ກອງປະຊຸມປະຈຳປີຂອງເວທີປຶກສາຫາລືເສດຖະກິດໂລກຄັ້ງທີ 41 ທີ່ຈັດຂຶ້ນຢູ່ເມືອງດາວົສທີ່ສວິສໄດ້ອັດລົງໃນວັນທີ 30 ມັງກອນນີ້. ໃນຍາມກອງປະຊຸມທີ່ດຳເນີນເປັນເວລາ 5 ວັນ,ບຸກຄົນສຳຄັນທາງການເມືອງຂອງປະເທດຕ່າງໆ, ຜູ່ນຳທີ່ສາມາດວົງການວິສາຫະກິດ, ນັກເສດຖະສາດ 2500 ກວ່າທ່ານທີ່ຮ່ວມປະຊຸມໄດ້ຫາລືກັນຢ່າງກວ້າງຂວາງຕໍ່ສະຖານະການເສດຖະກິດໂລກພາຍໃຕ້ສະຖານະການໃໝ່. ພ້ອມກັນນັ້ນ, ເສດຖະກິດຈີນກໍ່ຍັງແມ່ນຈຸດສຸມຂອງກອງປະຊຸມ.
ໃນຖານະທີ່ເປັນເວທີປຶກສາຫາລືສຸດຍອດຂອງວົງການເສດຖະກິດໂລກ, ກອງປະຊຸມປະຈຳປີຂອງເວທີປຶກສາຫາລືເສດຖະກິດໂລກດາວົສຖືກເອີ້ນວ່າເປັນ"ເຄື່ອງຊີ້ທິດ"ຂອງເສດຖະກິດທົ່ວໂລກ. ເມື່ອທຽບກັບຫຼາຍປີທີ່ຜ່ານມາ,ຜູ່ຮ່ວມປະຊຸມເບິ່ງໃນແງ່ດີໂດຍທົ່ວໄປຕໍ່ສະຖານະການເສດຖະກິດຂອງໂລກ. ກ່ອນຈັດກອງປະຊຸມ, Price Waterhouse Coopers ເຊິ່ງເປັນອົງການບັນຊີທີ່ມີຊື່ສຽງໃນສາກົນໄດ້ປະກາດບົດລາຍງານສະບັບໜຶ່ງສະແດງໃຫ້ເຫັນວ່າ, ຜູ່ຖືກສອບຖາມ 90%ເຫັນວ່າ ໃນໜຶ່ງປີຂ້າງໜ້ານີ້, ເສດຖະກິດຂອງພາກພື້ນອາຊີ-ປາຊິຟິກຈະຮັກສາທ່າອຽງເພິ່ມຂຶ້ນ, ສ່ວນຈີນແມ່ນ"ຜູ່ນຳພາການເຕີບໂຕທີ່"ສຳຄັນທີ່ສຸດ. ເວທີປຶກສາເສດຖະກິດໂລກໄດ້ຕັ້ງຫົວຂໍ້ໃຫ້ກອງປະຊຸມປະຈຳປີນີ້ແມ່ນ"ຫຼັກມາດຖານຮ່ວມພາຍໃຕ້ສະຖານະການໃໝ່", ຄຳວ່າສະຖານະການໃໝ່ກໍ່ຄືສະຖານະຖານໃໝ່ດ້ານເສດຖະກິດໂລກທີ່ຄ່ອຍໆຈໍ່ຕົວຂຶ້ນຫຼັງຈາກວິກິດການ. ພົນງານທີ່ພົ້ນເດັ່ນຂອງຈີນໃນວິກິດການເສດຖະກິດ ເຮັດໃຫ້ໂລກເຊື່ອໝັ້ນວ່າເສດຖະກິດຈີນຈະເພິ່ມຂຶ້ນຢ່າງຕໍ່ເນື່ອງ, ສ່ວນຜົນງານຂອງອິນເດຍ,ອາຊຽນ ແລະ ພາກພື້ນອາຊີ-ປາຊິຟິກກໍ່ກາຍເປັນຈຸດພົ້ນເດັ່ນໃນເສດຖະກິດໂລກ. ໃນກອງປະຊຸມປະຈຳປີນີ້, ງານປຶກສາຫາລືຫົວຂໍ້ສະເພາະກ່ຽວກັບຈີນເຂົ້າເປັນສະມາຊິກອົງການການຄ້າໂລກຄົບຮອບ 10ປີ ທີ່ມີຊື່ວ່າ"ຜົນສະທ້ອນຂອງຈີນຕໍ່ການຄ້າ ແລະ ການເຕີບໂຕຂອງໂລກ", ຄຳປາໄສພິເສດຂອງທ່ານ ດີມີຕຣີ ເມັດເວເດັຟ ປະທານາທິບໍດີຣັດເຊຍ, ການໂຄສະນາພາບພົດຂອງອິນເດຍທີ່ເຫັນໄດ້ຢູ່ທົ່ວທຸກບ່ອນຂອງດາວົສ ແລະ ງານລາຕີຂະໜາດໃຫຍ່ທີ່ມີຊື່ວ່າ"ຄ່ຳຄືນແຫ່ງ ອິນເດຍ"ກໍ່ໄດ້ຮັບຄວາມສົນໃຈຈາກຜູ່ຮ່ວມປະຊຸມຕ່າງໆ.
ກອງປະຊຸມດາວົສປະຈຳປີຂອງທຸກປີຈະປະເມີນເສດຖະກິດໂລກຂອງປີນັ້ນ,ປີນີ້,ໄດ້ມີການຄາດຄະເນທີ່ເຫັນໄປໃນແງ່ດີໂດຍທົ່ວໄປແລ້ວ,ຍັງມີປັດໄຈທີ່ບໍ່ແນ່ນອນຫລາຍຢ່າງໄດ້ກາຍເປັນເງົາມືດທີ່ປົກຄຸມເສດຖະກິດໂລກ,ໃນນັ້ນ, ວິກິດການໜີ້ສິນຂອງເອີລົບແມ່ນຄວາມອັນຕະລາຍທີ່ໃຫຍ່ທີ່ສຸດ.ແຮງກົດດັນດ້ານໄພເງິນເຟີ້ແລະຄວາມສ່ຽງທີ່ພາໃຫ້ເກີດທຶນຮ້ອນໃນອົງກອນເສດຖະກິດທີ່ຈະເລີນໃຫມ່ທີ່ມີຈີນເປັນຕົວແທນນັ້ນກໍ່ອາດຈະນຳເອົາຜົນກະທົບໄປໃຫ້ການຟື້ນຕົວຄືນຂອງເສດຖະກິດໂລກ,ຖ້າວ່າແກ້ໄຂຢ່າງບໍ່ຖືກຕ້ອງເຫມາະສົມ,ກໍ່ອາດຈະເກີດມີບັນຫາທາງສັງຄົມທີ່ຮ້າຍແຮງ.ສະນັ້ນ,ສິ່ງທ້າທາຍທີ່ມີລັກສະນະທົ່ວໂລກບາງຢ່າງເຊັ່ນ:ລາຄາຂອງຜະລິດຕະພັນສິນຄ້າຂະຫນາດໃຫຍ່ສູງຂຶ້ນຈະທ້າທາຍຕໍ່ຄວາມປອດໄພຂອງທັນຍາຫານແລະພະລັງງານ.ເອຢິບເກີດຄວາມວຸ້ນວາຍໃນໄລຍະທີ່ຈັດກອງປະຊຸມ,ບວກກັບສະຖານະການຕຸຍນີຊີການປ່ຽນແປງໃນບໍ່ດົນມານີ້,ຜູ່ຮ່ວມປະຊຸມຫລາຍທ່ານຊີ້ອອກວ່າ, ສະຖານະການການເມືອງທີ່ປັ່ນປ່ວນຈະສ້າງແຮງກົດດັນໃຫ້ແກ່ການຟື້ນຕົວຄືນຂອງເສດຖະກິດໃນພາກພື້ນທີ່ປະເທດເຫລົ່ານີ້ຕັ້ງຢູ່.
ປ້ອງກັນບໍ່ໃຫ້ເສດຖະກິດທົ່ວໂລກຕົກຢູ່ໃນວິກິດການອີກເທື່ອຫນຶ່ງກໍ່ແມ່ນຫົວຂໍ້ສຳຄັນໃນກອງປະຊຸມດາວົສປະຈຳປີນີ້.ໃນກອງປະຊຸມເທື່ອນີ້, ເວທີປຶກສາຫາລືເສດຖະກິດໂລກໄດ້ປະກາດໃຊ້ຕາຫນ່າງຮັບມືກັບຄວາມສ່ຽງ,ເພື່ອຖືເປັນເວທີຊ່ວຍຜູ່ນຳພາໃນທົ່ວໂລກຊອກຮູ້,ກະກຽມແລະຮັບມືກັບຄວາມສ່ຽງອັນໃຫມ່ເປັນຢ່າງດີ.ນອກນີ້, ເພື່ອປ້ອງກັນບໍ່ໃຫ້ເກີດວິກິດການອາຫານທົ່ວໂລກທີ່ເຄີຍເກີດຂຶ້ນໃນປີ 2008 ຜ່ານມາອີກ,ຈະໃຫ້ບໍລິສັດໃຫຍ່ໃນໂລກ 19 ແຫ່ງ,ຮ່ວມກັບລັດຖະບານຕັງຊານີແລະຫວຽດນາມພ້ອມດ້ວຍອົງການຈັດຕັ້ງສາກົນຈຳນວຫນຶ່ງໄດ້ວາງຍຸດທະສາດຄວາມປອດໄພດ້ານອາຫານ,ເພື່ອໃຫ້ທົ່ວໂລກຊຸກຍູ້ການຜະລິດທັນຍາຫານທັງເຮັດໃຫ້ສິ່ງແວດລ້ອມພັດທະນາຢ່າງຕໍ່ເນຶ່ອງ,ແລະຮັບປະກັນຄວາມປອດໄພດ້ານອາຫານ.
ໃນໄລຍະຈັດກອງປະຊຸມ, ການເຈລະຈາຮອບໂດຮາຂອງອົງການການຄ້າໂລກທີ່ບໍ່ໄດ້ຮັບຜົນເປັນເວລາດົນນານນັ້ນກໍ່ກາຍເປັນຫົວຂໍ້ຫາລືທີ່ສຳຄັນ.ຜູ່ຕາງຫນ້າຂອງ 24 ປະເທດສະມາຊິກສຳຄັນຂອງອົງການການຄ້າໂລກໄດ້ຈັດກອງປະຊຸມລະດັບລັດຖະມົນຕີຂະຫນາດນ້ອຍໃນວັນທີ 29, ໃຫ້ຄຳຫມັ້ນສັນຍາວ່າຈະທຸ່ມເທກຳລັງແຮງເພື່ອໃຫ້ການເຈລະຈາຮອບໂດຮາສຳເລັດໃນປີນີ້.
