ເຂດເສດຖະກິດພິເສດຂອງລາວມີຊີວິດຊີວາ
(GMT+08:00) 2011-02-01 13:09:32 cri
ຕາມຂ່າວຈາກໜັງສືພິມເຢິນມິນຢື້ປ້າວ:ທີ່ນີ້ວິທະຍຸສາກົນແຫ່ງປະເທດຈີນ,ທ່ານຜູ່ຟັງທີ່ໂຄລົບ.ປີ2003,ລັດຖະບານລາວໄດ້ຈັດສັນທີ່ດິນ1640ເຮັກຕາຂອງແຂວງຫຼວງນ້ຳທາທີ່ ມີຊາຍແດນຕິດກັບຈີນນັ້ນ,ເຊົ່າໃຫ້ບໍລິສັດຟູຊິ່ງຮົງກົງຈີນເພື່ອພັດທະນາເຂດນັ້ນດ້ວຍຮູບການທີ່ເຊັນສັນຍາພັດທະນາພິເສດ,ມີໄລຍະສຳປະທານ99ປີ.ເຂດນີ້ຖືກຕັ້ງຊື່ເປັນ"ເຂດເສດຖະກິດພິເສດບໍ່ເຕັນແດນຄຳ",ແມ່ນໜຶ່ງໃນບັນດາເຂດເສດຖະກິດພິເສດຂອງລາວທີ່ສ້າງ ຕັ້ງຂຶ້ນກ່ອນໝູ່.ປະຈຸບັນນີ້,ການກໍ່ສ້າງແລະພັດທະນາຍັງຢູ່ໃນໄລຍະເລີ່ມຕົ້ນ,ແລະມີຮູບ ການພັດທະນາອັນພິເສດຂອງຕົນ.
ເຂດເສດຖະກິດພິເສດບໍ່ເຕັນແດນຄຳຕັ້ງຢູ່ແຄມທາງຫຼວງຄຸນມິງບາງກອກຫຼືທາງ R3,ນັກຂ່າວໄດ້ເຫັນວ່າ,ຢູ່ແຄມຖະໜົນສອງເສັ້ນທີ່ສ້າງຂຶ້ນໃໝ່,ມີຮ້ານຄ້າແລະຮ້ານອາ ຫານຈີນຈຳນວນບໍ່ໜ້ອຍ,ບາງຮ້ານໄດ້ເປີດໃຫ້ບໍລິການແລ້ວ,ຍັງມີຕຶກການຄ້າຈຳນວນໜຶ່ງໄດ້ສ້າງສຳເລັດ,ແລະສູນການຄ້າແຫ່ງໜຶ່ງກຳລັງກໍ່ສ້າງຢູ່.ຕຶກຂອງດ່ານກວດຄົນເຂົ້າອອກເມືອງບໍ່ເຕັນສ້າງສຳເລັດແລ້ວ,ປະຈຸບັນນີ້ພວມດຳເນີນການຕົບແຕ່ງພາຍໃນຢູ່,ໂດຍແມ່ນ ການລົງທຶນຂອງບໍລິສັດຟູຊິ່ງ,ດຽວນີ້ຕຶກໄດ້ສ້າງສຳເລັດແລ້ວ,ພວມດຳເນີນການຕົບແຕ່ງ,ຄາດວ່າຈະເປີດໃຫ້ບໍລິການໃນເດືອນເມສາປີນີ້.ຫຼັງຄາຂອງຕຶກຫຼັງນີ້ແມ່ນຮຽນແບບຈອມຂອງຮູບທາດຫຼວງ,ເຊິ່ງເປັນສັນຍາລັກສຳຄັນຂອງລາວ.ນັກຂ່າວຮູ້ສຶກວ່າ,ເສດຖະກິດຂອງແຫ່ງນີ້ມີຊີວິດຊີວາຫຼາຍ.ຢູ່ດ່ານບໍ່ເຕັນ,ມີລົດແລ່ນເຂົ້າໆອອກໆຢູ່ບໍ່ເຊົາ,ຮ້ານຄ້າ,ຮ້ານອາຫານທີ່ຢູ່ແຄມຖະໜົນມີລູກຄ້າຫຼາຍ.ໃນເວລາຊື້ເຄື່ອງຢູ່ຮ້ານຄ້າຂອງເຂດເສດຖະກິດພິເສດແຫ່ງນີ້,ໃຊ້ເງິນກີບຂອງລາວ,ເງິນຢວນຈີນຫຼືວ່າເງິນບາດຂອງໄທກໍ່ໄດ້ໝົດ.
ທ່ານຫວງຢວນສຸຍ,ຜູ່ອຳນວຍການຂອງບໍລິສັດການຄ້າເຂດເສດຖະກິດພິເສດບອກ ນັກຂ່າວວ່າ,ໃນອະນາຄົດ,ທິດພັດທະນາສຳຄັນຂອງເຂດນີ້ແມ່ນສ້າງສູນ4ແຫ່ງ,ຄືໜຶ່ງແມ່ນນຳໃຊ້ທ່າແຮງທີ່ຕັ້ງຂອງເຂດນີ້,ພັດທະນາສູນເກັບເຄື່ອງແລະຈໍລະຈອນສິນຄ້າ;ສອງແມ່ນສ້າງເຂດປອດພາສີ,ຈຳໜ່າຍເຄື່ອງເອເລັກໂຕຼນິກ;ສາມແມ່ນສ້າງລີສອດແລະສູນ ປະຊຸມ;ສີ່ແມ່ນສ້າງສູນຊື້ສິນຄ້າການທ່ອງທ່ຽວ.
ນັບແຕ່ເດືອນກັນຍາ ປີ 2005 ທີ່ເລີ່ມກໍ່ສ້າງເຂດພິເສດເປັນຕົ້ນມາ,ໄດ້ໃຊ້ງົບ 103 ຕື້ໂດລາ.ໄລຍະຕົ້ນໄດ້ສ້າງທັງໝົດ 12ໂຄງການເຊິ່ງລວມທັງພື້ນຖານໂຄງລ່າງ,ອະສັງຫາລິ ມະຊັບ,ຂະແຫນງການປຸງແຕ່ງ,ສາງເກັບເຄື່ອງແລະຈໍລະຈອນສິນຄ້າ,ການຄ້າ,ການເງິນ,ການພະນັນ,ແລະສະຫນາມກ໋ອຟ.ປັດຈຸບັນໄດ້ສ້າງສຳເລັດແລ້ວມີໂຮງແຮມ,ຮ້ານຄ້າຕາມຖະຫນົນ,ຕຶກການຄ້າ,ຄຸ້ມເຮືອນຢູ່,ສູນສາງເກັບເຄື່ອງແລະຈໍລະຈອນສິນຄ້າ,ຮ້ານຂາຍວັດຖຸມີຄ່າແລະໂຮງສິນລະປະ.
ລັດຖະບານລາວສຸດທີ່ເອົາໃຈໃສ່ນຳການພັດທະນາຂອງເຂດພິເສດດັ່ງກ່າວ, ເດືອນຕຸລາ 2010, ໄດ້ເຊັນລັດຖະດຳລັດ,ວາງແຜນຈະສ້າງເຂດເສດຖະກິດພິເສດ 10 ແຫ່ງໃນທົ່ວປະເທດ,ຈະຖອດຖອນເອົາບົດຮຽນຂອງຈີນແລະຫວຽດນາມແລະບວກກັບຈຸດພິເສດຂອງປະເທດຕົນ,ເພື່ອວາງນະໂຍບາຍດ້ານເສດຖະກິດຢູ່ເຂດພິເສດ.ນອກນີ້,ລາວຍັງໄດ້ສ້າງຕັ້ງຄະນະກຳມະການເຂດເສດຖະກິດພິເສດແຫ່ງຊາດຂຶ້ນ,ໂດຍແມ່ນຮອງນາຍົກລັດ ຖະມົນຕີເປັນຫົວຫນ້າຄະນະກຳມະການ,ແລະຍັງມີຫົວໜ້າໃນພາກສ່ວນການລົງທຶນ,ການເງິນ,ປ້ອງກັນຄວາມສະຫງົບ,ວັດທະນະທຳແລະດ່ານພາສີເປັນກຳມະການ.
ອີງຕາມສັນຍາການພັດທະນາ, ລັດຖະບານລາວຈະໃຫ້ນະໂຍບາຍພິເສດຍົກເວັ້ນພາສີແກ່ເຂດເສດຖະກິດພິເສດບໍ່ເຕັນແດນຄຳ,ເກັບແຕ່ຄ່າເຊົາທີ່ດິນເທົ່ານັ້ນ.ລັດຖະບານຍັງໄດ້ສົ່ງຄະນະກຳມະການຄຸ້ມຄອງສອງຄະນະໄປເຂົ້າຮ່ວມການຄຸ້ມຄອງເຂດພິເສດ.ເພື່ອດຶງດູດນັກທຸລະກິດໄປລົງທຶນຢູ່ບ່ອນນັ້ນ,ເຂດພິເສດພວມວາງນະໂຍບາຍບູລິມະສິດ ໃນທຸກດ້ານ.
ຢູ່ເຂດພິເສດ,ນັກຂ່າວຍັງເຫັນວ່າ,ການພັດທະນາເຂດພິເສດໄດ້ນຳເອົາຜົນປະໂຫຍດຢ່າງຫລວງຫລາຍໃຫ້ແກ່ປະຊາຊົນຢູ່ແຫ່ງນັ້ນ.ສຳລັບພໍ່ຄ້າຊາວຂາຍຢູ່ຕາມຖະຫນົນຫົນທາງນັ້ນ,ທາງເຂດພິເສດພຽງແຕ່ເກັບຄ່າທຳຄວາມສະອາດທໍ່ນັ້ນ,ບໍ່ໄດ້ເກັບຄ່າເຊົ່ານຳ.ໃນຮ້ານຂາຍສິນຄ້າແຫ່ງຫນຶ່ງເຂົ້າຂອງຮ້ານຄົນລາວບອກນັກຂ່າວວ່າ, ແຕ່ລະເດືອນ,ເພິ່ນຈະຈ່າຍເງິນຄ່າເຊົ່າຮ້ານ 1000ຢວນຫຼືທໍ່ກັບ 1 ລ້ານ 2 ແສນ2ຫມື່ນກວ່າກີບໃຫ້ເຂດເສດຖະກິດ,ສ່ວນຫຼາຍໄດ້ໃນແຕ່ລະເດືອນກໍ່ມີເຖິງ5000ຢວນຫຼືທໍ່ກັບ6ລ້ານກວ່າກີບ.
