ວັນທີ11ມິນານີ້,ຢູ່ທີ່ປັກກິ່ງ,ທ່ານໂຈ່ວສຽວຊ່ວນ,ຜູ່ວ່າການທະນາຄານປະຊາຊົນຈີນກ່າວວ່າ,ຈີນຍັງຈະຍຶດໝັ້ນຊຸກຍູ້ການປະຕິຮູບອັດຕາແລກປ່ຽນເງິນຕາດ້ວຍວິທີທີ່ຄ່ອຍເປັນຄ່ອຍໄປ,ແລະເພີ່ມຄວາມອ່ອນໂນ້ມຂອງອັດຕາແລກປ່ຽນເງິນຕາ.
ທ່ານໂຈ່ວສຽວຊ່ວນກ່າວວ່າ,ໃນເດືອນທັນວາປີ2010,ກັບເດືອນມັງກອນ,ແລະ ເດືອນກຸມພາປີນີ້,ເຖິງວ່າດັດຊະນີລາຄາຜູ່ຊົມໃຊ້ຫຼືCPIຂອງຈີນຍັງຮັກສາຢູ່ລະດັບສູງກໍ່ ຕາມ,ແຕ່ຄາດໝາຍຕໍ່ໄພເງິນເຟີ້ແມ່ນໝັ້ນທ່ຽງໂດຍທຽບຖານ.ແຕ່ໃດມາ,ຈີນບໍ່ເຄີຍປະຕິເສດຈະນຳໃຊ້ພາຫະນະທຸກຢ່າງມາໂດຍຕະຫຼອດ,ແຕ່ຕ້ອງນຳໃຊ້ຕາມສະພາບການເສດຖະກິດອັນລະອຽດແລະສະພາບເງິນຄ່ອງໃນຕະຫຼາດ.
ທ່ານໂຈ່ວສຽວຊ່ວນກ່າວວ່າ,ຈີນແມ່ນອົງກອນເສດຖະກິດທີ່ໃຫຍ່ຫຼາຍ,ມີປະຊາກອນ ຫຼາຍ,ແລະມີຂະໜາດເສດຖະກິດທີ່ໃຫຍ່.ການປັບປຸງອັດຕາແລກປ່ຽນເງິນຕາເຖິງຈະມີຜົນສະທ້ອນຕໍ່ລາຄາສິນຄ້າພາຍໃນປະເທດຈີນໃນລະດັບໃດໜຶ່ງກໍຕາມ,ແຕ່ຖ້າທຽບກັບເສດຖະກິດແບບໄຂປະຕູຂອງປະເທດນ້ອຍ,ຜົນສະທ້ອນນີ້ບໍ່ແຮງປານໃດ.ຈີນຍັງຈະຍຶດໝັ້ນຊຸກຍູ້ການປະຕິຮູບອັດຕາແລກປ່ຽນເງິນຕາດ້ວຍວິທີຄ່ອຍເປັນຄ່ອຍໄປ,ແລະເພີ່ມຄວາມອ່ອນໂນ້ມຂອງອັດຕາແລກປ່ຽນ.