ຈີນເສີມຂະຫຍາຍບົດບາດສຳຄັນໃນການຮ່ວມມືທີ່ຕິດແທດຕົວຈິງຂອງພາກພື້ນ
(GMT+08:00) 2011-05-31 16:59:22 cri
ສະບາຍດີທ່ານຜູ່ຟັງທີ່ໂຄລົບ,ຍິນດີຕ້ອນຮັບທ່ານເຂົ້າສູ່ລາຍການCRIເຈາະຂ່າວ.ໃນ6ເດືອນຕົ້ນປີນີ້,ການພົວພັນຕ່າງປະເທດກັບອາຊີຂອງຈີນມີການເລີ່ມຕົ້ນທີ່ດີແລະດຳເນີນໄປເປັນຢ່າງດີ.ແຕ່ວັນທີ30ພຶດສະພານີ້ເປັນຕົ້ນໄປ,ພວກເຮົາຈະລາຍງານພິເສດ4ເລື່ອງກ່ຽວກັບການພົວພັນກັບອາຊີຂອງຈີນໃນປີນີ້.ມື້ນີ້ແມ່ນບົດທີ2ທີ່ພາດຫົວເລື່ອງວ່າ"ຈີນເສີມຂະຫຍາຍບົດບາດສຳຄັນໃນການຮ່ວມມືທີ່ຕິດແທດຕົວຈິງຂອງພາກພື້ນ."
ໃນກອງປະຊຸມສະເຫຼີມສະຫຼອງເວທີປຶກສາຫາລືອາຊີໂປອາວສ້າງຕັ້ງຂຶ້ນຄົບຮອບ10ປີ, ທ່ານຫູຈິນທ່າວ,ປະທານປະເທດຈີນໄດ້ວາງຂໍ້ສະເໜີ5ຂໍ້ກ່ຽວກັບການຮ່ວມກັນສ້າງອາຊີທີ່ກົມກຽວກັນ,ຄື:"ໂຄລົບອາລິຍະທຳຫຼາຍຢ່າງ,ຊຸກຍູ້ມິດຕະພາບຖານບ້ານໃກ້ເຮືອນຄຽງທີ່ດີຕໍ່ກັນ";"ຫັນປ່ຽນຮູບການພັດທະນາ,ຊຸກຍູ້ການພັດທະນາຢ່າງຮອບດ້ານ";"ນຳໃຊ້ໂອກາດການພັດທະນາຮ່ວມກັນ,ຮ່ວມກັນຮັບມືກັບການທ້າທາຍຕ່າງໆ";"ຍຶດໝັ້ນຊອກຫາສິ່ງທີ່ຄືກັນສະຫງວນສິ່ງທີ່ຕ່າງກັນ,ຊຸກຍູ້ຄວາມປອດໄພຮ່ວມ";"ສົ່ງເສີມໃຫ້ຕ່າງຝ່າຍຕ່າງມີຜົນປະໂຫຍດ,ລົງເລິກການຮ່ວມມືໃນພາກພື້ນ".ຫາງສຽງສາກົນເຫັນວ່າ,ນີ້ສະແດງໃຫ້ເຫັນວ່າ,ຈີນມີຄວາມປາຖະໜາເຂົ້າຮ່ວມການຊຸກຍູ້ການພັດທະນາຂອງອາຊີຢ່າງເລິກເຊິ່ງກວ່າເກົ່າ,ແບ່ງປັນໂອກາດໃນການພັດທະນາຂອງຈີນກັບປະເທດອື່ນໆ.
ນັບແຕ່ເດືອນເມສາເປັນຕົ້ນມາ,ການນຳສູງຂອງຈີນໄດ້ໄປຢ້ຽມຢາມປະເທດຕ່າງໆຂອງອາຊຽນຕາມໆກັນ.ທ່ານນາຍົກເວີ່ນເຈ່ຍປາວໄປຢ້ຽມຢາມມະເລເຊຍແລະອິນໂດເນເຊຍ,ທ່ານເຈຍຊີ້ງລີນ,ປະທານສະພາປຶກສາການເມືອງແຫ່ງຊາດຈີນໄປຢ້ຽມຢາມມຽນມາ, ທ່ານຊູໄຊໂຮ້,ຮອງປະທານຄະນະກຳມະການການທະຫານສູນກາງໄປຢ້ຽມຢາມມຽນມາ, ແລະທ່ານລຽງກວ່າງເລ້,ລັດຖະມົນຕີວ່າການກະຊວງປ້ອງກັນປະເທດຈີນໄປຢ້ຽມຢາມສິງ ກະໂປ,ອິນໂດເນເຊຍແລະຟິລິບປິນເປັນຕົ້ນ.ທ່ານເຊິນຊ້ຽງຢາງ,ຮອງນັກຄົ້ນຄວ້າຂອງພະ ແນກຄົ້ນຄວ້າການເມືອງຂອງໂລກຂອງສະຖາບັນຄົ້ນຄວ້າການພົວພັນລະຫວ່າງຊາດໃນຍຸກປະຈຸບັນຂອງຈີນກ່າວວ່າ,ກອງປະຊຸມສຸດຍອດອາຊີຕາເວັນອອກ ຫຼືອາຊຽນ+8ທີ່ໄດ້ເພີ່ມສະມາຊິກນັ້ນຈະຈັດຂຶ້ນຢູ່ອິນໂດເນເຊຍໃນລະດູໃບໄມ້ຫຼົ່ນປີນີ້,ຜູ່ນຳຈີນແລະຜູ່ນຳປະເທດອາຊຽນເພີ່ມການແລກປ່ຽນຄວາມເຫັນກ່ອນໜ້ານີ້,ຈະມີຜົນດີຕໍ່ການສ້າງສາຂະບວນ ການຮ່ວມມືອາຊີຕາເວັນອອກ.
ໃນເດືອນພຶດສະພານີ້,ຜູ່ນຳສາມປະເທດຈີນ,ຍີ່ປຸ່ນ,ສ.ເກົາຫຼີຕົກລົງສ້າງຕັ້ງກອງເລຂາການຮ່ວມມືຂອງສາມປະເທດພາຍໃນປີນີ້,ພ້ອມກັນນັ້ນ,ຍັງຕົກລົງຈັດການປຶກສາຫາລືກ່ຽວກັບນະໂຍບາຍອາຊີໃນໄລຍະກອງປະຊຸມປຶກສາຫາລືຂອງເຈົ້າໜ້າທີ່ການຕ່າງປະເທດລະດັບສູງຂອງສາມປະເທດທີ່ຈັດຂຶ້ນປີລະເທື່ອ.ທ່ານກ່າວຮົງ,ຮອງຫົວໜ້າພະແນກ ຄົ້ນຄວ້າຍີ່ປຸ່ນຂອງສະຖາບັນຄົ້ນຄວ້າວິທະຍາສາດສັງຄົມຈີນກ່າວວ່າ,ໃນຖານະເປັນອົງກອນເສດຖະກິດທີ່ສຳຄັນທີ່ສຸດຂອງເຂດອາຊີ,ຈີນ,ຍີ່ປຸ່ນແລະສ.ເກົາຫຼີຮັກສາການຕິດຕໍ່ພົວພັນແລະປະສານງານກັນໃນການວາງນະໂຍບາຍຂອງພາກພື້ນ,ຈະມີຜົນດີຕໍ່ການລົງເລິກການຮ່ວມມືໃນພາກພື້ນ,ແລະຊຸກຍູ້ສັນຕິພາບ,ສະຖຽນລະພາບຂອງພາກພື້ນແຫ່ງນີ້.
ໃນ6ເດືອນທ້າຍປີນີ້,ຈີນຍັງຈະເຂົ້າຮ່ວມກອງປະຊຸມສຸດຍອດອັສຕານາຂອງອົງການຮ່ວມມືຊຽງໄຮ້,ກອງປະຊຸມບໍ່ເປັນທາງການຂອງຜູ່ນຳອົງການຮ່ວມມືດ້ານເສດຖະກິດຂອງອາຊີປາຊິຟິກຫຼືເອເປັກ,ແລະກອງປະຊຸມສຸດຍອດອາຊີຕາເວັນອອກເປັນຕົ້ນ.ພ້ອມກັນນັ້ນ,ຍັງຈະພົບກັບໂອກາດສຳຄັນຕ່າງໆທີ່ຈະວຽນມາເຖິງ,ເປັນຕົ້ນວ່າ:ອົງການຮ່ວມມືຊຽງໄຮ້ສ້າງຕັ້ງຂຶ້ນຄົບຮອບ10ປີແລະຈີນກັບອາຊຽນສ້າງຕັ້ງການພົວພັນຄູ່ເຈລະຈາຄົບຮອບ20ປີ.
