂຶ້ນຍ້ອນສະພາບອາກາດທີ່ບໍ່ດີ.ທ່ານກ່າວວ່າ:
ຢູ່ສະຫນາມບິນໄດ້ປະກອບມີອຸປະກອບປັດກວາດຫິມະແລະນ້ຳກ້າມຢ່າງ ຄົບຊຸດ,ແລະໄດ້ຖອດຖອນເອົາບົດຮຽນແລະວິທີໃນການຮັບມືກັບສະພາບອາກາດທີ່ມິຫິມະຕົກແລະຝົນຕົກຈົນກາຍເປັນນ້ຳກ້າມ.ຢູ່ສະຫນາມບິນນະຄອນຫລວງມີລົດກວາດຫິມະ 104 ຄັນ, ລົດເຈາະນ້ຳກ້າມ 49 ຄັນ,ແລະຍັງມີອຸປະກອນອື່ນໆອີກ.ຖ້າວ່າຢູ່ເຂດພາກເຫນືອຂອງຈີນເກີດມີໄພຫິມະ ແລະຝົນຕົກລົງກາຍເປັນນ້ຳກ້າມແລ້ວ, ຂ້າພະເຈົ້າເຊື່ອວ່າໃຊ້ອຸປະກອນເຫລົ່ານີ້ຈະສາມາດຜ່ານຜ່າອຸປະສັກຄວາມຫຍຸ້ງ ຍາກແລະຮັບປະກັນໃຫ້ຖ້ຽວບິນຕ່າງໆເປັນປົກກະຕິໄດ້.
