|
|
||
ຫວ່າງມໍ່ໆນີ້, ທະນາຄານຈີນໄດ້ປະກາດແຈ້ງການວ່າ, ນັບມາຮອດທ້າຍປີ2010, ການຊຳລະດ້ວຍເງິນຢວນ ໃນທຸລະກິດຂ້າມຊາດທີ່ຜ່ານການທົດລອງຂອງບາງໂຄງການມີປະມານ 510 ຕື້ຢວນ. ອາຊຽນໃກ້ກັບປະເທດຈີນ, ການຊຳລະບັນຊີດ້ວຍເງິນຢວນໃນທຸລະກິດຂ້າມຊາດມີບົດບາດສຳຄັນຫຼາຍຕໍ່ການຊຸກຍູ້ການໄປມາຫາສູ່ກັນທາງດ້ານການຄ້າ ແລະ ການລົງທຶນລະຫວ່າງຈີນ ກັບ ບັນດາປະເທດອາຊຽນ.
ຄຽງຄູ່ກັບວຽກງານຊຳລະບັນຊີດ້ວຍເງິນຢວນນັບມື້ນັບຫຼາຍຂຶ້ນ, ບັນດາທະນາຄານໄທ ແລະ ທະນາຄານຕ່າງປະເທດຢູ່ໄທໄດ້ພາກັນເຂົ້າຮ່ວມ ແລະ ຊຸກຍູ້ວຽກງານດັ່ງກ່າວ, ທະນາຄານຂອງຈີນຢູ່ໄທຍິງໄດ້ຖືວຽກງານຊຳລະບັນຊີດ້ວຍເງິນຢວນເປັນວຽກງານສຳຄັນຂອງຕົນ.
ໃນເດືອນມັງກອນປີນີ້, ທະນາຄານອຸດສາຫະກຳການຄ້າຈີນສາຂາມະເລເຊຍ ກັບ ທະນາຄານສອງແປ່ງຂອງມະເລເຊຍໄດ້ເຊັນສັນຍາກ່ຽວກັບການຊຳລະບັນຊີດ້ວຍເງິນຢວນ. ນາງມາຣີ ເອວຄາ ເພນເກສຕູ ລັດຖະມົນຕີວ່າການກະຊວງການຄ້າອິນໂດເນເຊຍກ່າວວ່າ, ອິນໂດເນເຊຍພວມພິຈາລະນາໃຫ້ເງິນຣູເປຍອິນໂດເນເຊຍແລກປ່ຽນກັບເງິນຢວນໂດຍກົງ. ນາງຍັງເຜີຍໃຫ້ຮູ້ວ່າ, ທະນາຄານກາງສອງປະເທດໄດ້ເຊັນສັນຍາຂອບກ່ຽວກັບເລື່ອງນີ້ແລ້ວ.
ທ່ານວາງເຈຍຊຽງ ນັກວິເຄາະລະດັບສູງຂອງທະນາຄານຈີນກ່າວວ່າ, ວິກິດການການເງິນສາກົນ2008ໄດ້ເກີດຂຶ້ນສະແດງໃຫ້ເຫັນວ່າ, ລະບົບເງິນຕາສາກົນທີ່ຖືເງິນໂດລາສະຫະລັດເປັນຫຼັກໃນເວລາດົນນານມານີ້ນັ້ນໄດ້ກາຍເປັນປັດໄຈອັນຕະລາຍທີ່ແຝງຊ້ອນຢູ່ທີ່ຈະເຮັດໃຫ້ການເງິນສາກົນປັ່ນປ່ວນ ແລະ ເຮັດໃຫ້ເສດຖະກິດໂລກເສຍຄວາມດຸນດຽງ, ສະນັ້ນລະບົບເງິນຕາສາກົນຕ້ອງດຳເນີນການປະຕິຮູບຢ່າງຮີບດ່ວນ. ດ້ານສຳຄັນຂອງການປະຕິຮູບກໍ່ແມ່ນເພິ່ມສະກູນເງິນຕາໃຫ້ເປັນເງິນຕາສຳຮອງສາກົນ, ສ່ວນເງິນຢວນມີກຳລັງບົ່ມຊ້ອນຫຼາຍທີ່ສຸດທີ່ກາຍເປັນເງິນຕາສຳຮອງສາກົນ.
ແຕ່ພ້ອມກັນນັ້ນ, ທ່ານວາງເຈຍຊຽງກໍ່ຊີ້ອອກວ່າ, ການຫັນເງິນຢວນຈີນໃຫ້ເປັນເງິນຕາສາກົນຕ້ອງຄ່ອຍເປັນຄ່ອຍໄປ, ຍັງຕ້ອງຜ່ານຜ່າອຸປະສັກຫຼາຍຢ່າງ, ຕ້ອງໃຊ້ເວລາ 10 ປີ ຫາ 20 ປີຈິ່ງຈະສຳເລັດ. ເມື່ອທຽບໃສ່ປະຫວັດເງິນປອນອັງກິດ,ໂດລາສະຫະລັດ ແລະ ເອີໂຣຫັນເປັນເງິນຕາສາກົນ, ເງິນຢວນຈີນຫັນເປັນເງິນຕາສາກົນຍັງພວມຢູ່ໃນໄລຍະເລິ່ມຕົ້ນ.
© China Radio International.CRI. All Rights Reserved. 16A Shijingshan Road, Beijing, China. 100040 |