ຕອນຄ່ຳວັນທີ 9 ກໍລະກົດນີ້, ທ່ານໄມ ມູເລັນ, ປະທານສະພາເສນາທິການກອງທັບອາເມລິກາພ້ອມຄະນະ ໄດ້ເດີນທາງມາຮອດນະຄອນຫຼວງປັກກິ່ງ ເພື່ອຢ້ຽມຢາມຈີນ.
ວັນດຽວກັນ, ກະຊວງປ້ອງກັນປະເທດຈີນ ກ່າວວ່າ, ຜູ້ນຳລັດ ແລະ ຜູ້ນຳກອງທັບຈີນ ຈະພົບປະກັບທ່ານມູເລັນ, ທ່ານເສີນປິງເຕີ, ຫົວໜ້າເສນາທິການໃຫຍ່ກອງທັບປົດປ່ອຍປະຊາຊົນຈີນຈະເຈລະຈາກັບທ່ານມູເລັນ, ສອງຝ່າຍຈີນແລະອາເມລິກາຈະແລກປ່ຽນຄຳຄິດຄຳເຫັນຢ່າງເຕັມທີ່ກ່ຽວກັບບັນຫາທີ່ສອງປະເທດສົນໃຈຮ່ວມກັນ ເຊັ່ນ: ການຂະຫຍາຍການພົວພັນລະຫວ່າງສອງກອງທັບຈີນ-ອາເມລິກາ, ສະຖານະການຄວາມປອດໄພໃນສາກົນແລະພາກພື້ນ.
ກ່ອນໜ້ານີ້, ທ່ານຢາງຢີຈຸ່ນ, ໂຄສົກຖະແຫຼງຂ່າວກະຊວງປ້ອງກັນປະເທດຈີນກ່າວວ່າ, ຜູ້ນຳສອງກອງທັບຈີນ-ອາເມລິກາພົບປະກັນເລື້ອຍໆ ເພື່ອຮັກສາການແລກປ່ຽນແລະປະສານງານເຊິ່ງກັນແລະກັນກ່ຽວກັບບັນຫາທີ່ກ່ຽວຂ້ອງໃນການພົວພັນລະຫວ່າງສອງກອງທັບຈີນ-ອາເມລິກາ, ນີ້ຈະມີຜົນດີຕໍ່ການເພີ່ມທະວີຄວາມເຂົ້າໃຈກັນແລະເຊື່ອໝັ້ນເຊິ່ງກັນແລະກັນ, ຮ່ວມກັນຮັກສາທິດທາງອັນຖືກຕ້ອງໃນການຮ່ວມມືແລະການພັດທະນາການພົວພັນລະຫວ່າງສອງປະເທດແລະສອງກອງທັບຈີນ-ອາເມລິກາ.
