ວັນທີ23ກຸມພານີ້, ທ່ານອະພິສິດເວດຊາຊີວະ, ນາຍົກລັດຖະມົນຕີໄທກ່າວວ່າ, ເຖິງວ່າອິນໂດເນເຊຍຈະສົ່ງນັກສັງເກດການໄປເຂດຊາຍແດນໄທກຳປູເຈຍ, ໄທກໍ່ຈະບໍ່ຖອນທະຫານອອກຈາກເຂດຊາຍແດນ. ນັກວິເຄາະເຫັນວ່າ,ເຖິງວ່າໄທແລະກຳປູເຈຍລ້ວນແຕ່ສະແດງຄວາມເພິ່ງພໍໃຈແລະຮັບເອົາຜົນການໄກ່ເກ່ຍຢຸດຍິງຂອງກອງປະຊຸມບໍ່ເປັນທາງການຂອງລັດຖະມົນຕີການຕ່າງປະເທດອາຊຽນທີ່ຈັດຂຶ້ນໃນວັນທີ 22ກຸມພານີ້, ແຕ່ວ່າສອງປະເທດຢາກກ້າວເຖິງນັ້ນມີຄວາມປອງດອງກັນກ່ຽວກັບຄວາມຂັດແຍ່ງຢູ່ຊາຍແດນຍັງມີການປ່ຽນແປງຫຼາຍ.
ກອງປະຊຸມລັດຖະມົນຕີການຕ່າງປະເທດອາຊຽນໄດ້ອອກຖະແຫຼງການໃນວັນທີ22ກຸມພານີ້ວ່າ, ສະໜັບສະໜູນສັນຍາຢຸດຍິງທີ່ກຳປູເຈຍໄທເຊັນກັນໃນວັນທີ19ກຸມພານີ້, ຍິນດີໃຫ້ສອງຝ່າຍຈັດກອງປະຊຸມຂີດແບ່ງຊາຍແດນສອງປະເທດໂດຍໄວ, ຮຽກຮ້ອງໃຫ້ອິນໂດເນເຊຍຕາງໜ້າອາຊຽນເພື່ອສືບຕໍ່ຊຸກຍູ້ໃຫ້ກຳປູເຈຍແລະໄທແກ້ໄຂການປະທະກັນຍ້ອນຄວາມຂັດແຍ່ງຊາຍແດນດ້ວຍສັນຕິວິທີ. ນັກວິເຄາະເຫັນວ່າ, ກອງປະຊຸມບໍ່ເປັນທາງການຂອງລັດຖະມົນຕີການຕ່າງປະເທດອາຊຽນຄັ້ງນີ້ສາມາດວາງ ແຜນການປະນີປະນອມກັນ, ແມ່ນຍ້ອນກຳປູເຈຍແລະໄທໄດ້ປ່ຽນຫຼັກໝັ້ນອັນແຂງແຮງຂອງໃຜລາວ.
ດ້ານໜຶ່ງ, ທຳອິດກຳປູເຈຍຮຽກຮ້ອງໃຫ້ສະຫະປະຊາຊາດສົ່ງກອງທະຫານຮັກສາສັນຕິພາບໄປປະຈຳຢູ່ເຂດຊາຍແດນສອງປະເທດ, ເພື່ອຮັບປະກັນໃຫ້ສອງຝ່າຍຢຸດຍິງຕະຫຼອດໄປ, ແຕ່ໄທປະຕິເສດບໍ່ໃຫ້ຝ່າຍທີສາມໃດໆເຂົ້າແຊກແລະກ່າວເນັ້ນວ່າຄວນຜ່ານການເຈລະຈາສອງຝ່າຍມາແກ້ໄຂບັນຫາ. ແຕ່ສອງຝ່າຍໄດ້ປະນີປະນອມກັນໃນທີ່ສຸດ, ເຫັນດີໃຫ້ອິນໂດເນເຊຍສົ່ງນັກສັງເກດການໄປຕິດຕາມການຢຸດຍິງ.
ອີກດ້ານໜຶ່ງ, ໃນກອງປະຊຸມລັດຖະມົນຕີການຕ່າງປະເທດຂອງບັນດາປະເທດຕ່າງໆຂອງອາຊຽນບໍ່ໄດ້ຊຸກຍູ້ໃຫ້ກຳປູເຈຍແລະໄທເຊັນສັນຍາຢຸດຍິງຖາວອນຕາມຄວາມປາດຖະໜາຂອງກຳປູເຈຍ, ແຕ່ໄດ້ສະໜັບສະໜູນຄວາມຮັບຮູ້ເປັນເອກະສັນກ່ຽວກັບການຢຸດຍິງທີ່ກຳປູເຈຍແລະໄທຕົກລົງກັນໃນວັນທີ19ກຸມພາ. ນີ້ບໍ່ພຽງແຕ່ໄດ້ສ້າງຄວາມເພິ່ງພໍໃຈໃຫ້ກຳປູເຈຍເທົ່ານັ້ນ,ຍັງເຮັດໃຫ້ຖືກກັບຈຸດປະສົງທີ່ປະຕິເສດເຊັນສັນຍາຢຸດຍິງຖາວອນອີກດ້ວຍ.
ເຖິງວ່າທ່ານອະພິສິດ ເວດຊາຊີວະ ນາຍົກລັດຖະມົນຕີໄທກ່າວເຊື່ອວ່າ,ພາຍຫຼັງກອງປະຊຸມບໍ່ເປັນທາງການຂອງລັດຖະມົນຕີການຕ່າງປະເທດອາຊຽນໄດ້ມີການຕົກລົງຢ່າງເປັນເອກະສັນກັນແລ້ວ,ສະພາບການເຄັ່ງຕຶງຂອງເຂດຊາຍແດນໄທກຳປູເຈຍອາດຈະດີຂຶ້ນ,ແຕ່ນັກວິເຄາະບາງຄົນເປັນຫວ່ງວ່າ,ຂະບວນການປອງດອງກັນຂອງສອງປະເທດຍັງມີການປ່ຽນແປງຫຼາຍ.
ກ່ອນອື່ນ,ຄືດັ່ງຄວາມເວົ້າຂອງທ່ານມາຕີ ນາຕາເລກາວາ ລັດຖະມົນຕີວ່າການກະຊວງການຕ່າງປະເທດອິນໂດເນເຊຍກ່າວວ່າ,ອິນໂດເນເຊຍສົ່ງຜູ່ສັງເກດການໄປສູ່ເຂດຊາຍແດນກຳປູເຈຍໄທບໍ່ແມ່ນເພື່ອເສີມຂະຫຍາຍບົດບາດແລະຮັບຜິດຊອບທີ່ເຂົ້າແທນສອງປະເທດ,ພຽງແຕ່ແມ່ນສະໜອງການຊ່ອຍເຫຼືອແກ່ສອງຝ່າຍເທົ່ານັ້ນ.ສ່ວນການສັງເກດການຈະມີບົດບາດທີ່ສະກັດກັ້ນບໍ່ໃຫ້ກອງທະຫານກຳປູເຈຍໄທເກີດການປະທະກັນອີກຫຼືບໍ່ນັ້ນຍັງເປັນໜ້າສົງໄສ.ຍ້ອນວ່າປັດຈຸບັນສອງຝ່າຍຍັງບໍ່ໄດ້ກ້າວເຖິງຂັ້ນເຊັນສັນຍາຢຸດຍິງຖາວອນ,ສອງປະເທດຍັງຕັ້ງປະເຊີນໜ້າກັນຢູ່ເຂດຊາຍແດນທີ່ມີຄວາມຂັດແຍ່ງກັນ,ກໍບໍ່ຍອມຖອນທະຫານອອກຈາກເຂດນີ້.
ຖັດມາ,ເຖິງວ່າອາຊຽນຮຽກຮ້ອງໃຫ້ກຳປູເຈຍໄທຈັດກອງປະຊຸມຄະນະກຳມະການຊາຍແດນຮ່ວມສອງປະເທດໂດຍໄວ,ແຕ່ລັດຖະບານຂອງອະພິສິດ ເວດຊາຊີວະກຳລັງປະເຊີນກັບຄວາມກົດດັນຈາມການໂຮມຊຸມນຸມຂອງ"ກຸ່ມເສື້ອເຫຼືອງ",ກຳປູເຈຍກໍວາງເງື່ອນໄຂເບື້ອງຕົ້ນຂອງການຈັດກອງປະຊຸມ.ສະນັ້ນ, ກອງປະຊຸມຈະຈັດຂຶ້ນໃນເວລາໃດກໍຍັງບໍ່ແນ່ເທື່ອ.
ນອກນັ້ນ,ໃນຫຼາຍປີມານີ້,ຜູ່ນຳສອງປະເທດໄດ້ກ່າວໂຈມຕີກັນໂດຍຕະຫຼອດ,ການພົວພັນຍັງເຄັ່ງຕຶງຫຼາຍ.ບັນຍາກາດເຄັ່ງຕຶງຄືແນວນີ້ມັກພາໃຫ້ເກີດການປະທະກັນ.ມີແຕ່ປັບປຸງການພົວພັນລະຫວ່າງສອງປະເທດໃຫ້ດີຂຶ້ນຢ່າງແທ້ຈິງ,ເພີ່ມທະວີຄວາມໄວ້ເນື້ອເຊື່ອໃຈເຊິ່ງກັນແລະກັນລະຫວ່າງສອງຝ່າຍ,ແລ້ວຈິ່ງສາມາດສ້າງເງື່ອນໄຂໃກ້ແກ່ການແກ້ໄຂຄວາມຂັດແຍ່ງຊາຍແດນສອງປະເທດໂດຍສັນຕິໃນສຸດທ້າຍ.
