ວັນທີ15ກຸມພານີ້, ຈີນໄດ້ປະກາດຂໍ້ມູນເສດຖະກິດໃນເດືອນມັງກອນແລ້ວນີ້ໂດຍສະແດງໃຫ້ເຫັນວ່າ, ດັດຊະນີລາຄາຜູ້ຊົມໃຊ້ຫຼືCPIໃນເດືອນມັງກອນເພີ່ມຂຶ້ນ4,9%ເມື່ອທຽບໃສ່ໄລຍະດຽວກັນຂອງປີກາຍ. ໃນເວລາໃຫ້ສຳພາດຕໍ່ນັກຂ່າວCRI, ນັກເສດຖະສາດກ່າວວ່າ, ຍ້ອນໄດ້ຮັບຜົນກະທົບຈາກປັດໄຈດ້ານຕະຫຼາດສາກົນແລະພາຍໃນປະເທດ, ໃນປີນີ້ໂດຍສະເພາະແມ່ນຫົກເດືອນຕົ້ນ, ເສດຖະກິດຈີນຍັງຈະປະເຊີນໜ້າກັບຄວາມກົດດັນທີ່ລາຄາສິນຄ້າສູງຂຶ້ນ, ຍັງຕ້ອງການໃຊ້ຫຼາຍວິທີປະສານສົມທົບກັນ, ເພື່ອຫຼຸດຜ່ອນບັນຫາເງິນເຟິ້ທີ່ຄາດຄະເນໄວ້.
ຜູ້ຮັບຜິດຊອບທີ່ກ່ຽວຂ້ອງຂອງກົມສະຖິຕິແຫ່ງຊາດຈີນກ່າວວ່າ, ໃນເດືອນມັງກອນແລ້ວນີ້, ຍ້ອນໄດ້ຮັບຜົນສະທ້ອນຈາກຍາມພັກບຸນກຸດຈີນ, ແລະອຸນຫະພູມຕ່ຳທັງມີຝົນຕົກເປັນນ້ຳກ້າມ, ດັດຊະນີລາຄາຜູ້ບໍລິໂພກເພີ່ມຂຶ້ນ1,0%ເມື່ອທຽບກັບເດືອນທັນວາປີ2010, ແມ່ນເດືອນທີ່ຈັງຫວະCPIເພີ່ມຂຶ້ນເປັນອັນດັບ3ເມື່ອທຽບກັບເດືອນໜຶ່ງທີ່ຜ່ານໄປໃນ1ປີທີ່ຜ່ານມາ, ຄື, ເດືອນກຸມພາປີ2010, CPIເພີ່ມຂຶ້ນ1,2%, ເດືອນພະຈິກ2010, CPIເພີ່ມຂຶ້ນ1,1%.ແຕ່ວ່າ, ຈັງວະເພີ່ມຂຶ້ນຂອງCPIທີ່ສູງເຖິງ4,9%ຍັງຕ່ຳກວ່າການຄາດຄະເນຂອງຕະຫຼາດໃນເມື່ອກ່ອນ, ຄື5,3%.
ຍ້ອນຖືກຜົນສະທ້ອນຂອງຂ່າວນີ້, ຕະຫຼາດຫຸ້ນຂອງຈີນໄດ້ສືບຕໍ່ທ່າອ່ຽງສູງຂຶ້ນໃນມື້ວານນີ້, ໃນເວລາເປີດຕະຫຼາດມື້ນີ້ກໍ່ໄດ້ສູງຂຶ້ນຢ່າງຕໍ່ເນື່ອງ, ສະແດງໃຫ້ເຫັນວ່າ, ຕະຫຼາດມີຄວາມເປັນຫ່ວໜ້ອຍລົງໃນລະດັບໃດໜຶ່ງຕໍ່ສະພາບເສດຖະກິດມະຫາພາກແລະເງິນຝືດ.ທ່ານຈ້າວຊີ່ຈຸ່ນ, ຮອງຫົວໜ້າສະຖາບັນການເງິນແລະການທະນາຄານຂອງມະຫາວິທະຍາໄລປະຊາຊົນຈີນກ່າວວ່າ, ກ່ອນໜ້ານີ້, ພາຍນອກໄດ້ປະເມີນຜົນສະທ້ອນຂອງປັດໄຈດ້ານລະດູການຕໍ່ຕະຫຼາດສູງເກີນໄປ, ແຕ່ເມື່ອສັງເກດໂດຍລວມແລ້ວເຫັນວ່າ, ຄວາມກົດດັນທີ່ເຮັດໃຫ້ລາຄາສິນຄ້າສູງຂຶ້ນຍັງຫຼາຍຢູ່. ທ່ານເວົ້າວ່າ,ໄພແຫ້ງແລ້ງໄດ້ສ້າງຜົນກະທົບຫຼາຍເປັນບໍລິເວນກວ້າງຢູ່ເຂດຜະລິດທັນຍາຫານທີ່ສຳຄັນຢູ່ພາກເໜືອຂອງຈີນ, ປະຈຸບັນ, ພວມເປັນໄລຍະສຳຄັນໃນການດຳເນີນການປູກຝັງລະດູໃບໄມ້ປົ່ງ, ຖ້າວ່າໄພແຫ້ງແລ້ງແກ່ຍາວຕໍ່ໄປ, ຈະມີຜົນກະທົບຫຼາຍສົມຄວນຕໍ່ການຜະລິດທັນຍາຫານລະດູຮ້ອນ. ລາຄາທັນຍາຫານສາກົນຖີບສູງຂຶ້ນຫຼາຍ, ອີງຕາມການຄົ້ນຄວ້າຈຳນວນໜຶ່ງ, ເຫັນວ່າ, ປີນີ້, ການສະໜອງແລະຄວາມຕ້ອງການດ້ານທັນຍາຫານໃນທົ່ວໂລກອາດຈະບໍ່ດຸ່ນດ່ຽງກັນ.ໂດຍສະເພາະບາງປະເທດຈະສືບຕໍ່ຈຳກັດການສົ່ງອອກ, ລາຄາທັນຍາຫານສາກົນຍັງອາດຈະສູງຢູ່, ເຊິ່ງສົ່ງຜົນສະທ້ອນຕໍ່ລາຄາທັນຍາຫານພາຍໃນປະເທດ.
ຂໍ້ມູນທີ່ປະກາດໃນມື້ດຽວກັນ ກໍ່ສະແດງໃຫ້ເຫັນວ່າ ດັດຊະນີລາຄາການຜະລິດຫຼືPPI ລ້ວນແຕ່ເພີ່ມຂຶ້ນເມື່ອທຽບໃສ່ໄລຍະດຽວກັນຂອງປີກາຍແລະຂອງເດືອນທີ່ຜ່ານມາ,ດັດຊະນີຜູ່ບໍລິຫານຈັດຊື້ຫຼືPMIທີ່ເຜີຍແຜ່ໃນກ່ອນຫນ້ານີ້ກໍ່ສະແດງໃຫ້ເຫັນວ່າ,ເສດຖະກິດຈີນຍັງຕົກຢູ່ໃນໄລຍະທີ່ຂະຫຍາຍ ກວ້າງອອກ,ແຕ່ລາຄາຊື້ວັດຖຸດິບກໍ່ສູງຂຶ້ນ,ແລະເຮັດໃຫ້ວິສາຫະກິດຮູ້ສຶກມີຄວາມກົດດັນຫຼາຍກວ່າເກົ່າ. ທ່ານຈ້າວຊີ່ຈຸ່ນເຫັນວ່າ,ປັດໄຈສາກົນແມ່ນເບິ່ງຂ້າມບໍ່ໄດ້.ທ່ານກ່າວວ່າ:
"ຍ້ອນໄດ້ຮັບຜົນກະທົບຈາກການສວຍໂອກາດໃນສາກົນ,ເຊິ່ງມີການພົວພັນກັບການປ່ຽນແປງດ້ານນະໂຍບາຍຂອງອາເມລິກາແລະເອີລົບ,ນະໂຍບາຍຜ່ອນຄາຍເງິນຕາທາງປະລິມານຮອບ 2 ຂອງອາເມລິກາທີ່ພວມ ປະຕິບັດນັ້ນຈະດຳເນີນໄປຮອດເດືອນມິຖຸນາປີນີ້,ນີ້ຫມາຍຄວາມວ່າ ການປ່ອຍເງິນໂດລາໃນຕະ ຫຼາດແຕ່ລະເດືອນຈະເພີ່ມຂຶ້ນຢ່າງຫຼວງຫຼາຍ, ອາດຈະສ້າງປັດໄຈໃຫ້ລາຄາຜະລິດຕະພັນໃຫມ່ຫຼາຍປະເພດແພງຂຶ້ນຕື່ມອີກ,ຕົ້ນທຶນນຳເຂົ້າຈະຖີບສູງຂຶ້ນຕື່ມອີກເຊັ່ນກັນ.ສະພາບດັ່ງກ່າວອາດຈະສົ່ງຜົນກະທົບຕໍ່CPI,ນີ້ກໍ່ແມ່ນສິ່ງທ້າທາຍຮ່ວມກັນທີ່ພວກເຮົາພວມປະເຊີນຢູ່."
ທ່ານຈ້າວຊີ່ຈຸ່ນເຫັນວ່າ,ປີນີ້,ຈີນຄວນຄວບຄຸມເງິນເຟີ້ທີ່ຄາດໄວ້ລ່ວງຫນ້າ,ແລະປະຕິບັດນະໂຍບາຍເງິນຕາທີ່ລະມັດລະວັງຮອບຄອບ,ແລະສົ່ງສັນຍານທີ່ຮັດກຸມເງິນຕາອອກມາ.ນັບແຕ່ປີກາຍນີ້ເປັນຕົ້ນມາ,ທະນາຄານກາງຈີນໄດ້ເພີ່ມອັດຕາຄັງສຳຮອງເງິນຝາກໃຫ້ຫຼາຍຂຶ້ນ 7 ເທື່ອ,ເພີ່ມອັດຕາດອກເບ້ຍ 3 ເທື່ອ,ພາກສ່ວນອື່ນໆກໍ່ໄດ້ປະສານສົມທົບກັບການຜະລິດຢ່າງຫມັ້ນທ່ຽງ,ສະນັ້ນ,ການທີ່ເຮັດໃຫ້ລາຄາສິນຄ້າມີຄວາມຫມັ້ນທ່ຽງນັ້ນມີພື້ນຖານຢູ່ແລ້ວ. ທ່ານກ່າວວ່າ:(ປ່ອຍສຽງ 3)
" ຈີນໄດ້ໃຊ້ມາດຕະການໃນຫຼາຍດ້ານ.ເຖິງວ່າຍັງປະເຊີນກັບຄວາມກົດດັນຢ່າງແຮງກໍຕາມ,ແຕ່ໄດ້ເລີ່ມຮັບມືກັບຄວາມກົດດັນມາເປັນເວລາດົນນານແລ້ວ,ຖ້າຮັບມືກັບສະພາບດັ່ງກ່າວຢ່າງເຫມາະສົມ,ກໍ່ຈະສາມາດຄວບຄຸ້ມໄດ້ເປັນຢ່າງດີ"
