ຕາມຂ່າວCRI:ວັນທີ10ມີນານີ້,ໃນກອງປະຊຸມປະຈຳປີຂອງສະພາຜູ່ແທນປະຊາຊົນແຫ່ງ ຊາດຈີນ,ທ່ານອູປ່າງກົວ,ປະທານຄະນະປະຈຳສະພາຜູ່ແທນປະຊາຊົນແຫ່ງຊາດຈີນ ທີ່ເປັນອົງການນິຕິບັນຍັດສູງສຸດຂອງຈີນກ່າວວ່າ,ເປົ້າໝາຍວຽກງານນິຕິບັນຍັດທີ່ຮອດປີ 2010ໃຫ້ສ້າງລະບົບກົດໝາຍສັງຄົມນິຍົມທີ່ມີສີສັນພິເສດຂອງຈີນນັ້ນໄດ້ສຳເລັດຕາມຄາດໝາຍ.
ວັນທີ10ມີນານີ້,ໃນເວລາຜ່ານບົດລາຍງານວຽກງານຂອງຄະນະປະຈຳສະພາປະຊາຊົນຕໍ່ ກອງປະຊຸມ,ທ່ານອູປ່າງກົວກ່າວວ່າ,ຮອດທ້າຍປີ2010,ຈີນໄດ້ວາງກົດໝາຍທີ່ປະຕິບັດໃນປະຈຸບັນແລະມີສິດບັງຄັບໃຊ້236ສະບັບ,ຂໍ້ກຳນົດດ້ານການບໍລິຫານ690ກວ່າສະບັບ, ແລະຂໍ້ກຳນົດທ້ອງຖິ່ນ8600ກວ່າສະບັບແລ້ວ,ເຮັດໃຫ້ລະບົບກົດໝາຍສັງຄົມນິຍົມທີ່ມີສີ ສັນພິເສດຂອງຈີນໄດ້ເປັນຮູບເປັນຮ່າງຂຶ້ນ,ລະບົບນີ້ແມ່ນເລີ່ມຈາກສະພາບແຫ່ງຊາດແລະສະພາບຕົວຈິງຂອງຈີນ,ສອດຄ່ອງກັບຄວາມຮຽກຮ້ອງຕ້ອງການຂອງການປະຕິຮູບ,ໄຂປະຕູສູ່ພາຍນອກແລະການສ້າງສາສັງຄົມນິຍົມທີ່ທັນສະໄໝ,ໄດ້ສະທ້ອນໃຫ້ເຫັນມາ ນະຈິດຂອງພັກຄອມມູນິດຈີນແລະປະຊາ ຊົນຈີນ,ລະບົບນີ້ຖືລັດຖະທຳມະນູນເປັນການນຳພາ,ຖືກົດໝາຍທີ່ກ່ຽວຂ້ອງຂອງລັດຖະທຳມະນູນ,ກົດໝາຍແພ່ງ,ກົດໝາຍການຄ້າແລະກົດໝາຍອື່ນໆເປັນເນື້ອໃນຕົ້ນຕໍ,ແລະປະກອບດ້ວຍກົດໝາຍ,ຂໍ້ກຳນົດແລະຂໍ້ກຳນົດທ້ອງຖິ່ນເປັນຕົ້ນ.
ທ່ານອູປ່າງກົວຍັງຊີ້ອອກວ່າ,ໃນວຽກງານນິຕິບັນຍັດໃນຕໍ່ໜ້າ,ຄວນຕັ້ງໜ້າຊອກຄົ້ນຊ່ອງທາງແລະຮູບການທີ່ໃຫ້ພົນລະເມືອງເຂົ້າຮ່ວມວຽກງານນິຕິບັນຍັດຢ່າງມີລະບຽບການ,ແລະມີບາດກ້າວໃໝ່ໃນວຽກງານນິຕິບັນຍັດຢ່າງຖືກຫຼັກວິທະຍາສາດແລະນິຕິບັນຍັດຢ່າງມີປະຊາທິປະໄຕ.
