ເວທີປຶກສາຫາລືເສດຖະກິດໂລກສົນໃຈນຳການພັດທະນາແບບຍືນຍົງຂອງເສດຖະກິດອາຊີ
(GMT+08:00) 2011-06-14 16:45:02 cri
ວັນທີ13ມິຖຸ ນານີ້,ກອງປະຊຸມອາຊີຕາເວັນອອກຂອງເວທີປຶກສາຫາລືເສດຖະກິດໂລກຄັ້ງທີ20ທີ່ດຳເນີນເປັນເວລາ2ວັນໄດ້ອັດລົງຢູ່ນະຄອນຫຼວງຈາກາກຕາຂອງອິນໂດເນເຊຍ.ຜູ່ຮ່ວມປະ ຊຸມກ່າວວ່າ,ເຖິງວ່າເສດຖະກິດໂລກພວມມາຮອດ"ເວລາອາຊີ"ກໍ່ຕາມ,ແຕ່ການພັດທະນາແບບຍືນຍົງຂອງເສດຖະກິດອາຊີຍັງປະເຊີນກັບການທ້າທາຍຢ່າງເຄັ່ງຂັດຫຼາຍຢ່າງ.
ທ່ານຊູຊີໂລ ບຳບາງ ຢຸດໂຮໂຢໂນ,ປະທານາທິບໍດີອິນໂດເນເຊຍກ່າວວ່າ,ພາຍຫຼັງໄດ້ເກີດ ວິກິດການການເງິນສາກົນໃນປີ2008ແລ້ວ,ປະເທດອາຊີ,ໂດຍສະເພາະແມ່ນພາກພື້ນອາ ຊີອາຄະເນໄດ້ເສີມຂະຫຍາຍບົດບາດສຳຄັນຕໍ່ການຊຸກຍູ້ການຟື້ນຕົວຂອງເສດຖະກິດໂລກ."ເວລາອາຊີໄດ້ມາເຖິງແລ້ວ",ອາຊີຄວນມີແລະມີຄວາມສາມາດ,ຊັບພະຍາກອນແລະຄວາມໝັ້ນໃຈທີ່ຈະຢືນຢູ່ໃຈກາງໃນເສດຖະກິດໂລກາພິວັດ.
ພ້ອມກັນນັ້ນ,ຜູ່ຮ່ວມປະຊຸມເຫັນໂດຍທົ່ວໄປວ່າ,ໃນອະນາຄົດ,ເສດຖະກິດອາຊີຍັງປະເຊີນກັບຄວາມຫຍຸ້ງຍາກຫຼາຍອັນ.ລາຄາສິນຄ້າລາຍໃຫຍ່ແລະລາຄາແຮງງານສູງຂຶ້ນຢ່າງຫຼວງຫຼາຍ,ໄພເງິນເຟີ້ຮ້າຍແຮງຂຶ້ນ,ທຶນຮ້ອນໄຫຼເຂົ້າໄຫຼອອກ,ນະໂຍບາຍເງິນຕຶງ,ອັດຕາດອກເບ້ຍຖີບສູງຂຶ້ນ,ທັງໝົດເຫຼົ່ານີ້ລ້ວນແຕ່ແມ່ນບັນຫາສຳຄັນທີ່ປະສົບໃນໄລຍະມໍ່ໆມານີ້.
ຜູ່ຮ່ວມປະຊຸມຍັງເປັນຫ່ວງວ່າ,ປະຈຸບັນນີ້,ເສດຖະກິດອາເມລິກາພວມປະເຊີນກັບການຂົ່ມ ຂູ່ຍ້ອນອັດຕາຕົກງານເພີ່ມຂຶ້ນຢ່າງລຽນຕິດ,ເສດຖະກິດເອີລົບຕົກຢູ່ໃນວິກິດການໜີ້ສິນພາກລັດ,ເສດຖະກິດຍີ່ປຸ່ນຍັງຕ້ອງການເວລາຈຶ່ງຟື້ນຕົວໄດ້ເມື່ອໄດ້ປະສົບໄພແຜ່ນດິນໄຫວ,ຄື້ນຊຶນະມິແລະອຸບັດຕິເຫດສານກຳມັນຕະພາບລັງສີຮົ່ວໄຫຼ,ຖ້າວ່າອົງກອນເສດຖະກິດທີ່ພັດທະນາແລ້ວເຫຼົ່ານີ້ຊຸດໂຊມລົງເທື່ອທີສອງ,ສະພາບແວດລ້ອມພາຍນອກຂອງການພັດທະນາເສດຖະກິດອາຊີຈະອ່ອນແອກວ່າເກົ່າ.
ສິ່ງທ້າທາຍອັນໃຫຍ່ຫຼວງອີກຢ່າງໜຶ່ງທີ່ເສດຖະກິດອາຊີປະເຊີນໃນອະນາຄົດແມ່ນການກໍ່ ສ້າງພື້ນຖານໂຄງລ່າງ.ໃນ10ປີຂ້າງໜ້ານີ້,ທຶນກໍ່ສ້າງພື້ນຖານໂຄງລ່າງຕ່າງໆ,ເປັນຕົ້ນວ່າ,ໂຮງໄຟຟ້າ,ຊຸມທາງຄົມມະນາຄົມ,ສິ່ງກໍ່ສ້າງໂທລະຄົມມະນາຄົມແລະລະບົບສະໜອງນ້ຳປະປາຄາດວ່າຈະຫຼາຍກວ່າ8000ຕື້ໂດລາສະຫະລັດ.ອົງກອນເສດຖະກິດທີ່ຈະເລີນໃໝ່ຂອງອາຊີມີແຕ່ຫ້າງຫາແລະນຳໃຊ້ທຶນເຫຼົ່ານີ້ຢ່າງບັງເກີດຜົນແລະສົມເຫດສົມຜົນກວ່າເກົ່າ,ຈຶ່ງສາມາດເຮັດໃຫ້ການກໍ່ສ້າງພື້ນຖານໂຄງລ່າງກາຍເປັນພະລັງແມ່ແຮງດີທີ່ສາ ມາດຊັກນຳເສດຖະກິດໃຫ້ພັດທະນາຢ່າງຕໍ່ເນື່ອງ,ແລະສ້າງພື້ນຖານອັນໜັກແໜ້ນໃຫ້ ການພັດທະນາຂອງອົງກອນເສດຖະກິດທີ່ຈະເລີນໃໝ່ຂອງອາຊີໃນອະນາຄົດ.
