ນັບແຕ່ເດືອນຕຸລາປີກາຍນີ້ເປັນຕົ້ນມາ, ແຂວງຊ່ານຕົ່ງແລະແຂວງເຫີນານທີ່ເປັນເຂດຜະລິດເຂົ້າເບຼທີ່ສຳຄັນຂອງຈີນໄດ້ຝົນຕົກຫນ້ອຍທີ່ສຸດ,ບາງເຂດອື່ນໆກໍ່ໄດ້ພົບກັບໄພແຫ້ງແລ້ງເຊັ່ນກັນ,ແລ້ວເຮັດໃຫ້ການຜະລິດທັນຍາຫານຫຍຸ້ງຍາກຫຼາຍສົມຄວນ,ລາຄາທັນຍາຫານປະເຊີບກັບຄວາມກົດດັນທີ່ສູງຂຶ້ນ,ແລະເຮັດໃຫ້ມີຄວາມຄາດຄະເນໄວ້ລ່ວງຫນ້າຕໍ່ໄພເງິນເຟີ້ສູງຂຶ້ນ. ດ້ວຍເຫດນີ້, ລັດຖະບານຈີນໄດ້ປະກາດໃຊ້ນະໂຍບາຍຊ່ອຍຊູຍູ້ຫນູນກັນ ຕ່າງໆໃນດ້ານການຜະລິດທັນຍາຫານ,ເຊິ່ງລວມທັງ:ເພີ່ມລາຄາຕ່ຳສຸດດ້ານການຮັບຊື້ເຂົ້າເປືອກ,ເພີ່ມການກໍ່ສ້າງພື້ນຖານໂຄງລ່າງເພື່ອຕ້ານໄພແຫ້ງແລ້ງໃຫ້ຫຼາຍກວ່າເກົ່າ,ການເງິນສູນກາງໄດ້ຈັດວາງງົບປະມານອຸດຫນູນໃນການຊື້ກົນຈັກກະເສດ,ເປີດກວ້າງຂອບເຂດອຸດຫນູນການລະບາຍນ້ຳໃສ່ນາເຂົ້າເບຼຜ່ານລະດູຫນາວເພື່ອຕ້ານໄພແຫ້ງແລ້ງແລະອື່ນໆ. ທ່ານເວີ້ຍ ລ້ຽງ,ຜູ່ຊ່ຽວຊານກ່ຽວກັບທັນຍາຫານຂອງຫ້ອງການຄົ້ນຄວ້າເສດ ຖະກິດໂລກຂອງສະຖາບັນຄົ້ນຄວ້າການພົວພັນສາກົນຍຸກປະຈຸບັນຂອງຈີນຊີ້ອອກວ່າ,ນະໂຍບາຍເຫຼົ່ານີ້ມີບົດບາດທີ່ດີຕໍ່ການເຮັດໃຫ້ລາຄາທັນຍາຫານຈີນກໍຄືຂອງໂລກມີຄວາມຫມັ້ນທ່ຽງ.
ທ່ານກ່າວວ່າ: "ລາຄາທັນຍາຫານໃນຕະຫຼາດ ຕົ້ນຕໍແມ່ນຂຶ້ນຢູ່ກັບການຄາດໄວ້ລ່ວງຫນ້າ, ຕົວຢ່າງຄື:ຢູ່ແຫ່ງໃດໄດ້ເກີດໄພທຳມະຊາດ ເຊັ່ນ:ໄພແຫ້ງແລ້ງຫຼືໄພນ້ຳຖ້ວມ. ຖ້າວ່າສະພາບດັ່ງກ່າວໄດ້ຜ່ອນຄາຍລົງໃນລະດັບໃດຫນຶ່ງ,ກໍ່ຈະເຮັດໃຫ້ຫຼຸດຜ່ອນລາຄາທັນຍາຫານທີ່ສູງຂຶ້ນ. ສະນັ້ນ,ຈຸດປະສົງຂອງ ນະໂຍບາຍແລະມາດຕະການຕ່າງໆທີ່ລັດຖະບານຈີນປະກາດໃຊ້ນັ້ນ ດ້ານຫນຶ່ງແມ່ນເພື່ອເຮັດໃຫ້ທັນຍາຫານໄດ້ຮັບຜົນຜະລິດຫຼາຍຂຶ້ນ,ອີກດ້ານຫນຶ່ງກໍ່ມີຜົນດີຕໍ່ການຫຼຸດລາຄາທັນຍາຫານຂອງຈີນງແລະສາກົນໃຫ້ຕ່ຳລົງໃນອະນາຄົດ." ໃນຖານະເປັນປະເທດທີ່ຜະລິດເຂົ້າເບຼຫຼາຍກວ່າຫມູ່ໃນໂລກ,ສະພາບໄພແຫ້ງແລ້ງຢູ່ພາກເຫນືອຂອງຈີນໄດ້ເຮັດໃຫ້ຕະຫຼາດສາກົນເປັນຫ່ວງນຳຫຼາຍ.ອົງການສາກົນທີ່ກ່ຽວຂ້ອງກໍ່ປະກາດເຕືອນໄພໂດຍກ່າວວ່າ,ໄພແຫ້ງແລ້ງຂອງຈີນອາດຈະສົ່ງຜົນກະທົບຕໍ່ຕະຫຼາດທັນຍາຫານຂອງໂລກ.ກ່ຽວກັບເລື່ອງນີ້,ທ່ານເວີ້ຍລ້ຽງຊີ້ອອກວ່າ,ໄພທຳມະຊາດພຽງແຕ່ແມ່ນຂໍ້ອ້າງທີ່ທຶນໄຫຼສາກົນກົ່ງລາຄາທັນຍາຫານໃນປະຈຸບັນເທົ່ານັ້ນ, ແຕ່ເມື່ອສັງເຫດຈາກເມື່ອກ່ອນຫຼືວ່າປະຈຸບັນແລ້ວເຫັນວ່າ,ຈຳນວນທັນຍາຫານຂອງຈີນທີ່ຊື້ຈາກຕ່າງປະເທດແລະສົ່ງອອກໃຫ້ຕ່າງປະເທດລ້ວນແຕ່ມີຫນ້ອຍທີ່ສຸດ,ຈະບໍ່ໄດ້ສ້າງຜົນກະທົບອັນໃຫຍ່ຫຼວງໃຫ້ແກ່ຄວາມຕ້ອງການຂອງຕະຫຼາດທັນຍາຫານຂອງໂລກ.ທີ່ຈິງແລ້ວ,ການເຮັດໃຫ້ລາຄາທັນຍາຫານຂອງໂລກແພງ ຂຶ້ນໃນປະຈຸບັນນັ້ນຕົ້ນຕໍມີປັດໄຈໃນ 3 ດ້ານດັ່ງກ່າວ:
"ອັນທີຫນຶ່ງແມ່ນໄພພິບັດທຳມະຊາດໂລກເກີດຂຶ້ນເລື້ອຍໆ,ເຊິ່ງໄດ້ມີຜົນກະທົບທາງລົບຕໍ່ການຜະລິດແລະສະຫນອງຂອງຕະຫຼາດສາກົນ. ອັນທີສອງແມ່ນຍ້ອນໄດ້ຮັບຜົນກະທົບຈາກວິກິດການການເງິນສາກົນ, ທຶນໄຫຼຈຳນວນຫຼວງຫຼາຍລ້ວນແຕ່ໄດ້ກຳໄລຈາກຕະຫຼາດຜະລິດຕະພັນຫຼາຍປະເພດໃຫມ່ສາກົນທີ່ຖືທັນຍາຫານເປັນຕົວແທນ,ແລ້ວໄດ້ຊຸກຍູ້ໃຫ້ລາຄາທັນຍາຫານຖີບສູງຂຶ້ນ; ອັນທີສາມກໍ່ແມ່ນທັນຍາຫານມີຄວາມອິດສະຫຼະຫຼາຍກວ່າຜະລິດຕະພັນປະເພດອື່ນໆທີ່ສາມາດຊື້ຂາຍ,ຖືທຶນໄຫຼເປັນເຄື່ອງມືຫຼຸດຄວາມສ່ຽງ ສະນັ້ນທັນຍາຫານຈຶ່ງມີການຊື້ຂາຍຫຼາຍ, ແລ້ວກໍ່ເຮັດໃຫ້ລາຄາທັນຍາຫານສູງຂຶ້ນແລ້ວບໍ່ຍອມລົງ." ທີ່ຈິງແລ້ວ,ຈີນໄດ້ເອົາໃຈໃສ່ໃນລະດັບສູງຕໍ່ຄວາມປອດໄພດ້ານອາຫານຕະຫຼອດມາ,ປະຈຸບັນ, ອັດຕາສ່ວນລະຫວ່າງການສະສົມໃນສາງກັບການບໍລິໂພກທັນຍາຫານຂອງຈີນໄດ້ຫຼາຍກວ່າ 40%,ເຊິ່ງສູງກວ່າລະດັບສະເລ່ຍຂອງໂລກຫຼວງຫຼາຍ, ອັດຕາກຸ້ມຕົນເອງຂອງທັນຍາຫານມີເຖິງ 95%,ທ່ານເວີ້ຍລ້ຽງຊີ້ອອກວ່າ: (ປ່ອຍສຽງ3 )"ມາດຕະການຕ່າງໆຂອງລັດຖະບານຈີນໃນການຕ້ານໄພແຫ້ງແລ້ງເພື່ອຄ້ຳປະກັນຜົນຜະລິດທັນຍາຫານ ບໍ່ພຽງແຕ່ຮັບຜິດຊອບປະຊາຊົນຂອງພາຍໃນປະເທດເທົ່ານັ້ນ,ຍັງສະແດງໃຫ້ເຫັນທ່າທີທີ່ມີຄວາມຮັບຜິດຊອບຕໍ່ຕະຫຼາດສາກົນແລະປະຊາຊົນທົ່ວໂລກ,ຈີນແມ່ນປະເທດໃຫຍ່ທີ່ມີປະຊາກອນຫຼາຍກວ່າຫມູ່ໃນໂລກ,ຄືມີ 1 ຕື້ 300 ລ້ານຄົນຕ້ອງມີອາຫານການກິນ,ການທີ່ສາມາດແກ້ໄຂບັນຫາອາຫານການກິນຂອງພາຍໃປນະເທດນັ້ນກໍ່ປະກອບສ່ວນອັນໃຫຍ່ຫຼວງທີ່ສຸດຕໍ່ການຄ້ຳປະກັນດ້ານອາຫານຂອງໂລກ"
